ຜູ້­ນຳ ອິນ​ໂດ​ເນ​ເຊຍ​-​ສິງ­ກະ­ໂປ ຫາ­ລື​ການ​ຮ່ວມ​ມື​ສອງ​ຝ່າຍ

 

 

10.10.2019 9:01     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ຫ້ອງ​ວ່າການ​ລັດຖະບານ​ນາຍົກ ລັດຖະມົນຕີ ສິງກະໂປ ຖະແຫຼງ​ວ່າ: ໃນ​ລະຫວ່າງ​ວັນ​ທີ 8-9 ຕຸລາ​, ທ່ານ ໂຈ​ໂກ ວິ​ໂດ​ໂດ ປະທາ ນາທິບໍດີ ອິນ​ໂດ​ເນ​ເຊຍ ເລີ່ມ​ຕົ້ນ​ຢ້ຽມຢາມ ສິງກະໂປ ແລະ ເຂົ້າ​ຮ່ວມ​ກອງ​ປະຊຸມ​ເຈ ລະຈາ​ວົງ​ແຄບ ກັບ ທ່ານ ລີ ຊຽນລົງ ນາຍົກລັດຖະມົນຕີ​ສິງ​ກະ​ໂປ.

   ຂ່າວ​ລະບຸ​ວ່າ: ນີ້​ແມ່ນ​ກອງ​ປະຊຸມ​ເຈລະຈາ​ວົງ​ແຄບ ຄັ້ງ​ທີ 4 ລະຫວ່າງ ການ​ນໍາ ສອງປະເທດ ແລະ ກໍ​ແມ່ນຄັ້ງ ​ທໍາ​ອິດ ນັບ​ແຕ່​ທ່ານ ວິ​ໂດ​ໂດ ໄດ້​ຮັບ​ການ​ເລືອກ​ຕັ້ງ​ເປັນ​ປະ ທານາທິບໍດີ​ຄືນໃໝ່​ຂອງ​ອິນ​ໂດ​ເນ​ເຊຍ. ໃນ​ຂອບ​ເຂດ​ຂອງ​ກອງ​ປະຊຸມ​ເຈລະຈາ, ຜູ້​ນໍາ​ທັງ​ສອງຈະ​ປຶກສາ​ຫາລື​ກ່ຽວ​ກັບ​ຂະບວນ​ວິວັດ​ການ​ພັດທະນາ​ສາຍ​ພົວພັນ ລະຫວ່າງ ສອງ​ປະເທດ ແລະ ສືບຕໍ່​ຕິດຕາມ​ບັນດາ​ເນື້ອ​ໃນ ກ່ຽວ​ກັບ​ກອງ​ປະຊຸມ​ເຈລະຈາ​ວົງ​ແຄບ, ຢູ່​ບາ​ຫຼີ ປະເທດ​ອິນ​ໂດ​ເນ​ເຊຍ ເມື່ອ​ເດືອນ​ຕຸລາ ປີ 2018.

   ຫ້ອງ​ວ່າການ​ນາຍົກລັດ ຖະມົນຕີ​ສິງກະໂປ ຊີ້​ແຈງວ່າ: ການ​ນໍາ​ສອງ​ປະເທດ ຈະ​ປຶກ ສາ​ຫາລື​ຂະບວນ​ການ​ເພີ່ມ​ທະ ວີ​ການ​ຮ່ວມ​ມື​ສອງ​ຝ່າຍ ໃນ​ຂົງ ເຂດ​ເສດຖະກິດ, ວັດ​ທະ​ນະ​ທໍາ-​ສັງຄົມ ແລະ ຄວາມ​ໝັ້ນຄົງ ໃຫ້​ຫຼາຍ​ກວ່າ​ເກົ່າ. ນອກຈາກ​ນັ້ນ, ການ​ນໍາ​ທັງ​ສອງ ຈະ​ເຂົ້າ​ຮ່ວມ​ເປັນ​ສັກຂີ​ພິຍານ​ພິທີ​ລົງ​ນາມ​ໃນ​ສົນທິສັນຍາ ລະຫວ່າງ ສິງກະໂປ ແລະ ອິນ​ໂດ​ເນ​ເຊຍ ກ່ຽວ​ກັບ​ການ​ແລກປ່ຽນຂໍ້ມູນ ​ເອ​ເລັກ​ໂຕ​ຣ​ນິກ ເພື່ອ​ແນໃສ່​ສ້າງ​ເງື່ອນໄຂ​ສະດວກ ແລະ ຮັບປະກັນ​ການ​ພົວພັນ​ດ້ານ ​ການ​ຄ້າ ກໍ​ຄື​ບົດ​ບັນທຶກ​ຊ່ວຍ ​ຈໍາ ວ່າ​ດ້ວຍ​ການ​ຮ່ວມ​ມື ລະ ຫວ່າງ ບັນດາ​ອົງ​ການ​ສໍາ​ເນົາ​ເອກະສານ​ຂອງ​ສອງ​ຝ່າຍ.