ປະ­ເທດ​ພວມ​ພັດ­ທະ­ນາ​ອາ­ຊີ ຕ້ອງ​ບັນ­ລຸ​ເປົ້າ​ໝາຍ SDG

03.10.2019 9:19     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ບົດ​ລາຍ​ງານ ​ສະບັບ​ໜຶ່ງ​ກ່ຽວ​ກັບ​ການ​ຕີ​ລາ ຄາ​ແບບ​ເອກະລາດ​ຂອງ​ທະນາ ຄານ​ພັດທະນາ​ອາຊີ (ADB) ຊຶ່ງ​ໄດ້​ປະກາດ​ໃນ​ວັນ​ທີ 30 ກັນຍາ​ຜ່ານ​ມາ, ບັນດາ​ປະເທດ​ກຳລັງ​ພັດທະນາ​ຢູ່​ພາກ​ພື້ນ ອາຊີ - ປາ​ຊີ​ຟິກ ຕ້ອງ​ໄດ້​ຮັບ​ທຶນ​ໜູນ​ຊ່ວຍ​ບຸລິມະສິດ​ຫຼາຍ​ກວ່າ​ ເພື່ອ​ມີ​ໂອກາດ​ຈະ​ບັນລຸ​ໄດ້​ເປົ້າ​ໝາຍ​ກ່ຽວ​ກັບ​ການ​ພັດທະນາ​ແບບ​ຍືນ​ຍົງ (SDG) ຕື່ມ​ອີກ.

   ບົດ​ລາຍ​ງານ​ລະບຸ​ວ່າ: ສະ ພາບ​ຄວາມ​ບໍ່​ສະເໝີພາບ​ພວມ​ນັບ​ມື້​ນັບ​ເພີ່ມ​ຂຶ້ນ, ບັນດາ​ວິ​ກິດ ​ການ​ກ່ຽວຂ້ອງ​ເຖິງ​ການ​ປ່ຽນ ແປງ​ຂອງ​ດິນ​ຟ້າ​ອາກາດ​ນັບ​ມື້​ນັບ​ຮ້າຍ​ແຮງ ແລະ ເກີດ​ຂຶ້ນ​ຢູ່​ຫຼາຍ​ບ່ອນ, ການ​ປະ​ທະ​ກັນ​ໄດ້​ດຳເນີນ​ໃນ​ໄລຍະ​ທີ່ຍາວນານ ແລະ ການ​ຂາດ​​ສະຖຽນ ລະ​ພາບ​ໄດ້​ເກີດ​ຂຶ້ນ​ຢ່າງ​ເປັນ​ປະຈຳ​ຢູ່​ບາງ​ປະເທດ ຊຶ່ງ​ສະແດງ​ໃຫ້​ເຫັນ ​ວ່າ: ບັນດາ​ໝາກຜົນ​ ທີ່​ບັນ ລຸ​ໄດ້​ໃນ​ການ​ລຶບ​ລ້າງ​ຄວາມ​ອຶດ ຫິວ, ຫຼຸດຜ່ອນ​ຄວາມທຸກ​ຍາກ​ຢູ່​ພາກ​ພື້ນ​ນີ້​ມີ​ຄວາມ​ສ່ຽງ​ທີ່​ຈະ​ກັບ​ຄືນ​ສູ່​ໄລຍະ​ກາງ.

   ບົດ​ລາຍ​ງານ​ໄດ້​ກ່າວ ເຕືອນ​ບັນດາ​ປະເທດ​ໃນ​ພາກ​ ພື້ນ​ວ່າ: ຖ້າ​ບໍ່​ມີ​ຄວາມ​ພະຍາ ຍາມ​ກວ່າ​ເກົ່າ ແມ່ນ​ຍາກ​ທີ່​ຈະ​ບັນລຸ SDG ໃນ​ປີ 2030. ບົດ​ລາຍ​ງານ ໄດ້​ດຳເນີນ​ການ​ຕີ​ລາ ຄາ​ໝາກຜົນ​ຂອງ​ການ​ນຳ​ໃຊ້​ບັນດາ​ບ້ວງ​ເງິນ​ກູ້​ຢືມ​ບຸລິມະສິດ ແລະ ການ​ໜູນ​ຊ່ວຍ​ຂອງ ADB ໃນ​ໄລຍະ​ປີ 2013 - 2018. ທຶນ​ຊ່ວຍເຫຼືອ​ບຸລິມະສິດ​ຂອງ ADB ໃນ​ໄລຍະ​ນີ້, ໄດ້​ເພີ່ມ​ຂຶ້ນ​ເກືອບ 21 ຕື້​ໂດ​ລາ.