ສັນ­ຍານ​ຊຸດ­ໂຊມ​ຂອງ​ພື້ນ­ຖານ​ເສດ­ຖະ­ກິດ​ອາ​ເມ​ຣິ​ກາ

02.10.2019 9:29     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ບັນດາ​ນັກ​ຊ່ຽວຊານ​ເສດຖະກິດ​ໄດ້​ຫຼຸດ​ລະດັບ​ຄາດ​ຄະເນ​ການ​ເຕີບ​ໂຕ​ຂອງ​ພື້ນຖານ​ເສດຖະກິດ​ອາ​ເມ​ຣິ​ກາ ໃນ​ໄຕ​ມາດ​ທີ 3 ປີ 2019, ພາຍຫຼັງ​ຄ່າ​ໃຊ້​ຈ່າຍ​ໃນ​ຄອບຄົວ​ເພີ່ມ​ຂຶ້ນ​ພຽງ​ແຕ່ 0,1% ໃນ​ເດືອນ​ສິງຫາ​ຜ່ານ​ມາ.
ບັນດາ​ນັກ​ຊ່ຽວຊານ​ໃຫ້​ຂໍ້​ສັງເກດ​ວ່າ: ຜູ້​ບໍລິໂພກ​ໄດ້​ຮັດ​ແໜ້ນ​ການ​ໃຊ້​ຈ່າຍ ພ້ອມ​ກັບ​ການ​ຫຼຸດຜ່ອນ​ການ​ລົງທຶນ​ຂອງ​ບັນດາ​ວິ​ສາ​ຫະ​ກິດ​ໃນ​ເດືອນ​ສິງຫາ ແມ່ນ​ສັນຍານສະ ແດງ​ໃຫ້​ເຫັນ​ວ່າ: ພື້ນຖານ​ເສດ​ຖະກິດ​ທົ່ວໂລກ​ມີ​ການປ່ຽນ ແລະ ເລື່ອງ​ຂຶ້ນ​ພາສີ​ໄດ້​ເຮັດ​ ໃຫ້​ທ່ວງ​ທ່າ​ພັດທະນາ​ຂອງ​ພື້ນ ຖານ​ເສດຖະກິດ​ອາ​ເມ​ຣິ​ກາ ຫຼຸດ​ລົງ.

   ຂ່າວ​ລະບຸ​ວ່າ: ດັດຊະນີ ການ​ຊົມໃຊ້​ເຕີບ​ໂຕ​ມີ​ຄວາມ​ຊັກ​ຊ້າ, ໄດ້​ເປັນ​ການ​ພິສູດ​ໃຫ້​ເຫັນ​ວ່າ: ຜູ້​ບໍລິໂພກ ອາດ​ຈະ​​ຖືກ​ຜົນ​ກະທົບ​ຍ້ອນ​ສົງຄາມ​ພາສີ ຊຶ່ງ​ເຮັດ​ໃຫ້​ວິ​ສາ​ຫະ​ກິດ​ຫຼາຍ​ແຫ່ງ ແລະ ບັນດາ​ຜູ້​ຜະລິດ​ອາ​ເມ​ຣິ​ກາ ປະສົບ​ກັບ​ຄວາມ​ຫຍຸ້ງຍາກ​ໃນ​ຫຼາຍ​ເດືອນ​ຜ່ານ​ມາ.