ວິ​ສາ​ຫະ​ກິດ​ຂາຍ­ຍ່ອຍ​ທົ່ວ​ປະ­ເທດ​ຈີນ ບັນ­ລຸ 1.520 ຕື້​ຢວນ

 

 

10.10.2019 8:56     

  ຂ່າວສານ​ຊີ​ອາ​ໄອ​ລາຍ​ງານວ່າ: ກະຊວງ​ການ​ຄ້າ​ຈີນ ເປີດເຜີຍ​ຂໍ້​ມູນ​ສະຖິຕິ​ໃນ​ວັນ​ທີ 7 ຕຸລາ​ຜ່ານ​ມາ ສະແດງໃຫ້​ ເຫັນ​ວ່າ: ແຕ່​ວັນ​ທີ 1 ຕຸລາເປັນ ຕົ້ນ​ມາ, ວິ​ສາ​ຫະ​ກິດ​ດ້ານ​ການ​ ຂາຍຍ່ອຍ ແລະ ອາຫານ​ໃນ​ທົ່ວ​ປະເທດ​ຈີນ ໄດ້​ບັນລຸ​ການຈຳໜ່າຍ​ຄິດ​ເປັນ​ມູນ​ຄ່າ​ບັນລຸ 1.520 ຕື້ ຢວນ, ເພີ່ມ​ຂຶ້ນ 8,5% ເມື່ອ​ທຽບ ໃສ່​ໄລຍະ​ດຽວ​ກັນ​ຂອງ​ປີ​ກາຍ.
ຕາມ​ການ​ຕິດຕາມ​ຂອງ​ກະຊວງ​ການ​ຄ້າ​ຈີນ, ໃນ​ໄລຍະ "ສັບປະດາ​ຄຳ 1 ຕຸລາ" ປີ​ນີ້, ການ​ບໍລິໂພກ​ແບບ​ດັ້ງເດີມປະ ເພດ​ຕ່າງໆ​ເຊັ່ນ: ການ​ຊື້​ສິນ ຄ້າ, ອາຫານ​ການ​ກິນ ແລະ ອື່ນໆ ມີ​ຄວາມ​ຄຶກຄັກ​ຫຼາຍ, ການ​ບໍລິໂພກ​ແບບ​ໃໝ່​ເຊັ່ນ: ການທ່ອງທ່ຽວ​ວັດທະນະທຳ, ກິລາ ແລະ ອື່ນໆ ໄດ້​ມີ​ການ​ພັດທະນາ​ຢ່າງ​ວ່ອງໄວ, ຕະ ຫຼາດ​ເຄື່ອງໃຊ້​ປະຈຳ​ວັນ​ມີ​ການ​ສະໜອງ​ສິນຄ້າ​ຢ່າງ​ພຽງພໍ ແລະ ມີ​ລາຄາ​ໝັ້ນ​ທ່ຽງ​ໂດຍ​ລວມ.