ຫວຽດ­ນາມ ຮັບ​ໜ້າ­ທີ່​ປະ­ທານ ADMM ແລະ ADMM+

21.11.2019 9:17     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ພິທີ​ມອບ-​ ຮັບ​ຕຳແໜ່ງ​ປະທານ​ກອງ​ປະຊຸມ​ລັດຖະມົນຕີ​ກະຊວງ​ປ້ອງ​ກັນ​ປະເທດ​ອາ​ຊຽນ (ADMM) ແລະ ປະທານ​ກອງ​ປະຊຸມລັດຖະມົນຕີ​ກະຊວງ​ປ້ອງ​ກັນປະເທດ​ອາ​ຊຽນ​ເປີດ​ກວ້າງ (ADM M+) ປີ 2020 ໂດຍທ່ານ ພົນເອກ ປຣະ​ວິດ​ ວົງ​ສຸວັນ ຮອງນາຍົກລັດຖະມົນຕີ​ໄທ ເປັນ​ຜູ້​ມອບ ແລະ ຂຶ້ນ​ຮັບ​ແມ່ນ ທ່ານ ພົນ​ເອກ ໂງ​ຊວັນ​ລິກ ລັດຖະມົນຕີ​ກະຊວງ​ປ້ອງ​ກັນ​ປະເທດ​ຫວຽດນາມ ຊຶ່ງເປັນ ​ສັນຍາ​ລັກ​ແຫ່ງ​ບົດບາດ​ການ​ເປັນ​ປະທານ ADMM ແລະ ADMM+, ໃນ​ວັນ​ທີ 18 ພະຈິກ​ຜ່ານ​ມາ, ຢູ່​ນະຄອນຫຼວງ​ບາງກອກ ປະເທດ​ໄທ. 

   ໃນ​ພິທີ​ຂຶ້ນ​ຮັບ​ຕໍາ​ແໜ່​ງ​ປະທານ​ອາ​ຊຽນ, ທ່ານ ພົນ​ເອກ ໂງ​ຊວັນ​ລິກ ໄດ້​ຢັ້ງຢືນ​ວ່າ: ໄປ​ພ້ອມ​ກັບ​ບັນດາ​ຜົນສຳເລັດ​ຂອງ​ກົນ​ໄກ ADMM ແລະ ADMM+ ໃນ​ຊຸມ​ປີຜ່ານມາ, ໝາກຜົນ​ຕັ້ງໜ້າ​ໃນ​ປີ 2019, ຈະ​ແມ່ນ​ພື້ນຖານ​ສະດວກ​ເພື່ອ​ໃຫ້​ຫວຽດນາມຮັບ​ບົດບາດໜ້າ ທີ່​ເປັນ​ປະທານ​ອາ​ຊຽນ​ໃນປີ 2020. ພ້ອມ​ດຽວ​ກັນ​ນັ້ນ, ບັນດາ​ຂໍ້​ລິ​ເລີ່ມ​ຕ່າງໆ​ຂອງ​ປະທານ​ຊຸດ​ກ່ອນ​ນັ້ນ ຫວຽດນາມ ຈະສືບ ຕໍ່​ຊຸກຍູ້ ໂດຍ​ເນັ້ນ​ໜັກ​ຕໍ່​ກັບ​ເນື້ອ​ໃນ​ຈິດໃຈ​ຫົວຂໍ້ ອາ​ຊຽນປີ 2020; "ສະໜິດ​ຕິດ​ພັນ ແລະ ເປັນ​ເຈົ້າ​ການ​ໃນ​ການ​ຮັບ​ມື" ຊຶ່ງ​ ຫວຽດນາມ​ເປັນ​ຜູ້​ຄັດ​ເລືອກ. ທ່ານ ໂງ​ຊວັນ​ລິກ ຫວັງ​ວ່າ: ບັນ ດາ​ປະເທດ​ສະມາຊິກ ຈະ​ສືບຕໍ່​ຮ່ວມ​ແຮງ​ຮ່ວມ​ໃຈ​ກັນ​ປັບປຸງ​ບັນດາ​ກົນ​ໄກ​ການ​ຮ່ວມ​ມື​ດ້ານ​ປ້ອງ​ກັນ​ຊາດ​-​ການ​ທະຫານ, ກໍ່ສ້າງ​ປະຊາ​ຄົມ​ອາ​ຊຽນ ໃຫ້​ມີ​ຄວາມ​ສະໜິດ​ຕິດ​ພັນ ແລະ ມີ​ຄວາມ​ອາດ​ສາມາດ​ໃນ​ການ​ເປັນເຈົ້າ​ການ ເພື່ອ​ຮັບ​ມື​ກັບ​ບັນ ດາ​ປັດ​ໄຈ​ຜົນ​ກະທົບ​ພາຍ​ນອກ.

   ໃນ​ວັນ​ດຽວ​ກັນ​ນັ້ນ, ໄດ້​ມີ​ການ​ດຳເນີນ​ພິທີ​ປິດ​ກອງ​ປະ ຊຸມ​ລັດຖະມົນຕີ​ກະຊວງ​ປ້ອງ​ກັນ​ປະເທດ​ບັນດາ​ປະເທດ ສະມາຊິກ​ອາ​ຊຽນ​ເປີດ​ກວ້າງ (ADMM+) ຄັ້ງ​ທີ 6 ດ້ວຍ​ຫົວຂໍ້; "ຄວາມໝັ້ນຄົງ​ແບບ​ຍືນ​ຍົງ". ທີ່​ກອງ​ປະຊຸມ, ລັດຖະມົນຕີ​ກະ ຊວງ​ປ້ອງ​ກັນ​ປະເທດ​ແຕ່​ລະປະ ເທດ ໄດ້​ແລກປ່ຽນ​ຄວາມ​ເຫັນ​ກ່ຽວ​ກັບ​ບັນດາ​ສິ່ງ​ທ້າ​ທາຍ​ຄວາມ​ໝັ້ນຄົງ​ທາງ​ທະເລ, ໃນ​ນັ້ນ, ມີ​ທະເລ​ຕາເວັນ​ອອກ. ໃນ​ ຂະນະ​ດຽວ​ກັນ ກໍໄດ້​ຢັ້ງຢືນ​ເຖິງ​ຄວາມ​ສຳຄັນ​ຂອງ​ການ​ຮັກສາ​ສັນຕິ ພາບ ແລະ ສະຖຽນ​ສະພາບ​ຢູ່​ທະເລ​ຕາເວັນ​ອອກ​ຕໍ່​ກັບ​ຄວາມ​ໝັ້ນຄົງ​ໃນ​ພາກ​ພື້ນ ແລະ ໃນ​ໂລກ. ລັດຖະມົນຕີ​ຫຼາຍ​ທ່ານ​ໄດ້​ເນັ້ນ​ໜັກ​ວ່າ: ຈະ​ຕ້ອງ​ເຄົາລົບ​ນັບຖື​ກົດໝາຍ​ສາກົນ, ໃນ​ນັ້ນ​ມີ​ສົນທິສັນຍາ​ຂອງ​ສະຫະ​ປະຊາຊາດ​ກ່ຽວ​ກັບ​ກົດໝາຍ​ວ່າ​ດ້ວຍ​ທະເລ​ປີ 1982 (UNCLOS 1982) ແລະ ປາຖະໜາ​ວ່າ: ການ​ສ້າງ​ກົດ​ແຫ່ງ​ການ​ປະພຶດ​ຢູ່​ທະເລ​ຕາເວັນ​ອອກ (COC) ແມ່ນ​ມີ​ປະສິດ​ທິ​ຜົນ ແລະ ແທດ​ຈິງ.
      

   ທ່ານ ພົນ​ຈັດຕະວາ ຫວູ​ຕ໋ຽນ​ຈ້ອງ ຫົວໜ້າ​ວິທະຍາຄານ​ພົວພັນ​ຕ່າງປະເທດ​ດ້ານ​ປ້ອງ ​ກັນ​ຊາດ​ຫວຽດນາມ,ຫົວໜ້າ​ກຸ່ມ​ເຮັດ​ວຽກ​ກ່ຽວ​ກັບ ADMM ແລະ ADMM+ ໃຫ້ຮູ້ວ່າ: ນີ້​ ແມ່ນບັນຫາ​ ຊຶ່ງ​ບັນດາປະ ເທດ​ສະມາຊິກ​ອາ​ຊຽນ ແລະ ບັນດາປະເທດທີ່ີ່ເຂົ້າຮ່ວມ ADMM+ ຕ່າງ​ກໍ​ໃຫ້ຄວາມສົນ ໃຈ​ທີ່ສຸດ, ເຂົາເຈົ້າ​ຖື​ວ່າສິ່ງ​ ຕ່າງໆ​ທີ່​ເກີດ​ຢູ່​ທະເລ​ຕາເວັນ ​ອອກໃນ​ໄລຍະ​ຜ່ານ​ມາແມ່ນ ​ບັນດາການ​ປະພຶດ​ທີ່ບໍ່​ເໝາະ ສົມກັບ​ສັນຍາ​ສາກົນ​ກໍຄື DOC ແລະ ມີ​ບັນດາ​ການ​ກະທຳ​ທີ່​ບໍ່​ເຄົາລົບ​ຜົນ ປະ ໂຫຍດ​ອັນ​ຊອບ​ທຳ, ບໍ່​ຖືກຕ້ອງ​ຕາມ​ກົດໝາຍ​ຂອງ​ບັນດາ​ປະເທດ​ກາງ ແລະ ນ້ອຍ. ສະນັ້ນ, ຈຶ່ງ​ເປັນ​ການ​ສ້າງ​ຄວາມວິ ຕົກ​ກັງວົນ​ຕໍ່​ບັນດາ​ປະເທດ​ຢູ່ໃນ​ ພາກ​ພື້ນ.