ໃນວັນທີ17ພະຈິກນີ້ທີ່ສູນຮ່ວມມືແລະຝຶກອົບຮົມສາກົນ (ICTC) ສະຫະພັນແມ່ຍິງກະຊວງ
ການຕ່າງປະເທດໄດ້ຈັດງານລ້ຽງນໍ້າຊາ-ພົບປະສັງສັນລະຫວ່າງບັນດາພັນລະຍາການນຳ, ການນຳເພດຍິງ, ນັກການທູດເພດຍິງຂອງກະຊວງການຕ່າງປະເທດ, ບັນດາພັນລະຍາທູຕານຸທູດ, ນັກການທູດເພດຍິງຕ່າງປະເທດແລະແມ່ຍິງຈາກບັນດາອົງການຈັດຕັ້ງສາກົນປະຈຳຢູ່ສປປລາວ, ໂດຍການເປັນປະທານຂອງທ່ານນາງອາລຸນີກົມມະສິດພັນລະຍາທ່ານຮອງນາຍົກລັດຖະມົນຕີລັດຖະມົນຕີກະຊວງການຕ່າງປະເທດປະທານກິດຕິມະສັກສະຫະພັນແມ່ຍິງກະຊວງການຕ່າງປະເທດ. ນອກຈາກນັ້ນຍັງມີບັນດາແຂກຖືກເຊີນຈາກສູນກາງສະຫະພັນແມ່ຍິງລາວ, ຄະນະພົວພັນຕ່າງປະເທດສູນກາງພັກ, ສະຫະພັນແມ່ຍິງບັນດາກະຊວງກໍໄດ້ໃຫ້ກຽດເຂົ້າຮ່ວມ, ລວມທັງໝົດປະມານ400ກວ່າທ່ານຊຶ່ງໃນນັ້ນມີແຂກຈາກບັນດາສະຖານເອກອັກຄະລັດຖະທູດຕ່າງປະເທດແລະບັນດາສຳນັກງານອົງການເຂົ້າຮ່ວມ.
ງານລ້ຽງນໍ້າຊາເປັນກິດຈະກຳເຄື່ອນໄຫວປະຈຳປີຂອງສະຫະພັນແມ່ຍິງກະຊວງການຕ່າງປະເທດຈຸດປະສົງເພື່ອເຕົ້າໂຮມພົບປະສັງສັນ, ສ້າງຄວາມລຶ້ງເຄີຍ, ຄວາມຮັກແພງແລະແລກປ່ຽນວັດທະນະທຳຊຶ່ງກັນແລະກັນຂອງແມ່ຍິງທີ່ເຮັດວຽກການທູດກັບແມ່ຍິງຕ່າງປະເທດທີ່ມີສໍານັກງານປະຈໍາຢູ່ສປປລາວ. ພາຍໃນງານ, ນອກຈາກຈະມີການວາງສະແດງສິນຄ້າແລະອາຫານແລ້ວຍັງມີການສະແດງສິລະປະ, ການເດີນແບບຂອງເອື້ອຍນ້ອງແມ່ຍິງກະຊວງການຕ່າງປະເທດ, ຄະນະພົວພັນຕ່າງປະເທດສູນກາງພັກແລະບັນດາສະຖານທູດຕ່າງໆອັນໄດ້ສ້າງຄວາມມ່ວນຊື່ນແລະຄວາມປະທັບໃຈໃຫ້ແກ່ຜູ້ເຂົ້າຮ່ວມ, ໃນໂອກາດນີ້ແຂກເຂົ້າຮ່ວມກໍໄດ້ອວຍພອນສົ່ງທ້າຍປີເກົ່າ2023ແລະຕ້ອນຮັບປີໃໝ່2024ຊຶ່ງກັນແລະກັນດ້ວຍຄວາມເບີກບານມ່ວນຊື່ນ.
(ຂ່າວ:ກະຊວງການຕ່າງປະເທດ; ພາບ:ພັດລໍວັນໄຊ)
ການຕ່າງປະເທດໄດ້ຈັດງານລ້ຽງນໍ້າຊາ-ພົບປະສັງສັນລະຫວ່າງບັນດາພັນລະຍາການນຳ, ການນຳເພດຍິງ, ນັກການທູດເພດຍິງຂອງກະຊວງການຕ່າງປະເທດ, ບັນດາພັນລະຍາທູຕານຸທູດ, ນັກການທູດເພດຍິງຕ່າງປະເທດແລະແມ່ຍິງຈາກບັນດາອົງການຈັດຕັ້ງສາກົນປະຈຳຢູ່ສປປລາວ, ໂດຍການເປັນປະທານຂອງທ່ານນາງອາລຸນີກົມມະສິດພັນລະຍາທ່ານຮອງນາຍົກລັດຖະມົນຕີລັດຖະມົນຕີກະຊວງການຕ່າງປະເທດປະທານກິດຕິມະສັກສະຫະພັນແມ່ຍິງກະຊວງການຕ່າງປະເທດ. ນອກຈາກນັ້ນຍັງມີບັນດາແຂກຖືກເຊີນຈາກສູນກາງສະຫະພັນແມ່ຍິງລາວ, ຄະນະພົວພັນຕ່າງປະເທດສູນກາງພັກ, ສະຫະພັນແມ່ຍິງບັນດາກະຊວງກໍໄດ້ໃຫ້ກຽດເຂົ້າຮ່ວມ, ລວມທັງໝົດປະມານ400ກວ່າທ່ານຊຶ່ງໃນນັ້ນມີແຂກຈາກບັນດາສະຖານເອກອັກຄະລັດຖະທູດຕ່າງປະເທດແລະບັນດາສຳນັກງານອົງການເຂົ້າຮ່ວມ.
ງານລ້ຽງນໍ້າຊາເປັນກິດຈະກຳເຄື່ອນໄຫວປະຈຳປີຂອງສະຫະພັນແມ່ຍິງກະຊວງການຕ່າງປະເທດຈຸດປະສົງເພື່ອເຕົ້າໂຮມພົບປະສັງສັນ, ສ້າງຄວາມລຶ້ງເຄີຍ, ຄວາມຮັກແພງແລະແລກປ່ຽນວັດທະນະທຳຊຶ່ງກັນແລະກັນຂອງແມ່ຍິງທີ່ເຮັດວຽກການທູດກັບແມ່ຍິງຕ່າງປະເທດທີ່ມີສໍານັກງານປະຈໍາຢູ່ສປປລາວ. ພາຍໃນງານ, ນອກຈາກຈະມີການວາງສະແດງສິນຄ້າແລະອາຫານແລ້ວຍັງມີການສະແດງສິລະປະ, ການເດີນແບບຂອງເອື້ອຍນ້ອງແມ່ຍິງກະຊວງການຕ່າງປະເທດ, ຄະນະພົວພັນຕ່າງປະເທດສູນກາງພັກແລະບັນດາສະຖານທູດຕ່າງໆອັນໄດ້ສ້າງຄວາມມ່ວນຊື່ນແລະຄວາມປະທັບໃຈໃຫ້ແກ່ຜູ້ເຂົ້າຮ່ວມ, ໃນໂອກາດນີ້ແຂກເຂົ້າຮ່ວມກໍໄດ້ອວຍພອນສົ່ງທ້າຍປີເກົ່າ2023ແລະຕ້ອນຮັບປີໃໝ່2024ຊຶ່ງກັນແລະກັນດ້ວຍຄວາມເບີກບານມ່ວນຊື່ນ.
(ຂ່າວ:ກະຊວງການຕ່າງປະເທດ; ພາບ:ພັດລໍວັນໄຊ)
