ຫວຽດ­ນາມ - ສິງ­ກະ­ໂປ ເພີ່ມ​ການ​ຮ່ວມ​ມື​ລົງ­ທຶນ​ໂລ​ຈິ​ສ​ຕິກ

22.10.2019 10:11     

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ຫວ່າງແລ້ວ ນີ້, ທ່ານ ຈິ້ງ​ດິງ​ຢຸງ ຮອງ​ນາຍົກ​ລັດ​ຖະ​ມົນ​ຕີ​ຫວຽດນາມ ໄດ້​ໃຫ້ການ​ຕ້ອນຮັບ​ ທ່ານ ໂຣ​ເບີກ ຢາບ ປະທານ​ຜູ້​ບໍລິຫານ​ກຸ່ມ​ບໍລິສັດ YCH ຊຶຶ່ງ​ແມ່ນ​ວິ​ສາ​ຫະ​ກິດ​ອັນ​ດັບ​ໜຶ່ງ​ຂະ ແໜງການ​ບໍລິການ ໂລ​ຈິ​ສ​ຕິກ (Logistics) ຂອງ​ສິງກະໂປ ທີ່​ມີ​ຄວາມ​ຕ້ອງການ​ລົງທຶນ​ກໍ່ ສ້າງ​ສູນບໍລິການ Logistics ຢູ່​ຫວຽດນາມ.

  ຂ່າວ​ລະບຸ​ວ່າ: ທ່ານ ໂຣ​ເບີກ ຢາບ ໃຫ້​ຮູ້​ວ່າ: ກຸ່ມ​ບໍລິສັດ YCH ຕົກລົງ​ຮ່ວມ​ທຸລະ​ກິດ​ກັບ ກຸ່ມ​ບໍລິສັດ ທີ​ແອນ​ທີ ເພື່ອ​ລົງທຶນ​ພັດທະນາ​ໂຄງການສູນ ​ບໍລິການ Logistics ແລະ ທາງ ບົກ​ສາກົນ​ຢູ່​ແຂວງ​ວິ້ງ​ຟຸກ ທາງ​ພາກ​ເໜືອ​ຫວຽດນາມ. ອີງໃສ່​ຈຸດ​ທີ່​ຕັ້ງ, ພື້ນຖານ​ໂຄງ​ລ່າງ, ສູນ​ບໍລິການ Logistics ຈະ​ສ້າງ​ຈຸດ​ເຊື່ອມ​ຕໍ່​ໃນ​ລະບົບ​ສະໜອງ​ສິນຄ້າ ລະຫວ່າງ ຫວຽດນາມ, ອາ​ຊຽນ, ຕະຫຼາດ​ພາກ​ພື້ນ ແລະ ສາ​ກົນ.

  ໃນ​ເວລາ​ພົບ​ປະ, ທ່ານ ຈິ້ງ​ດິງ​ຢຸງ ກໍ​ໄດ້​ຖື​ວ່າ: ນີ້​ແມ່ນ​ປະກົດ​ການ​ລະອຽດ​ຂອງ​ສາຍ​ພົວພັນ​ຄູ່​ຮ່ວມ​ມື​ຍຸດທະສາດ ຫວຽດນາມ​-​ສິງກະໂປ ທີ່​ພວມ​ພັດທະນາ​ຢ່າງ​ຕັ້ງໜ້າ. ທ່ານ ຈິ້ງ​ດິງ​ຢຸງ ກ່າວ​ຢໍ້າ​ວ່າ: ເປົ້າ ໝາຍ​ຂອງ​ຫວຽດນາມ ແມ່ນ​ກໍ່ສ້າງ​ລະບົບ​ພື້ນຖານ​ໂຄງ​ລ່າງ​ຄົມມະນາຄົມ​ຢ່າງ​ຄົບ​ຊຸດ; ບົນ​ພື້ນຖານ​ດັ່ງກ່າວ ຈະ​ສ້າງ​ບັນດາ​ສູນ​ບໍລິການ Logistics ໃຫຍ່​ມີ​ລະດັບ​ສາກົນ ແນໃສ່​ຫຼຸດຜ່ອນ​ຄ່າ​ໃຊ້​ຈ່າຍ​ໃຫ້​ແກ່​ບັນດາ​ວິ​ສາ​ຫະ​ກິດ. ຈາກ​ນັ້ນ, ຍົກ​ສູງ​ຄຸນ​ນະ​ພາບ ຄວາມ​ສາມາດ​ແກ້ງ​ແຍ້ງ​ຂອງ​ສິນຄ້າ ແລະ ຂອງ​ພື້ນຖານ​ເສດຖະກິດ​ອີກ​ດ້ວຍ.