ອີກ 2 ປີ ຮອນ​ດ້າ​ຈະ​ຢຸດ​ການ​ຜະ­ລິດ​ລົດ​ທີ່​ໃຊ້​ນຳ້​ມັນ​ກາ​ຊວນ

26.09.2019 9:00     

   ຂ່າວ​ຕ່າງປະເທດ​ລາຍ​ງານ ວັນ​ທີ 25 ກັນຍາ, ຍີ່​ປຸ່ນຜູ້​ຜະລິດ​ລົດຮອນ​ດ້າ​ຊັ້ນນຳ​ຂອງ​ໂລກ​​ປະກາດ​ວ່າ ຈະ​ຄ່ອຍໆ​ຫຼຸດການ​ ຜະລິດ​ລົດ​ທີ່​ໃຊ້​ນ້ຳມັນ​ກາຊວນ ແລະ ຈະ​ເຊົາ​ຜະລິດ​ລົດ​ປະເພດ​ນີ້ ໃນ​ອີກ 2 ປີ​ຂ້າງ​ໜ້າ ໂດຍ​ບໍລິສັດ​ຫັນ​ໄປ​ໃຫ້​ຄວາມ​ສຳຄັນ​ກັບ​ການ​ຜະລິດ​ລົດ​ທີ່​ໃຊ້​ພະລັງງານ​ໄຟຟ້າ​ແທນ. ການ​ປະກາດ​ແຜນ​ນີ້ຂອງ ​ຮອນ​ດ້າ (Honda) ເປັນ​ສ່ວນ ​ໜຶ່ງ​ຂອງ​ການ​ກະກຽມ​ໃຫ້​ລົດ​ທັງ​ໝົດ​ຂອງ​ບໍລິສັດ​ທີ່​ຈຳ​​ໜ່າຍ​ໃນ​ເອີ​ຣົບ​ເປັນ​ລົດ​ທີ່​ໃຊ້​ພະລັງງານ​ໄຟຟ້າ​ພາຍ​ໃນ 6 ປີ. ນອກ ຈາກ ​ນີ້, ຮອນ​ດ້າ ຍັງ​ໄດ້​ປັບແຜນ ການຜະລິດ​ລົດ​ຂອງ​ຕົນ​ໃຫ້​ ສອດຄ່ອງ​ກັບ​ກົດ​ລະບຽບ​ສາ ກົນ​ທີ່​ເພີ່ມ​ຄວາມ​ເຂັ້ມ​ງວດ​ເລື່ອງ​ການ​ຫຼຸດຜ່ອນ​ມົນ​ລະ​ພິດ​ທາງ​ອາ​ກາດ.

   ບໍລິສັດ ຮອນ​ດ້າ ມີ​ແຜນ ການ​ໄລຍະ​ຍາວ​ທີ່​ຈະ​ເຮັດ​ໃຫ້​ລົດ​ທີ່​ໃຊ້​ພະລັງງານ​ໄຟຟ້າ​ມີ​ຍອດ​ຂາຍ​ປະມານ​ສອງ​ສ່ວນ​ສາມ​ຂອງ​ລົດ​ທີ່​ຈະ​ຜະລິດ​ພາຍ​ໃນ​ປີ 2030. ປັດຈຸບັນ, ລົດ​ພະລັງງານ​ໄຟຟ້າ​ຂອງ​ບໍລິສັດ​ມີ​ອັດຕາ​ສ່ວນ​ພຽງ​ແຕ່ 10% ຂອງ​ລົດ​ທັງ​ໝົດ​ທີ່ ຮອນ​ດ້າ ຜະ​ລິດ.