ທ່ານ ສີ​ຈິ້ນ​ຜິງ ພົບ​ປະ​ເຈົ້າ​ໜ້າ­ທີ່​ການ​ທະ­ຫານ​ສາ­ກົນ

24.10.2019 9:14     

   ຂ່າວສານ​ຊີ​ອາ​ໄອ​ລາຍ​ງານ​ວ່າ: ວັນ​ທີ 18 ຕຸລາ​ຜ່ານ​ມາ, ທ່ານ ສີ​ຈິ້ນ​ຜິງ ເລຂາທິການ​ໃຫຍ່​ສູນ​ກາງ​ພັກ​ກອມ​ມູ​ນິດ​ຈີນ ປະທານ​ຄະນະ​ກຳມະການ​ການ​ທະຫານ​ສູນ​ກາງ​ຈີນ ໄດ້​ພົບ​ປະ​ກັບບັນດາ​ຜູ້ນຳ​ທີ່​ມາ​ຈາກ​ ພາກສ່ວນ​ປ້ອງ​ກັນ​ປະເທດ ແລະ ກອງທັບຂອງ​ປະເທດ​ຕ່າງໆ ພ້ອມ​ກັບ​ເຈົ້າ​ໜ້າທີ່​ສະ ພາ​ມົນຕີ​ກິລາ​ການ​ທະຫານສາ ກົນ ທີ່​ເຂົ້າ​ຮ່ວມ​ພິ​ທີງານ​ມະຫະ​ ກຳ​ກິລາ​ທະຫານ​ໂລກ​ຄັ້ງ​ທີ 7 ທີ່​ນະຄອນ​ອູ​ຮ້ານ​ແຂວງ​ຫູ​ເປີ​ຍ​ຂອງ​ຈີນ. ທ່ານ ສີ​ຈິ້ນ​ຜິງ ຕາງໜ້າ​ລັດຖະບານ, ປະຊາຊົນ ແລະ ກອງທັບ​ຂອງ​ຈີນ ສະແດງ​ຄວາມ​ຍິນດີ​ຕ້ອນຮັບ​ອັນ​ອົບ​ອຸ່ນ ບັນດາ​ຜູ້ນຳ​ທີ່​ມາ​ຈາກ ພາກສ່ວນ​ປ້ອງ​ກັນ​ປະເທດ ແລະ ກອງທັບ​ຂອງ ປະເທດ​ຕ່າງໆ ພ້ອມ​ກັບ​ເຈົ້າ​ໜ້າທີ່​ສະ ພາ​ມົນຕີ​ກິລາ​ການ​ທະຫານ​ສາ ກົນ ແລະ ນັກ​ກິລາ​ຂອງ​ປະເທດ​ຕ່າງໆ.

   ທ່ານ ສີ​ຈິ້ນ​ຜິງ ກ່າວ​ວ່າ: ກິລາ ແມ່ນ​ສັນຍາລັກ​ທີ່​ສຳຄັນ​ແຫ່ງ​ການ​ພັດທະນາ​ຂອງ​ສັງຄົມ ແລະ ຄວາມ​ກ້າວໜ້າ​ຂອງ​ມະ ນຸດ ແມ່ນ​ສ່ວນ​ປະກອບ​ທີ່​ສຳ ຄັນ​ຂອງ​ການ​ແລກປ່ຽນ​ດ້ານວັດ ທະນະ​ທຳ. ງານ​ມະ​ຫະ​ກຳ​ກິລາ​ທະຫານ​ໂລກ​ກຳເນີດ​ຂຶ້ນ ເພື່ອ​ລະນຶກ​ສັນຕິພາບ ແລະ ໄດ້ຮັບ ​ການ​ພັດທະນາ​ໃນ​ການ​ເຜີຍ ແຜ່​ມິດຕະພາບ, ກອງທັບ​ຈີນ ຍິນດີ​ຖື​ງານ​ມະ​ຫະ​ກຳ​ກິລາ​ທະຫານ​ໂລກ​ຄັ້ງ​ນີ້ ເປັນ​ໂອກາດ ຊຸກຍູ້​ໃຫ້ການ​ຮ່ວມ​ມື​ດ້ານ​ການ​ທະຫານ​ສາກົນ ໄດ້​ຮັບ​ການ​ພັດທະນາ​ອັນ​ໃໝ່, ເພີ່ມ​ທະວີ​ການ​ແລກປ່ຽນ​ກັບ​ກອງທັບ​ປະເທດ​ຕ່າງໆ, ລົງ​ເລິກ​ການ​ຮ່ວມ​ມື​ຕົວ​ຈິງ​ໃນ​ທຸກ​ຂົງເຂດ, ປະຕິບັດ​ຕາມ​ພັນທະ​ຂອງ​ຕົນ​ໃນ​ສາກົນ​ຢ່າງ​ບັງເກີດ​ຜົນ, ຮ່ວມ​ມື​ກັນ​ຕ້ານ​ການ​ຂົ່ມຂູ່ ແລະ ສິ່ງ​ທ້າ​ທາຍ​ດ້ານ​ຄວາມ​ໝັ້ນຄົງ​ຮ່ວມ​ກັນ, ເພື່ອ​ປະກອບສ່ວນ​ຫຼາຍ​ກວ່າ​ເກົ່າ ໃນ​ການ​ປົກ​ປັກ​ຮັກສາ​ສັນຕິພາບ​ຂອງ​ໂລກ ແລະ ຊຸກຍູ້​ການ​ສ້າງ​ປະຊາ​ຄົມ​ຮ່ວມ​ຊາຕາກຳ​ຂອງ​ມວນ​ມະ​ນຸດ.