ໜັງສືພິມ ປະຊາຊົນ

ສະຫາຍ ກິມ ອິນ ເຊິງ ຜູ້ນໍາທີ່ຍິ່ງໃຫຍ່ຂອງປະຊາຊົນເກົາຫຼີ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 06/04/2022 08:35:06 ຈຳນວນຜູ້ເຂົ້າຢ້ຽມຊົມ 3192 ຄັ້ງ

(ເນື່ອງໃນໂອກາດ ວັນເກີດ ຂອງ ສະຫາຍ ກິມ ອິນ ເຊິງ ຄົບຮອບ 110 ປີ 15/4/1912-15/4/2022)

(ບົດຄວາມຈາກ ສະຖານເອກອັກຄະລັດຖະທູດ ສປປ ເກົາຫຼີ ປະຈຳ ສປປ ລາວ)

ໃນວັນທີ 15 ເມສາ ຂອງທຸກໆປີ, ປະຊາຊົນເກົາຫຼີ ຈະສະເຫຼີມສະຫຼອງວັນແຫ່ງດວງອາທິດ ຊຶ່ງເປັນວັນຄ້າຍວັນເກີດຂອງສະຫາຍ ກິມ ອິນ ເຊິງ.

ສະຫາຍ ກິມ ອິນ ເຊິງ ເກີດເມື່ອວັນທີ 15 ເດືອນເມສາປີ 1912 ທີ່ມັນກຽງແດ ນະຄອນຫຼວງພຽງຢາງ ແລະ ກ້າວເຂົ້າສູ່ເສັ້ນທາງແຫ່ງການຕໍ່ສູ້ປະຕິວັດ ເພື່ອປົດປ່ອຍປະເທດຊາດ ແຕ່ອາຍຸຍັງໜຸ່ມນ້ອຍ ໃນໄວ 10 ປາຍປີ.

ໃນໄລຍະຂອງການຊອກຫາເສັ້ນທາງແຫ່ງການປະຕິວັດເກົາຫຼີ, ເພິ່ນໄດ້ສ້າງແນວຄິດຈຸເຊ ແລະໄດ້ນຳພາການຕໍ່ສູ້ປະຕິວັດຕໍ່ຕ້ານຈັກກະພັດຕ່າງດ້າວເປັນເວລາເຖິງສອງທົດສະວັດພາຍໃຕ້ຄັນທຸງຂອງ ແນວທາງດ່ັງກ່າວ, ໃນທີ່ສຸດກໍໄດ້ເກີດມີເຫດການປະຫວັດ ສາດແຫ່ງການປົດປ່ອຍປະເທດຊາດ ໃນວັນທີ 15 ສິງຫາ 1945.

ພາຍຫຼັງກັບຄືນສູ່ບ້ານເກີດເມືອງນອນ ເພິ່ນໄດ້ສ້າງຕັ້ງພັກແຮງງານເກົາຫຼີຂຶ້ນໃນທັນທີ ແລະ ໄດ້ດຳເນີນການປະຕິຮູບປະຊາທິປະໄຕ, ລວມທັງການປະຕິຮູບທີ່ດິນ, ການຫັນປ່ຽນອຸດສາຫະກຳທີ່ສຳຄັນໃຫ້ເປັນຂອງລັດ, ການບັງຄັບໃຊ້ກົດໝາຍວ່າດ້ວຍຄວາມສະເໝີພາບທາງເພດ ແລະ ຍັງໄດ້ກໍ່ຕັ້ງກອງກຳລັງປະກອບອາວຸດປະຈຳການ. ໂດຍອີງໃສ່ຜົນສຳເລັດດັ່ງກ່າວ, ເພິ່ນໄດ້ສະຖາປະນາ ສາທາລະນະລັດ ປະຊາຊົນ ປະຊາທິປະໄຕເກົາຫຼີ ໃນວັນທີ 9 ກັນຍາ 1948 ຊຶ່ງເປັນລັດປະຊາທິປະໄຕປະຊາຊົນແຫ່ງທຳອິດໃນພາກຕາເວັນອອກ.

ເພິ່ນໄດ້ປົກປ້ອງສິດອຳ ນາດອະທິປະໄຕ ແລະ ກຽດສັກສີຂອງ ສປປເກົາຫຼີ ຢ່າງມີກຽດ ໃນສົງຄາມເກົາຫຼີຕ້ານການຮຸກຮານທາງທະຫານຂອງຈັກກະພັດຜູ້ຮຸກຮານ ຊຶ່ງເລີ່ມແຕ່ປີ 1950 ຈົນເຖິງປີ1953. ເພິ່ນໄດ້ປະຕິບັດການຟື້ນຟູຫຼັງສົງຄາມ ແລະ ການປະຕິວັດສັງ ຄົມນິຍົມໃນໄລຍະເວລາສັ້ນໆ ແລະ ໄດ້ນຳພາການກໍ່ສ້າງສັງ ຄົມນິຍົມໃນຫຼາຍໄລຍະໃຫ້ ໄດ້ ຮັບໄຊຊະນະ. ດັ່ງນັ້ນຈຶ່ງເຮັດໃຫ້ ສປປ ເກົາຫຼີ ກາຍເປັນປະເທດ ສັງຄົມນິຍົມທີ່ຮັ່ງມີເຂັ້ມແຂງມີຈິດໃຈເອກະລາດເປັນເຈົ້າຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.

ເພິ່ນຖືວ່າ “ປະຊາຊົນແມ່ນພະເຈົ້າຂອງຂ້ອຍ” ຊຶ່ງເປັນຄຳຂວັນປະຈໍາຊີວິດຂອງເພິ່ນ ແລະ ການເມືອງທີ່ມີຄວາມເມດຕາກະລຸນາຂອງເພິ່ນນັ້ນ ໄດ້ເຮັດໃຫ້ລະບົບສັງຄົມນິຍົມທີ່ມີປະຊາຊົນເປັນໃຈກາງ ໄດ້ມີຮາກເລິກຢູ່ໃນສປປເກົາຫຼີ.

ເພິ່ນໄດ້ວາງຫຼັກການພື້ນ ຖານ ແລະ ທິດທາງຕ່າງໆ ໃນການທ້ອນໂຮມປະເທດຊາດຂອງເກົາຫຼີ, ລວມ 3 ປະການ ສຳລັບການທ້ອນໂຮມຊາດ, ໂຄງການ 10 ຈຸດ ເພື່ອຄວາມເປັນເອກະພາບອັນຍິ່ງໃຫຍ່ຂອງປະເທດຊາດທັງໝົດ ແລະ ແຜນການສ້າງຕັ້ງສາທາລະນະລັດ ສະຫະພັນປະຊາທິປະໄຕ Koryo ແລະ ທຸ່ມເທທຸກເຫື່ອ ແຮງຂອງຕົນ ເພື່ອປະເທດຊາດຈົນເຖິງໄລຍະເວລາສຸດທ້າຍຂອງຊີວິດ.

ເພິ່ນໄດ້ໃຫ້ນິຍາມຄວາມເປັນເອກະລາດ, ສັນຕິພາບ ແລະ ມິດຕະພາບວ່າເປັນອຸດົມການພື້ນຖານຂອງນະໂຍບາຍການຕ່າງປະເທດຂອງ ສປປເກົາຫຼີ ແລະ ເພີ່ມພູນກຽດສັກ ສີໃນລະດັບສາກົນ ຜ່ານການ ເຄື່ອນໄຫວຕ່າງປະເທດທີ່ເຕັມໄປດ້ວຍຄວາມຫ້າວຫັນຂອງເພິ່ນ.

ເພິ່ນໄດ້ດຳລົງຕຳແໜ່ງເປັນປະມຸກຂອງລັດເປັນເວ ລາເກືອບເຄິ່ງສະຕະວັດ, ໃນຖານະທີ່ເປັນນັກຮົບເກົ່າຂອງການເມືອງໂລກເພິ່ນໄດ້ເປີດຍຸກສະໄໝໃໝ່ແຫ່ງຄວາມເປັນເອກະລາດ ແລະ ໄດ້ປະ ກອບສ່ວນທີ່ເປັນອະມະຕະເຂົ້າ ໃນການເພີ່ມພູນຄູນສ້າງຂະ ບວນບໍ່ຮ່ວມກຸ່ມ ແລະ ຂະບວນການສັງຄົມນິຍົມ.

ສປປ ເກົາຫຼີ ໄດ້ມອບນາມມະຍົດມະຫາຈອມພົນໃຫ້ແກ່ ສະຫາຍ ກິມ ອິນ ເຊິງ ເນື່ອງໃນໂອກາດວັນເກີດຄົບຮອບ 80 ປີ ຂອງເພິ່ນ.

ເຖິງແມ່ນວ່າສະຫາຍ ກິມ ອິນ ເຊິງ ຜູ້ນໍາທີ່ຍິ່ງໃຫຍ່ໄດ້ເສຍຊີວິດໄປແລ້ວ ໃນວັນທີ 8 ກໍລະກົດ 1994, ແຕ່ເພິ່ນຍັງຄົງມີຊີວິດຢູ່ສະເໝີພາຍໃນດວງໃຈຂອງປະຊາຊົນ ເກົາຫຼີ ແລະ ໂລກທີ່ກ້າວໜ້າ ໃນຖາ ນະທີ່ເປັນບິດາຜູ້ກໍ່ຕັ້ງສັງຄົມນິຍົມເກົາຫຼີ, ເປັນຜູ້ບຸກເບີກພາລະກິດຄວາມເປັນ ເອກະລາດຂອງ ມວນມະນຸດ, ເປັນ ປະທານປະເທດຕະ ຫຼອດການຂອງ ສປປເກົາຫຼີ ແລະ ເປັນ ດວງອາທິດຂອງ ແນວຄິດຈຸເຊ.

ແນວຄິດການປະຕິວັດ ແລະ ພາລະ ກິດ ເພື່ອເອກະລາດຂອງ ສະຫາຍ ກິມ ອິນ ເຊິງ ຜູ້ນໍາຍິ່ງໃຫຍ່ໄດ້ສືບຕໍ່ໄດ້ຮັບການພັດ ທະນາຢ່າງຕໍ່ເນື່ອງພາຍໃຕ້ການ ຊີ້ນຳ ນຳພາຂອງ ສະຫາຍ ກິມ ເຈິງ ອິນ ແລະ ສະຫາຍ ກິມ ເຈິງ ອຸນ ຜູ້ນຳທີ່ຍິ່ງໃຫຍ່.

ໃນຫຼາຍທົດ ສະວັດທີ່ຜ່ານມາ, ສະຫາຍ ກິມ ເຈິງ ອິນ ຜູ້ນຳທີ່ຍິ່ງໃຫຍ່ໄດ້ຈັດຕັ້ງປະຕິບັດພາລະກິດຄັ້ງປະຫວັດສາດເພື່ອເຮັດໃຫ້ທົ່ວສັງຄົມປະກອບດ້ວຍແນວຄິດການປະຕິວັດຂອງສະຫາຍ ກິມ ອິນ ເຊິງ ຜູ້ນໍາຍິ່ງໃຫ່ຍ ແລະ ເພິ່ນໄດ້ປົກປັກຮັກສາປະເທດຊາດ ແລະ ໂຊກຊາຕາກຳຂອງປະຊາຊົນ ດ້ວຍແນວຄິດເິ່ນກຸນ(ແນວຄິດວ່າດ້ວຍການໃຫ້ບຸລິມາສິດແກ່ວຽກງານທະຫານ) ແລະ ສ້າງພື້ນຖານອັນໜັກແໜ້ນເພື່ອສ້າງສາປະເທດສັງຄົມນິຍົມໃຫ້ມີຄວາມເຂັ້ມແຂງ ແລະ ຈະເລີນຮຸ່ງເຮືອງ.

ພາຍຫຼັງ ສະຫາຍ ກິມ ເຈິງ ອິນ ຜູ້ນຳທີ່ຍິ່ງໃຫຍ່ ໄດ້ສິ້ນລົມຫາຍໃຈ, ສະຫາຍ ກິມ ເຈິງ ອຸນ ທີ່ແສນເຄົາລົບຮັກທີ່ເປັນຜູ້ສືບທອດພາລະກິດການປະຕິວັດ ໂດຍມີເຈດຕະນາລົມ ອັນໝັ້ນແກ່ນ ເພື່ອປົກປັກຮັກ ສາປະເທດສັງຄົມນິຍົມເກົາ ຫຼີທີ່ບັນດາອະດີດຜູ້ນຳທີ່ຍິ່ງໃຫຍ່ ໄດ້ສ້າງຂຶ້ນ ແລະ ເພີ່ມພູນຄູນສ້າງມາຕະຫຼອດຊີວິດຂອງບັນ ດາສະຫາຍອະດີດຜູ້ນຳ ແລະ ເພື່ອບັນລຸພາລະກິດສ້າງ ສາ ປະເທດສັງຄົມນິຍົມເກົາຫຼີ ທີ່ເຂັ້ມແຂງ ແລະ ຈະເລີນຮຸ່ງ ເຮືອງ ຊຶ່ງເປັນຄວາມປະສົງຕະ ຫຼອດຊີວິດຂອງບັນດາສະ ຫາຍອະດີດຜູ້ນຳຂອງ ສປປ ເກົາຫຼີທີ່ໄດ້ນຳພາທົ່ວພັກ, ທົ່ວລັດ, ທົ່ວກອງທັບ ແລະ ທົ່ວປວງຊົນເກົາຫຼີ ລຸກຂຶ້ນຕໍ່ສູ້ແບບວິລະຊົນ.

ໃນເມື່ອ ສະຫາຍ ກິມ ເຈິງ ອິນ, ຜູ້ນໍາທີ່ຍິ່ງໃຫຍ່ທີ່ໄດ້ເຖິງແກ່ມໍລະນະກຳ ຜ່ານໄປແລ້ວເປັນເວລາ 10 ປີນັ້ນ, ສະຫາຍ ກິມ ເຈິງ ອຸນ ທີ່ແສນເຄົາລົບຮັກກໍໄດ້ນຳພາການປະຕິວັດເກົາຫຼີ ແລະ ສ້າງຄຸນງາມຄວາມດີອັນຍິ່ງໃຫຍ່ຢ່າງແທ້ຈິງ. ສະຫາຍໄດ້ ນຳເອົາແນວຄິດຊີ້ນຳຂອງພັກແຮງງານເກົາຫຼີຂອງພວກຂ້າພະເຈົ້າ ເພື່ອກຳນົດແນວຄິດຊີ້ນໍາອັນໃໝ່ຂອງພັກ ໂດຍກໍານົດວ່າ: “ລັດທິກິມ ອິນ ເຊິງ-ກິມ ເຈິງ ອິນ” ເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການໃນການພັດທະນາການປະຕິວັດໃນໄລຍະໃໝ່ ແລະ ກໍໄດ້ປະກາດ ລັດທິກິມ ອິນ ເຊິງ - ກິມ ເຈິງ ອິນ ໃນທົ່ວສັງຄົມ ຊຶ່ງເປັນໂຄງການອັນດັບສູງສຸດຂອງພັກ.

ພາຍໃຕ້ການຊີ້ນຳໆພາ ອັນສະຫຼາດສ່ອງໃສຂອງສະ ຫາຍ ກິມ ເຈິງ ອຸນ, ຄວາມສາ ມາດການນຳພາ ແລະ ຄວາມສາມາດການສູ້ຊົນຂອງພັກແຮງງານເກົາຫຼີໄດ້ຮັບການເພີ່ມທະວີຍິ່ງໆຂຶ້ນ ແລະ ເສັ້ນທາງອັນໃໝ່ແຫ່ງການກໍ່ສ້າງສັງຄົມນິຍົມໄດ້ເປີດກວ້າງ.

ໃນປັດຈຸບັນ, ປະຊາຊົນ ສປປ ເກົາຫຼີ ຍົກສູງ ມະຕິກອງປະຊຸມຄົບຄະນະ ຄັ້ງທີ 4 ຂອງຄະນະບໍລິຫານງານສູນກາງພັກແຮງງານເກົາຫຼີ ຊຸດທີ 8 ແລະ ກໍາລັງດໍາເນີນການສູ້ຊົນຢ່າງມີຂະບວນຟົດຟື້ນ ເພື່ອຮັບປະກັນການປະຕິບັດແຜນການພັດທະ ນາເສດຖະກິດແຫ່ງຊາດໄລ ຍະ 5 ປີຢ່າງແນ່ນອນ ແລະ ມີການປ່ຽນແປງຢ່າງຊັດເຈນໃນການປັບປຸງ ຊີວິດການເປັນຢູ່ຂອງປະຊາຊົນ.

ກຳລັງແຮງຂອງຊາດໄດ້ຮັບການເສີມຂະຫຍາຍຢ່າງສູງ ແລະ ສປປ ເກົາຫຼີ ກໍໄດ້ຢືນຢູ່ແຖວໜ້າໃນຈໍານວນປະ ເທດທີ່ມີຄວາມເຂັ້ມແຂງທາງດ້ານທະຫານທີ່ບໍ່ມີປະເທດໃດສາມາດຮຸກຮານໄດ້ ແລະ ພາລະບົດບາດຂອງ ສປປ ເກົາຫຼີ ກໍນັບມື້ນັບສູງເດັ່ນຂຶ້ນກ່ວາເກົ່າໃນເວທີ ພາກພື້ນ ແລະ ສາກົນ ໂດຍສະເພາະ ສາຍພົວພັນມິດຕະພາບ ແລະ ຄວາມສາມັກຄີ ລະຫວ່າງ ສປປ ເກົາຫຼີ ແລະ ບັນດາປະເທດສັງຄົມນິຍົມ ໄດ້ຮັບການເພີ່ມທະວີ ຍິ່ງໆຂຶ້ນກວ່າເກົ່າ ແລະ ຮັບປະກັນໃຫ້ປົກປັກຮັກສາສະພາບແວດລ້ອມແຫ່ງສັນຕິພາບ ແລະ ສະຖຽນລະພາບ ຢູ່ແຫຼມເກົາຫຼີ ຢ່າງໝັ້ນຄົງ.

ຍ້ອນມີ ສະຫາຍ ກິມ ເຈິງ ອຸນ ເລຂາທິການໃຫຍ່ພັກແຮງງານເກົາຫຼີ, ປະທານກິດຈະການແຫ່ງລັດ ແຫ່ງ ສປປ ເກົາຫຼີ, ຄຸນງາມຄວມດີຂອງ ສະຫາຍ ກິມ ອິນ ເຊິງ ແລະ ສະຫາຍ ກິມ ເຈິງ ອິນ ຈະຍືນຍົງຕະຫຼອດໄປ ແລະ ແຜນການກໍ່ສ້າງສັງຄົມນິຍົມທີ່ຮັ່ງມີ, ເຂັ້ມແຂງ ແລະ ຈະເລີນຮຸ່ງເຮືອງຂອງເພິ່ນຈະໄດ້ຮັບການປະຕິບັດຢ່າງແນ່ນອນ.