ຫວຽດ­ນາມ ປະ­ກາດ​ໃຊ້​ນະ­ໂຍ­ບາຍ​ການ​ປະ­ຕິ­ວັດອຸດ­ສາ­ຫະ­ກຳ ຄັ້ງ​ທີ 4

01.10.2019 9:12     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ທ້​າຍ​ເດືອນ​ກັນຍາ​ຜ່ານ​ມາ, ທ່ານ ຫ​ງວຽນ​ຝູ​ຈ້ອງ ເລຂາທິການ​ໃຫຍ່​ພັກ​ກອມ​ມູ​ນິດ​ຫວຽດນາມ ໄດ້ປະ ກາດ​ໃຊ້​ມະຕິ​ກ່ຽວ​ກັບ​ບາງແຜນ ​ນະໂຍບາຍ, ນະໂຍບາຍ​ເປັນ ​ເຈົ້າ​ການ​ເຂົ້າ​ຮ່ວມ​ການ​ປະຕິ ວັດ​ອຸດສາຫະກຳ​ຄັ້ງ​ທີ 4.
ຂ່າວ​ລະບຸ​ວ່າ: ມະຕິດັ່ງ ກ່າວຊີ້ແຈງວ່າ: ເປັນ​ເຈົ້າ ການ, ຕັ້ງໜ້າ​ເຂົ້າ​ຮ່ວມ​ການ​ປະຕິວັດ​ອຸດສາຫະກຳ​ຄັ້ງທີ 4 ແມ່ນ​ຄວາມ​ຮຽກຮ້ອງຕ້ອງການທີ່​ ຈຳເປັນຢ່າງພາວະວິໄສ; ແມ່ນ ​ໜ້າທີ່​ທີ່​ມີ​ຄວາມ​ໝາຍຍຸດທະ ສາດ​ສຳ ຄັນ​ພິເສດ, ທັງ ​ຮີບ​ດ່ວນ ແລະ ຍາວ​ນານ​ຂອງ​ລະບົບ​ການເມືອງ ແລະ ທົ່ວ​ສັງຄົມ, ຕິດ​ພັນ​ກັບ​ຂະບວນ​ວິວັດ​ການ​ເຊື່ອມ​ໂຍງ​ເຂົ້າ​ກັບ​ສາກົນ​ຢ່າງ​ເລິກເຊິ່ງ, ກວ້າງຂວາງ, ເພື່ອ​ຊຸກຍູ້​ຂະບວນ​ວິວັດ​ແຫ່ງ​ການ​ປ່ຽນແປງ​ໃໝ່​ຮູບ​ແບບ​ການ​ເຕີບ​ໂຕ, ສ້າງ​ໂຄງ​ປະກອບ​ພື້ນຖານ​ເສດຖະກິດ​ຄືນໃໝ່, ຕິດ​ພັນ​ກັບ​ການ​ປະຕິບັດ​ບັນດາ​ຂອດ​ບຸກ​ທະລຸ​ຍຸດທະສາດ ແລະ ຫັນ​ປະເທດ​ຊາດ​ເປັນ​ທັນ​ສະໄໝ; ພັດທະນາ​ເສດຖະກິດ​ດີ​ຈີ​ຕອນ​ຢ່າງ​ແຮງ; ພັດທະນາ​ຢ່າງ​ວ່ອງ ໄວ ແລະ ໝັ້ນຄົງ​ໂດຍ​ອີງໃສ່​ວິທະຍາສາດ - ເຕັກ​ໂນ​ໂລ​ຊີ, ການ​ປ່ຽນແປງ​ໃໝ່​ປະດິດ​ຄິດ​ສ້າງ ແລະ ແຫຼ່ງ​ຊັບພະຍາກອນ​ທີ່​ມີ​ຄຸນ​ນະ​ພາບ​ສູງ; ຍົກ​ສູງຄຸນ​ ນະ​ພາບ​ການ​ດຳລົງ​ຊີວິດ, ສະ ຫວັດດີ​ການ​ສັງຄົມ​ໃຫ້​ແກ່ປະ ຊາຊົນ; ຮັບປະກັນ​ການ​ປ້ອງ​ກັນ​ຊາດ, ປ້ອງ​ກັນ​ຄວາມ​ສະ ຫງົບ, ການ​ປົກ​ປັກ​ຮັກສາ​ສິ່ງ​ແວດ​ລ້ອມ.

   ມະຕິ​ດັ່ງກ່າວ​ລະບຸ​ວ່າ: ຮອດ​ປີ 2025, ຮັກສາ​ການ​ຈັດ​ອັນ​ດັບ​ກ່ຽວ​ກັບ​ດັດຊະນີ​ການ​ປ່ຽນແປງ​ໃໝ່​ປະດິດ​ຄິດ​ສ້າງ​ທົ່ວ​ໂລກ (GII) ໃຫ້​ນອນ​ໃນ​ກຸ່ມ 3 ປະເທດ​ນຳ​ໜ້າ​ອາ​ຊຽນ, ສ້າງ​ພື້ນຖານ​ໂຄງ​ລ່າງ​ດີ​ຈີ​ຕອນ ບັນລຸ​ລະດັບ​ກ້າວໜ້າ​ຂອງ​ພາກ​ພື້ນ. ໃຫ້​ນອນ​ໃນ​ກຸ່ມ 4 ປະເທດ​ນຳ​ໜ້າ​ອາ​ຊຽນ ໃນ​ຕາຕະລາງ​ລັດຖະບານ​ເອ​ເລັກ​ໂຕ​ຣ​ນິກ ຕາມ​ການ​ຕີ​ລາຄາ​ຂອງ​ສະຫະ​ປະຊາ​ຊາດ. ຮອດ​ປີ 2030, ຮັກສາ​ການ​ຈັດ​ອັນ​ດັບ GII ໃຫ້​ນອນ​ໃນ​ກຸ່ມ 40 ປະເທດ​ນຳ​ໜ້າ​ຂອງ​ໂລກ; ເສດຖະກິດ​ດີ​ຈີ​ຕອນ​ກວມ​ເອົາ 30% ຂອງ​ຍອດ​ລາຍ​ຮັບ​ພາຍ​ໃນ (GDP); ສະມັດ​ຕະ​ພາບ​ແຮງ​ງານ​ເພີ່ມ​ຂຶ້ນ​ສະເລ່ຍ 7,5% ຕໍ່​ປີ, ສຳເລັດ​ການ​ສ້າງ​ລັດຖະບານ​ເອ​ເລັກ​ໂຕ​ຣ​ນິກ. ຮອດ​ປີ 2045, ຫວຽດນາມ ກາຍເປັນ​ໜຶ່ງ​ໃນ​ບັນດາ​ສູນ​ກາງ​ການ​ຜະລິດ ແລະ ການ​ບໍລິການ​ອັດ​ສະ​ລິ​ຍະ, ສູນ​ກາງ​ເລີ່ມ​ທຸລະ​ກິດ, ການ​ປ່ຽນແປງ​ໃໝ່​ປະດິດ​ຄິດ​ສ້າງ​ໃຫ້​ນອນ​ໃນ​ກຸ່ມ​ນຳ​ໜ້າ​ພາກ​ພື້ນ​ອາ​ຊີ.