ກອງ​ປະ­ຊຸມ​ປ່ຽນ­ແປງ​ໃໝ່  ຍົກ​ສູງ​ປະ­ສິດ​ທິ​ຜົນ ການ­ເຄື່ອນ­ໄຫວ​ຂອງ​ລັດ​ວິ​ສາ​ຫະ​ກິດ

 

 

18.10.2019 9:51     

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 16 ຕຸລາ​ຜ່ານ​ມາ, ຢູ່​ສຳນັກງານ​ລັດຖະບານ, ທ່ານ ຫ​ງວຽນ​ຊວັນ​ຟຸກ ນາຍົກລັດຖະມົນຕີ​ຫວຽດນາມ ໄດ້​ເປັນ​ປະທານ​ກອງ​ປະຊຸມ​ປ່ຽນແປງ​ໃໝ່, ຍົກ ​ສູງ​ປະສິດ​ທິ​ຜົນ​ການເຄື່ອນ ໄຫວ​ຂອງ​ລັດ​ວິ​ສາ​ຫະ​ກິດ. ມີ​ການ​ເຂົ້າ​ຮ່ວມ​ຂອງ​ທ່ານ ເວືອງ​ດິ່ງ​ເຫ້ວ ຮອງ​ນາຍົກລັດຖະມົນຕີ ຫວຽດນາມ, ທ່ານ ຟ້າ​ມ​ມິ​ງ​ຈິງ ຫົວໜ້າ​ຄະນະ​ຈັດ​ຕັ້ງ​ສູນ​ກາງ​ພັກ​ກອມ​ມູ​ນິດ, ພ້ອມ​ກັບ​ການ​ນຳ​ບັນດາ​ກະຊວງ, ຄະນະ​ຂະແໜງການ​ສູນ​ກາງ, ການ​ນຳ​ບັນດາ​ທ້ອງ​ຖິ່ນ, ການ​ນຳ​ບັນດາ​ກຸ່ມ​ບໍລິສັດ, ບໍລິສັດ​ໃຫຍ່.

  ຕາມ​ບົດ​ລາຍ​ງານ​ທີ່​ໄດ້​ນຳ​ສະເໜີ​ຢູ່​ກອງ​ປະຊຸມ, ນັບ​ແຕ່​ປີ 2016 ມາ​ຮອດ​ເດືອນ​ມິຖຸນາ ປີ 2019, ທົ່ວ​ປະເທດ​ໄດ້​ຫັນ​ວິ​ສາ​ຫະ​ກິດ​ເປັນ​ຫຸ້ນ​ສ່ວນ 162 ແຫ່ງ, ຍອດ​ລາຍ​ຮັບ​ທີ່​ໄດ້​ຈາກ​ການ​ຫັນ​ເປັນ​ຫຸ້ນ​ສ່ວນ, ຖອນ​ທຶນ​ບັນລຸ​ໄດ້​ເກືອບ 218.260 ຕື້​ດົງ (ສະກຸນ​ເງິນ​ຫວຽດນາມ). ທ່ານ ຫ​ງວຽນ​ຊວັນ​ຟຸກ ຕີ​ລາຄາ​ວ່າ: ນີ້​ແມ່ນ​ໝາກຜົນ​ທີ່​ດີ​ພໍ​ສົມຄວນ​ຂອງ​ວຽກ​ງານ​ຖອນ​ທຶນ, ຫັນ​ເປັນ​ຫຸ້ນ​ສ່ວນ.

  ໃນ​ກອງ​ປະຊຸມ, ທ່ານ ເວືອງ​ດິງ​ເຫ້ວ ໄດ້​ຊີ້​ໃຫ້​ເຫັນ​ໃນ​ໄລຍະ​ທີ່​ຜ່ານ​ມາ, ບັນດາ​ວິ​ສາ​ຫະ​ກິດ​ດຳເນີນ​ການ​ເຫັນ​ເປັນ​ຫຸ້ນ​ສ່ວນ, ການ​ຖອນ​ທຶນ​ຂອງ​ລັດ ລ້ວນ​ແຕ່​ແມ່ນ​ບັນດາ​ວິ​ສາ​ຫະກິດ​ຂະໜາດ​ໃຫຍ່ ພ້ອມ​ທັງ​ຍົກ​ໃຫ້​ເຫັນ​ບາງ​ຂໍ້ຄົງຄ້າງ​ໃນ​ວຽກ​ງານ​ຫັນ​ເປັນ​ຫຸ້ນ​ສ່ວນ, ເປັນຕົ້ນ​ແມ່ນ​ກ່ຽວ​ກັບ​ລະບອບ​ລະບຽບ​ການ ແລະ ການຈັດຕັ້ງ​ປະຕິ​ບັດ.

  ນອກຈາກ​ນີ້, ທ່ານ ຫ​ງວຽນ​ ຊວັນ​ຟຸກ ກ່າວ​ເຕືອນເປັນ​ພິ ເສດ​ວ່າ: ວິ​ສາ​ຫະ​ກິດ​ຍັງ​ມີ ແນວຄິດ​ຂີ້ຄ້ານ​ຈະ​ປ່ຽນແປງ, ບໍ່​ຢາກ​ປ່ຽນແປງ​ໃໝ່, ເພື່ອຜົນ ປະໂຫຍດ​ສ່ວນ​ຕົວ, ຜົນ​ປະ ໂຫຍດ​ເປັນ​ກຸ່ມ​ຂອງ​ຂະແໜງ ການ, ຂົງເຂດ, ສໍ້​ລາດ​ບັງ ຫຼວງ ຊຶ່ງ​ພວກ​ເຮົາ​ຕ້ອງ​ແກ້​ໄຂ​ສະ ພາບ​ການ​ນີ້​ເພື່ອ​ເຮັດແນວໃດ​ໃຫ້​ລັດ​ວິ​ສາ​ຫະ​ກິດ ພ້ອມ​ກັບ​ລະບົບ​ການເມືອງ ປະກອບ ສ່ວນ​ຢ່າງ​ສຳຄັນ​ເຂົ້າ​ໃນ​ກິດ ຈະການ​ຕ້ານ​ການ​ສໍ້​ລາດ​ບັງ​ຫຼວງ ຊຶ່ງ​ພັກ, ລັດ ພວມ​ຊີ້​ນຳ​ຢ່າງ​ຂ້ຽວ​ຂາດ.