ອາ​ຊຽນ ຫາ­ລື​ມາດ​ຕະ­ການ​ຮັບ​ມື​ກັບ​ມົນ​ລະ​ພິດ​ສິ່ງ­ແວດ­ລ້ອມ

 

 

10.10.2019 8:54     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ໃນ​ໄລ​ຍະ​ດໍາ​ ເນີນ​ກອງ​ປະຊຸມ ລະຫວ່າງ​ວັນ ​ທີ 7-11 ຕຸລາ​ ບັນດາລັດຖະມົນ ຕີອາ​ຊຽນ ຈະ​ຮັບຮອງ​ເອົາ​ເອກະ ສານ 3 ສະ​ບັ​ບສໍາ​ຄັນ.

   ຂ່າວ​ລະບຸ​ວ່າ: ກອງ​ປະຊຸມ​ລັດຖະມົນຕີ​ກະຊວງ​ສິ່ງ​ແວດ​ລ້ອມ, ສະມາຄົມ​ປະຊາຊາດ​ອາຊີ​ຕາເວັນອອກ​ສ່ຽງ​ໃຕ້ (ອາ​ຊຽນ) ຄັ້ງ​ທີ 15 ແລະ ບັນດາ​ກອງ​ປະຊຸມ​ທີ່​ກ່ຽວຂ້ອງ ໄດ້​ເປີດ​ຂຶ້ນ​ໃນ​ວັນ​ທີ 8 ຕຸລາ​ຜ່ານ​ມາ, ຢູ່​ນະຄອນ​ສຽມ​ຣຽບ ປະ​ເທດ​ກໍາ​ປູ​ເຈຍ, ເພື່ອ​ແນໃສ່​ເພີ່ມ​ທະວີ​ການ​ຮ່ວມ​ມື, ຮັບ​ມື​ກັບ​ສະພາບ​ມົນ​ລະ​ພິດ​ສິ່ງ​ແວດ​ລ້ອມ.

   ຂ່າວ​ລາຍ​ງານ​ວ່າ: ໃນ​ກອງ​ປະຊຸມ, ບັນດາ​ຜູ້​ແທນ​ໄດ້​ປຶກສາ​ຫາລື​ກັນ​ກ່ຽວ​ກັບ​ຫຼາຍ ​ບັນຫາ​ການ​ຮ່ວມ​ມື​ໃນ​ຂົງເຂດ​ສິ່ງແວດລ້ອມ​ລວມ​ມີບັນຫາ​ການ​ປ່ຽນແປງ​ຂອງ​ດິນ​ຟ້າ​ອາ ກາດ, ການ​ພັດທະນາ​ຊີວະ​ນາໆ​ພັນ, ສິ່ງແວດລ້ອມ​ທາງ​ທະເລ, ການ​ສຶກສາ​ກ່ຽວ​ກັບ​ສິ່ງແວດລ້ອມ, ການ​ຄຸ້ມ​ຄອງ​ແຫຼ່ງ​ຊັບ​ພະຍາ​ກອນ​ນໍ້າ, ທາດ​ເຄ​ມີ ແລະ ທາດ​ເສດ​ເຫຼືອ​ທີ່​ອັນຕະລາຍ, ການ​ບໍາ​ບັດ​ມົນ​ລະ​ພິດ​ໝອກ​ຄວັນ, ຄວັນ​ໄຟ​ຢ່າງ​ຮ້າຍ​ແຮງ​ຂ້າມ​ຊາຍ​ແດນ.

   ໃນ​ໄລ​ຍະ​ດໍາ​ເນີນ​ກອງ​ປະຊຸມ ລະຫວ່າງ​ວັນ​ທີ 7 - 11 ຕຸລາ​ນີ້, ບັນດາ​ລັດຖະມົນຕີ ອາ​ຊຽນ ຈະ​ຮັບຮອງ​ເອົາ​ເອກະ ສານ 3 ສະ​ບັ​ບສໍາ​ຄັນ ລວມ​ມີ ຖະແຫຼງການ​ຮ່ວມ​ອາ​ຊຽນ ກ່ຽວ​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ, ແຜນການ​ຍຸດທະສາດ​ອາ​ຊຽນ ກ່ຽວ​ກັບ​ສິ່ງແວດລ້ອມ ແລະ ສະເໜີ​ຮັບຮອງ​ເອົາ​ສວນ​ສາທາລະນະ​​ແຫ່ງ​ຊາດ 5 ແຫ່ງ ຂອງ​ມຽນ​ມາ, ໄທ ແລະ ຫວຽດນາມ ເປັນ​ສວນ​ສາທາລະນະ​ມໍລະດົກ ອາ​ຊຽນ.