ເມື່ອບໍ່ດົນມານີ້ທີ່ສະໂມສອນຂອງເມືອງແມດ ແຂວງວຽງຈັນ ໄດ້ມີພິທີປະກາດເມືອງ 4 ບຸກ ແລະ ທຸງໄຊນາມມະຍົດ 4 ບຸກຂອງຊາວໜຸ່ມເມືອງແມດ, ໂດຍເປັນປະທານຂອງສະຫາຍ ອຸດົມ ສຸກສະຫວັນ ຄະນະບໍລິຫານງານຊາວໜຸ່ມແຂວງວຽງຈັນ ເລຂາຊາວໜຸ່ມເມືອງແມດ ແລະ ເຂົ້າຮ່ວມຂອງສະຫາຍ ຄຳປ່ຽນ ແສງສະຫວັດ ກຳມະການພັກແຂວງ ເລຂາພັກເມືອງ ເຈົ້າເມືອງໆແມດ, ມີຄະນະບໍລິຫານງານຊາວໜຸ່ມເມືອງ, ຕະຫຼອດຮອດໜ່ວຍຊາວໜຸ່ມຮາກຖານອ້ອມຂ້າງເຂົ້າຮ່ວມທັງໝົດ .
ໃນພິທີໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໃນໄລຍະ 3 ປີຜ່ານມາ ແລະ ທິດທາງແຜນການໃນຕໍ່ໜ້າ, ໂດຍໄດ້ຍົກໃຫ້ເຫັນຜົນຂອງການເຄື່ອນໄຫວປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມໄລຍະ 3 ປີຜ່ານມາ, ໄດ້ເຜີຍແຜ່ເຊື່ອມຊຶມເອກະສານຕ້ານ ແລະ ສະກັດກັ້ນປະກົດການຫຍໍ້ທໍ້ໃນຖັນແຖວຊາວໜຸ່ມ - ໄວໜຸ່ມເຍົາວະຊົນ ແລະ ເຜີຍແຜ່ກົດລະບຽບຂອງຄະນະຊາວໜຸ່ມປະຊາຊົນປະຕິວັດລາວ, ເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວ, 3 ດີ 4 ຮູ້ຂອງເຍົາວະຊົນທັນວາ ແລະ ຜົນຮ້າຍຂອງຢາເສບຕິດລວມມີ 7 ຄັ້ງ, ຜ່ານການສຶກສາອົບຮົມການເມືອງ-ແນວຄິດໄດ້ເຮັດໃຫ້ສະມາຊິກຊາວໜຸ່ມ-ເຍົາວະຊົນມີນ້ຳໃຈຮັກຊາດ, ຮັກລະບອບປະຊາທິປະໄຕ, ມີຄວາມຈົງຮັກພັກດີຕໍ່ປະເທດຊາດ, ມີແບບແຜນດຳລົງຊີວິດປອດໃສຖືກຕ້ອງຕາມຮີດຄອງປະເພນີຂອງຊາດ, ມີຄວາມດຸໝັ່ນຂະຫຍັນພຽນ, ມີຫົວຄິດປະດິດສ້າງໃນການອອກແຮງງານ ແລະ ມີຄວາມສາມັກຄີຊ່ວຍເຫຼືອຊຶ່ງກັນ ແລະ ກັນ, ໄລຍະຜ່ານມາຄະນະຊາວໜຸ່ມແຕ່ລະຂັ້ນໄດ້ເອົາໃຈໃສ່ປະຕິບັດໜ້າທີ່ການຂອງຕົນດ້ວຍຄວາມຮັບຜິດຊອບສູງ, ສະມາຊິກຊາວໜຸ່ມໄດ້ມີຄວາມຮູ້ ແລະ ຄວາມເຂົ້າໃຈຕໍ່ແນວທາງນະໂຍບາຍຂອງພັກ-ກົດໝາຍຂອງລັດ, ຕື່ນຕົວເປັນເຈົ້າການປະກອບສ່ວນເຂົ້າໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວ,ເປັນຕົ້ນແມ່ນບຸກດ້ານແນວຄິດ, ບຸກດ້ານຝຶກຝົນຫຼໍ່ຫຼອມຮໍ່າຮຽນ, ບຸກດ້ານວຽກງານການຈັດຕັ້ງ ແລະ ບຸກດ້ານວິຊາຊີບສ້າງວຽກເຮັດງານທຳ.
ຫຼັງຈາກນັ້ນ, ສະຫາຍເລຂາພັກເມືອງກໍໄດ້ເປັນກຽດຂຶ້ນມອບໃບຍ້ອງຍໍໃຫ້ຄະນະບໍລິຫານງານຊາວໜຸ່ມເມືອງແລະ ສະຫາຍເລຂາຊາວໜຸ່ມແຂວງວຽງຈັນກໍໄດ້ເປັນກຽດຂຶ້ນມອບຢັ້ງຢືນ 4 ບຸກ ແລະ ທຸງໄຊນາມມະຍົດ 4 ບຸກໃຫ້ແກ່ຄະນະປະຈຳຊາວໜຸ່ມເມືອງຈຳນວນ 5 ສະຫາຍແລະ ພ້ອມທັງມອບຫຼຽນກາ 65 ປີຂອງຊາວໜຸ່ມແລະ ຫຼັງຈາກນັ້ນສະຫາຍເລຂາພັກເມືອງ ແລະ ສະຫາຍເລຂາຊາວໜຸ່ມແຂວງ ກໍໄດ້ເປັນກຽດຮ່ວມກັນເປີດແຜ່ນປ້າຍ ແລະ ພ້ອມທັງລັ່ນຄ້ອງ 9 ບາດ, ເພື່ອຮັບຮອງເມືອງ 4 ບຸກແລະ ທຸງໄຊນາມມະຍົດ 4 ບຸກຂອງຊາວເມືອງແມດ.
ຂ່າວ-ພາບ: ເມືອງແມດບຸນລ້ອມ
ໃນພິທີໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໃນໄລຍະ 3 ປີຜ່ານມາ ແລະ ທິດທາງແຜນການໃນຕໍ່ໜ້າ, ໂດຍໄດ້ຍົກໃຫ້ເຫັນຜົນຂອງການເຄື່ອນໄຫວປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມໄລຍະ 3 ປີຜ່ານມາ, ໄດ້ເຜີຍແຜ່ເຊື່ອມຊຶມເອກະສານຕ້ານ ແລະ ສະກັດກັ້ນປະກົດການຫຍໍ້ທໍ້ໃນຖັນແຖວຊາວໜຸ່ມ - ໄວໜຸ່ມເຍົາວະຊົນ ແລະ ເຜີຍແຜ່ກົດລະບຽບຂອງຄະນະຊາວໜຸ່ມປະຊາຊົນປະຕິວັດລາວ, ເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວ, 3 ດີ 4 ຮູ້ຂອງເຍົາວະຊົນທັນວາ ແລະ ຜົນຮ້າຍຂອງຢາເສບຕິດລວມມີ 7 ຄັ້ງ, ຜ່ານການສຶກສາອົບຮົມການເມືອງ-ແນວຄິດໄດ້ເຮັດໃຫ້ສະມາຊິກຊາວໜຸ່ມ-ເຍົາວະຊົນມີນ້ຳໃຈຮັກຊາດ, ຮັກລະບອບປະຊາທິປະໄຕ, ມີຄວາມຈົງຮັກພັກດີຕໍ່ປະເທດຊາດ, ມີແບບແຜນດຳລົງຊີວິດປອດໃສຖືກຕ້ອງຕາມຮີດຄອງປະເພນີຂອງຊາດ, ມີຄວາມດຸໝັ່ນຂະຫຍັນພຽນ, ມີຫົວຄິດປະດິດສ້າງໃນການອອກແຮງງານ ແລະ ມີຄວາມສາມັກຄີຊ່ວຍເຫຼືອຊຶ່ງກັນ ແລະ ກັນ, ໄລຍະຜ່ານມາຄະນະຊາວໜຸ່ມແຕ່ລະຂັ້ນໄດ້ເອົາໃຈໃສ່ປະຕິບັດໜ້າທີ່ການຂອງຕົນດ້ວຍຄວາມຮັບຜິດຊອບສູງ, ສະມາຊິກຊາວໜຸ່ມໄດ້ມີຄວາມຮູ້ ແລະ ຄວາມເຂົ້າໃຈຕໍ່ແນວທາງນະໂຍບາຍຂອງພັກ-ກົດໝາຍຂອງລັດ, ຕື່ນຕົວເປັນເຈົ້າການປະກອບສ່ວນເຂົ້າໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວ,ເປັນຕົ້ນແມ່ນບຸກດ້ານແນວຄິດ, ບຸກດ້ານຝຶກຝົນຫຼໍ່ຫຼອມຮໍ່າຮຽນ, ບຸກດ້ານວຽກງານການຈັດຕັ້ງ ແລະ ບຸກດ້ານວິຊາຊີບສ້າງວຽກເຮັດງານທຳ.
ຫຼັງຈາກນັ້ນ, ສະຫາຍເລຂາພັກເມືອງກໍໄດ້ເປັນກຽດຂຶ້ນມອບໃບຍ້ອງຍໍໃຫ້ຄະນະບໍລິຫານງານຊາວໜຸ່ມເມືອງແລະ ສະຫາຍເລຂາຊາວໜຸ່ມແຂວງວຽງຈັນກໍໄດ້ເປັນກຽດຂຶ້ນມອບຢັ້ງຢືນ 4 ບຸກ ແລະ ທຸງໄຊນາມມະຍົດ 4 ບຸກໃຫ້ແກ່ຄະນະປະຈຳຊາວໜຸ່ມເມືອງຈຳນວນ 5 ສະຫາຍແລະ ພ້ອມທັງມອບຫຼຽນກາ 65 ປີຂອງຊາວໜຸ່ມແລະ ຫຼັງຈາກນັ້ນສະຫາຍເລຂາພັກເມືອງ ແລະ ສະຫາຍເລຂາຊາວໜຸ່ມແຂວງ ກໍໄດ້ເປັນກຽດຮ່ວມກັນເປີດແຜ່ນປ້າຍ ແລະ ພ້ອມທັງລັ່ນຄ້ອງ 9 ບາດ, ເພື່ອຮັບຮອງເມືອງ 4 ບຸກແລະ ທຸງໄຊນາມມະຍົດ 4 ບຸກຂອງຊາວເມືອງແມດ.
ຂ່າວ-ພາບ: ເມືອງແມດບຸນລ້ອມ
