ກອງ​ປະ­ຊຸມ​ລັດ­ຖະ­ມົນ­ຕີ​ສິ່ງ­ແວດ­ລ້ອມ​ອາ​ຊຽນ​ອອກ​ແຈ້ງ​ການ​ຮ່ວມ

 

 

14.10.2019 10:08     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 9 ຕຸລາ​ຜ່ານ​ມາ, ກອງ​ປະຊຸມ​ຂັ້ນ​ລັດຖະມົນຕີ​ຄັ້ງ​ທີ 15 ຂອງ​ອາ​ຊຽນກ່ຽວ​ກັບ​ສິ່ງແວດລ້ອມ (AMME 15) ແລະ ກອງ​ປະຊຸມ ອາ​ຊຽນ ຄັ້ງ​ທີ 15 ກ່ຽວ​ກັບ​ມົນ​ລະ​ພິດ​ໝອກ​ຄວັນ​ຂ້າມ​ຊາຍ​ແດນ ພ້ອມ​ກັບ​ບັນດາ​ກອງ​ປະຊຸມ​ທີ່​ກ່ຽວຂ້ອງ​ໄດ້​ຈັດ​ຕັ້ງ​ຢູ່​ນະຄອນ​ສຽມ​ຣຽບ ປະເທດ​ກຳປູເຈຍ ໄດ້​ຮັບ​ຜົນ​ສໍາ​ເລັດ​ດ້ວຍ​ການ​ອອກ​ແຈ້ງ​ການ​ຮ່ວມ.

   ຂ່າວ​ລະບຸ​ວ່າ: ເນື້ອ​ໃນ​ຕົ້ນຕໍ​ຂອງ​ແຈ້ງ​ການ​ຮ່ວມ​ລວມ​ມີບັນດາ​ລັດຖະມົນຕີ​ໄດ້​ເຫັນ​ດີ​ເປັນ​ເອກະ​ພາບ​ຕໍ່​ບັນດາ​ຜົນ ງານ ແລະ ຄວາມ​ກ້າວໜ້າ​ທີ່​ບັນລຸ​ໄດ້​ໃນ​ການ​ຮ່ວມ​ມື ແລະ ປົກ​ປັກ​ຮັກສາ​ສິ່ງ​ແວດ​ລ້ອມ. ພິເສດ​ແມ່ນ​ບັນດາ​ບຸລິມະສິດ ແລະ ຂໍ້​ລິ​ເລີ່ມ ທີ່​ໄດ້​ປະຕິບັດ​ໃນ​ການ​ຮັບປະກັນ​ສິ່ງແວດລ້ອມ​ໃຫ້​ຍືນ​ຍົງ, ຊຸກຍູ້​ການ​ຮ່ວມ​ມື​ດ້ານ​ສິ່ງແວດລ້ອມ​ໃນ​ພາກ​ພື້ນ​ໃຫ້​ຫຼາຍ​ກວ່າເກົ່າ.

   ກອງ​ປະຊຸມ​ກໍຮັບ​ຮູ້​ບັນດາ​ ບັນຫາ​ຫຼັກ ແລະ ພົ້ນ​ເດັ່ນ​ຂຶ້ນ​ຄື: ການ​ປ່ຽນແປງ​ຂອງດິນຟ້າ​ ອາກາດ ແລະ ມົນ​ລະ​ພິດຂີ້​ ເຫຍື້ອ​ທາງ​ທະເລຍັງ​ຄົງ ​ແມ່ນ ​ສິ່ງ​ ທ້າ​ທາຍ​ອັນ​ໃຫຍ່​ຫຼວງ, ຮຽກ ຮ້ອງ​ໃຫ້​ມີ​ການ​ຮ່ວມ​ມື​ປະຕິບັດ​ຮ່ວມ​ໃນ​ພາກ​ພື້ນ.