ການ­ເຄື່ອນ­ໄຫວ​ມະ­ຫາ​ສາ­ມັກ­ຄີ​ທົ່ວ​ປວງ​ຊົນ​ທັງ​ຊາດ

19.11.2019 9:17     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 17 ພະຈິກ​ຜ່ານ​ມາ, ໃນ​ງານ​ບຸນ​ມະຫາ​ສາມັກຄີ​ທົ່ວ​ປວງ​ຊົນ​ທັງ​ຊາດ​ຢູ່​ບ້ານ ຊ໊ອກ​ຈາ B, ຕາແສງ ແທັງ​ເຊີນ ແຂວງ ຈາ​ວິງ, ທ່ານ ນາງ ຫ​ງວຽນ​ທິ​ກີມ ​ເງິນ ປະທານ​ສະພາ​ແຫ່ງ​ຊາດ ຫວຽດນາມ ໄດ້​ເນັ້ນ​ໜັກ​ວ່າ: ຜ່ານ​ການ​ຕໍ່ສູ້ 2 ຄັ້ງ​ທີ່​ຜ່ານ​ມາ, ຢູ່​ບ້ານ ຊ໊ອກ​ຈາ B ແມ່ນ​ສະຖານທີ່​ປະຕິວັດ​ທີ່​ລື​ ຊື່, ຕັ້ງໜ້າ​ເຂົ້າ​ຮ່ວມ​ຂະບວນ​ການ​ຕໍ່ສູ້​ປົດປ່ອຍປະເທດຊາດ. ໃນ​ສະໄໝ​ສັນຕິພາບ, ພໍ່​ແມ່​ປະ ຊາຊົນ ຊ໊ອກ​ຈາ B ສືບຕໍ່​ເສີມ​ຂະຫຍາຍ​ມູນເຊື້ອ​ວິລະ​ຊົນ, ສາມັກຄີ​ກັນ​ຜ່ານ​ຜ່າ​ຄວາມ​ຫຍຸ້ງຍາກ, ປະກອບ​ກຳລັງ​ເຫື່ອ ແຮງ, ຊັບ​ສິນ ພ້ອມ​ກັນ​ສ້າງສາ ແລະ ພັດທະນາ​ບ້ານ​ເກີດ​ເມືອງ​ນອນ ໃຫ້​ນັບ​ມື້​ນັບ​ສວຍ​ສົດ​ງົດ​ງາມ​ກ່​ວາ​​ເກົ່າ.

   ທ່ານ ນາງ ຫ​ງວຽນ​ທິ​ກີມ​ເງິນ ກ່າວ​ວ່າ: ຕາງໜ້າ​ການ​ນຳ​ພັກ, ລັດ, ຂ້າພະເຈົ້າ​ຮັບ​ຮູ້ ແລະ ຍ້ອງຍໍ​ຊົມເຊີຍ ບັນດາຄວາມ​ພະຍາຍາມ​ຂອງ​ຄະນະ​ນຳ, ອຳ ນາດ​ການ​ປົກຄອງ ແລະ ປະຊາ ຊົນ​ບ້ານຊ໊ອກ​ຈາ ພ້ອມ​ກັນນັ້ນ, ຂ້າພະເຈົ້າ​ກໍ່​ຕີ​ລາຄາ​ສູງ​ຕໍ່​ຄວາມ​ເອົາໃຈໃສ່, ການ​ຊີ້​ນຳ​-​ນຳພາຂອງ​ຄະນະ​ພັກ​ທຸກ​ຂັ້ນ, ອຳນາດ​ການ​ປົກຄອງ​ຕາແສງ, ແນວ​ໂຮມ​ປະເທດຊາດ​ແຂວງ ຈ່າ​ວິງຢ່າງໃກ້ຊິດຕິດແທດທັງ​ເອົາໃຈໃສ່​ເບິ່ງແຍງ​​ຊີວິດ​ການ​ເປັນ​ຢູ່​ທາງ ດ້ານ​ວັດຖຸ, ຈິດໃຈ​ໃຫ້​ແກ່​ປະຊາ​ຊົນ.

   ຂ່າວ​ລະບຸ​ວ່າ: ໃນ​ມື້​ດຽວ​ກັນ​ນັ້ນ, ທີ່​ນະຄອນ ໂຮ່​ຈິ​ມິນ, ທ່ານ ຫວໍ​ວັນ​ເຖືອງ ຫົວໜ້າ​ຄະນະ​ໂຄສະນາ​ສຶກສາ​ສູນກາງ​ ພັກ​ກອມ​ມູ​ນິດ ຫວຽດນາມ ກໍ ໄດ້​ເຂົ້າ​ຮ່ວມ​ວັນ​ບຸນ​ມະຫາ​ສາ ມັກຄີ​ທົ່ວ​ປວງ​ຊົນ​ທັງ​ຊາດ ຢູ່​ເຂດ​ຊຸມ​ຊົນ​ໜ່ວຍ​ທີ 6, ຕາແສງ ແທັງ​ຊວັນ, ເມືອງ 12, ນະຄອນ ໂຮ່​ຈິ​ມິນ ເຊັ່ນ​ດຽວ​ກັນ.

   ເນື່ອງ​ໃນ​ໂອກາດ​ສະເຫຼີມ ສະຫຼອງ 89 ປີ ແຫ່ງ​ວັນ​ມູນເຊື້ອ​ແນວ​ໂຮມ​ປະເທດ​ຊາດຫວຽດ ນາມ (18/11/1930-18/11/ 2019), ວັນ​ທີ 17 ພະຈິກ, ທ່ານ ຫ​ງວຽນ​ຊວັນ​ຟຸກ ນາຍົກລັດ ຖະມົນຕີ ຫວຽດນາມ ໄດ້​ເຂົ້າ​ຮ່ວມ​ວັນ​ບຸນ​ມະຫາ​ສາ​ມັກ​ຄິ​ທົ່ວ​ປວງ​ຊົນ​ທັງ​ຊາດ ຢູ່​ບໍລິເວນ​ທີ່​ພັກ​ພາ​ອາໄສ, ຕາແສງ ດ້ຽນ​ບຽນ, ເມືອງ​ບາ​ດິ່ງ, ຮ່າ​ໂນ້ຍ. ເນື່ອງ​ໃນ​ໂອກາດ​ນີ້, ທ່ານ ນາຍົກ ລັດຖະມົນຕີ​ຫວຽດນາມ, ທ່ານ ອວງ​ຈູ​ລຶວ ຮອງ​ປະທານ​ສະພາ​ແຫ່ງ​ຊາດ, ການ​ນຳ​ບັນດາກະ ຊວງ, ຂະແໜງການ ແລະ ຄະ ນະ​ກຳມະການ​ປະຊາຊົນນະ ຄອນຫຼວງ​ຮ່າ​ໂນ້ຍໄດ້​ມອບ ຂອງຂວັນ​ໃຫ້​ແກ່​ບັນດາຄອບ ຄົວ​ທີ່​ປະສົບ​ກັບ​ຄວາມ​ຫຍຸ້ງ ຍາກໃນ​ບໍລິເວນ​ດັ່ງ​ກ່າວ.