ຫວຽດນາມ - ອາຊຽນ ເດີນຕາມນະໂຍບາຍໄປສູ່ທິດໃຕ້ໃໝ່

27.11.2019 10:28     

    ທ່ານ ຫງວຽນຊວັນຟຸກ ເນັ້ນໜັກວ່າ: ການພັດທະນາແບບຍືນຍົງ, ເຊື່ອມຕໍ່ຢ່າງຮອບ ດ້ານແມ່ນບຸລິມະສິດແຖວໜ້າ ຂອງອາຊຽນ. ໃນນັ້ນ, ບັນດາ ວິສາຫະກິດຂະໜາດກາງ ກຳລັງຜັນຂະຫຍາຍ ກິດຈະກໍາສໍາຄັນຕ່າງໆ. ລັດຖະບານບັນດາປະເທດ ສ້າງເງື່ອນໄຂທີ່ດີທີ່ສຸດ, ໜູນຊ່ວຍວິສາຫະກິດ ເຊື່ອມຕໍ່ກັນ, ເສີມຂະຫຍາຍຫົວຄິດປະດິດສ້າງດ້ວຍຫຼາຍແນວຄວາມຄິດໃໝ່ ເພື່ອປະຕິ ບັດແຜນການດໍາເນີນທຸລະ ກິດໃນຕະຫຼາດອາຊຽນ ໃຫ້ປະກົດຜົນເປັນຈິງ. ວັນທີ 25 ພະຈິກຜ່ານມາ, ທ່ານ ຫງວຽນ ຊວັນຟຸກ ນາຍົກລັດຖະມົນຕີຫວຽດນາມ ໄດ້ນໍາໜ້າຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງ ປະຊຸມ ສຸດຍອດຜູ້ບໍລິຫານພາກທຸລະກິດ ອາຊຽນ - ສ.ເກົາຫຼີ ພາຍໃຕ້ຫົວຂໍ້; "ການຮ່ວມມື ແລະ ໜ້າວຽກໃນການບັນລຸຄວາມສົມບູນພູນ ສຸກຮ່ວມກັນ". ວິທະຍຸກະຈາຍສຽງຫວຽດ ນາມລາຍງານວ່າ: ທ່ານ ນາຍົກ ລັດຖະມົນຕີຫວຽດນາມ ກ່າວວ່າ: ນະໂຍບາຍ ກ້າວໄປສູ່ທາງທິດໃຕ້ໃໝ່ ໂດຍປະທານາທິບໍດີ ສ.ເກົາຫຼີ ລິເລີ່ມ ແມ່ນມີຄວາມເປັນ ອັນໜຶ່ງອັນດຽວດ້ວຍແນວຄວາມຄິດກ່ຽວກັບ "ປະຊາຄົມອາຊຽນ - ສ.ເກົາຫຼີ ເຊື່ອມຕໍ່ໃນອະນາຄົດ" ພ້ອມທັງຫວັງວ່າ: ຈະປະກອບສ່ວນຍົກລະດັບການພົວພັນລະຫວ່າງ ສອງຝ່າຍໃຫ້ສູງຂຶ້ນ. ທ່ານ ນາຍົກລັດຖະມົນຕີຫວຽດນາມ ສະເໜີໃຫ້ບັນດາການນໍາຂັ້ນ ສູງຂອງວິສາຫະກິດ ຈົ່ງເປັນເຈົ້າການປັບຕົວ, ມີໄຫວພິບ ແລະ ມີຫົວຄິດປະດິດສ້າງ. ອາຊຽນ ແລະ ສ.ເກົາຫຼີ ຄວນຢຶດໝັ້ນຊຸກຍູ້ການຄ້າຫຼາຍຝ່າຍ ຜ່ານການຍົກລະດັບຂອບເຂດຂອງສັນຍາການຄ້າເສລີ ອາຊຽນ - ສ.ເກົາຫຼີ ຂຶ້ນ. ພ້ອມກັນນັ້ນ, ທ່ານ ຫງວຽນຊວັນຟຸກ ກ່າວວ່າ: ໃນຖານະເປັນປະທານອາຊຽນໃນປີ 2020, ພ້ອມກັບບັນດາປະເທດ ອາຊຽນ, ຫວຽດນາມ ຍິນດີຕ້ອນຮັບບັນດາວິສາຫະກິດ ສ.ເກົາຫຼີ ທີ່ເດີນຕາມນະ ໂຍບາຍກ້າວໄປສູ່ທິດໃຕ້ໃໝ່ ເພື່ອພ້ອມກັນຮ່ວມມື ແລະ ກ້າວໄປສູ່ຜົນສໍາເລັດພ້ອມກັບ ອາຊຽນ. ຫວຽດນາມ ໄດ້ຍົກລະດັບກ່ຽວກັບສະພາບແວດລ້ອມແຫ່ງການດໍາເນີນທຸລະກິດ ແລະ ລະດັບການ ປ່ຽນແປງໃໝ່ປະດິດຄິດສ້າງຂຶ້ນຫຼາຍ ຂັ້ນ ແລະ ໄດ້ຮັບການຮັບຮອງຈາກບັນດາອົງການຈັດຕັ້ງສາກົນ. ຫວຽດນາມ ຈະສືບຕໍ່ປ່ຽນແປງໃໝ່ໃຫ້ຫຼາຍກວ່າເກົ່າ ເພື່ອສ້າງເງື່ອນໄຂສະດວກໃຫ້ ບັນດາວິສາຫະກິດ ສືບຕໍ່ດໍາເນີນທຸລະກິດຢ່າງສໍາເລັດຜົນຢູ່ຫວຽດນາມ. ກອງປະຊຸມຄັ້ງນີ້, ບັນດານັກທຸລະກິດຂອງ ອາຊຽນ- ສ.ເກົາຫຼີ ໄດ້ປຶກສາຫາລື ແລະ ແລກ ປ່ຽນຄໍາຄິດເຫັນ ແນໃສ່ຜັນຂະຫຍາຍສັນຍາເຂດການຄ້າເສລີ ອາຊຽນ - ສ.ເກົາຫຼີ ເພື່ອ ປະກອບເຂົ້າ ໃນການເພີ່ມ ທະວີການຄ້າ, ການລົງທຶນ ແລະ ການທ່ອງທ່ຽວ ອາຊຽນ - ສ.ເກົາຫຼີ ໃຫ້ນັບມື້ນັບເພີ່ມຂຶ້ນໃນທ່າມກາງທີ່ສະພາບເສດຖະກິດໂລກຖົດຖອຍ ອັນເນື່ອງມາຈາກລັດທິປົກປ້ອງພາຍໃນ ແລະ ສົງຄາມການຄ້າໃນປັດຈຸບັນ.