ຫວຽດ­ນາມ ສຸມ​ໃສ່ ປະ­ຕິ­ບັດ​ແຜນ​ພັດ­ທະ­ນາເສດ​ຖະ​ກິດ​-​ສັງ­ຄົມ 5 ປີ

23.10.2019 9:12     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ສະພາບ​ການ​ເສດ​ຖະ​ກິດ​-​ສັງຄົມ ຂອງ​ຫວຽດນາມ ໃນ 9 ເດືອນ​ຕົ້ນ​ປີ​ນີ້, ສືບຕໍ່​ບັນລຸ​ໄດ້​ບັນດາ​ໝາກຜົນ​ທີ່​ຮອບດ້ານ​ພໍ​ສົມຄວນ ການ​ເຕີບ​ໂຕ​ບັນລຸ​ລະດັບ​ສູງ​ພໍ​ສົມ ຄວນ, ເສດຖະກິດ​ມະຫາ​ພາກ​ມີ​ສະຖຽນ​ລະ​ພາບ, ໄພ​ເງິນ​ເຟີ້ ໄດ້​ຮັບ​ການ​ຄວບ​ຄຸມ​ເປັນ​ຢ່າງ​ດີ, ບັນດາ​ພາກ​ສ່ວນ​ສໍາ​ຄັນ​ຂອງ​ພື້ນຖານ​ເສດຖະກິດ​ໄດ້​ຮັບ​ການ​ປັບປຸງ, ຊີວິດ​ສັງຄົມ​ໄດ້​ຮັບ​ຄວາມ​ເອົາໃຈໃສ່ ແລະ ຮັບປະກັນ, ຄຸນ​ນະ​ພາບ​ຊີວິດ​ການ​ເປັນ​ຢູ່​ຂອງ​ປະຊາຊົນ ກໍ​ໄດ້​ຮັບ​ການ​ຍົກ​ສູງ​ຂຶ້ນ. ປີ​ນີ້​ເປັນ​ປີ​ທີ 2 ຕິດຕໍ່​ກັນ​ທີ່​ຫວຽດນາມ ບັນລຸ ແລະ ລື່ນ​ກາຍ​ບັນດາ​ໂຕ​ເລກ​ຄາດໝາຍ​ຕົ້ນຕໍ ໂດຍ​ສະພາ​ແຫ່ງ​ຊາດ​ໄດ້​ມອບ​ໝາຍ​ໃຫ້ແມ່ນ​ພື້ນຖານ​ອັນ​ໝັ້ນ​ແກ່ນ ເພື່ອ​ປະຕິ​ບັດ​ສໍາ​ເລັດ​ແຜນການ​ພັດທະນາ​ເສດ​ຖະ​ກິດ​-​ສັງຄົມ, ງົບ​ປະມານ​ແຫ່ງ​ລັດ ໄລຍະ 5 ປີ 2016-2020.

   ຂ່າວ​ລາຍ​ງານ​ວ່າ: ແຜນ ການ​ພັດທະນາ​ເສດ​ຖະ​ກິດ​-​ສັງຄົມ​ປີ 2020 ໃນ​ວາ​ລະ​ດໍາ ​ເນີນ​ກອງ​ປະຊຸມ​ສະໄໝ​ສາ ມັນ ​ຄັ້ງ​ທີ 8, ສະພາ​ແຫ່ງ​ຊາດ​ຫວຽດນາມ​ຊຸດ​ທີ 14, ທ່ານ ຫ​ງວຽນ​ຊວັນ​ຟຸກ ນາຍົກ​ລັດ​ ຖະມົນຕີ​ຫວຽດນາມ ໃຫ້​ຮູ້​ວ່າ: ຄາດ​ວ່າ​ຈະ​ປະຕິ​ບັດ​ສໍາ​ເລັດ​ບັນດາ​ເປົ້າ​ໝາຍ​ພັດທະນາ​ເສດ​ຖະ​ກິດ​-​ສັງຄົມ​ປີ 2019 ຢ່າງ​ຮອບ​ດ້ານ. ນີ້​ແມ່ນ​ປີ​ທີ 2 ຕິດຕໍ່​ກັນ ທີ່​ຫວຽດນາມ​ບັນລຸ ແລະ ລື່ນ​ກາຍ​ໃນ​ຈໍາ​ນວນ 12 ໂຕ​ເລກ​ຄາດໝາຍ​ຕົ້ນຕໍ, ໃນ​ນັ້ນ ສາມາດ​ບັນລຸ​ລື່ນ​ກາຍ 5 ຄາດໝາຍ​ທີ່​ໄດ້​ວາງ​ອອກ.

   ເສດຖະກິດ​ມະຫາ​ພາກມີ​ ສະຖຽນ​ລະ​ພາບ, ລະດັບການ ​ເຕີບ​ໂຕ​ຍອດ​ລາຍ​ຮັບ​ສະເລ່ຍ (GDP) ຄາດ​ວ່າຈະ​ບັນລຸ​ປະ ມານ 6,8%, ໄພ​ເງິນເຟີ້​ບັນລຸ​ຕໍ່າ​ກວ່າ 3% ແລະ ລາຍຈ່າຍ ​ງົບປະມານ​ເກີນ​ດູນ​ຢູ່ໃນ​ລະ ດັບ 3,4% GDP ນະໂຍບາຍ ງົບປະມານໄດ້​ຮັບ​ການບໍລິ ຫານຢ່າງ​ມີ​ໄຫວ​ພິບ, ມີ​ຈຸດສຸມ. ນະໂຍບາຍ​ປີ​ການ​ເງິນໄດ້ຮັບ​ການ​ປະຕິບັດ​ຢ່າງເຄັ່ງ​ຄັດ, ບັນລຸ​ລື່ນ​ກາຍ​ລາຍ​ຮັບ​ງົບປະ ມານ​ສູນ​ກາງ. ໂຄງ​ປະກອບ​ເສດຖະກິດ​ມີ​ການ​ຫັນປ່ຽນ​ຕາມ​ທິດ​ຕັ້ງໜ້າ. ຊີວິດ​ການ​ເປັນ​ຢູ່​ຂອງ​ປະຊາຊົນ​ໃນ​ທຸກ​ພາກ​ຂອງ​ປະເທດ ລ້ວນ​ແຕ່​ມີ​ການ​ຜັນ​ປ່ຽນ​ຢ່າງ​ຈະ​ແຈ້ງ. ປີ 2019, ຫວຽດນາມ ໄດ້​ຖືກ​ຈັດ​ຢູ່​ອັນ​ດັບ 8 ໃນ​ຈໍາ​ນວນ​ບັນດາ​ພື້ນຖານ​ເສດຖະກິດ​ລົງທຶນ​ດີ​ທີ່​ສຸດ​ໃນ​ໂລກ. ເວທີ​ປາ​ໄສ

   ​ເສດຖະກິດ​ສາກົນ ໄດ້​ຕີ​ລາ​ຄາ​ກໍາ​ລັງ​ຄວາມ​ສາມາດ​ໃນ​ການ​ແກ້ງ​ແຍ້ງ​ຂອງ​ຫວຽດນາມ ແມ່ນ​ໄດ້​ຮັບ​ການ​ປັບປຸງ​ຢ່າງ​ກະໂດດ​ຂັ້ນ​ໃນ 3 ເສົາ​ຄໍ້າ​ຄື: ລະບອບ​ລະບຽບ​ການ, ພື້ນຖານ​ໂຄງ​ລ່າງ ແລະ ທັກ​ສະ.