ອາ​ຊຽ​ນ-​ຍີ່­ປຸ່ນ ເສີມ​ຂະ­ຫຍາຍ​ສາຍ​ພົວ­ພັນ​ອັນ​ດີ­ງາມ

22.10.2019 10:12     

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ທ້າຍ​ອາທິດ​ຜ່ານ​ມາ, ຢູ່​ສຳນັກງານ​ຄະນະ​ເລຂາ​ອາ​ຊຽນ, ໃນ​ນະຄອນ​ຈາ​ກາ​ຕາ ປະເທດ​ອິນ​ໂດ​ເນ​ເຊຍ, ໄດ້​ເປີດ​ງານ​ວາງສະແດງ​ຮູບ​ພາບ ແລະ ກອງ​ປະຊຸມ​ສຳ​ມະ​ນາ ດ້ວຍ​ຫົວຂໍ້; "ເຊື່ອມ​ຕໍ່​ອາ​ຊຽນ: ບັນດາ​ໝາກຜົນ​ອັນ​ໃຫຍ່​ຫຼວງ ລະຫວ່າງ ອາ​ຊຽນ ແລະ ຍີ່ປຸ່ນ ໃນ​ຂົງເຂດ​ກໍ່ສ້າງ​ພື້ນຖານ​ໂຄງ​ລ່າງ".

  ຂ່າວ​ລະບຸ​ວ່າ: ໃນ​ກອງ​ປະຊຸມ​ດັ່ງກ່າວ, ບັນດາ​ຜູ້​ແທນ​ທີ່​ເຂົ້າ​ຮ່ວມ​ປະຊຸມ​ໄດ້​ສຸມ​ໃສ່​ຕີ​ລາຄາ ແລະ ເຮັດ​ໃຫ້​ບັນດາ​ຜົນງານ​ອັນ​ພົ້ນ​ເດັ່ນ, ໃຫຍ່​ຫຼວງ ຊຶ່ງ​ອາ​ຊຽນ ແລະ ຍີ່ປຸ່ນ ບັນລຸ​ໄດ້​ໃນ​ຂົງເຂດ​ກໍ່ສ້າງ​ພື້ນຖານ​ໂຄງ​ລ່າງ​ໃນ​ຕະຫຼອດ​ຂະບວນ​ວິວັດ​ແຫ່ງ​ການ​ຮ່ວມ​ມື ລະຫວ່າງ ອາ​ຊຽນ ແລະ ຄູ່​ຮ່ວມ​ມື​ຍີ່​ປຸ່ນ.

  ກ່າວ​ຄຳ​ເຫັນ​ທີ່​ກອງ​ປະ ຊຸມ​ສຳ​ມະ​ນາ, ຝ່າຍ​ຍີ່ປຸ່ນໄດ້​ ຕີ​ລາຄາ​ວ່າ: ການ​ພົວພັນ ລະ ຫວ່າງອາ​ຊຽນ ແລະ ຍີ່ປຸ່ນພວມ​ ນັບ​ມື້​ນັບ​ມີ​ຄວາມ​ສຳຄັນ. ຍີ່ປຸ່ນ ຍາມ​ໃດ​ກໍເປັນ​ຄູ່​ຮ່ວມ​ມື​ທີ່​ດີ​ຂອງ​ອາ​ຊຽນ, ຖື​ເປັນ​ສຳຄັນ​ບົດບາດ​ໃຈກາງ​ຂອງ ​ອາ​ຊຽນ, ເຄົາລົບ ແລະ ມີ​ບັນດາ​ການ ປະກອບສ່ວນ​ໃຫ້​ແກ່ການພັດ ທະນາ ແລະ ຄວາມ​ວັດທະນາ​ຖາວອນ​ຂອງ​ອາ​ຊຽນ.

  ຕີ​ລາຄາ​ກ່ຽວ​ກັບ​ບັນດາ​ການ​ປະກອບສ່ວນ​ຂອງ​ຄູ່​ຮ່ວມ​ມື​ຍີ່ປຸ່ນ ສຳລັບ​ອາ​ຊຽນ, ທ່ານ ລິ​ມ​ ຈອກ​ຮອຍ​ ເລຂາທິການ​ໃຫຍ່​ອາ​ຊຽນຫວັງ​ວ່າ: ການ​ພົວພັນລະຫວ່າງ ອາ​ຊຽນ - ຍີ່ປຸ່ນຈະ​ສືບຕໍ່​ໄດ້​ຮັບ​ການປັບ ປຸງ ແລະ ເສີມ​ຂະຫຍາຍ​ໃນ​ໄລຍະ​ຈະ​ມາ​ເຖິງ, ນຳ​ເອົາ​ບັນ ດາ​ຜົນ​ປະໂຫຍດ​ຢ່າງ​ໃຫຍ່​ຫຼວງ​ໃຫ້​ແກ່​ປະຊາຊົນ​ບັນດາ​ປະເທດ​ສະມາຊິກ​ອາ​ຊຽນ ແລະ ຍີ່​ປຸ່ນ.