ສະຖາບັນການຕ່າງປະເທດ ກະຊວງການຕ່າງປະເທດ ໄດ້ຈັດພິທີປິດຊຸດຝຶກອົບຮົມວິທີວິທະຍາ (ResearchMethodologySkills)ໃຫ້ແກ່ ພະນັກງານກະຊວງການຕ່າງປະເທດ, ຄະນະພົວພັນຕ່າງປະເທດສູນກາງພັກ ແລະ ບັນດາກະຊວງອ້ອມຂ້າງສູນກາງ ຂຶ້ນຫວ່າງບໍ່ດົນມານີ້,ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ນາງ ວິທະຍາ ໄຊຍະວົງຮັກສາການແທນ ຫົວໜ້າສະຖາບັນການຕ່າງປະເທດຮອງຫົວໜ້າສະຖາບັນການຕ່າງປະເທດ. ນອກນັ້ນ, ຍັງມີຄະນະສະຖາບັນ, ຄະນະພະແນກ, ຄະນະຮັບຜິດຊອບຊຸດຝຶກອົບຮົມ ແລະ ສໍາມະນາກອນຂອງຊຸດຝຶກອົບຮົມເຂົ້າຮ່ວມທັງໝົດ ປະມານ 30ທ່ານ. ຊຸດຝຶກອົບຮົມດັ່ງກ່າວ ແມ່ນໄດ້ດຳເນີນມານັບແຕ່ວັນທີ 6 ພະຈິກ 2023 ເປັນຕົ້ນມາຊຶ່ງມີຜູ້ເຂົ້າຮ່ວມຝຶກອົບຮົມ ທັງໝົດ 20 ທ່ານຍິງ 7 ທ່ານ ທີ່ມາຈາກບັນດາກົມພາຍໃນກະຊວງການຕ່າງປະເທດ, ຄະນະພົວພັນຕ່າງປະເທດສູນກາງພັກ, ມະຫາວິທະຍາໄລແຫ່ງຊາດລາວ, ສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ, ກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ. ຈຸດປະສົງຂອງຊຸດຝຶກອົບຮົມຄັ້ງນີ້ ແມ່ນເພື່ອພັດທະນາທັກສະການເຮັດບົດຄົ້ນຄວ້າ ແລະ ການວິເຄາະບັນຫາເປັນພາສາອັງກິດ ໃຫ້ມີລັກສະນະວິຊາການ (Academic Writing) ແລະ ໄດ້ມາດຕະຖານສາກົນ.
ຕະຫຼອດໄລຍະ 4 ວັນ ຂອງການຝຶກອົບຮົມໃນຄັ້ງນີ້, ທ່ານ ສົມໄພ ວົງມະຫາຈັກຮອງຫົວໜ້າສະຖາບັນການຕ່າງປະເທດ ໄດ້ລາຍງານສະຫຼຸບຜົນການຝຶກອົບຮົມໃນຄັ້ງນີ້ ໂດຍໄດ້ຍົກໃຫ້ເຫັນເນື້ອໃນສໍາຄັນຂອງການຈັດຊຸດຝຶກອົບຮົມ ໂດຍເນັ້ນໃສ່ສະພາບລວມຂອງການຄົ້ນຄວ້າໃນຂະແໜງການຕ່າງປະເທດ, ວິທີການວິເຄາະເຫດການລະຫວ່າງປະເທດ, ການຄົ້ນຄວ້າຂັ້ນພື້ນຖານ, ການຄົ້ນຄວ້າການຄາດຄະເນ ຂອງອົງການຈັດຕັ້ງພາກພື້ນ ແລະ ສາກົນ, ການຄົ້ນຄວ້າທ່າອ່ຽງໃຫຍ່ໃນການພົວພັນລະຫວ່າງປະເທດ, ການແບ່ງປັນປະສົບການຂອງກະຊວງການຕ່າງປະເທດຫວຽດນາມ ແລະ ກໍລະນີສຶກສາບັນຫາທີ່ພົ້ນເດັ່ນໃນພາກພື້ນ ແລະ ສາກົນ. ການຝຶກອົບຮົມແມ່ນດໍາເນີນເປັນພາສາອັງກິດ ໂດຍໄດ້ຮັບການຖ່າຍທອດບົດຮຽນ ແລະ ປະສົບການຕົວຈິງ ຈາກຄູ-ອາຈານ ແລະ ຊ່ຽວຊານຜູ້ທີ່ມີບົດຮຽນ ແລະ ປະສົບການທີ່ມາຈາກ ວິທະຍາຄານການທູດຫວຽດນາມ (DAV) ແລະ ກະຊວງການຕ່າງປະເທດຫວຽດນາມໂດຍກົງຊຶ່ງທຸກທ່ານລ້ວນແລ້ວແຕ່ເປັນຜູ້ທີ່ມີປະສົບການໃນການເຄື່ອນໄຫວວຽກງານຕົວຈິງໃນການເຮັດບົດຄົ້ນຄວ້າມາແລ້ວຫຼາຍສິບປີ.
ຕອນທ້າຍພິທີ ປະທານກອງປະຊຸມໄດ້ສະແດງຄວາມຊົມເຊີຍ ຕໍ່ບັນດາຜູ້ເຂົ້າຮ່ວມຝຶກອົບຮົມ ທີ່ໄດ້ເສຍສະລະເວລາ ເຂົ້າຮ່ວມຝຶກອົບຮົມ, ເອົາໃຈໃສ່ຄົ້ນຄວ້າຮໍ່າຮຽນ ແລະ ແລກປ່ຽນບົດຮຽນທີ່ໄດ້ຈາກການຝຶກອົບຮົມໃນຄັ້ງນີ້ ໄປຜັນຂະຫຍາຍ ແລະ ຈັດຕັ້ງປະຕິບັດເຂົ້າໃນໜ້າທີ່ວຽກງານຂອງຕົນ ເພື່ອເປັນພື້ນຖານໃນການສືບຕໍ່ຄົ້ນຄວ້າ ແລະ ເປັນເສນາທິການທີ່ມີຄຸນນະພາບໃຫ້ແກ່ການນຳໃນການວາງແນວທາງນະໂຍບາຍຂອງພັກ-ລັດ ຕໍ່ບັນຫາທີ່ເກີດຂຶ້ນໃນພາກພື້ນ ແລະ ສາກົນໃນຕໍ່ໜ້າ.
(ຂ່າວ-ພາບ: ກຕທ)
ຕະຫຼອດໄລຍະ 4 ວັນ ຂອງການຝຶກອົບຮົມໃນຄັ້ງນີ້, ທ່ານ ສົມໄພ ວົງມະຫາຈັກຮອງຫົວໜ້າສະຖາບັນການຕ່າງປະເທດ ໄດ້ລາຍງານສະຫຼຸບຜົນການຝຶກອົບຮົມໃນຄັ້ງນີ້ ໂດຍໄດ້ຍົກໃຫ້ເຫັນເນື້ອໃນສໍາຄັນຂອງການຈັດຊຸດຝຶກອົບຮົມ ໂດຍເນັ້ນໃສ່ສະພາບລວມຂອງການຄົ້ນຄວ້າໃນຂະແໜງການຕ່າງປະເທດ, ວິທີການວິເຄາະເຫດການລະຫວ່າງປະເທດ, ການຄົ້ນຄວ້າຂັ້ນພື້ນຖານ, ການຄົ້ນຄວ້າການຄາດຄະເນ ຂອງອົງການຈັດຕັ້ງພາກພື້ນ ແລະ ສາກົນ, ການຄົ້ນຄວ້າທ່າອ່ຽງໃຫຍ່ໃນການພົວພັນລະຫວ່າງປະເທດ, ການແບ່ງປັນປະສົບການຂອງກະຊວງການຕ່າງປະເທດຫວຽດນາມ ແລະ ກໍລະນີສຶກສາບັນຫາທີ່ພົ້ນເດັ່ນໃນພາກພື້ນ ແລະ ສາກົນ. ການຝຶກອົບຮົມແມ່ນດໍາເນີນເປັນພາສາອັງກິດ ໂດຍໄດ້ຮັບການຖ່າຍທອດບົດຮຽນ ແລະ ປະສົບການຕົວຈິງ ຈາກຄູ-ອາຈານ ແລະ ຊ່ຽວຊານຜູ້ທີ່ມີບົດຮຽນ ແລະ ປະສົບການທີ່ມາຈາກ ວິທະຍາຄານການທູດຫວຽດນາມ (DAV) ແລະ ກະຊວງການຕ່າງປະເທດຫວຽດນາມໂດຍກົງຊຶ່ງທຸກທ່ານລ້ວນແລ້ວແຕ່ເປັນຜູ້ທີ່ມີປະສົບການໃນການເຄື່ອນໄຫວວຽກງານຕົວຈິງໃນການເຮັດບົດຄົ້ນຄວ້າມາແລ້ວຫຼາຍສິບປີ.
ຕອນທ້າຍພິທີ ປະທານກອງປະຊຸມໄດ້ສະແດງຄວາມຊົມເຊີຍ ຕໍ່ບັນດາຜູ້ເຂົ້າຮ່ວມຝຶກອົບຮົມ ທີ່ໄດ້ເສຍສະລະເວລາ ເຂົ້າຮ່ວມຝຶກອົບຮົມ, ເອົາໃຈໃສ່ຄົ້ນຄວ້າຮໍ່າຮຽນ ແລະ ແລກປ່ຽນບົດຮຽນທີ່ໄດ້ຈາກການຝຶກອົບຮົມໃນຄັ້ງນີ້ ໄປຜັນຂະຫຍາຍ ແລະ ຈັດຕັ້ງປະຕິບັດເຂົ້າໃນໜ້າທີ່ວຽກງານຂອງຕົນ ເພື່ອເປັນພື້ນຖານໃນການສືບຕໍ່ຄົ້ນຄວ້າ ແລະ ເປັນເສນາທິການທີ່ມີຄຸນນະພາບໃຫ້ແກ່ການນຳໃນການວາງແນວທາງນະໂຍບາຍຂອງພັກ-ລັດ ຕໍ່ບັນຫາທີ່ເກີດຂຶ້ນໃນພາກພື້ນ ແລະ ສາກົນໃນຕໍ່ໜ້າ.
(ຂ່າວ-ພາບ: ກຕທ)
