ກອງ​ປະ­ຊຸມ​ສຸດ​ຍອດ​ອາ​ຊີ​-​ປາ​ຊີ​ຟິກ ຢູ່­ກຳ​ປູ​ເຈຍ

21.11.2019 9:22    

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ກອງ​ປະ ຊຸມ​ສຸດ​ຍອດ ອາຊີ - ປາ​ຊີ​ຟິກ (APS) ປີ 2019 ດ້ວຍ​ຫົວຂໍ້; "ຮັບ​ມື​ກັບ​ບັນດາ​ສິ່ງ​ທ້າ​ທາຍ​ຕົ້ນຕໍ​ໃນ​ປັດຈຸບັນ, ສັນຕິພາບ, ປອງ​ດອງ​ຊາດ, ໜູນ​ຊ່ວຍ​ຊຶ່ງ​ ກັນ ແລະ ກັນ ພ້ອມ​ກັບ​ວັດທະ ນາ​ຖາວອນ ແລະ ບັນດາ​ຄຸນ ຄ່າ​ທົ່ວ​ໂລກ", ໄດ້​ເປີດ​ຂຶ້ນ​ຢູ່​ນະ ຄອນຫຼວງ​ພະນົມ​ເປັນ ປະເທດ​ກຳປູເຈຍ, ໃນ​ວັນ​ທີ 19 ພະຈິກ​ຜ່ານ​ມາ. ເຂົ້າ​ຮ່ວມ​ກອງ​ປະຊຸມ, ມີ​ແຂກ​ຖືກ​ເຊີນ​ປະມານ 2.000 ຄົນ ທີ່​ມາ​ຈາກ 50 ປະເທດ ແລະ ພາກ​ພື້ນ, ລວມ​ມີ​ບັນດາ​ປະມຸກ​ລັດ ແລະ ອະດີດ​ປະມຸກ​ລັດ, ການ​ນຳ​ລັດຖະບານ, ສະພາ​ແຫ່ງ​ຊາດ.

   ຂ່າວ​ລະບຸ​ວ່າ: ກ່າວ​ຄໍາ​ ເຫັນ​ໃນ​ພິທີ​ເປີດ​ກອງ​ປະຊຸມ, ທ່ານ ຮຸນ​ແຊນ ນາຍົກລັດຖະ ມົນຕີ​ກຳປູເຈຍ ຢືນຢັນ​ວ່າ: ກອງ​ປະຊຸມ​ຄັ້ງ​ນີ້, ດໍາ​ເນີນ​ໄປ​ໃນ​ສະພາບ​ການ​ໂລກ ພວມ​ປະ​ເຊີນ​ໜ້າ​ກັບ​ສິ່ງ​ທ້າ​ທາຍຫຼາຍ​ ຢ່າງ, ຂົ່ມຂູ່​ສັນຕິພາບ, ວັດທະ ນາ​ຖາວອນ, ການ​ພັດທະນາ​ລວມ​ຂອງ​ພາກ​ພື້ນ ແລະ ໂລກ ກໍຄື​ຄວາມ​ສະຫງົບ​ປອດ​ໄພ​ຂອງ​ປະຊາ​ຊົນ.

   ໃນ​ໄລຍະ​ດຳເນີນ​ກອງ​ປະຊຸມ, ບັນດາ​ຜູ້​ແທນ​ໄດ້​ປຶກ ສາ​ຫາລື​ກ່ຽວ​ກັບ​ບັນດາ​ບັນຫາ​ພາກ​ພື້ນ ແລະ ສາກົນ ເພື່ອ​ແນໃສ່​ເພີ່ມ​ທະວີ​ການ​ຮ່ວມ​ມື, ຍົກ​ສູງ​ຄຸນຄ່າ​ຂອງ​ສັນຕິພາບ, ວັດທະນາ​ຖາວອນ ສຳລັບ​ມວນ​ມະ​ນຸດ.