ໄທ ກວດ­ກາ​ວຽກ​ງານ​ຮັບ­ປະ­ກັນ​ຄວາມ​ປອດ​ໄພ​ໃຫ້​ແກ່​ກອງ​ປະ­ຊຸມ​ອາ​ຊຽນ

25.10.2019 9:17    

     ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ບັນດາ​ອົງ ການ​ທີ່​ກ່ຽວຂ້ອງ​ໄດ້​ຮັບ​ການ​ຊີ້​ນຳ​ວ່າ ຕ້ອງ​ລະມັດລະວັງ​ຕໍ່​ບັນດາ​ສະພາບ​ການ ແລະ ຮັບປະກັນ​ບັນດາ​ມາດ​ຕະການ​ປ້ອງ​ກັນ​ຄວາມ​ປອດ​ໄພ ຊຶ່ງ​ຈະ​ໄດ້​ປະຕິບັດ​ຢ່າງ​ເໝາະ​ສົມ​ກັບ​ບັນດາ​ມາດຕະຖານ​ສາ​ກົນ. 

    ຂ່າວ​ລາຍ​ງານ​ວ່າ: ວັນ​ທີ 22 ຕຸລາ​ຜ່ານ​ມາ, ທ່ານ ພົນ​ຕີ ຄົງ​ຈິບ ຕັນ​ຕະ​ວານິດ ໂຄສົກ​ກະຊວງ​ປ້ອງ​ກັນ​ປະເທດ​ໄທ ໃຫ້​ຮູ້​ວ່າ: ທ່ານ ປຣາ​ວິດ ວົງ​ສຸວັນ ຮອງ​ນາຍົກລັດຖະມົນຕີ​ປະເທດ​ໄທ ໄດ້​ຊີ້​ນໍາ​ການ​ກວດກາ​ວຽກ​ງານ​ປ້ອງ​ກັນ​ຄວາມ​ປອດ​ໄພ​ຢ່າງຮອບດ້ານ ເພື່ອ​ກະກຽມ​ໃຫ້​ແກ່​ກອງ​ປະຊຸມ​ສຸດ​ຍອດ​ອາ​ຊຽນ ຄັ້ງ​ທີ 35 ແລະ ບັນດາ​ກອງ​ປະຊຸມ​ທີ່​ກ່ຽວຂ້ອງ​ໃນ​ຕົ້ນ​ເດືອນ​ໜ້າ. ທ່ານ ຮອງ​ນາຍົກລັດຖະມົນຕີ​ໄທ ໄດ້​ອອກ​ຄຳ​ສັ່ງ​ໃຫ້​ບັນດາ​ອົງການ​ທີ່​ກ່ຽວຂ້ອງ​ກວດກາ​ຄືນໃໝ່​ບັນດາ​ແຜນການ​ຮັກສາ​ຄວາມ​ປອດ​ໄພ ແລະ ຄວາມ​ສາມາດ​ກຽມພ້ອມ​ທີ່​ຈະ​ຜັນ​ຂະຫຍາຍ​ບັນດາ​ແຜນການ​ນີ້ ພາຍ​ໃນ 3 ວັນ​ດຳເນີນ​ກອງ​ປະຊຸມ​ດັ່ງ​ກ່າວ.

    ບັນດາ​ອົງການ​ທີ່​ກ່ຽວຂ້ອງ​ໄດ້​ຮັບ​ການ​ຊີ້​ນຳ​ວ່າ: ຕ້ອງ​ລະມັດລະວັງ​ຕໍ່​ບັນດາ​ສະພາບ​ການ ແລະ ຮັບປະກັນ​ບັນດາ​ມາດ​ຕະການ​ປ້ອງ​ກັນ​ຄວາມ​ປອດ​ໄພ ຊຶ່ງ​ຈະ​ໄດ້​ປະຕິບັດ​ຢ່າງ​ເໝາະ​ສົມ​ກັບ​ບັນດາ​ມາດຕະຖານ​ສາ​ກົນ. ທ່ານ ພົນ​ຕີ ຄົງ​ຈິບ ຕັນ​ຕະ​ວານິດ ໄດ້​ປະກາດ​ວ່າ: ບັນດາ​ບັ້ນ​ຮົບ​ລາຊະການ​ລັບ​ຈະ​ໄດ້​ເພີ່ມ​ທະວີ ແນໃສ່​ເປົ້າ​ໝາຍ​ສະກັດ​ກັ້ນ​ໃນ​ທຸກ​ກໍລະນີ ເພື່ອ​ຮັບ​ປະ​ກັັັນ​ໃຫ້​ກອງ​ປະ​ຊຸມ​ດໍາ​ເນີນ​ໄປ​ຢ່າງ​ສະດວກ​ປອດ​ໄພ ແລະ ສໍາ​ເລັດ​ຜົນ.