​ ໄທ​ກຽມ­ພ້ອມ​ໃຫ້​ແກ່​ກອງ​ປະ­ຊຸມ​ສຸດ​ຍອດ​ອາ​ຊຽນ ຄັ້ງ​ທີ 35

04.11.2019 10:46     

     ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ໄທ​ໄດ້​ສຳ ເລັດ​ວຽກ​ງານ​ກະກຽມ​ໃຫ້​ແກ່​ກອງປະຊຸມ​ສຸດ​ຍອດ​ອາ​ຊຽນ ຄັ້ງທີ 35 ແລະ ບັນດາ​ກອງ​ປະຊຸມ​ທີ່​ກ່ຽວຂ້ອງ​ໃນ ລະຫວ່າງ ວັນ​ທີ 2 - 4 ພະຈິກ​. ນີ້​ແມ່ນ​ບັນດາ​ກອງ​ປະຊຸມ​ສຳຄັນ​ວາ ລະ​ສຸດ​ທ້າຍ​ໃນ​ປີ​ປະທານ​ອາ​ຊຽນ 2019 ຂອງ​ໄທ ໂດຍ​ມີ​ການ​ເຂົ້າ​ຮ່ວມ​ຂອງ ຜູ້​ແທນ 3.000 ຄົນ. ໃນ​ນັ້ນ ມີ​ບັນດາ​ການ​ນຳ ແລະ ຜູ້ຕາງໜ້າ 23 ປະເທດ ແລະ 5 ອົງການ​ຈັດ​ຕັ້ງ​ສາ​ກົນ.
ຂ່າວ​ລະບຸ​ວ່າ: ຫຼາຍ​ເດືອນ​ມາ​ນີ້, ປະເທດ​ເຈົ້າພາບ​ໄທ ໄດ້​ກະກຽມ​ຢ່າງ​ລະອຽດ ນັບ​ແຕ່​ພື້ນຖານ, ດ້ານ​ວັດຖຸ ແລະ ບຸກ​ຄະ​ລາ​ກອນ ຕະຫຼອດ​ຮອດ​ເນື້ອ​ໃນ​ປຶກສາ​ຫາລື​ຕ່າງໆ ເພື່ອ​ແນໃສ່​ຮັບປະກັນ​ຜົນສຳເລັດ​ຂອງບັນດາກອງ​ປະຊຸມ​ອາ ຊຽນ. ວຽກ​ງານ​ຮັບປະກັນ​ຄວາມໝັ້ນຄົງ ແມ່ນ​ໜຶ່ງ​ໃນ​ບັນ ດາ​ ບຸລິມະສິດ​ແຖວ​ໜ້າ​ຂອງ​ລັດ ຖະບານ​ໄທ ຊຶ່ງ​ແມ່ນ​ການ​ປະ ຕິບັດ​ຕາມ​ມາດຕະຖານ​ສາ​ກົນ.
ຂ່າວ​ລາຍ​ງານ​ວ່າ: ເພື່ອ​ຄວາມ​ເປັນ​ລະບຽບ​ຮຽບຮ້ອຍ ແລະ ຄວາມ​ປອດ​ໄພ​ໃຫ້​ແກ່​ກອງ​ປະຊຸມ​ທີ່​ສໍາ​ຄັນ​ນີ້, ໄທ​ໄດ້​ຈັດ​ວາງ​ເຈົ້າ​ໜ້າທີ່​ຕຳຫຼວດ ແລະ ບຸກ​ຄະລາ​​ກອນ​ປ້ອງ​ກັນ​ຄວາມ​ສະຫງົບ 17.000 ຄົນ ປະຈຳ​ຢູ່​ຕາມ​ບັນດາ​ສະຖານທີ່​ສຳຄັນ ໃນ​ນະຄອນຫຼວງ​ບາງ ກອກ ແລະ ສູນ​ກອງ​ປະຊຸມ​ອິມ​ແພັກ ເມືອງ​ທອງ​ທານີ ຢູ່ ແຂວງ​ນົນ​ທະ​ບູຣີ.
ໃນ​ກອງ​ປະຊຸມ​ຂອງ​ສະ ພາ​ປ້ອງ​ກັນ​ປະເທດ ໃນ​ວັນ​ທີ 31 ຕຸລາ​ຜ່ານ​ມາ, ທ່ານ ປຣາ​ຢຸດ ຈັນ​ໂອ​​ຊາ ນາຍົກລັດຖະມົນຕີ ໄທ ເນັ້ນ​ໜັກ​ວ່າ: ກອງທັບ​ຕ້ອງ​ຮ່ວມ​ມືກັບ​ກະຊວງ​ການ​ຕ່າງປະເທດ​ຢ່າງ​ແໜ້ນ​ແຟ້ນ ເພື່ອ​ຮັບປະກັນ​ຄວາມ​ສະຫງົບ​ປອດ​ໄພ ໃຫ້​ແກ່​ບັນດາ​ຄະນະ​ຜູ້​ແທນ, ແຂກ​ຕ່າງປະເທດ, ບັນດາ​ຫົວໜ່ວຍ​ຍາມ​ໃດ​ກໍຕ້ອງ​ ມີ​ສະຕິ​ລະວັງ​ຕົວ​ສູງ ແລະ ຄົບ​ຖ້ວນ​ເພື່ອ​ຮັບ​ມື​ກັບ​ກໍລະນີ​ຕ່າງໆ.