9 ເດືອນ​ຕົ້ນ​ປີ ຫວຽດ­ນາມ​ດຶງ​ດູດ FDI ຫຼາຍ​ກວ່າ 26 ຕື້​ໂດ​ລາ

02.10.2019 9:22     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ນັບ​ແຕ່​ຕົ້ນ​ປີ​ມາ​ຮອດວັນ​ທີ 20 ກັນຍາ​ຜ່ານ​ມາ, ຍອດ​ເງິນ​ທຶນຈົດ​ທະ ບຽນ​ໃໝ່, ດັດ​ປັບ ແລະ ປະ ກອບທຶນຊື້​ຫຸ້ນ​ສ່ວນ​ຂອງ​ບັນ ດາ​ນັກ​ລົງທຶນ​ຕ່າງປະເທດ ຢູ່ ຫວຽດນາມ ບັນລຸ​ໄດ້​ຫຼາຍ​ກ່​ວາ 26 ຕື້​ໂດ​ລາ, ເພີ່ມ​ຂຶ້ນ 3% ເມື່ອ​ທຽບໃສ່​ກັບ​ໄລຍະ​ດຽວ​ກັນ​ຂອງ ປີ 2018. 

   ຂ່າວ​ລະບຸ​ວ່າ: ກ່ຽວ​ກັບ​ການ​ດຶງ​ດູດ​ເງິນ​ລົງທຶນ​ຈາກ​ຕ່າງປະເທດ (FDI), ຫວຽດນາມ ບັນລຸ​ໄດ້ 2.759 ໂຄງການ​ໄດ້​ຮັບ​ໃບ​ອະນຸຍາດ​ໃໝ່ ດ້ວຍຈຳ ນວນ​ທຶນ​ຈົດ​ທະບຽນ​ບັນລຸ​ເກືອບ 11 ຕື້​ໂດ​ລາ, ເພີ່ມ​ຂຶ້ນ​ກວ່າ 26% ຈຳນວນ​ໂຄງ​ການ. ຄຽງ​ຄູ່​ກັນ​ນັ້ນ, ມີ​ 1000 ກວ່າໂຄງການ ທີ່​ ໄດ້​ຮັບ​ໃບ​ອະນຸຍາດ​ເມື່ອ​ປີ 2018 ແລະ ໄດ້​ຈົດ​ທະບຽນ​ດັດ​ປັບ​ເງິນ​ລົງທຶນ ດ້ວຍ​ຈຳນວນ​ທຶນ​ຂຶ້ນຕື່ມ​ບັນລຸ 4,7 ຕື້​ໂດ​ລາ.

   ຂົງເຂດ​ການ​ລົງທຶນ, ບັນ ດາ​ນັກ​ລົງທຶນ​ຕ່າງປະເທດໄດ້​ ລົງທຶນ​ເຂົ້າ 19 ຂົງເຂດ, ຂະ ແໜງການ, ໃນ​ນັ້ນ ການ​ລົງທຶນ​ສຸມ​ໃສ່​ຫຼາຍ​ທີ່​ສຸດ​ແມ່ນ​ຂົງເຂດ ອຸດສາຫະກຳ, ການ​ປຸງ​ແຕ່ງ, ປະດິດ​ສ້າງ ດ້ວຍ​ຍອດ​ເງິນ​ລົງ ທຶນ​ບັນລຸ​ໄດ້​ຫຼາຍ​ກວ່າ 18 ຕື້​ໂດ​ລາ, ກວມ​ເອົາ 69% ຍອດ​ທຶນ​ຈົດ​ທະ​ບຽນ ພ້ອມ​ກັນ​ນັ້ນ, ຄູ່​ຮ່ວມ​ມື​ລົງທຶນ​ໄດ້​ມີ 109 ປະ ເທດ ແລະ ເຂດ​ແຄ້ວນມີ​ໂຄງ ການ​ລົງທຶນ​ຢູ່​ຫວຽດນາມ.

   ການ​ສົ່ງ​ອອກ​ຂອງ​ພາກ​ພື້ນ FDI, ນັບ​ທັງນ້ຳມັນ​ດິບບັນ ລຸ​ໄດ້​ເກືອບ 135 ຕື້​ໂດ​ລາ, ເພີ່ມ​ຂຶ້ນ 5% ເມື່ອ​ທຽບໃສ່​ໄລຍະ​ດຽວ​ກັນ​ຂອງ​ປີ 2018 ແລະ ກວມເອົາ 69,3% ຂອງ​ວົງ​ເງິນ​ສົ່ງ​ອອກ.