ນັກ​ເສດ­ຖະ­ສາດ ອາ​ເມ​ຣິ​ກາ ໄດ້​ຮັບ​ລາງ­ວັນໂນ​ແບ​ວ​ສາ­ຂາ​ເສດ­ຖະ­ສາດ

 

 

17.10.2019 9:40     

  ຂ່າວສານ​ຊີ​ອາ​ໄອ​ລາຍ​ງານ​ວ່າ: ວັນ​ທີ 14 ຕຸລາ​ຜ່ານ​ມາ​ນີ້, ສະ​ຖາ​ບັນ​ວິທະຍາສາດ​ຊູ​ແອັດ ເປີດເຜີຍ​ວ່າ: ໄດ້​ມອບ​ລາງວັນ​ໂນ​ແບວ ສາຂາ​ເສດຖະສາດ​ປີ 2019 ໃຫ້​ນັກ​ເສດຖະສາດ​ຊາວ​ອາ​ເມ​ຣິ​ກາ 3 ທ່ານ​ຄື: ທ່ານ ອາ​ບີ​ຈິດ ບັນ​ເນີ​ຈີ, ທ່ານ ນາງ ເອ​ສ​ເທີ ດູ​ໂຟຣ ແລະ ທ່ານ ໄມ​ເຄິນ ເກ​ລ​ມາ​ມີ ເພື່ອ​ຊົມເຊີຍ​ການ​ປະກອບສ່ວນ​ອັນ​ພົ້ນ​ເດັ່ນ​ຂອງ​ພວກ​ທ່ານ​ໃນ​ການ​ຄົ້ນຄວ້າ​ກ່ຽວ​ກັບ​ການ​ຫຼຸດຜ່ອນ​ຄວາມທຸກ​ຍາກ​ຂອງ​ໂລກ.

  ທ່ານ ບັນ​ເນີ​ຈີ ແລະ ທ່ານ ນາງ ດູ​ໂຟຣ, ປັດຈຸບັນ ເຮັດ​ວຽກ​ຢູ່​ສະ​ຖາ​ບັນ​ເຕັກ​ໂນ​ໂລ​ຊີ ມັດ​ຊາ​ຊູ​ເຊັດ ຂອງ​ອາ​ເມ​ຣິ​ກາ; ທ່ານ ນາງ ດູ​ໂຟລ ເປັນ​ນັກ​ເສດຖະສາດ​ໄດ້​ຮັບ​ລາງວັນ​ໂນ​ແບວ ສາຂາ​ເສດຖະສາດ ທີ່​ມີ​ອາຍຸ​ນ້ອຍ​ທີ່​ສຸດ ແລະ ເປັນ​ແມ່ຍິງ​ຄົນທີ 2 ໄດ້​ຮັບ​ລາງວັນ​ດັ່ງກ່າວ; ທ່ານ ເກ​ລ​ມາ​ມີ ເຮັດ​ວຽກ​ຢູ່​ມະຫາວິທະຍາໄລ​ຮາ​ເວີດ​ອາ​ເມ​ຣິ​ກາ.

  ທ່ານ ໂກ​ລານ ຮັນ​ຊົງ ເລຂາ​ປະຈຳການ​ຂອງ​ສະ​ຖາ​ບັນ​ວິທະຍາສາດ​ຊູ​ແອັດ ໄດ້​ກ່າວ​ຕໍ່​ກອງ​ປະຊຸມ​ຖະແຫຼງ​ຂ່າວ​ວ່າ: ນັກ​ເສດຖະສາດ 3 ທ່ານ​ດັ່ງກ່າວ ໄດ້​ຮັບ​ລາງວັນ​ໂນ​ແບວ ສາຂາ​ເສດຖະສາດ​ປີ 2019 ດ້ວຍ "ວິທີ​ທົດ​ລອງ​ເພື່ອ​ຫຼຸດຜ່ອນ​ຄວາມທຸກ​ຍາກ​ໃນ​ທົ່ວ​ໂລກ", ການ​ຄົ້ນຄວ້າ​ຂອງ​ເຂົາເຈົ້າ ໄດ້​ຍົກ​ສູງ​ຄວາມ​ສາມາດ​ໃນ​ການ​ຮັບ​ມື​ກັບ​ຄວາມທຸກ​ຍາກ​ຂອງ​ໂລກ​ໄດ້​ຢ່າງ​ຫຼວງ​ຫຼາຍ.