ຈີນ ປຶກ­ສາ​ຫາ­ລື​ການ​ລຶບ­ລ້າງ​ຄວາມ­ທຸກ​ຍາກ ປີ 2019

21.10.2019 11:14     

  ຂ່າວສານ​ຊີ​ອາ​ໄອ​ລາຍ​ງານ​ວ່າ: ວັນ​ທີ 17 ຕຸລາ​ຜ່ານ​ມາ, ແມ່ນ​ວັນ​ລຶບ​ລ້າງ​ຄວາມທຸກ​ຍາກ​ຈີນ, ທັງ​ແມ່ນ​ວັນ​ລຶບ​ລ້າງ​ຄວາມທຸກ​ຍາກ​ສາ​ກົນ. ເວທີ​ປຶກສາ​ຫາລື​ສາກົນ​ວ່າ​ດ້ວຍ​ການ​ລຶບ​ລ້າງ​ຄາວ​ມ​ທຸກ​ຍາກ​ຂອງ​ຈີນ ປີ 2019, ໄດ້​ຈັດ​ຂຶ້ນ​ຢູ່​ນະຄອນຫຼວງ​ປັກ​ກິ່ງ, ໃນ​ວັນ​ທີ 16 ຕຸລາ​ຜ່ານ​ມາ, ຜູ້​ຕາງ​ໜ້າ​ຂອງ​ຈີນ ແລະ ຕ່າງປະເທດ 200 ກວ່າ​ທ່ານ, ທີ່​ມາ​ຈາກ 13 ອົງການ​ຈັດ​ຕັ້ງ​ສາກົນ ແລະ 30 ປະເທດ​ໄດ້​ເຂົ້າ​ຮ່ວມ.

  ເວທີ​ປຶກສາ​ຫາລື​ຄັ້ງ​ນີ້, ເພື່ອ​ປຶກສາ​ຫາລື​ຢ່າງ​ເລິກເຊິ່ງ​ກ່ຽວ​ກັບ​ຫົວຂໍ້​ຕ່າງໆ​ເຊັ່ນ: ການ​ຫຼຸດຜ່ອນ​ຄວາມທຸກ​ຍາກ​ຂອງ​ຈີນ ເປັນ​ບົດຮຽນ​ໃຫ້​ໂລກ​ໃນ​ການ​ລຶບ​ລ້າງ​ຄວາມທຸກ​ຍາກ, ແຜນການ​ຂອງ​ຈີນ ກ່ຽວ​ກັບ​ການ​ຊຸກຍູ້​ໂລກ​ບັນລຸ​ເປົ້າ​ໝາຍ​ທີ່​ປາສະຈາກ​ຄວາມ​ອຶດຫິວ ແລະ ປາສະຈາກ​ຄວາມທຸກ​ຍາກ​ເປັນຕົ້ນ, ຊຸກຍູ້​ການ​ຮ່ວມ​ມື​ໃນ​ຂົງເຂດ​ລຶບ​ລ້າງ​ຄວາມທຸກ​ຍາກ ແລະ ພັດທະນາ​ດ້ວຍ​ຈິດໃຈ​ຊົມໃຊ້​ຮ່ວມ​ກັນ ແລະ ຊົມໃຊ້​ແຜນການ​ຂອງ​ຈີນ ແລະ ສະຕິປັນຍາ​ຂອງ​ຈີນ.

  ເວທີ​ປຶກສາ​ຫາລື​ຄັ້ງ​ນີ້, ຮ່ວມ​ກັນ​ຈັດ​ຂຶ້ນ​ໂດຍ​ສູນ​ຖະແຫຼງ​ຂ່າວ​ອິນ​ເຕີ​ເນັດ​ຈີນ, ສູນ​ລຶບ​ລ້າງ​ຄວາມທຸກ​ຍາກ​ສາກົນ​ຈີນ, ທະນາຄານ​ໂລກ, ທະນາຄານ​ພັດທະນາ​ອາຊີ, ອົງການ​ອາຫານ ແລະ ການ​ກະເສດ​ສະຫະ​ປະຊາຊາດ ຫຼື FAO, ກອງ​ທຶນ​ພັດທະນາ​ກະສິກຳ​ສາກົນ ແລະ ອົງການ​ແຜນການ​ທັນ​ຍາ​ຫານ​ໂລກ​ຂອງ​ສະຫະ​ປະຊາ​ຊາດ.