ກູບາ - ອີຣານ ລົງນາມໃນສັນຍາຮ່ວມມືຫຼາຍສະບັບ


...

     ວົງການສື່ມວນຊົນ ທາງການກູບາໃຫ້ຮູ້ວ່າ: ກູບາ ກັບອີຣານ ໄດ້ລົງນາມໃນສັນ ຍາຮ່ວມມື 12 ສະບັບເຊັ່ນ: ງົດວີຊາໃຫ້ຜູ້ຖືໜັງສືຜ່ານແດນ ຂ້າລາຊະການ ແລະ ພົວພັນ ຕ່າງປະເທດ, ບັນດາຂົງເຂດ ກະສິກຳ, ຊົນລະປະທານ, ການສຶກສາຂັ້ນມະຫາວິທະຍາ ໄລ, ອຸດສາຫະກຳການຢາ ແລະ ວິທະຍຸ ໂທລະພາບ. ບັນດາສັນຍາຮ່ວມມືດັ່ງ ກ່າວໄດ້ຮັບການປຶກສາຫາລື ກັນໃນຂອບເຂດກອງປະຊຸມ ຄັ້ງທີ XVI ຂອງຄະນະກຳມະ ການລະຫວ່າງປະເທດຂອງ ສອງປະເທດທີ່ຫາກໍສິ້ນສຸດລົງ ຢູ່ນະຄອນຫຼວງ ລາຮາວານ ຂອງ ກູບາ ຊຶ່ງແມ່ນທ່ານ ໂຣດຣີ ໂກ ມານມີເອກາ ລັດຖະມົນຕີ ການຄ້າຕ່າງປະເທດ ແລະ ການ ລົງທຶນຕ່າງປະເທດ ແລະ ທ່ານ ຮັດສັນ ກາຊີຊາເດ ຮັດເຊິມ ລັດຖະມົນຕີສາທາລະນະສຸກ ອີຣານ ຮ່ວມມືເປັນປະທານ ກອງປະຊຸມ. ຫຼັງຈາກພິທີລົງນາມ ທ່ານ ມານມີເອກາ ປະກາດໃຫ້ຮູ້ ເຖິງບັນດາຂໍ້ຕົກລົງໃໝ່ໄດ້ສະ ທ້ອນເຖິງ "ຄວາມເອົາໃຈໃສ່ ໃຫຍ່" ຂອງສອງລັດຖະບານ ໃນວຽກງານພັດທະນາການ ພົວພັນເສດຖະກິດສອງຝ່າຍ, ແຕ່ຕາມສັງເກດວ່າ: ຄວນ "ບັນລຸເຖິງລະດັບສູງ" ຄືກັນ ກັບບັນດາການພົວພັນການ ເມືອງອັນດີງາມລະຫວ່າງ ລາ ຮາວານ ແລະ ເຕເຮຣານ. ໃນຂະນະນັ້ນ, ທ່ານ ກາຊີຊາເດ ຮັດເຊິມ ປະກາດ ວ່າ: ສອງຝ່າຍໄດ້ເລີ່ມຕົ້ນເຈ ລະຈາກ່ຽວກັບສັນຍາຮ່ວມມື ສອງຝ່າຍອື່ນອີກ 10 ສະບັບ, ພ້ອມກັນຜັນຂະຫຍາຍບັນດາ ສັນຍາທີ່ຫາກໍລົງນາມກັນຈະ ເປັນບາດກ້າວເດີນຢ່າງມີປະ ສິດທິຜົນ, ເພີ່ມທະວີການພົວ ພັນສອງຝ່າຍ. ນີ້ແມ່ນກອງປະຊຸມຄະ ນະກຳມະການລະຫວ່າງລັດ ຖະບານຄັ້ງທຳອິດຂອງສອງ ປະເທດນັບແຕ່ເດືອນກັນຍາ 2011 ໄດ້ຮັບການຊຸກຍູ້ ຫຼັງ ຈາກການຢ້ຽມຢາມກູບາຢ່າງ ເປັນທາງການຂອງທ່ານ ຣັດ ສັນ ຣູຮານີ ປະທານາທິບໍດີ ອີຣານຫວ່າງເດືອນກັນຍາທີ່ ຜ່ານມາ.