10 ເດືອນ​ຕົ້ນ​ປີ ຈີນ ດຶງ​ດູດ​ຕ່າງ­ປະ­ເທດ​ເພີ່ມ​ຂຶ້ນ 6,6%

21.11.2019 9:19     

   ຂ່າວສານ​ຊີ​ອາ​ໄອ​ລາຍ​ງານ​ວ່າ: ໂຕ​ເລກ​ທີ່​ກະຊວງ​ການ​ຄ້າ​ຈີນ​ເປີດເຜີຍ​ໃນ​ວັນ​ທີ 18 ພະຈິກ​ຜ່ານ​ມາ ສະແດງ​ໃຫ້​ເຫັນ​ວ່າ: ນັບ​ແຕ່​ເດືອນ​ມັງກອນ​ຫາ​ເດືອນ​ຕຸລາ​ປີ​ນີ້, ທົ່ວ​ປະເທດ​ຈີນ​ໄດ້​ດຶງ​ດູດ​ການ​ລົງທຶນ​ຂອງ​ຕ່າງປະເທດ​ບັນລຸ 752,41 ຕື້​ຢວນ, ເພີ່ມ​ຂຶ້ນ 6,6% ເມື່ອ​ທຽບໃສ່​ໄລຍະ​ດຽວ​ກັນ​ຂອງ​ປີ​ຜ່ານ​ມາ.

   ທ່ານ ຈຸ່ງ​ສາງ​ຊິ່ງ ຫົວ ໜ້າກົມ​ການ​ລົງທຶນ​ຂອງ​ຕ່າງ ປະເທດ​ກະຊວງ​ການ​ຄ້າ​ຈີນ ກ່າວ​ວ່າ: ເມື່ອ​ສັງເກດ​ດ້ານ​ໂຄງ​ປະກອບ​ເຫັນ​ວ່າ, 10 ເດືອນຕົ້ນ​ ປີ​ນີ້, ຂະແໜງການ​ບໍລິການ ແລະ ຂະແໜງ​ເຕັກນິກ​ຂັ້ນ​ສູງ ໄດ້​ດຶງ​ດູດ​ທຶນ​ຕ່າງປະເທດ​ເພີ່ມ​ຂຶ້ນ​ອ່າວ​ໄວ. ໃນ​ນັ້ນ, ຈັງຫວະ​ເພີ່ມ​ຂຶ້ນ​ຂອງ​ທຶນ​ຕ່າງປະເທດ​ໃນ​ຂະແໜງການ​ບໍລິການດ້ານ​ຂໍ້​ມູນ​ຂ່າວສານ​ເພີ່ມ​ຂຶ້ນ 65,3%, ການ​ບໍລິການ​ດ້ານການ​ຄົ້ນ ຄວ້າ​ພັດທະນາ​ກັບ​ການ​ອອກ​ແບບ​ເພີ່ມ​ຂຶ້ນ 61% ແລະ ຂະ ແໜງການ​ ນຳ​ເອົາ​ຜົນ​ການ​ຄົ້ນ ຄວ້າ​ວິທະຍາສາດ​ເຕັກ​ໂນ​ໂລ​ຊີ​ມາ​ປັບ​ໃຊ້​ໃຫ້​ເປັນ​ຮູບ​ປະ​ທຳ​ເພີ່ມ​ຂຶ້ນ 74,5%.

   ທ່ານ ຈຸ່ງ​ສາງ​ຊິ່ງ ກ່າວ​ຕື່ມ​ວ່າ: ເຖິງ​ວ່າການ​ລົງທຶນ​ຂ້າມ​ຊາດ​ໃນ​ທົ່ວ​ໂລກ ຍັງ​ເພີ່ມ​ຂຶ້ນ​ບໍ່​ຫຼາຍ​ກໍ​ຕາມ, ແຕ່​ການ​ດຶງ​ດູດ​ທຶນ​ຕ່າງປະເທດ​ຂອງ​ຈີນ ຍັງ​ໄດ້​ເພີ່ມ​ຂຶ້ນ​ຢ່າງ​ໜັກ​ແໜ້ນ ຊຶ່ງ ໝາຍ​ຄວາມ​ວ່າ: ນັກ​ລົງທຶນ​ທົ່ວ​ໂລກ​ມີ​ຄວາມ​ໝັ້ນ​ໃຈ​ຕໍ່​ການ​ລົງທຶນ​ໃນ​ຈີນ ແລະ ຈີນ​ຈະ​ສາມາດ​ບັນລຸ​ເປົ້າ​ໝາຍ​ດຶງ​ດູດ​ທຶນ​ຕ່າງປະເທດ​ໃນ​ປີ​ນີ້.