ເວ­ທີ​ປາ​ໄສ​ການ​ຮ່ວມ​ມື​ອາ​ຊີ​-​ເອີ​ຣົບ ຄັ້ງ​ທີ 13

 

 

14.10.2019 10:08     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ກອງ​ປະຊຸມ ຫົວໜ້າ​ກົມ​ໃຫຍ່​ພາສີ ASEM ຄັ້ງ​ທີ 13, ມີ​ຄະນະ​ຜູ້​ແທນ​ເຂົ້າ​ຮ່ວມ 53 ຄະນະ, ລວມ​ມີ​ບັນດາ​ຫົວໜ້າ​ກົມ​ໃຫຍ່​ພາສີ, ​ບັນດາ​ອົງການ​ສຳນັກງານພາ ສີ​ຂອງ​ປະເທດ​ສະມາຊິກ ASEM, ເລຂາທິການ​ໃຫ​ຍ່​ອົງ ການພາ ສີ​ໂລກ, ສະຫະພາບ​ເອີ​ຣົບ ​ແລະ ບັນດາ​ຜູ້ຕາງໜ້າ​ສະຖານ ທູດ​ປະເທດ​ສະມາຊິກ ASEM ປະຈຳ​ຫວຽດນາມ​ເຂົ້າ​ຮ່ວມນີ້​ ແມ່ນ​ເຫດການ​ນອນ​ໃນ​ຂອບ​ເຂດ​ເວທີ​ປາ​ໄສ​ການ​ຮ່ວມ​ມື ລະຫວ່າງ ອາ​ຊີ​-​ເອີ​ຣົບ (ASEM), ໄດ້​ດໍາ​ເນີນ ຢູ່​ນະ ຄອນ​ຮ້າ​ລອງ ແຂວງ​ກວ້າງ​ນິ່ງ ທາງ​ພາກ​ເໜືອ​ຫວຽດນາມ ເມື່ອ​ທ້າຍ​ອາທິດ​ຜ່ານ​ມາ.

   ຂ່າວ​ລະບຸ​ວ່າ: ໃນ​ເວທີ​ປາ​ໄສ ASEM ໄດ້​ສົນທະນາ 3 ເສົາຄ້ຳ​ຫຼັກ​ຄື: ດ້ານ​ການ ເມືອງ, ດ້ານ​ຄວາມ​ໝັ້ນຄົງ​-​ເສດຖະ ກິດ, ວັດທະນະ​ທຳ​-​ສັງຄົມ ແລະ ການ​ຮ່ວມ​ມື​ດ້ານ​ພາສີ ດ້ວຍ​ບຸລິມະສິດ​ຕົ້ນຕໍ​ແມ່ນ; ການ​ເພີ່ມ​ເຕີມ ແລະ ເພີ່ມ​ທະວີ​ການ​ປະຕິບັດ​ລະບົບ​ການ​ຄ້າ​ຫຼາຍ​ຝ່າຍ​ໃນ​ອົງການ​ການ​ຄ້າ​ໂລກ (WTO). ກ່າວ​ຄຳ​ເຫັນ​ທີ່​ກອງ​ປະຊຸມ, ທ່ານ ໂດ້​ຮ່​ວາງ​ແອັງ​ຕ໊ວນ ຮອງ​ລັດຖະມົນຕີ​ກະຊວງ​ການ​ເງິນ​ຫວຽດນາມ ຊີ້​ແຈງວ່າ: ພວກ​ຂ້າພະເຈົ້າ​ຕີ​ລາຄາ​ສູງ​ບັນດາ​ໂຄງການ​ທີ່​ກ່ຽວຂ້ອງ​ເຖິງ​ການ​ຍົກ​ສູງ​ກຳລັງ​ຄວາມ​ສາມາດ​ປ້ອງ​ກັນ​ຕໍ່​ຄວາມ​ສ່ຽງ, ໃນ​ວຽກ​ງານ​ຕໍ່ສູ້, ຕ້ານ​ການ​ສໍ້​ໂກງ​ການ​ຄ້າ ກໍ​ຄື​ໃນ​ວຽກ​ງານ​ຄຸ້ມ​ຄອງ​ຄຸນຄ່າພາ​ ສີ. ໃນ​ອະນາຄົດ, ພວກ​ຂ້າພະ ເຈົ້າ​ປາຖະໜາ​ຢາກ​ໃຫ້​ພາສີ​ໂລກ ສືບຕໍ່​ເອົາໃຈໃສ່​ເຖິງ​ພາສີ​ຫວຽດນາມ ເພື່ອ​ເພີ່ມ​ທະວີການ ​ໜູນ​ຊ່ວຍ​ດ້ານ​ເຕັກນິກ, ຍົກ ​ສູງ​ກຳລັງ​ຄວາມ​ສາມາດ​ໃຫ້ອົງ ການ​ພາສີ ປະຕິບັດ​ໜ້າທີ່​ຂອງ ​ພາສີ​ໃນ​ຍຸດທະສາດ​ໂລກວາງ​ອອກ, ປະກອບສ່ວນ​ເຂົ້າ​ໃນ ການ​ຊຸກຍູ້​ການ​ພັດທະນາ,ແລກ ປ່ຽນ​ເສດຖະກິດ​ທົ່ວ​ໂລກ.

   ຂ່າວ​ລະບຸ​ວ່າ: ການ​ຍູ້​ແຮງ ແລະ ຍົກ​ລະດັບ​ດ້ານ​ການ​ຕ່າງ ປະເທດ​ຫຼາຍ​ຝ່າຍ, ອົງການ​ພາ ສີ​ຫວຽດນາມ ເປັນ​ເຈົ້າພາບຈັດ​ ກອງ​ປະຊຸມ​ຫົວໜ້າ​ກົມ​ໃຫຍ່ ​ພາສີ ASEM ໄດ້​ຢັ້ງຢືນ​ເຖິງ​ຄວາມ​ເປັນ​ເຈົ້າ​ການ​ໃນ​ການ​ປະກອບສ່ວນ​ເຂົ້າ​ໃນ​ການ​ກຳ ນົດ​ທິດ​ການເຄື່ອນໄຫວ​ຮ່ວມ​ມື​ດ້ານ​ພາສີ​ອາ​ຊີ​-​ເອີ​ຣົບ. ຈາກ​ນັ້ນ, ກໍເປັນ​ການ​ປະກອບສ່ວນ​ສ້າງ​ການ​ເຊື່ອມ​ຕໍ່ ແລະ ການ​ຮ່ວມ​ມື​ພາກ​ພື້ນ​ໃນ​ຂົງເຂດ​ພາ ສີ ໃນ​ສະພາບ​ການ​ປະຕິວັດ​ອຸດ​ສາຫະ​ກຳ​ຄັ້ງ​ທີ 4 ພວມ​ໄດ້​ຮັບ​ການ​ດຳເນີນ​ຢ່າງ​ແຮງ.