ກອງ​ປະ­ຊຸມ​ໂລກ​ເພື່ອ​ປ້ອງ​ກັນ ແລະ ຮັກ­ສາ​ໂຣກ ທາງ​ເດີນ​ຫາຍ­ໃຈ​ຊຳ​ເຮື້ອ

 

 

30.10.2019 9:07     

    ຂ່າວສານ​ຊີ​ອາ​ໄອ​ລາຍ ​ງານ​ວ່າ: ກອງ​ປະຊຸມ​ສະຫະ ພັນ​ໂລກ ​ເພື່ອ​ປ້ອງ​ກັນ ແລະ ຮັກສາ​ໂຣກ​ທາງ​ເດີນ​ຫາຍ​ໃຈ​ຊໍາ​ເຮື້ອ ຄັ້ງ​ທີ 13 ໄດ້​ດໍາ​ເນີນ​ຢູ່​ນະຄອນຫຼວງ​ປັກ​ກິ່ງ ແຫ່ງ ສປ ຈີນ ໃນ​ວັນ​ທີ 27 ຕຸລາ​ຜ່ານ​ມາ. ກອງ​ປະຊຸມ ໄດ້​ປະ ກາດປະຕິຍານ​ວ່າ​ດ້ວຍ​ປະຕິ ບັດ​ການ​ເພື່ອ​ປ້ອງ​ກັນ ແລະ ຮັກສາ​ໂຣກ​ທາງ​ເດີນ​ຫາຍ​ໃຈ​ຊໍາ​ເຮື້ອ​ສະ​ບັ​ບທໍາ​ອິດ​ຂອງ​ໂລກ ປະກອບ​ດ້ວຍ 5 ປະການ​ດັ່ງນີ້: ໜຶ່ງ, ລັດຖະບານ​ທົ່ວ​ໂລກ ຄວນ​ໃຫ້​ຄວາມ​ສໍາ​ຄັນ ແລະ ໃຊ້​ປະຕິບັດ​ການ​ກັບ​ໂຣກ​ທາງ ເດີນຫາຍ​ໃຈ​ຊໍາ​ເຮື້ອ. ສອງ, ນະໂຍບາຍ​ທຸກ​ຢ່າງ​ຄວນ​ຄວບ​ຄຸມ​ເຖິງ​ເລື່ອງ​ການ​ປ້ອງ​ກັນ​ໂຣກ​ທາງ​ເດີນ​ຫາຍ​ໃຈ​ຊໍາ​ເຮື້ອ. ສາມ, ສົ່ງເສີມ​ລະບົບ​ສາ​ທາ ລະນະ​ສຸກ​ໃນ​ທ້ອງຖິ່ນ, ຍົກ​ລະດັບ​ຄວາມ​ສາມາດ​ໃນ​ການ​ປ້ອງ​ກັນ ແລະ ຮັກສາ​ໂຣກ​ທາງ​ເດີນ​ຫາຍ​ໃຈ​ຊໍາ​ເຮື້ອ​ໃຫ້​ສູງ​ຂຶ້ນ. ສີ່, ເພີ່ມ​ການ​ວິ​​ໄຈ​ທາງ​ວິທະຍາສາດ ແລະ ຫ້າ, ເພີ່ມ​ຄວາມ​ຮ່ວມ​ມື​ລະດັບ​ໂລກ ເດີນ​ໜ້າ​ໂຄງການ​ແຫ່ງ​ຊາດ.

   ສະຖິຕິ​ລະບຸ​ວ່າ: ໂຣກ​ທາງ​ເດີນ​ຫາຍ​ໃຈ​ຊໍາ​ເຮື້ອ ກາຍ ເປັນ 1 ໃນ 4 ໂຣ​ກຊໍາ​ເຮື້ອ​ທີ່​ສ້າງ​ພາ ລະ​ໃຫ້​ແກ່​ໂຣກ​ຫຼາຍ​ຂຶ້ນ.