ກູບາ ແລະ ອາເມຣິກາ ເປີດກວ້າງການຮ່ວມມືການເດີນເຮືອ


...

     ຂ່າວສານຫວຽດນາມ ລາຍງານວ່າ: ວັນທີ 20 ກຸມ ພາຜ່ານມານີ້, ທ່ານ ເຟີນັນໂດ ເປເຣັສ ຜູ້ອຳນວຍການຮັບຜິດ ຊອບການຄ້າການເດີນເຮືອ ທະເລກູບາ ໃຫ້ຮູ້ວ່າ: ອຳນາດ ການປົກຄອງເຂດທ່າເຮືອ ແລະ ການເດີນເຮືອກູບາ ພ້ອມ ດ້ວຍຫົວໜ້າອຳນວຍການບັນ ດາທ່າເຮືອປາສກາກູລາ ແລະ ເຂດອ່າວຂຶ້ນກັບແຂວງມິດຊີຊີ ປີ (ອາເມຣິກາ) ໄດ້ລົງນາມໃນ ບົດບັນທຶກຊ່ວຍຈຳ ເພື່ອສ້າງ ຕັ້ງ ແລະ ປັບປຸງບັນດາການ ພົວພັນການຄ້າ, ລວມເຖິງການ ແລກປ່ຽນຂໍ້ມູນຂ່າວສານກ່ຽວ ກັບເຕັກໂນໂລຊີີ, ການເຄື່ອນ ໄຫວ ແລະ ພື້ນຖານໂຄງລ່າງ ທ່າເຮືອ. ພິທີລົງນາມຈັດຂຶ້ນຢູ່ ນະຄອນຫຼວງ ລາຮາວານ ຂອງ ກູບາ ດ້ວຍການເຂົ້າຮ່ວມຂອງ ທ່ານ ທັດຄູຣານ ຜູ້ແທນສະພາ ສູງ ລັດມິດຊີຊີປີ ແລະ ທ່ານ ມາເຣຍ ເດີລາຣຸຊ ຮາແມນ ຜູ້ ອຳນວຍການນະໂຍບາຍການ ຄ້າກັບອາເມຣິກາເໜືອຂຶ້ນກັບ ກະຊວງການຄ້າຕ່າງປະເທດ ແລະ ການລົງທຶນຕ່າງປະເທດ ຂອງກູບາ. ກ່າວຄຳເຫັນຕໍ່ສື່ມວນຊົນ ທ່ານ ເປເຣັສ ໃຫ້ຮູ້ວ່າ: ການມີ ກຳມະສິດທີ່ຕັ້ງພູມສາດ ພ້ອມ ກັບບັນດາເສັ້ນທາງເດີນເຮືອ ທະເລມີການພົວພັນສະດວກ ຈະຊ່ວຍໃຫ້ເປີດກວ້າງວຽກ ງານການຮ່ວມມືລະຫວ່າງບັນ ດາທ່າເຮືອຂອງອາເມຣິກາ ແລະ ບັນດາທ່າເຮືອທີ່ຂຶ້ນກັບ ລາຮາວານ, ມາຣີແອນ, ມາ ຕານຊາດ, ຊັງຕີອາໂກເດີກູບາ ແລະ ຊ່ຽງຟູໂກຂອງກູບາ. ໃນຂະນະນັ້ນ, ທ່ານ ໜາກແມັກ ແອນດຣິວ ຜູ້ອຳ ນວຍການປາສກາກູລາ ໃຫ້ຮູ້ ວ່າ: ໃນ 10 ປີຜ່ານມາ, ຜະລິດ ຕະພັນຂຶ້ນກັບບັນດາຂະແໜງ ກະສິກຳ, ລ້ຽງສັດ, ປ່າໄມ້, ການ ກໍ່ສ້າງ ແລະ ບັນດາຂະແໜງ ອື່ນນັບຮ້ອຍພັນໂຕນໄດ້ຂົນ ສົ່ງຈາກທ່າເຮືອນີ້ໄປຮອດກູບາ. ທ່ານ ແອນດຣິວ ຢັ້ງຢືນ ວ່າ: ບັນດາວິສາຫະກິດຂອງ ລັດມິດຊີຊີປີ ປັດຈຸບັນໃຫ້ ຄວາມສົນໃຈເຖິງການສົ່ງອອກ ສິນຄ້າໄປກູບາ ກໍຄື ການເປີດ ກວ້າງວິສາຫະກິດກູບາ ປະເທດ ກາຣີເບນີ້ ໃນສະພາບທີ່ມີຫຼາຍ ໂອກາດລົງທຶນຕ່າງປະເທດ ໃໝ່ຢູ່ກູບາ. ມິດຊີຊີປີ ແມ່ນລັດທີ 4 ຂອງອາເມຣິກາທີ່ລົງນາມໃນ ບັນດາສັນຍາກ່ຽວກັບທ່າເຮືອ ແລະ ການເດີນເຮືອທະເລກັບ ກູບາ.