ເສດ­ຖະ­ກິດ​ຂອງ​ຈີນ ໄດ້​ປະ­ກອບ­ສ່ວນ​ເປັນ​ອັນ​ດັັບ​ໜຶ່ງ ໃຫ້​ເສດ­ຖະ­ກິດ​ໂລກ

26.09.2019 8:58     

   ວິທະຍຸ​ສາກົນ​ແຫ່ງ​ປະ ເທດ​ຈີນ​ລາຍ​ງານ ສູນ​ຂ່າວ​ກ່ຽວ​ກັບ​ກິດຈະກຳ​ສະເຫຼີມສະຫຼອງ​ວັນ​ສະຖາປະນາ ສປ ຈີນ ຄົບ ຮອບ 70 ປີ ໄດ້​ຈັດ​ກອງປະ ຊຸມ​ຂ່າວ​ຄັ້ງ​ທຳອິດ​ໃນ​ວັນທີ 24 ກັນຍາ​ຜ່ານ​ມາ ​ທີ່​ນະຄອນຫຼວງ​ປັກ​ກິ່ງ. ທ່ານ ​ນິງ ​ຈີ​ເຈີ ຮອງ​ປະທານ​ຄະນະ​ກຳມະ ການ​ພັດ ທະນາ ແລະ ປະຕິຮູບ​ ແຫ່ງ​ຊາດ​ຈີນ ຫົວໜ້າອົງການ ​ສະຖິຕິ​ແຫ່ງ​ຊາດ​ຈີນ​ໄດ້​ເປີດ ເຜີຍ​ວ່າ: ການ​ເຕີບ​ໂຕ​ທາງດ້ານ ​ ເສດຖະກິດ​ຂອງ​ຈີນ​ໄດ້​ປະ ກອບສ່ວນ​ເປັນ​ອັນ​ດັບ​ໜຶ່ງ​ເຮັດ​ໃຫ້​ເສດຖະກິດ​ໂລກ​ເຕີບ​ໂຕ.

   ໃນ​ກອງ​ປະຊຸມຂ່າວທ່ານ ​ນິງ​ຈີ​ເຈີ ແນະນຳ​ໃຫ້​ຮູ້ວ່າ, ຕະ ຫຼອດ​ໄລຍະ 70 ປີມານີ້ການ ​ລົງທຶນ​ໃສ່​ດ້ານ​ຊັບສິນ​ຄົງ​ທີ່ໄດ້​ ສືບຕໍ່​ພັດທະນາຢ່າງວ່ອງໄວ, ອັນ​ໄດ້​ຊຸກຍູ້​ໃຫ້​ກຳລັງ​ການຜະ ລິດ​ກະສິກຳ, ຄຸນນະ​ພາບ​ຂອງ​ອຸ​ປະກອນ​ດ້ານອຸດສາຫະກຳ, ຕາໜ່າງ​ພື້ນຖານ​ໂຄງ​ລ່າງ​ໄດ້​ຖືກ​ຍົກ​ສູງ​ຂຶ້ນ ແລະ ສົມ​ບູນ​ຂຶ້ນ; ວຽກ​ງານ​ສຶກສາ, ວັດທະນະທຳ, ສຸ​ຂະ​ອະນາໄມ, ການ​ກິລາ, ການ​ປະກັນ​ສັງຄົມ, ການ​ຫຼຸດ ຜ່ອນ​ຄວາມທຸກ​ຍາກ ແລະ ການ​ອະນຸລັກ​ສິ່ງແວດລ້ອມ ໄດ້​ຮັບ​ການ​ພັດທະນາ​ຢ່າງ​ຮອບ​ດ້ານ. ຈີນ​ຈາກ​ປະເທດ​ກະສິກຳ​ດັ້ງເດີມ​ກາຍເປັນ​ປະເທດ​ອຸດ ສາຫະກຳ​ທີ່​ທັນ​ສະໄໝ​ຢ່າງ ​ສຳເລັດ​ຜົນ ແລະ ໄດ້​ມີ​ປະ ເພດ​ອຸດສາຫະກຳ​ທັງ​ໝົດ​ທີ່​ຖືກ​ກຳນົດ​ໄວ້​ໃນ​ບັນຊີ​ລາຍ​ຊື່​ປະເພດ​ອຸດສາຫະກຳ​ຂອງ​ອົງການ​ສະຫະ​ປະຊາ​ຊາດ. ທ່ານ​ຊີ້​ໃຫ້​ເຫັນ​ວ່າ, ຈີນ​ຍັງ​ໄດ້​ເສີມ​ຂະຫຍາຍ​ບົດບາດ​ອັນ​ພົ້ນ​ເດັ່ນ​ໃນ​ດ້ານ​ການ​ຮັກສາ​ສັນຕິພາບ​ໂລກ, ປະກອບສ່ວນ​ເຂົ້າ​ໃນ​ການ​ພັດທະນາ​ໂລກ​ກໍ່​ຄື​ປົກ​ປັກ​ຮັກສາ​ລະບຽບ​ການ​ສາ​ກົນ. ​ຊຶ່ງ​ປ​ງັດຈຸ​ບັນ, ຈີນ ແມ່ນ ​ປະເທດ​ທີ່​ໄດ້​ສົ່ງ​ກຳລັງ​ຮັກສາ​ສັນຕິພາບ​ຈຳນວນຫຼາຍ ​ທີ່​ສຸດ​ໃນ​ຈຳນວນ 5 ປະເທດ ສະມາຊິກ​ຖາວອນ​ໃນ​ສະພາ​ ຄວາມ​ໝັ້ນຄົງ ສປຊ; ເປັນປະ ເທດ​ອັນ​ດັບ​ໜຶ່ງ​ທີ່​ໄດ້​ປະກອບ ສ່ວນ​ໃຫ້​ເສດຖະກິດ​ໂລກ​ເຕີບ​ໂຕ. ຂໍ້​ລິ​ເລີ່ມ ໜຶ່ງ​ແລວ​ໜຶ່ງ​ເສັ້ນທາງ ຂອງ​ຈີນ​ໄດ້​ຮັບ​ການ​ສະໜັບສະໜູນ​ຢ່າງ​ຕັ້ງໜ້າ​ຈາກ 160 ກວ່າ​ປະເທດ ແລະ ອົງການ​ຈັດ​ຕັ້ງ​ສາ​ກົນ.