ເພີ່ມ​ພູນ​ຄູນ​ສ້າງ​ສາຍ​ພົວ­ພັນ ລາວ​-​ຫວຽດ­ນາມ

 

 

30.10.2019 9:12     

ຮຽບຮຽງ​ໂດຍ​​ : ສີ​ວັນ

   ໃນ​ທ່າມກາງ​ບັນຍາກາດ​ທີ່ ປະຊາຊົນ​ສອງ​ປະເທດ ລາວ-ຫວຽດນາມ ພວມກະກຽມ ​ສະເຫຼີມສະຫຼອງ​ຄົບຮອບ 70 ປີ ແຫ່ງ​ວັນ​ມູນເຊື້ອ​ທະຫານ ​ອາສາ​ສະໝັກ ແລະ ນັກຊ່ຽວ ຊານ ຫວຽດນາມ ຢູ່​ລາວ (30/ 10/1949-30/10/2019) ສອງປະເທດ​ໄດ້​ຮ່ວມ​ກັນຈັດ​ ກິດ​ຈະ​ກໍາ​ຫຼາຍ​ຢ່າງ ຊຶ່ງ​ເປັນ ການ​ເພີ່ມ​ພູນ​ຄູນ​ສ້າງ​ໄມຕີ​ຈິດ ​ມິດຕະພາບ, ເຮັດ​ໃຫ້ການ​ພົວ ພັນ​ອັນ​ຍິ່ງ​ໃຫຍ່, ຄວາມ​ສາມັກຄີ​ແບບພິເສດ ແລະ ການ​ຮ່ວມ​ມື​ຮອບດ້ານລະຫວ່າງລາວ- ຫວຽດນາມ ນັບ​ມື້​ພົ້ນ​ເດັ່ນຂຶ້ນ, ປະກອບສ່ວນ​ເຂົ້າ​ໃນ​ການ​ເພີ່ມ​ພູນ​ຄູນ​ສ້າງ​ສາຍ​ພົວພັນ​ໃຫ້​ນັບ​ມື້​ນັບ​ພັດທະນາ​ຂຶ້ນ.

   ຈາກຈຸດ​ພິເສດ​ພູມີປະ ເທດ​ທາງ​ທຳ​ມະ​ຊາດ ແລະ ສັງ ຄົມ, ສອງ​ປະເທດ ລາວ - ຫວຽດ ນາມ ໄດ້​ມີ​ການ​ພົວພັນ​ອັນ​ຍາວ​ນານ, ສະໜິດ​ສະ​ໜົມ. ໄມ​ຕີຈິດ​ມິດຕະພາບ ແລະ ການ​ພົວພັນ​ແບບ​ພິເສດ​ລະຫວ່າງ ລາວ - ຫວຽດນາມ ໄດ້​ຮັບ​ການ​ຢັ້ງຢືນ​ໂດຍ​ບັນດາ​ພຶດຕິ​ກຳ​ຕົວ​ຈິງ​ໃນ​ປະຫວັດສາດ ແລະ ຜູ້ນຳ​ຂອງ​ສອງ​ຊາດ ກໍ່ສ້າງ​ພື້ນຖານ​ໂດຍ​ກົງ ພ້ອມ​ກັບ​ບັນດາ​ການ​ນຳ ແຕ່​ ລະ​​ຮຸ່ນ ແລະ ປະຊາຊົນສອງປະ ເທດ​ຮ່ວມ​ກັນ​ຜ່ານ​ຜ່າ​ບັນດາ​ເຫດການ​ປະຫວັດສາດ, ອອກ​ເຫື່ອ​ເທ​ແຮງ, ເພີ່ມ​ພູນ​ຄູນ​ສ້າງ, ຜ່ານ​ຜ່າ​ບັນດາ​ຄວາມທຸກ​ຍາກ​ລຳບາກ, ເພື່ອ​ກາຍເປັນການ​ພົວພັນ​ແບບຢ່າງ ຈົງ​ຮັກ​ພັກດີ ແລະ ຫາ​ໄດ້​ຍາກ​ໃນ​ໂລກ.

   ນັບ​ແຕ່​ຊຸມ​ປີ​ແຫ່ງ​ການ​ຕໍ່ສູ້​ປົດ​ປ່ອຍປະ​ເທດ​ຊາດ,ປະ ທານ​ໂຮ່​ຈິ​ມິນ ຜູ້​ນໍາ​ທີ່​ຍິ່ງ​ໃຫຍ່ ແລະ ເຄົາລົບ​ຮັກ ຍາມ​ໃດ​ກໍ ຢັ້ງຢືນ​ວ່າ: ການ​ຮັກສາ, ປັບປຸງ​ການ​ພົວພັນ​ສາມັກຄີ​ໃນການ ​ຕໍ່ສູ້​ຂອງ​ສອງ​ປະເທດ ຫວຽດ ນາມ - ລາວ ແມ່ນ​ໜ້າທີ່​ເປັນ ຕາຍຂອງປະຊາຊົນ​ສອງ​ປະ​ເທດ. ຈາກ​ນັ້ນ, ຊາຕາ​ກຳຂອງ ​ສອງ​ປະເທດ ໄດ້​ຝັງ​ເລິກ​ໃນ ​ຈິດໃຈ​ຕະຫຼອດ​ການ​ຂອງປະ ຊາຊົນ​ລາວ ແລະ ປະຊາຊົນ ຫວຽດນາມ ນັບ​ຫຼາຍ​ລ້ານ​ຄົນ, ປະຊາຊົນ​ສອງ​ປະເທດ ນັບມື້​ ນັບ​ສະໜິດ​ຕິດ​ແທດ​ຊຶ່ງ​ກັນ ແລະ ກັນ​ກວ່າ​ເກົ່າ. ປະຊາຊົນ​ສອງ​ປະເທດ ກາຍເປັນ​ເພື່ອນ​ສູ້​ຮົບ​ຂອງ​ກັນ, ແບ່ງ​ທຸກ​ແບ່ງ​ສຸກ, ຮ່ວມ​ຂຸມ​ຄອງ​ດຽວ​ກັນ. ໃນ​ການ​ຕໍ່ສູ້​ຕ້ານ ຫົວ​ເມືອງ​ຂຶ້ນ​ຝຣັ່ງ ແລະ ຈັກກະພັດ​ອາ​ເມ​ຣິ​ກາ ເພື່ອ​ປົດ​ປ່ອຍປະ​ເທດ​ຊາດ​ຂອງ​ແຕ່​ລະ​ປະເທດ, ການ​ສົມທົບ​ໜູນ​ຊ່ວຍ​ກັນ​ຢ່າງ​ຈິງ​ໃຈ, ຍອມ​ເສຍສະຫຼະ​ຊີວິດ​ຂອງ​ທັງ​ສອງ​ຊາດ ຫວຽດນາມ - ລາວ ແມ່ນ​ປັດ​ໄຈ​ສຳຄັນ​ໃນ​ການ​ສ້າງ​ໄຊຊະນະ​ຂອງ​ການ​ປະຕິວັດ​ຂອງ​ແຕ່​ລະ​ປະ​ເທດ.

   ການ​ພົວພັນ ລະຫວ່າງ ລາວ - ຫວຽດນາມ ມີ​ຄວາມ​ພິເສດ​ແທ້​ຈິງ, ຄວາມ​ສະໜິດ​ຕິດ​ພັນ​ລະຫວ່າງ ທະຫານອາ ສາ​ສະໝັກ​ຫວຽດນາມ​ຮຸ່ນຕ່າງໆ ກັບ​ບັນດາ​ລູກ​ຮັກ​ຫຼານ​ແພງ​ທີ່​ດີເດັ່ນ​ຂອງປະຊາຊົນ​ລາວ​ບັນດາເຜົ່າ, ມີ​ການສົມທົບ​ກັນ​ຢ່າງ​ແໜ້ນ​ແຟ້ນ, ຍອມ​ເສຍສະ ຫຼະ​ຊີວິດ​ເພື່ອ​ພາລະກິດ​ປົດ​ ປ່ອຍປະ​ເທດ​ຊາດ, ກາຍເປັນ ​ສັນຍາ​ລັກ​ອັນ​ໃສ​ແຈ້ງ​ຂອງໄມ​ຕີຈິດ​ມິດຕະພາບມີ​ໜຶ່ງ​ບໍ​ມີສອງ​ ໃນ​ປັດ​ຈຸ​ບັນ. ຕີ​ລາຄາ​ກ່ຽວ​ກັບ​ ການ​ພົວພັນ​ແບບ​ພິເສດ ຫວຽດ ນາມ - ລາວ, ທ່ານ ຫງວຽນ​ຝູ​ຈ້ອງ ເລຂາທິການ​ໃຫຍ່, ປະ ທານ​ປະເທດຫວຽດນາມ ກ່າວ​ວ່າ: ຫວຽດນາມ - ລາວ ແມ່ນ​ສອງ​ປະເທດ​ບ້ານ​ໃກ້​ເຮືອນ​ຄຽງ, ຮ່ວມ​ແມ່​ນໍ້າ​ຂອງ, ຮ່ວມ​ສາຍພູ​ຫຼວງ. ປະຊາຊົນ​ສອງ​ປະເທດ ມີ​ສາຍ​ພົວພັນ​ອັນ​ສັດຊື່​ບໍລິສຸດ​ທີ່​ເປັນ​ມູນເຊື້ອ​ມາ​ແຕ່່​ດົນ​ນານ. ພິເສດ, ນັບ​ແຕ່​ພັກ​ກອມ​ມູ​ນິດ​ຫວຽດນາມ ແລະ ພັກ​ປະຊາຊົນ ປະຕິວັດ​ລາວ ໄດ້​ຮັບ​ການ​ສ້າງຕັ້ງ​ຂຶ້ນ. ສາຍ​ພົວພັນ​ນັ້ນ ນັບ​ມື້​ນັບ​ໄດ້​ຮັບ​ການ​ເປີດ​ກວ້າງ, ພັດທະນາ ແລະ ໄດ້​ຍົກ​ຂຶ້ນ​ສູ່​ລະດັບ​ສູງ ໃໝ່ ດ້ວຍ​ທິດ​ນໍາ​ທີ່​ເຕັມ​ໄປ​ດ້ວຍ​ລັກສະນະ​ວັດ​ທະ​ນະ​ທໍາ​ມະນຸດ ແລະ ມີ​ຄວາມ​ໝາຍ​ທາງ​ດ້ານ​ການເມືອງ​ຢ່າງ​ເລິກເຊິ່ງ ໂດຍ​ປະທານ​ໂຮ່​ຈິ​ມິນ ໄດ້​ຊີ້​ນໍາ​ວ່າ; "ຊ່ວຍ​ເພື່ອນ​ແມ່ນ​ຊ່ວຍ​ຕົນ​ເອງ". ສະນັ້ນ, ປະຊາຊົນ​ສອງ​ປະເທດ ຫວຽດນາມ ແລະ ລາວ ຍາມ​ໃດ​ກໍ​ຄຽງ​ບ່າ​ຄຽງ​ໄຫຼ່, ຮ່ວມ​ທຸກ​ຮ່ວມ​ສຸກ​ນໍາ​ກັນ, ຮ່ວມ​ກັນ​ເພີ່ມ​ພູນ​ຄູນ​ສ້າງ​ສາຍ​ພົວພັນ​ມິດຕະພາບ​ອັນ​ຍິ່ງ​ໃຫຍ່, ຄວາມ​ສາມັກຄີ​ແບບ​ພິເສດ ແລະ ການ​ຮ່ວມ​ມື​ຮອບດ້ານ ກາຍເປັນ​ຊັບ​ສົມບັດ​ອັນ​ລໍ້າ​ຄ່າ, ເປັນ​ແຫຼ່ງ​ກໍາ​ລັງ​ອັນ​ປະເສີດ​ເລີດ​ລໍ້າ ແລະ ແມ່ນ​ປັດ​ໄຈ​ສໍາ​ຄັນ​ທີ່​ສຸດ ຮັບປະກັນ​ຜົນ​ສໍາ​ເລັດ​ຂອງ​ການ​ປະຕິວັດ​ຂອງ​ແຕ່​ລະ​ປະ​ເທດ.
     

   ຈາກ​ເສັ້ນທາງ​ທີ່​ຍາກ​ລໍາ​ບາກ​ໄດ້​ຜ່ານ​ພົ້ນ​ໄປ, ປັດຈຸບັນ, ສອງ​ປະເທດ ລາວ - ຫວຽດນາມ ມີ​ຄວາມ​ພາກພູມ​ໃຈ ແລະ ໝັ້ນ​ແກ່ນ​ກ້າວ​ເດີນ​ໃນ​ໄລຍະ​ແຫ່ງ​ການ​ປ່ຽນແປງ​ໃໝ່, ເຊື່ອມ​ໂຍງ​ເຂົ້າ​ກັບ​ສາກົນ ແລະ ສ້າງສາ​ປະເທດ​ຊາດ. ການ​ພົວພັນ ລະ ຫວ່າງ ສອງ​ປະເທດ​ພວມ​ກ້າວ​ເຂົ້າ​ສູ່​ສັງກາດ​ໃໝ່, ສັງກາດ​ແຫ່ງ​ສັນຕິພາບ, ເອກະລາດ ແລະ ຮ່ວມ​ແຮງ​ຮ່ວມ​ໃຈ​ກໍ່ສ້າງ​ປະເທດ​ສັງຄົມ​ນິຍົມ. ສອງ ພັກ, ສອງ​ລັດ ສືບຕໍ່​ຢັ້ງຢືນ​ຄວາມ​ສາມັກຄີ​ແບບ​ພິເສດ ທີ່​ສະເໝີ​ຕົ້ນ​ສະເໝີ​ປາຍ, ການ​ສະໜັບສະໜູນ​ອູ້ມ​ຊູ​ຊ່ວຍເຫຼືອ​ຊຶ່ງ​ກັນ ແລະ ກັນ ເພື່ອ​ປົກ​ປັກ​ ຮັກສາ​ອະທິປະ​ໄຕ, ຜືນ​ແຜ່ນ ດິນ​ອັນ​ຄົບ​ຖ້ວນ, ເພີ່ມ​ທະວີ​ການ​ສົມທົບ​ກັນ​ຈັດ​ຕັ້ງ​ບັນດາ​ການເຄື່ອນໄຫວ​ພົວພັນ​ຕ່າງ ປະເທດ ເພື່ອ​ແນ​ໃສ່່​ຍົກ​ສູງ​ທີ່​ຕັ້ງ​ບົດບາດ​ຂອງ​ແຕ່​ລະ​ປະເທດ​ໃນ​ພາກ​ພື້ນ ແລະ ໃນ​ເວທີ​ສາ​ກົນ. ນີ້​ແມ່ນ​ພື້ນຖານ​ດ້ານ​ນິຕິ​ກໍາອັນ​ ໝັ້ນ​ແກ່ນ ສໍາ​ລັບ​ການ​ເຕີບ ໂຕ, ເປີດ​ກວ້າງ​ສາຍ​ພົວພັນ​ແບບ​ພິເສດ ລະຫວ່າງ ລາວ - ຫວຽດນາມ, ຫວຽດນາມ - ລາວ ໃນ​ສະໄໝ​ໃໝ່, ສ້າງ​ກໍາ​ລັງ​ໜູນ​ອັນ​ໃຫຍ່​ຫຼວງ ເພື່ອ​ໃຫ້​ສອງ​ປະເທດ​ພ້ອມ​ກັນ​ພັດ​ທະ​ນາ.

   ການ​ນໍາ​ຂອງ​ສອງ​ປະເທດ ໄດ້​ເຫັນ​ດີ​ເປັນ​ເອກະ​ພາບ ແລະ ຕັດສິນ​ໃຈ​ຊີ້​ນໍາ​ບັນດາ​ກະຊວງ, ຂະແໜງການ​ຈາກ​ຂັ້ນ​ສູນ​ກາງ​ຕະຫຼອດ​ຮອດ​ທ້ອງຖິ່ນ​ຂອງ​ສອງ​ປະເທດ ຈົ່ງ​ສູ້​ຊົນ​ສົມທົບ​ກັນ​ປະຕິບັດ​ການ​ຮ່ວມ​ມື​ໃນ​ບັນດາ​ຂະແໜງການ​ທີ່​ເປັນ​ຈຸດ​ສຸມ​ໃຫ້​ເປັນ​ຢ່າງ​ດີ ເປັນຕົ້ນ​ແມ່ນປັບປຸງ​ການ​ສຶກສາ​ຢ່າງ​ບໍ່​ຢຸດ​ຢັ້ງ, ພັດທະນາ ແລະ ເຮັດ​ໃຫ້​ມູນເຊື້ອ​ຂອງ​ການ​ພົວພັນ​ທາງ​ດ້ານ​ການເມືອງ​ແບບ​ພິເສດ ແລະ ຫາ​ຍາກ​ນີ້​ເລິກເຊິ່ງ​ຂຶ້ນ​ຕື່ມ ຊຶ່ງ​ບໍ່​ພຽງ​ແຕ່​ໃນ​ລະດັບ​ການ​ນໍາ​ຂັ້ນ​ສູງ​ເທົ່າ​ນັ້ນ ແຕ່​ຫາກ​ຍັງ​ຕ້ອງ​ຊຶມ​ເລິກ​ເຂົ້າ​ສູ່​ປະຊາຊົນ​ທຸກ​ຊັ້ນ​ຄົນ, ພິເສດ​ແມ່ນ​ໄວ​ໜຸ່ມ; ຍົກ​ສູງ​ປະສິດ​ທິ​ຜົນ​ການ​ຮ່ວມ​ມື​ດ້ານ​ເສດຖະກິດ ລະຫວ່າງ ສອງ​ຝ່າຍ ໃຫ້​ສົມ​ກັບ​ສາຍ​ພົວພັນ​ດ້ານ​ການເມືອງ​ອັນ​ດີງາມ ແລະ ມີ​ມາ​ແຕ່​ດົນ​ນານ.

   ຕາມ​ແຫຼ່ງ​ຂ່າວ​ຈາກ​ວິທະ ຍຸ​ກະຈາຍສຽງ​ຫວຽດນາມ, ທ່ານ ຕ້າ​ມິ​ງ​ເຈົາ ອະດີດ​ເອກ​ອັກຄະ​ ລັດ​ຖະ​ທູດ​ຫວຽດນາມ ປະ​ຈໍາ ລາວ ກ່າວ​ວ່າ: ຫວຽດນາມ ແລະ ລາວ ໃນ​ໄລຍະ​ຈະ​ມາ​ເຖິງ​ຕ້ອງ ​ສືບຕໍ່​ເສີມ​ຂະຫຍາຍ​ສາຍ​ພົວ ພັນ ລະຫວ່າງ ສອງ​ປະ​ເທດ. ສໍາ​ລັບ​ການ​ພົວພັນ ລະຫວ່າງ ຫວຽດນາມ - ລາວ ນັບ​ມື້​ນັບ​ມີ​ຄວາມ​ສະໜິດ​ຕິດ​ພັນ, ນັບມື້​ ນັບ​ພັດທະນາ​ ນັ້ນແມ່ນ​ໄດ້​ນໍາ​ມາ​ຊຶ່ງ​ຜົນ​ປະໂຫຍດ​ອັນແທດ ​ຈິງ​ທີີ່​ສຸດ​ໃຫ້​ແກ່​ປະຊາຊົນ​ສອງ​ປະເທດ, ເຮັດ​ໃຫ້​ສອງ​ປະເທດ ຫວຽດນາມ ແລະ ລາວ ມີ​ສະ ຖຽນ​ລະ​ພາບ, ນັບ​ມື້​ນັບ​ໝັ້ນ ຄົງ​ເຂັ້ມ​ແຂງ. ສິ່ງ​ດັ່ງກ່າວ ກໍ​ໄດ້​ຊ່ວຍ​ໃຫ້​ອາ​ຊຽນ ໝັ້ນຄົງ​ເຂັ້ມ ແຂງ, ທັງ​ເປັນ​ການ​ເພີ່ມ​ທະວີ​ຄວາມ​ມີ​ສະຖຽນ​ລະ​ພາບ​ໃນ​ພາກ​ພື້ນ​ອີກ​ດ້ວຍ.

   ທ່ານ ຕ້າ​ມິ​ງ​ເຈົາ ກ່າວຢໍ້າ​ ວ່າ: ປະຊາຊົນ​ຫວຽດນາມຍາມ ​ໃດ​ກໍ​ມີ​ຄວາມ​ພາກພູມ​ໃຈ ເມື່ອ ​ມີ​ເພື່ອນ​ບ້ານ​ໃກ້​ເຮືອນ​ຄຽງ​ທີ່​ ສັດຊື່​ບໍລິສຸດ​ຜຸດ​ຜ່ອງ​ຄື​ປະຊາ ຊົນ​ລາວ. ໃນ​ຕະຫຼອດ​ໄລຍະ​ສົງຄາມ​ປົດ​ປ່ອຍປະ​ເທດ​ຊາດ​ໃນ​ເມື່ອ​ກ່ອນ ກໍ​ຄື​ໃນ​ຂະບວນ​ວິວັດ​ແຫ່ງ​ການ​ສ້າງສາ ແລະ ພັດທະນາ​ປະເທດ​ຊາດ​ໃນ​ວັນ​ນີ້, ສອງ​ປະເທດ​ຢັ້ງຢືນ​ຄວາມ​ຕັດສິນ​ໃຈ​ວ່າ: ການສືບ ຕໍ່​ເພີ່ມ​ພູນ​ຄູນ​ສ້າງ​ຄວາມ​ສາ ມັກຄີ​ແບບ​ພິເສດ​ນັ້ນ ຈະ​ປະ ກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ພາລະ​ກິດ​ແຫ່່ງ​ການ​ສ້າງສາ ແລະ ປົກ​ປັກ​ຮັກສາ​ປະເທດ​ສັງຄົມ​ນິຍົມ​ຢູ່​ແຕ່​ລະ​ປະເທດ, ຮັກສາ​ສັນຕິພາບ, ການ​ຮ່ວມ​ມື ແລະ ພັດທະນາ​ຢູ່​ພາກ​ພື້ນ ແລະ ໃນ​ໂລກ​ໃຫ້​ເປັນ​ຢ່າງ​ດີ.