ໂດຍ: ສ.ບຸດປະຊາ
ລັດຖະບານ ໄດ້ເຫັນຄວາມສຳຄັນໃນການແກ້ໄຂບັນຫາ ດ້ານບຸກຄະລາກອນ ແລະ ຜູ້ອອກແຮງງານໃນຂະແໜງການປູກ ກໍຄືແກ້ໄຂພະນັກງານວິຊາການສະເພາະດ້ານ ເປັນຕົ້ນດ້ານພະຍາດ, ແມງໄມ້, ວິໄຈສານເຄມີຕົກຄ້າງ, ກະສິກໍາສະອາດ, ວິທະຍາສາດອາຫານ ຍັງມີຈໍາກັດບໍ່ສາມາດບັນລຸໄດ້ຕາມແຜນຕໍາແໜ່ງງານທີ່ກຳນົດ; ປະລິມານ ແລະ ຄຸນນະພາບຂອງແຮງງານ ໃນຂົງເຂດການຜະລິດ, ການປຸງແຕ່ງພືດ ແລະ ຜະລິດຕະພັນພືດ ຍັງບໍ່ພຽງພໍ; ການຝຶກອົບຮົມໄລຍະສັ້ນ ແລະ ໄລຍະຍາວ ເພື່ອເພີ່ມຄວາມຮູ້ ຄວາມສາມາດ ໃຫ້ແກ່ພະນັກງານຂະແໜງການປູກຝັງ ຍັງມີໜ້ອຍ ແລະ ບໍ່ຕໍ່ເນື່ອງ.
ເພື່ອແກ້ໄຂບັນຫາດັ່ງກ່າວ, ລັດໄດ້ກຳນົດໃຫ້ມີ ນະໂຍບາຍບຸກຄະລາກອນ ແລະ ຜູ້ອອກແຮງງານ ຊຶ່ງກຳນົດເປັນນະໂຍບາຍຂໍ້ 5 ໃນນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ໂດຍວາງຈຸດປະສົງ ເພື່ອເພີ່ມຈໍານວນນັກວິຊາການສະເພາະດ້ານໃຫ້ຂະແໜງການປູກຝັງແຕ່ສູນກາງຮອດທ້ອງຖິ່ນ ຢ່າງພຽງພໍ; ຊຸກຍູ້ ໃຫ້ຜູ້ປະກອບການນໍາໃຊ້ ນັກວິຊາການປູກຝັງ ເຂົ້າປະກອບອາຊີບຢູ່ໃນຟາມປູກພືດ, ໂຮງງານປຸງແຕ່ງພືດ ແລະ ຜະລິດຕະພັນພືດ ໃຫ້ຫຼາຍຂຶ້ນ; ເພື່ອພັດທະນາທັກສະສີມືແຮງງານໃນຂົງເຂດປູກຝັງ ໃຫ້ມີຄວາມກ້າວໜ້າ ແລະ ທັນສະໄໝ ສາມາດຕອບສະໜອງກັບການເຕີບໂຕ ຂອງຂະແໜງການປູກຝັງ ຢູ່ໃນແຕ່ລະທ້ອງຖິ່ນ.
ບົນພື້ນຖານຈຸດປະສົງນັ້ນ, ລັດຖະບານ ໄດ້ກຳນົດເອົາ 3 ວຽກງານ ທີ່ເປັນການຊຸກຍູ້ສົ່ງເສີມດ້ານບຸກຄະລາກອນ ແລະ ຜູ້ອອກແຮງງານ ໂດຍມີການກໍານົດແຜນການພັດທະນາບຸກຄະລາກອນ ແລະ ກໍານົດຕໍາແໜ່ງງານຕາມພາລະບົດບາດ ແລະ ໜ້າທີ່ຂອງຂະແໜງການປູກຝັງ ຕິດພັນກັບການຍົກລະດັບ ໃຫ້ກົມກຽວ ແລະ ສອດຄ່ອງກັບຄວາມຕ້ອງການ ໃນແຕ່ລະໄລຍະ; ສົ່ງເສີມວິຊາການປູກຝັງ ແລະ ຜູ້ອອກແຮງງານ ເຂົ້າຮ່ວມຝຶກອົບຮົມ, ສໍາມະນາ ແລະ ແລກປ່ຽນບົດຮຽນ ເພື່ອສ້າງໂອກາດໃນການປະກອບອາຊີບ ແລະ ເຂົ້າເຖິງຕະຫຼາດແຮງງານ ພາຍໃນ ແລະ ຕ່າງປະເທດ ເພື່ອນໍາໄປສູ່ການເຮັດສັນຍາ ແລະ ເຮັດວຽກຮ່ວມກັນ; ຊຸກຍູ້, ສົ່ງເສີມ ໃຫ້ຫຼາຍພາກສ່ວນ ລົງທຶນໃສ່ປັບປຸງ ສູນ, ສະຖານີ ຂອງສູນກາງ ແລະ ທ້ອງຖິ່ນ, ປະກອບກົນຈັກ ແລະ ເຄື່ອງມືອຸປະກອນຮັບໃຊການຜະລິດ ທີ່ທັນສະໄໝ ໄປຄຽງຄູ່ກັບການປັບປຸງ ຫຼັກສູດການຮຽນ-ການສອນ, ຄູ່ມືວິຊາການ; ຊຸກຍູ້ພາກເອກະຊົນ ສ້າງສູນຮຽນຮູ້ ແລະ ຄລີນິກພືດ.
ຕະຫຼອດໄລຍະຜ່ານມາ, ລັດຖະບານ ກໍຄືກະຊວງກະສິກຳ ແລະ ປ່າໄມ້ ກໍໄດ້ສະແດງອອກຢ່າງຈະແຈ້ງຕໍ່ກັບດ້ານນີ້ ໂດຍເອົາໃຈໃສ່ໃນການຄຸ້ມຄອງ ແລະ ຫັນພະນັກງານລົງສູ່ຮາກຖານການຜະລິດ, ສູນ, ສະຖານີ ແລະ 3 ປະເພດປ່າ ຊຶ່ງຂໍ້ມູນທີ່ເປີດເຜີຍໃນກອງປະຊຸມສະຫຼຸບວຽກງານກະສິກຳ, ປ່າໄມ້ ແລະ ພັດທະນາຊົນນະບົດ ປະຈໍາປີ 2022 ທີ່ຈັດຂຶ້ນເມື່ອຕົ້ນເດືອນ 2 ປີນີ້ ໄດ້ໃຫ້ຮູ້ວ່າ ສູນ ທີ່ຢູ່ຂັ້ນກະຊວງ (ຫົວໜ່ວຍວິຊາການລະດັບສອງ) ມີ 3 ຫົວໜ່ວຍ ເທົ່າກັບ 3,19% ມີພະນັກງານ 50 ຄົນ (ຍິງ 16) ຂອງຈໍານວນພະນັກງານ-ລັດຖະກອນ ທີ່ສັງກັດຢູ່ອ້ອມຂ້າງກະຊວງ; ສູນທີ່ຂຶ້ນກັບກົມ, ສະຖາບັນ ຕັ້ງຢູ່ທ້ອງຖິ່ນ ມີ 11 ຫົວໜ່ວຍ ມີພະນັກງານ-ລັດຖະກອນ 141 ຄົນ ສະເລ່ຍ 12 ຄົນ/ສູນ ເທົ່າກັບ 9% ຂອງຈໍານວນພະນັກງານ-ລັດຖະກອນ ທີ່ສັງກັດຢູ່ອ້ອມຂ້າງ ກະຊວງ; ສູນທີ່ຂຶ້ນກັບພະແນກກະສິກໍາ ແລະ ປ່າໄມ້ ແຂວງ-ນະຄອນຫຼວງວຽງຈັນ ມີ 24 ຫົວໜ່ວຍ, ມີ ພະນັກງານ-ລັດຖະກອນ 267 ຄົນ, ສະເລ່ຍ 11 ຄົນ/ສູນ ເທົ່າກັບ 8,22% ຂອງຈໍານວນ ພະນັກງານ-ລັດຖະກອນ ທີ່ສັງກັດຢູ່ບັນດາຂະແໜງອ້ອມຂ້າງພະແນກ; ສະຖານີທີ່ຂຶ້ນກັບຫ້ອງການກະສິກໍາ ແລະ ປ່າໄມ້ ເມືອງ-ນະຄອນ ມີ 98 ຫົວໜ່ວຍ, ມີພະນັກງານ-ລັດຖະກອນ 253 ຄົນ, ສະເລ່ຍ 2-3 ຄົນ/ສະຖານີ ເທົ່າກັບ 5,11% ຂອງຈໍານວນພະນັກງານ-ລັດຖະກອນທີ່ສັງກັດຢູ່ບັນດາໜ່ວຍງານອ້ອມຂ້າງຫ້ອງການກະສິກໍາ ແລະ ປ່າໄມ້ ເມືອງ-ນະຄອນ. ສໍາລັບການບັນຈຸພະນັກງານ-ລັດຖະກອນ ປະຈໍາການຢູ່ກອງຄຸ້ມຄອງ 3 ປະເພດປ່າ: ກົມປ່າໄມ້,
ບັນດາພະແນກກະສິກໍາ ແລະ ປ່າໄມ້ ແຂວງ-ນະຄອນຫຼວງວຽງຈັນ ພວມຄົ້ນຄວ້າບັນຈຸສັບຊ້ອນ ພະນັກງານນໍາພາຄຸ້ມຄອງ ແລະ ພະນັກງານວິຊາການ ເຂົ້າໃນຕໍາແໜ່ງງານ ຂອງກອງຄຸ້ມຄອງປ່າສະຫງວນແຫ່ງຊາດ, ກອງຄຸ້ມຄອງອຸທິຍານແຫ່ງຊາດ ຈໍານວນ 9 ແຫ່ງ ທີ່ຂຶ້ນກັບການຄຸ້ມຄອງຂອງ ກະຊວງ ໂດຍແມ່ນກົມປ່າໄມ້ ຊີ້ນໍາດ້ານວິຊາການ ແລະ 3 ປະເພດປ່າ ທີ່ຂຶ້ນກັບພະແນກກະສິກໍາ ແລະ ປ່າໄມ້ ແຂວງ-ນະຄອນຫຼວງວຽງຈັນ ຄຸ້ມຄອງ.
ສັງລວມແລ້ວ, ການບັນຈຸສັບຊ້ອນພະນັກງານ-ລັດຖະກອນ ໃຫ້ປະຈໍາການຢູ່ຮາກຖານການຜະລິດ, ສູນ, ສະຖານີ ແມ່ນມີໜ້ອຍຫຼາຍ ຖ້າທຽບໃສ່ຄວາມຮຽກຮ້ອງຕ້ອງການໃນການປະຕິບັດໜ້າທີ່ການເມືອງຂອງຕົນ ຕາມພາລະບົດບາດ. ແຕ່ລັດກໍໄດ້ດຳເນີນວຽກຈຸດສຸມໃນປີນີ້, ໂດຍອີງໃສ່ແນວທາງຂອງພັກ, ນະໂຍບາຍຂອງລັດ ຕໍ່ວຽກງານຄຸ້ມຄອງພະນັກງານ-ລັດຖະກອນ ແລະ ການສ້າງຄວາມເຂັ້ມແຂງໃຫ້ບັນດາຮາກຖານການຜະລິດ, ສູນ, ສະຖານີ ບໍລິການເຕັກນິກກະສິກໍາ ແລະ ປ່າໄມ້ ຊຶ່ງພັກໄດ້ກໍານົດວ່າ: “ຕ້ອງເພີ່ມທະວີການປັບປຸງ ແລະ ສັບຊ້ອນຄືນບັນດາສູນ, ສະຖານີ ເຕັກນິກກະສິກໍາ ແລະ ປ່າໄມ້ ໃຫ້ເຄື່ອນໄຫວຢ່າງມີປະສິດທິພາບ ແລະ ມີປະສິດທິຜົນ ໃຫ້ກາຍເປັນສູນສາທິດຮຽນຮູ້ຂອງປະຊາຊົນ ແລະ ຊຸມຊົນ, ຝຶກອົບຮົມໃຫ້ນັກວິຊາ ການລົງໄປປະຈໍາຢູ່ສູນ, ສະຖານີສົ່ງເສີມ ດ້ານເຕັກນິກ ແລະ ປຸງແຕ່ງກະສິກໍາໃຫ້ພຽງພໍ ແລະ ມີກົນໄກການເຄື່ອນໄຫວຊ່ວຍຊາວກະສິກອນຢ່າງເປັນລະບົບ... ແລະ ຍົກສູງຄຸນນະພາບວຽກງານຄຸ້ມຄອງພະນັກງານ-ລັດຖະກອນ ຕິດພັນກັບໜ້າທີ່ການເມືອງ ຂອງກະຊວງກະສິກໍາ ແລະ ປ່າໄມ້. ມະຕິກອງປະຊຸມສະພາແຫ່ງຊາດ ເລກທີ 03/ສພຊ, ລົງວັນທີ 10/08/2021 ໄດ້ເນັ້ນວ່າ: "ຍົກລະດັບ ສູນຄົ້ນຄວ້າ ແລະ ການສະໜອງທຶນໃຫ້ແກ່ສູນບໍລິການເຕັກນິກກະສິກໍາ ແນໃສ່ສະໜອງແນວພັນພືດ, ແນວພັນສັດ ແລະ ເຕັກນິກວິຊາການໃຫ້ແກ່ຜູ້ເຮັດການຜະລິດ ເພື່ອຫຼຸດຜ່ອນຕົ້ນທຶນການຜະລິດ, ເພີ່ມຜົນຜະລິດທີ່ມີຄຸນນະພາບ". ທັງໝົດນີ້, ກໍເພື່ອປະກອບສ່ວນໃສ່ການພັດທະນາທັກສະສີມືແຮງງານໃນຂົງເຂດປູກຝັງ ເວົ້າສະເພາະ, ເວົ້າລວມກໍແມ່ນທົ່ວຂະແໜງກະສິກຳ.
ລັດຖະບານ ໄດ້ເຫັນຄວາມສຳຄັນໃນການແກ້ໄຂບັນຫາ ດ້ານບຸກຄະລາກອນ ແລະ ຜູ້ອອກແຮງງານໃນຂະແໜງການປູກ ກໍຄືແກ້ໄຂພະນັກງານວິຊາການສະເພາະດ້ານ ເປັນຕົ້ນດ້ານພະຍາດ, ແມງໄມ້, ວິໄຈສານເຄມີຕົກຄ້າງ, ກະສິກໍາສະອາດ, ວິທະຍາສາດອາຫານ ຍັງມີຈໍາກັດບໍ່ສາມາດບັນລຸໄດ້ຕາມແຜນຕໍາແໜ່ງງານທີ່ກຳນົດ; ປະລິມານ ແລະ ຄຸນນະພາບຂອງແຮງງານ ໃນຂົງເຂດການຜະລິດ, ການປຸງແຕ່ງພືດ ແລະ ຜະລິດຕະພັນພືດ ຍັງບໍ່ພຽງພໍ; ການຝຶກອົບຮົມໄລຍະສັ້ນ ແລະ ໄລຍະຍາວ ເພື່ອເພີ່ມຄວາມຮູ້ ຄວາມສາມາດ ໃຫ້ແກ່ພະນັກງານຂະແໜງການປູກຝັງ ຍັງມີໜ້ອຍ ແລະ ບໍ່ຕໍ່ເນື່ອງ.
ເພື່ອແກ້ໄຂບັນຫາດັ່ງກ່າວ, ລັດໄດ້ກຳນົດໃຫ້ມີ ນະໂຍບາຍບຸກຄະລາກອນ ແລະ ຜູ້ອອກແຮງງານ ຊຶ່ງກຳນົດເປັນນະໂຍບາຍຂໍ້ 5 ໃນນະໂຍບາຍແຫ່ງຊາດ ວ່າດ້ວຍການສົ່ງເສີມການປູກພືດ ໂດຍວາງຈຸດປະສົງ ເພື່ອເພີ່ມຈໍານວນນັກວິຊາການສະເພາະດ້ານໃຫ້ຂະແໜງການປູກຝັງແຕ່ສູນກາງຮອດທ້ອງຖິ່ນ ຢ່າງພຽງພໍ; ຊຸກຍູ້ ໃຫ້ຜູ້ປະກອບການນໍາໃຊ້ ນັກວິຊາການປູກຝັງ ເຂົ້າປະກອບອາຊີບຢູ່ໃນຟາມປູກພືດ, ໂຮງງານປຸງແຕ່ງພືດ ແລະ ຜະລິດຕະພັນພືດ ໃຫ້ຫຼາຍຂຶ້ນ; ເພື່ອພັດທະນາທັກສະສີມືແຮງງານໃນຂົງເຂດປູກຝັງ ໃຫ້ມີຄວາມກ້າວໜ້າ ແລະ ທັນສະໄໝ ສາມາດຕອບສະໜອງກັບການເຕີບໂຕ ຂອງຂະແໜງການປູກຝັງ ຢູ່ໃນແຕ່ລະທ້ອງຖິ່ນ.
ບົນພື້ນຖານຈຸດປະສົງນັ້ນ, ລັດຖະບານ ໄດ້ກຳນົດເອົາ 3 ວຽກງານ ທີ່ເປັນການຊຸກຍູ້ສົ່ງເສີມດ້ານບຸກຄະລາກອນ ແລະ ຜູ້ອອກແຮງງານ ໂດຍມີການກໍານົດແຜນການພັດທະນາບຸກຄະລາກອນ ແລະ ກໍານົດຕໍາແໜ່ງງານຕາມພາລະບົດບາດ ແລະ ໜ້າທີ່ຂອງຂະແໜງການປູກຝັງ ຕິດພັນກັບການຍົກລະດັບ ໃຫ້ກົມກຽວ ແລະ ສອດຄ່ອງກັບຄວາມຕ້ອງການ ໃນແຕ່ລະໄລຍະ; ສົ່ງເສີມວິຊາການປູກຝັງ ແລະ ຜູ້ອອກແຮງງານ ເຂົ້າຮ່ວມຝຶກອົບຮົມ, ສໍາມະນາ ແລະ ແລກປ່ຽນບົດຮຽນ ເພື່ອສ້າງໂອກາດໃນການປະກອບອາຊີບ ແລະ ເຂົ້າເຖິງຕະຫຼາດແຮງງານ ພາຍໃນ ແລະ ຕ່າງປະເທດ ເພື່ອນໍາໄປສູ່ການເຮັດສັນຍາ ແລະ ເຮັດວຽກຮ່ວມກັນ; ຊຸກຍູ້, ສົ່ງເສີມ ໃຫ້ຫຼາຍພາກສ່ວນ ລົງທຶນໃສ່ປັບປຸງ ສູນ, ສະຖານີ ຂອງສູນກາງ ແລະ ທ້ອງຖິ່ນ, ປະກອບກົນຈັກ ແລະ ເຄື່ອງມືອຸປະກອນຮັບໃຊການຜະລິດ ທີ່ທັນສະໄໝ ໄປຄຽງຄູ່ກັບການປັບປຸງ ຫຼັກສູດການຮຽນ-ການສອນ, ຄູ່ມືວິຊາການ; ຊຸກຍູ້ພາກເອກະຊົນ ສ້າງສູນຮຽນຮູ້ ແລະ ຄລີນິກພືດ.
ຕະຫຼອດໄລຍະຜ່ານມາ, ລັດຖະບານ ກໍຄືກະຊວງກະສິກຳ ແລະ ປ່າໄມ້ ກໍໄດ້ສະແດງອອກຢ່າງຈະແຈ້ງຕໍ່ກັບດ້ານນີ້ ໂດຍເອົາໃຈໃສ່ໃນການຄຸ້ມຄອງ ແລະ ຫັນພະນັກງານລົງສູ່ຮາກຖານການຜະລິດ, ສູນ, ສະຖານີ ແລະ 3 ປະເພດປ່າ ຊຶ່ງຂໍ້ມູນທີ່ເປີດເຜີຍໃນກອງປະຊຸມສະຫຼຸບວຽກງານກະສິກຳ, ປ່າໄມ້ ແລະ ພັດທະນາຊົນນະບົດ ປະຈໍາປີ 2022 ທີ່ຈັດຂຶ້ນເມື່ອຕົ້ນເດືອນ 2 ປີນີ້ ໄດ້ໃຫ້ຮູ້ວ່າ ສູນ ທີ່ຢູ່ຂັ້ນກະຊວງ (ຫົວໜ່ວຍວິຊາການລະດັບສອງ) ມີ 3 ຫົວໜ່ວຍ ເທົ່າກັບ 3,19% ມີພະນັກງານ 50 ຄົນ (ຍິງ 16) ຂອງຈໍານວນພະນັກງານ-ລັດຖະກອນ ທີ່ສັງກັດຢູ່ອ້ອມຂ້າງກະຊວງ; ສູນທີ່ຂຶ້ນກັບກົມ, ສະຖາບັນ ຕັ້ງຢູ່ທ້ອງຖິ່ນ ມີ 11 ຫົວໜ່ວຍ ມີພະນັກງານ-ລັດຖະກອນ 141 ຄົນ ສະເລ່ຍ 12 ຄົນ/ສູນ ເທົ່າກັບ 9% ຂອງຈໍານວນພະນັກງານ-ລັດຖະກອນ ທີ່ສັງກັດຢູ່ອ້ອມຂ້າງ ກະຊວງ; ສູນທີ່ຂຶ້ນກັບພະແນກກະສິກໍາ ແລະ ປ່າໄມ້ ແຂວງ-ນະຄອນຫຼວງວຽງຈັນ ມີ 24 ຫົວໜ່ວຍ, ມີ ພະນັກງານ-ລັດຖະກອນ 267 ຄົນ, ສະເລ່ຍ 11 ຄົນ/ສູນ ເທົ່າກັບ 8,22% ຂອງຈໍານວນ ພະນັກງານ-ລັດຖະກອນ ທີ່ສັງກັດຢູ່ບັນດາຂະແໜງອ້ອມຂ້າງພະແນກ; ສະຖານີທີ່ຂຶ້ນກັບຫ້ອງການກະສິກໍາ ແລະ ປ່າໄມ້ ເມືອງ-ນະຄອນ ມີ 98 ຫົວໜ່ວຍ, ມີພະນັກງານ-ລັດຖະກອນ 253 ຄົນ, ສະເລ່ຍ 2-3 ຄົນ/ສະຖານີ ເທົ່າກັບ 5,11% ຂອງຈໍານວນພະນັກງານ-ລັດຖະກອນທີ່ສັງກັດຢູ່ບັນດາໜ່ວຍງານອ້ອມຂ້າງຫ້ອງການກະສິກໍາ ແລະ ປ່າໄມ້ ເມືອງ-ນະຄອນ. ສໍາລັບການບັນຈຸພະນັກງານ-ລັດຖະກອນ ປະຈໍາການຢູ່ກອງຄຸ້ມຄອງ 3 ປະເພດປ່າ: ກົມປ່າໄມ້,
ບັນດາພະແນກກະສິກໍາ ແລະ ປ່າໄມ້ ແຂວງ-ນະຄອນຫຼວງວຽງຈັນ ພວມຄົ້ນຄວ້າບັນຈຸສັບຊ້ອນ ພະນັກງານນໍາພາຄຸ້ມຄອງ ແລະ ພະນັກງານວິຊາການ ເຂົ້າໃນຕໍາແໜ່ງງານ ຂອງກອງຄຸ້ມຄອງປ່າສະຫງວນແຫ່ງຊາດ, ກອງຄຸ້ມຄອງອຸທິຍານແຫ່ງຊາດ ຈໍານວນ 9 ແຫ່ງ ທີ່ຂຶ້ນກັບການຄຸ້ມຄອງຂອງ ກະຊວງ ໂດຍແມ່ນກົມປ່າໄມ້ ຊີ້ນໍາດ້ານວິຊາການ ແລະ 3 ປະເພດປ່າ ທີ່ຂຶ້ນກັບພະແນກກະສິກໍາ ແລະ ປ່າໄມ້ ແຂວງ-ນະຄອນຫຼວງວຽງຈັນ ຄຸ້ມຄອງ.
ສັງລວມແລ້ວ, ການບັນຈຸສັບຊ້ອນພະນັກງານ-ລັດຖະກອນ ໃຫ້ປະຈໍາການຢູ່ຮາກຖານການຜະລິດ, ສູນ, ສະຖານີ ແມ່ນມີໜ້ອຍຫຼາຍ ຖ້າທຽບໃສ່ຄວາມຮຽກຮ້ອງຕ້ອງການໃນການປະຕິບັດໜ້າທີ່ການເມືອງຂອງຕົນ ຕາມພາລະບົດບາດ. ແຕ່ລັດກໍໄດ້ດຳເນີນວຽກຈຸດສຸມໃນປີນີ້, ໂດຍອີງໃສ່ແນວທາງຂອງພັກ, ນະໂຍບາຍຂອງລັດ ຕໍ່ວຽກງານຄຸ້ມຄອງພະນັກງານ-ລັດຖະກອນ ແລະ ການສ້າງຄວາມເຂັ້ມແຂງໃຫ້ບັນດາຮາກຖານການຜະລິດ, ສູນ, ສະຖານີ ບໍລິການເຕັກນິກກະສິກໍາ ແລະ ປ່າໄມ້ ຊຶ່ງພັກໄດ້ກໍານົດວ່າ: “ຕ້ອງເພີ່ມທະວີການປັບປຸງ ແລະ ສັບຊ້ອນຄືນບັນດາສູນ, ສະຖານີ ເຕັກນິກກະສິກໍາ ແລະ ປ່າໄມ້ ໃຫ້ເຄື່ອນໄຫວຢ່າງມີປະສິດທິພາບ ແລະ ມີປະສິດທິຜົນ ໃຫ້ກາຍເປັນສູນສາທິດຮຽນຮູ້ຂອງປະຊາຊົນ ແລະ ຊຸມຊົນ, ຝຶກອົບຮົມໃຫ້ນັກວິຊາ ການລົງໄປປະຈໍາຢູ່ສູນ, ສະຖານີສົ່ງເສີມ ດ້ານເຕັກນິກ ແລະ ປຸງແຕ່ງກະສິກໍາໃຫ້ພຽງພໍ ແລະ ມີກົນໄກການເຄື່ອນໄຫວຊ່ວຍຊາວກະສິກອນຢ່າງເປັນລະບົບ... ແລະ ຍົກສູງຄຸນນະພາບວຽກງານຄຸ້ມຄອງພະນັກງານ-ລັດຖະກອນ ຕິດພັນກັບໜ້າທີ່ການເມືອງ ຂອງກະຊວງກະສິກໍາ ແລະ ປ່າໄມ້. ມະຕິກອງປະຊຸມສະພາແຫ່ງຊາດ ເລກທີ 03/ສພຊ, ລົງວັນທີ 10/08/2021 ໄດ້ເນັ້ນວ່າ: "ຍົກລະດັບ ສູນຄົ້ນຄວ້າ ແລະ ການສະໜອງທຶນໃຫ້ແກ່ສູນບໍລິການເຕັກນິກກະສິກໍາ ແນໃສ່ສະໜອງແນວພັນພືດ, ແນວພັນສັດ ແລະ ເຕັກນິກວິຊາການໃຫ້ແກ່ຜູ້ເຮັດການຜະລິດ ເພື່ອຫຼຸດຜ່ອນຕົ້ນທຶນການຜະລິດ, ເພີ່ມຜົນຜະລິດທີ່ມີຄຸນນະພາບ". ທັງໝົດນີ້, ກໍເພື່ອປະກອບສ່ວນໃສ່ການພັດທະນາທັກສະສີມືແຮງງານໃນຂົງເຂດປູກຝັງ ເວົ້າສະເພາະ, ເວົ້າລວມກໍແມ່ນທົ່ວຂະແໜງກະສິກຳ.
