ເສດ­ຖະ­ກິດ​ດີ​ຈີ​ຕອນ ເປັນ​ແຮງ​ຂັບ​ເຄື່ອນ​ໃໝ່​ຕໍ່​ເສດ­ຖະ­ກິດ​ຈີນ

 

 

28.10.2019 9:42     

   ຂ່າວສານ​ຊີ​ອາ​ໄອ​ລາຍ​ງານ​ວ່າ: ເສດຖະກິດ​ດີ​ຈີ​ຕອນ​ທີ່​ພັດທະນາ​ຢ່າງ​ວ່ອງໄວ ໄດ້​ກາຍເປັນ​ແຮງ​ຂັບ​ເຄື່ອນ​ຕໍ່​ການ​ເຕີບ​ໂຕ​ຂອງ​ເສດຖະກິດ​ຈີນ.

   ບົດ​ວິເຄາະ​ລະບຸ​ວ່າ: ພາຍ​ໃຕ້​ສະພາບ​ການ​ຂອງ​ໂລກ​ທີ່​ລັດທິ​ຝ່າຍ​ດຽວ ແລະ ລັດທິ​ປົກ​ປ້ອງ​ການ​ຄ້າ​ເພີ່ມ​ຂຶ້ນ​ຢ່າງ​ບໍ່​ຢຸດ​ຢັ້ງ, ເສດຖະກິດ​ໂລກ​ຈະ​ຊຸດໂຊມ​ລົງ ຍ້ອນ​ໄດ້​ຮັບ​ແຮງ​ກົດ​ດັນ​​ເພີ່ມ​ຂຶ້ນ, ເສດຖະກິດ​ຈີນ ໄດ້​ປ່ຽນ​ຈາກ​ການ​ເຕີບ​ໂຕ​ຢ່າງ​ວ່ອງໄວ ເປັນ​ການ​ພັດທະນາ​ທີ່​ມີ​ຄຸນ​ນະ​ພາບ​ສູງ, ແຕ່​ກໍ​ໄດ້​ປະ​ເຊີນ​ກັບ​ສິ່ງ​ທ້າ​ທາຍ​ທີ່​ຜະລິດ​ຕະ​ພັນ​ນຳ​ໃຊ້​ແຮງ​ງານ​ຫຼາຍ ໄດ້​ກວມ​ສ່ວນ​ແບ່ງ​ທາງ​ການ​ຕະຫຼາດ​ໂລກ. ຈຳນວນ​ປະຊາກອນ​ທີ່​ຫຼວງຫຼາຍ ແລະ ກຳລັງ​ບົ່ມ​ຊ້ອນ​ອັນ​ມະຫາສານ​ດ້ານ​ການ​ຕະຫຼາດ​ຂອງ​ຈີນ ໄດ້​ສ້າງ​ເງື່ອນໄຂ​ດີ​ທີ່​ສຸດ​ໃຫ້​ແກ່​ການ​ພັດທະນາ​ເສດຖະກິດ​ດີ​ຈີ​ຕອນ.

   ຂ່າວ​ລະບຸ​ວ່າ: ບົດວິ ເຄາະ​ ຊີ​ອາ​ໄອ​ທີ່​ລົງ​ພິມ​ເມື່ອ​ ອາທິດ​ຜ່ານ​ມາ ວ່າ​ດ້ວຍ​ຫົວ ຂໍ້; "ເສດຖະກິດ​ດີ​ຈີ​ຕອນ​ທີ່​ພັດ ທະນາຢ່າງ​ວ່ອງໄວ ໄດ້​ກາຍ ເປັນ​ແຮງ​ຂັບ​ເຄື່ອນ​ຕໍ່​ການ​ເຕີບ​ໂຕ​ຂອງ​ເສດຖະກິດ​ຈີນ", ການ​ພັດທະນາ​ເສດຖະກິດ​ດີ​ຈີ​ຕອນ ມີ​ຜົນ​ດີ​ຕໍ່​ການ​ຍົກ​ສູງ​ຄວາມ​ສາມາດ​ການ​ແຂ່ງຂັນ​ດ້ານ​ເສດຖະກິດ​ຂອງ​ຈີນ ໃນ​ທົ່ວ​ໂລກ. ບົດ​ຄວາມ​ເນັ້ນ​ໜັກ​ວ່າ: ປີ 2018, ເສດຖະກິດ​ດີ​ຈີ​ຕອນ​ຂອງ​ຈີນ ໄດ້​ກວມ 34,8% ຂອງ​ຍອດ​ລາຍ​ຮັບ​ສະເລ່ຍ (GDP) ຈີນ, ບັນລຸ 31.300 ຕື້​ຢວນ. ດີ​ຈີ​ຕອນ​ຫັນ​ເປັນ​ອຸດສາຫະກຳ​ຂອງ​ຈີນ ຈະ​ມີ​ຜົນ​ດີ​ຕໍ່​ການ​ຊຸກຍູ້​ໃຫ້​ອຸດສາຫະກຳ​ການ​ສື່ສານ​ໂທລະ​ຄົມ​ມີ​ການ​ພັດທະນາ​ຢ່າງ​ວ່ອງ​ໄວ. ອຸດສາຫະກຳ​ຫັນ​ເປັນ​ດີ​ຈີ​ຕອນ ຈະ​ສະໜອງ​ພະລັງ​ແຮງ​ໃຫ້​ແກ່​ເສດຖະກິດ​ຈີນ ຫັນປ່ຽນ​ໂຄງ​ປະກອບ ແລະ ຍົກ​ລະດັບ​ໃຫ້​ສູງ​ຂຶ້ນ​ຢ່າງຕໍ່​ເນື່ອງ. ພ້ອມ​ກັນ​ນັ້ນ, ເສດ ຖະກິດ​ດີ​ຈີ​ຕອນ ຍັງ​ຈະ​ສ້າງ​ໂອກາດ​ຫາ​ວຽກ​ເຮັດ​ງານ​ທຳ​ຢ່າງ​ຫຼວງຫຼາຍ​ໃຫ້​ແກ່​ປະຊາຊົນ​ຈີນ​ອີກ​ດ້ວຍ.