ຮາຍຟອງເມືອງແຫ່ງເສດຖະກິດ ແລະ ຄວາມໜ້າປະທັບໃຈ


...

   

ໂດຍ : ສິດທິພອນ ຣາຊະພົນ

ເມື່ອກ່າວເຖິງນະຄອນໃຫຍ່ທີ່ເປັນເມືອງເສດຖະກິດ ແລະ ເມືອງແຫ່ງການທ່ອງ ທ່ຽວທີ່ໜ້າຫຼົງໄຫຼທາງພາກ ເໜືອຂອງຫວຽດນາມ ເຮົາຈະ ນຶກເຖິງເມືອງຮາຍຟອງ ຫຼື ນະ ຄອນຮາຍຟອງ ເພາະເປັນ ເມືອງທີ່ມີທ່າແຮງທາງດ້ານ ເສດຖະກິດ ໂດຍສະເພາະ ແມ່ນການຂົງສົ່ງສິນຄ້າທາງ ທະເລ ຊຶ່ງເປັນປະຕູອອກສູ່ ສາກົນ ພ້ອມດຽວກັນນີ້ກໍມີ ແຫຼ່ງທ່ອງທ່ຽວທຳມະຊາດທາງ ທະເລທີ່ສວຍງາມ, ອາກາດ ເຢັນສົດຊື່ນ ແລະ ຍັງເປັນຈຸດ ຍຸດທະສາດທາງທະຫານທີ່ສຳ ຄັນໃນສະໄໝຕໍ່ສູ້ຕ້ານການ ຮຸກຮານພາຍນອກອີກດ້ວຍ.
ໃນໂອກາດທີ່ຄະນະຜູ້ ແທນໜັງສືພິມປະຊາຊົນ ສຽງ ຂອງສູນກາງພັກ ປະຊາຊົນ ປະຕິວັດລາວ ຊຶ່ງນຳໂດຍ ທ່ານ ສີວັນ ຫອມໄຊຍະເດດ ພ້ອມ ດ້ວຍຄະນະ 10 ທ່ານ ໄປແລກ ປ່ຽນບົດຮຽນວິຊາການດ້ານ ການຂ່າວກັບໜັງສືພິມ ເຍິນ ເຢີນ ສຽງຂອງສູນກາງພັກ-ລັດ ແລະ ປະຊາຊົນຫວຽດນາມ ເມື່ອກາງເດືອນກັນຍານີ້ ທີ່ ສສ ຫວຽດນາມ. ຄະນະພວກເຮົາ ໄດ້ມີໂອກາດໄປຢ້ຽມຢາມນະ ຄອນຮາຍຟອງ ຊຶ່ງເປັນເມືອງ ເສດຖະກິດອັນດັບ 3 ຂອງ ຫວຽດນາມ ແລະ ໄດ້ພົບປະ ກັບການນຳຂອງແຂວງຮາຍ ຟອງ ຊຶ່ງໃຫ້ການຕ້ອນຮັບ ໂດຍທ່ານ ນາງ ຫງວຽນທິ ເຫງ້ຍ ຄະນະປະຈຳພັກແຂວງ, ຮອງເຈົ້າແຂວງຮາຍຟອງ ພ້ອມ ທັງລາຍງານສະພາບການພັດ ທະນາຂອງແຂວງໂດຍຫຍໍ້ ໃຫ້ ເຫັນວ່າ: ຮາຍຟອງມີເນື້ອທີ່ ທັງໝົດ 1.561,8 ກິໂລຕາ ແມັດ, ມີພົນລະເມືອງ 1 ລ້ານ ກວ່າຄົນ, ປະກອບມີ 15 ເມືອງ, ໃນນັ້ນມີ 2 ເມືອງທີ່ເປັນເກາະ ດອນຄື: ເມືອງກາດຮາຍ (Cat Hai) ແລະ ແບັກ ລອງ ຫວີ (Bach Long Vy). ລວມຍອດ ຜະລິດຕະພັນພາຍໃນ (GDP) 5,62 ພັນລ້ານໂດລາສະຫະ ລັດ, ສະເລ່ຍລາຍໄດ້ຕໍ່ຫົວຄົນ ບັນລຸ 3.472,6 ໂດລາສະຫະ ລັດ, ອັດຕາການເຕີບໂຕຂອງ GDP 11%, ໃນນັ້ນຂະແໜງ ການບໍລິການກວມ 50,52%, ຂະແໜງອຸດສາຫະກຳກໍ່ສ້າງ ກວມ 42,8% ແລະ ຂະແໜງ ກະສິກຳ-ປ່າໄມ້ ກວມ 6,68%, ດັດຊະນີການຜະລິດອຸດສາ ຫະກຳ (IIP) ຈາກ 17,02% ໃນປີ 2016 ເພີ່ມເປັນ 19,35% ໃນປີ 2017, GDP ຈາກ 11% ໃນປີ 2016 ເພີ່ມເປັນ 12,7% ໃນປີ 2017. ການລົງທຶນໂດຍ ກົງຈາກຕ່າງປະເທດ (FDI) ຈຳນວນ 483 ໂຄງການໃນປີ 2016 ເພີ່ມຂຶ້ນເປັນ 499 ໂຄງ ການໃນປີ 2017, ທຶນຈົດທະ ບຽນຂອງ FDI ມີ 13,77 ພັນ ລ້ານໂດລາສະຫະລັດ ໃນປີ 2016 ເພີ່ມຂຶ້ນເປັນ 14 ພັນ ລ້ານໂດລາສະຫະລັດ ໃນປີ 2017. ເຫັນໄດ້ວ່າການລົງທຶນ ໂດຍກົງຈາກຕ່າງປະເທດແມ່ນ ເພີ່ມຂຶ້ນເລື້ອຍໆ. ໃນນັ້ນ ປະ ເທດ ທີ່ມີໂຄງການລົງທຶນຫຼາຍ ອັນດັບໜຶ່ງແມ່ນປະເທດຍີ່ປຸ່ນ ຮອງລົງມາແມ່ນ ສ.ເກົາຫຼີ. ສ່ວນທຶນຈົດທະບຽນຂອງ ສ.ເກົາຫຼີ ແມ່ນລົງທຶນອັນດັບ ໜຶ່ງ ຮອງລົງມາແມ່ນຍີ່ປຸ່ນດັດ ຊະນີການປະຕິຮູບບໍລິຫານ ສາທາລະນະຖືກຈັດຢູ່ອັນດັບ 2 ຂອງປະເທດໃນ 4 ປີຜ່ານ ມາ. ດັດຊະນີໃນການສະໜອງ ທຶນຂອງນະຄອນຮາຍຟອງ ໃນປີ 2016 ເພີ່ມຂຶ້ນ 7 ອັນ ດັບຖ້າທຽບໃສ່ປີ 2015. ນະ ຄອນຮາຍຟອງ ແມ່ນຕິດໜຶ່ງ ໃນສິບຂອງແຂວງທີ່ໜ້າລົງທຶນ ທີ່ສຸດ. ນະຄອນຮາຍຟອງຕັ້ງຢູ່ ພາກຕາເວັນຕົກຂອງອ່າວໄຄ ໂກ ຊຶ່ງເປັນຈຸດສູນກາງທາງ ພາກຕາເວັນອອກສ່ຽງເໜືອ ຂອງຫວຽດນາມ, ຫ່າງຈາກ ນະຄອນຫຼວງຮ່າໂນ້ຍ ໄປທາງ ທິດຕາເວັນອອກສ່ຽງເໜືອ ປະມານ 100 ກວ່າ ກິໂລແມັດ ແລະ ຫ່າງຈາກຊາຍແດນຈີນ ພຽງ 200 ກວ່າກິໂລແມັດ ເປັນປະຕູທາງການຄ້າອອກສູ່ ສາກົນຂອງພາກເໜືອຫວຽດ ນາມ ເປັນສູນກາງການຂົນສົ່ງ ທີ່ສຳຄັນຂອງພາກເໜືອ ແລະ ປະເທດ, ການເຊື່ອມຕໍ່ເສັ້ນ ທາງຄື: ທາງບົກ, ທາງລົດໄຟ, ທາງນ້ຳ ແລະ ທາງອາກາດ.
ຕາມການລາຍງາຍຂອງ ການນຳແຂວງຮາຍຟອງເຫັນ ວ່າ: ຮາຍຟອງ ຍັງເປັນສູນກາງ ຂອງອຸດສາຫະກຳ, ການຄ້າ, ການບໍລິການ, ການທ່ອງທ່ຽວ ເຂດພາກເໜືອຂອງຫວຽດ ນາມ ເປັນສູນກາງເຂດເສດຖະ ກິດພາກພື້ນຕາເວັນອອກສ່ຽງ ເໜືອ, ມີເກາະກາດບາ (CAT BA Ialand) ທີ່ມີຊື່ສຽງດ້ານ ການທ່ອງທ່ຽວ ແລະ ເປັນຈຸດ ຍຸດທະສາດທາງທະຫານທີ່ສຳ ໃນສະໄໝຕໍ່ສູ້ຕ້ານການຮຸກ ຮານພາຍນອກ. ມີທ່າເຮືອທີ່ ໃຫຍ່ທີ່ສຸດຂອງຫວຽດນາມ ສາມາດຂົນຖ່າຍສິນຄ້າໄດ້ເຖິງ 80 ລ້ານໂຕນຕໍ່ປີ, ມີສະໜາມ ບິນສາກົນກາດບີ (CAT BI internation Airport), ນັກ ທ່ອງທ່ຽວສາມາດບິນມາເຖິງ ນະຄອນຮາຍຟອງໄດ້ໂດຍກົງ ແລະ ຍັງເປັນການສ້າງຄວາມ ສະດວກໃຫ້ແກ່ນັກທຸລະກິດທີ່ ມາລົງທຶນໄດ້ເປັນຢ່າງດີອີກ ດ້ວຍ, ຂົວເຕິນ ຫວູ-ແລັກ ຮວຽນ (Tan Vu-Lach Huyen) ເປັນ ຂົວຂ້າມທະເລໄປຫາເກາະ ກາດຮາຍ (CAT HAI) ຊຶ່ງ ເປັນຂົວຍາວທີ່ສຸດຢູ່ຫວຽດ ນາມ ມີຄວາມຍາວ 15, 63 ກິ ໂລແມັດ ໄດ້ເປີດນຳໃຊ້ໃນວັນ ທີ 2 ກັນຍາຜ່ານມານີ້ ເຮັດໃຫ້ ການເດີນທາງຫຼຸຸດລົງ ຈາກເມື່ອ ກ່ອນໃຊ້ເວລາຊົ່ວໂມງກວ່າ ຈຶ່ງໄປເຖິງເກາະກາດບາ, ປັດຈຸ ບັນໃຊ້ເວລາພຽງ 45 ນາທີ ມີເສັ້ນທາງຄົມມະນາຄົມຂົນ ສົ່ງຫຼາຍເສັ້ນຈາກຫຼາຍທິດທາງ ມາຕັດກັນ ແລະ ຍັງມີເສັ້ນທາງ ດ່ວນຮ່າໂນ້ຍ-ຮາຍຟອງ ເມື່ອ ກ່ອນໃຊ້ເວລາເດີນທາງ 3 ຊົ່ວ ໂມງ ແຕ່ປັດຈຸບັນນີ້ໃຊ້ເວລາ ພຽງ 1 ຊົ່ວໂມງກວ່າເທົ່ານັ້ນ.

...

ນອກນີ້ຮາຍຟອງ ຍັງໄດ້ ມີການວາງແຜນຜັງເມືອງ ໄວ້ຢ່າງເປັນລະບົບສວຍງາມ ເພື່ອຮອງຮັບການຈະເລີນເຕີບ ໂຕຂອງເສດຖະກິດອີກດ້ວຍ. ນະຄອນຮາຍຟອງ ຍັງເປັນ ເມືອງຕົວແບບໃນການພັດທະ ນາຮອບດ້ານຂອງຫວຽດນາມ ອີກດ້ວຍ. ການພົວພັນຕ່າງປະ ເທດຍັງໄດ້ມີການແຮກສ່ຽວກັບ ແຂວງອຸດົມໄຊ ແລະ ແຂວງ ວຽງຈັນ ຂອງປະເທດເຮົາອີກ ດ້ວຍ ໃນແຕ່ລະປີມີການແລກ ປ່ຽນນັກສຶກສາໄປຮຽນທີ່ນະ ຄອນຮາຍຟອງຈຳນວນຫຼາຍ ແລະ ມີຫຼາຍຮຸ່ນທີ່ຮຽນຈົບ ຈາກນະຄອນດັ່ງກ່າວນີ້ໄດ້ ເປັນການນຳຫຼາຍທ່ານຂອງ ລາວເຮົາໃນປັດຈຸບັນ.
ໃນໂອກາດທີ່ຄະນະຜູ້ ແທນໜັງສືພິມ ປະຊາຊົນ ເຂົ້າ ຢ້ຽມຂ່ຳນັບທ່ານ ນາງ ຫງວຽນ ທິ ເຫງ້ຍ ຄະນະປະຈຳພັກ ແຂວງ, ຮອງເຈົ້າຄອງນະຄອນ ຮາຍຟອງ ໄດ້ໃຫ້ການຕ້ອນຮັບ ຢ່າງອົບອຸ່ນ ແລະ ຈິງໃຈ ນອກ ນີ້ ທ່ານຍັງແຈ້ງໃຫ້ຮູ້ວ່າ:ໃນ ຕໍ່ໜ້າອັນໃກ້ນີ້ການສ້າງທ່າ ເຮືອນ້ຳເລິກກຳລັງໃກ້ຈະສຳ ເລັດ ແລ້ວ ຖ້າທ່າເຮືອດັ່ງກ່າວ ນີ້ສຳເລັດຈະເຮັດໃຫ້ການສົ່ງ ສິນຄ້າໄດ້ເພີ່ມຂຶ້ນຢ່າງມະຫາ ສານ, ພ້ອມດຽວກັນນີ້ເພິ່ນ ມີແຜນຈະສ້າງກະເຊົ້າລອຍ ຟ້າ ຈາກເກາະກັກຮາຍໄປຫາ ເກາະກັກບາ ເພາະວ່າທີ່ເກາະ ດັ່ງກ່າວນີ້ ເພິ່ນໄດ້ອະນຸຍາດ ໃຫ້ຕ່າງປະເທດລົງທຶນໃນໂຄງ ການສ້າງເກາະໃຫ້ເປັນສູນ ກາງແຫ່ງການທ່ອງທ່ຽວສາກົນ ຂອງພາກພື້ນອາຊີ-ປາຊີຟິກ.

...

ໃນການມາທ່ຽວນະຄອນ ຮາຍຟອງຄັ້ງນີ້ ມີຄວາມມ່ວນ ຊື່ນຫຼາຍໄດ້ເຫັນທິວທັດທຳມະ ຊາດເກາະກັກບາທີ່ສວຍງາມ ໄດ້ຫຼິ້ນນ້ຳທະເລທີ່ໃສເຢັນ ທີ່ ສຳຄັນໄດ້ເຫັນການພັດທະນາ ປະເທດຊາດຢ່າງມີຫົວຄິດປະ ດິດສ້າງ, ມີແນວທາງພັດທະນາ ທີ່ກ້າວກະໂດດ ເປັນລະບົບມີ ການວາງຕາຂ່າຍລະບົບຂົນ ສົ່ງຮອງຮັບການຂະຫຍາຍຕົວ ຂອງເສດຖະກິດໄວ້ຢ່າງຊັດ ເຈນ. ໃນໂອກາດນີ້ ພວກເຮົາ ຂໍຂອບໃຈຢ່າງສຸດຊຶ້ງ ແລະ ມີ ຄວາມປະທັບໃຈຫຼາຍໃນການ ຕ້ອນຮັບອັນອົບອຸ່ນທີ່ເຕັມໄປ ດ້ວຍໄມຕີຈິດມິດຕະພາບ ແລະ ຄວາມຈິງໃຈຂອງການ ນຳຂັ້ນຕ່າງໆຂອງຫວຽດນາມ ກໍຄືຊາວຫວຽດນາມ, ຍາມໃດ ກໍໃຫ້ຄວາມສຳຄັນເຖິງຄວາມ ສາມັກຄີພິເສດລາວ-ຫວຽດ ນາມ.
ເນື່ອງໃນໂອກາດວັນ ຊາດຫວຽດນາມ ຄົບຮອບ 72 ປີ ແລະ ສອງວັນປະຫວັດສາດ ລາວ - ຫວຽດນາມ, ຫວຽດ ນາມ - ລາວ ຄື: ວັນສ້າງຕັ້ງ ສາຍພົວພັນທາງການທູດຄົບ ຮອບ 55 ປີ ແລະ ວັນເຊັນສົນ ທິສັນຍາມິດຕະພາບ ແລະ ການ ຮ່ວມມືລາວ-ຫວຽດນາມ ຄົບຮອບ 40 ປີ. ຂໍອວຍພອນ ໄຊອັນປະເສີດໃຫ້ແກ່ການພົວພັນຮ່ວມມືຮອບດ້ານລາວ - ຫວຽດນາມ, ຫວຽດນາມ - ລາວ ຈົ່ງໝັ້ນຄົງຕະຫຼອດກາລະນານ.