ວິ​ສາ​ຫະ​ກິດ​ເອ­ກະ​ຊົນ​ເປັນ​ກຳ­ລັງ​ສຳ­ຄັນ​ຕໍ່​ການ​ເຕີບ​ໂຕ​ເສດ­ຖະ­ກິດ

01.11.2019 10:14     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ພາກ​ເອກະ​ຊົນ​ບືນ​ຕົວ​ຂຶ້ນ​ກາຍເປັນ​ກຳລັງ​ໜູນ​ຕົ້ນຕໍ​ຂອງ​ການ​ເຕີບ​ໂຕ​ເສດຖະກິດ​ໃນ​ໄຕ​ມາດ​ທີ 3 ແລະ 3 ໄຕ​ມາດ​ຕົ້ນ​ປີ​ນີ້. ຂໍ້​ມູນ​ດັ່ງກ່າວ ໄດ້​ຍົກ​ອອກ​ມາ​ໃນ​ກອງ​ປະຊຸມ​ສຳ​ມະ​ນາ​ກຳລັງ​ໜູນ​ໃຫ້​ແກ່​ເສດຖະກິດ ຫວຽດນາມ; "ແງ່​ມູນ ແລະ ແງ່​ຫວັງ" ໂດຍ​ສະ​ຖາ​ບັນ​ຄົ້ນ​ຄ້​ວາ​ຄຸ້ມ​ຄອງ​ເສດຖະກິດ​ສູນ​ກາງ​ຈັດ​ຂຶ້ນ ໃນ​ວັນ​ທີ 30 ຕຸລາ​ຜ່ານ​ມາ, ຢູ່​ນະຄອນຫຼວງ​ຮ່າ​ໂນ້ຍ.

   ຕາມ​ບົດ​ລາຍ​ງານ​ໂດຍ​ສະ​ຖາ​ບັນ​ຄົ້ນ​ຄ້​ວາ​ເສດຖະກິດ​ສູນ​ກາງ ແລະ ລາຍການ ອົສ​ຕຣາ​ລີ ສະໜັບສະໜູນ ການ​ດັດ​ປັບ​ເສດຖະກິດ ຫວຽດນາມ (Asus4.Reform Program) ສົມທົບ​ກັນ​ຄົ້ນ​ຄ້​ວາ ແລະ ຕີ​ລາຄາ ໃຫ້​ຮູ້​ວ່າ: ການ​ເຕີບ​ໂຕ​ເສດຖະກິດ​ໃນ​ໄຕ​ມາດ 3 ແລະ 3 ໄຕ​ມາດ​ຕົ້ນ​ປີ​ນີ້ ຍັງ​ຮັກສາ​ໄດ້​ຢູ່​ລະດັບ​ສູງ​ພໍ​ສົມ​ຄວນ. ຄຽງ​ຄູ່​ກັບ​ບັນດາ​ຈຸດ​ຕັ້ງໜ້າ ເສດຖະກິດ​ມະຫາ​ພາກ​ສືບຕໍ່​ຮັກສາ​ໄດ້​ສະ ຖຽນ​ລະ​ພາບ, ສິ່ງ​ທີ່​ໜ້າ​ຮັບ​ຮູ້ແມ່ນ​ຢູ່​ເຂດ​ອຸດສາຫະກຳມີ​ການເຕີບ​ໂຕ​ໄວ​ພໍ​ສົມ​ຄວນ. ທ່ານ ຫ​ງວຽນ​ແອັງ​ເຢືອງ ຫົວໜ້າຄະ ນະ​ຄົ້ນ​ຄ້​ວາ​ສັງ​ລວມ, ສະ​ຖາ​ ບັນຄົ້ນ​ຄ້​ວາ​ການ​ຄຸ້ມ​ຄອງ​ເສດ ຖະກິດ​ສູນ​ກາງ ເນັ້ນ​ໜັກ​ວ່າ: ຂົງເຂດ​ເງິນ​ລົງທຶນ​ໂດຍ​ກົງ​ຈາກ​ຕ່າງປະເທດ (FDI) ໄດ້​ຫຼຸດ​ລົງ, ການ​ສົ່ງ​ອອກ​ເພີ່ມ​ຂຶ້ນ​ປະມານ 5%. ໃນ​ຂະນະ​ນັ້ນ, ຂົງເຂດ​ວິ​ສາ​ຫະ​ກິດ​ພາຍ​ໃນ​ປະເທດ​ພັດທະນາ​ການ​ສົ່ງ​ອອກ​ໄວ​ພໍ​ສົມ​ຄວນ. ນີ້​ແມ່ນ​ປັດ​ໄຈ​ທີ່​ປະທັບ​ໃຈ​ຍ້ອນ​ວ່າ: ໃນ​ໄລຍະ​ທີ່​ຜ່ານ​ມາ, ພວກ​ເຮົາ​ຍັງ​ບໍ່​ທັນ​ໜູນ​ຊ່ວຍ​ໃຫ້​ວິ​ສາ​ຫະ​ກິດ​ເອກະ​ຊົນ​ພາຍ​ໃນ​ປະເທດ​ຫຼາຍ​ແຫ່ງ, ແຕ່​ເຂົາເຈົ້າ​ຍັງ​ມີ​ໂອກາດ​ສົ່ງ​ອອກ​ໄປ​ຕ່າງປະເທດ​ໄດ້. ໃນ​ເວລາ​ນີ້, ການ​ຂາດ​ສະຖຽນ​ລະ​ພາບ​ໃນ​ສົງຄາມ​ການ​ຄ້າ ອາ​ເມ​ຣິ​ກາ - ຈີນ ໄດ້​ສ້າງ​ຜົນ​ກະທົບ​ຫຼາຍ​ເຖິງ​ວິ​ສາ​ຫະ​ກິດ​ທີ່​ມີ​ເງິນ​ລົງທຶນ​ຈາກ​ຕ່າງປະເທດ ແຕ່​ກໍ​ເປັນ​ການ​ສ້າງ​ກາລະ​ໂອກາດ​ໃຫ້​ບັນດາ​ວິ​ສາ​ຫະ​ກິດ​ເອກະ​ຊົນ​ພາຍ​ໃນ​ປະ​ເທດ. ທ່ານ ຫງວຽນ​ ແອັງ​ເຢືອງ ກ່າວ​ຢໍ້າ​ວ່າ: ສິ່ງ​ດັ່ງ ກ່າວ​ໄດ້​ຢັ້ງຢືນ​ໃຫ້​ພວກ​ເຮົາ ຕ້ອງ​ມີ​ຄວາມ​ໄວ້​ເນື້ອ​ເຊື່ອ​ໃຈ ຕໍ່​ພາກ​ເອກະ​ຊົນ​ພາຍ​ໃນ​ປະ ເທດ, ເຂົາເຈົ້າ​ສາມາດ​ນຳ​ໃຊ້​ກາລະ​ໂອກາດ​ຈາກ​ການ​ເຊື່ອມ​ໂຍງ, ເຂົາ​ເຊົ້າ​ມີ​ພະລັງ​ຊີວິດ, ສາມາດ​ປັບ​ຕົວ​ເຂົ້າ​ກັບ​ສະພາບ​ການ, ບັນຫາ​ຕົ້ນຕໍ​ແມ່ນ​ຕ້ອງ​ມີ​ນະໂຍບາຍ​ສະໜັບສະໜູນ ແລະ ສ້າງ​ເງື່ອນ​ໄຂ​ອໍາ​ນວຍ​ຄວາມ​ສະດວກ​ໃຫ້​ແກ່​ເຂົາ​ເຈົ້າ.