ໂດຍ: ຕະວິນຍານ
ທ່ານ ສົມໃຈ ພານີຈັນ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງຄໍາມ່ວນໄດ້ກ່າວຕໍ່ສື່ມວນຊົນຂອງແຂວງເນື່ອງໃນໂອກາດວັນຊາດທີ 2 ທັນວາ 2023 ຄົບຮອບ 48 ປີວ່າ: ພາຍໃຕ້ລະບອບໃໝ່ ແລະ ພາຍໃຕ້ການນຳພາຂອງພັກປະຊາຊົນ ປະຕິວັດລາວ ເຖິງແມ່ນວ່າມີບາງໄລຍະ ເວົ້າສະເພາະໃນປັດຈຸບັນ ພົບກັບຄວາມຫຍຸ້ງຍາກ, ແຕ່ຖ້າທຽບໃສ່ກ່ອນມີລະບອບໃໝ່ນັ້ນ ເຫັນວ່າມີຫຼາຍອັນແຕກຕ່າງກັນຫຼາຍ ໃນການສ້າງສາພັດທະນາເສດຖະກິດ-ສັງຄົມ, ອັນນີ້ ຢາກໃຫ້ເບິ່ງສົມທຽບ ກ່ອນປະເທດຊາດໄດ້ຮັບການປົດປ່ອຍ ກັບ ພາຍຫຼັງປະເທດຊາດໄດ້ຮັບເອກະລາດ ຈຶ່ງຈະເຫັນໄດ້ໃນແຕ່ລະດ້ານມີຄວາມແຕກຕ່າງກັນ ເວົ້າລວມ-ເວົ້າສະເພາະກໍແມ່ນວຽກງານກໍ່ສ້າງ ພັກ-ກໍ່ສ້າງພະນັກງານ.
ພາຍຫຼັງປະເທດຊາດໄດ້ຮັບການປົດປ່ອຍ, ໄດ້ຮັບຄວາມເປັນເອກະລາດແລ້ວ ພາລະກິດປະຕິວັດຂອງພັກ ເວົ້າລວມ, ແຂວງຄໍາມ່ວນ ໂດຍພາຍໃຕ້ ການນໍາພາຂອງອົງຄະນະພັກແຂວງ ແຕ່ລະຄັ້ງ, ແຕ່ລະສະໄໝ. ໃນໄລຍະ 1 ປີຜ່ານມານີ້ ວຽກງານກໍ່ສ້າງພັກ-ກໍ່ສ້າງພະນັກງານ ໄດ້ສະແດງອອກມີຜົນສໍາເລັດແຕ່ລະດ້ານຄື:
ກ່ຽວກັບວຽກງານກໍ່ສ້າງພັກ ກ່ອນອື່ນໝົດຄະນະພັກແຕ່ລະຂັ້ນ ແມ່ນໄດ້ເອົາໃຈໃສ່ໃນການກໍ່ສ້າງພັກທາງດ້ານການເມືອງແນວ-ແນວຄິດ ດ້ວຍການຈັດຕັ້ງເຊື່ອມຊຶມ ເຜີຍແຜ່ບັນດາມະຕິ, ຄໍາສັ່ງ, ຄໍາແນະນໍາທີ່ຄະນະພັກຂັ້ນເທິງວາງອອກ ເຮັດໃຫ້ສະມາຊິກພັກ-ພະນັກງານມີຄວາມຮັບຮູ້, ເຂົ້າໃຈ ແລະ ມີຄວາມເປັນເອກະພາບສູງຕໍ່ແນວທາງນະໂຍບາຍ ແລະ ການນໍາພາຂອງພັກ, ຢຶດໝັ້ນ ອຸດົມການສັງຄົມນິຍົມ, ບໍ່ຫວັ່ນໄຫວຄອນແຄນຕໍ່ສະພາບການຜັນແປຕ່າງໆ ທີ່ເກີດຂຶ້ນ, ເປັນເຈົ້າການປົກປ້ອງແນວທາງ, ອຸດົມການຂອງພັກ ແລະ ມີຄວາມສາມັກຄີເອກະພາບໃນການຈັດຕັ້ງພັກຢ່າງໜັກແໜ້ນ.
ຕໍ່ກັບວຽກງານກໍ່ສ້າງພັກທາງດ້ານການຈັດຕັ້ງ ສະແດງອອກ ປີ 2023 ທົ່ວແຂວງ ມີ 10 ອົງຄະນະພັກເມືອງ, ມີ 2 ຄະນະພັກກອງບັນຊາການທະຫານແຂວງ ແລະ ຄະນະພັກກອງບັນຊາການປ້ອງກັນຄວາມສະຫງົບ ແຂວງ, ມີ 103 ຄະນະພັກຮາກຖານ ແລະ ມີ 1.187 ໜ່ວຍພັກ, ມີສະມາຊິກ ພັກທັງໝົດ 22.507 ສະຫາຍ, ຍິງ 6.197 ສະຫາຍ, ສະມາຊິກພັກສົມບູນ 20.734 ສະຫາຍຍິງ 5.655 ສະຫາຍ; ສະມາຊິກພັກສຳຮອງ 1.773 ສະຫາຍຍິງ 542 ສະຫາຍ, ທຽບໃສ່ປີ 2020 ສະເພາະສະມາຊິກພັກເພີ່ມຂຶ້ນ 2.251 ສະຫາຍຍິງ 960 ສະຫາຍ.
ກ່ຽວກັບການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ກໍໄດ້ຮັບການເອົາໃຈໃສ່ ແລະ ປະຕິບັດຕາມຄໍາສັ່ງ ເລກທີ 01/ກມສພ, 291/ຄຈສພ, 07/ຄປຈຂ, ຄໍາແນະນໍາ ຊຶ່ງ ໃນປີ 2022 ສາມາດປະກາດຮັບຮອງເອົາການສ້າງເປັນໜ່ວຍພັກ ປອດໃສ, ເຂັ້ມແຂງ ໜັກແໜ້ນ ໄດ້ທັງໝົດ 741 ໜ່ວຍ ເທົ່າ ກັບ 62,37% ຂອງຈຳນວນໜ່ວຍພັກໃນທົ່ວແຂວງ ແລະ ເມື່ອທຽບໃສ່ປີ 2020 ການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໄດ້ເພີ່ມຂຶ້ນ ຈຳນວນ 271 ໜ່ວຍພັກ.
ການກໍ່ສ້າງພັກທາງດ້ານແບບແຜນວິທີນຳພາ ແລະ ວິທີເຮັດວຽກ ຍາມໃດຄະນະພັກແຕ່ລະຂັ້ນ ກໍໄດ້ເປັນເຈົ້າການ, ມີຄວາມຮັບຜິດຊອບ, ມີແບບແຜນວິທີເຮັດວຽກທີ່ຍຶດໝັ້ນໃນຫຼັກການນໍາພາຂອງພັກຄື ການເຮັດວຽກເປັນໝູ່ຄະນະ, ເຂັ້ມງວດໃນການປະຕິບັດຫຼັກການລວມສູນປະຊາທິປະໄຕ, ມີການແບ່ງງານ-ແບ່ງໜ້າທີ່ຄວາມຮັບຜິດຊອບໃຫ້ຄະນະພັກ, ສະມາຊິກພັກ ແຕ່ລະສະຫາຍ ຈະແຈ້ງ ແລະ ພ້ອມດຽວກັນນັ້ນ ໃນການເຮັດວຽກແມ່ນມີແຜນງານ-ໂຄງການ, ມີການປຶກສາຫາລື, ມີການຕິດຕາມ, ກວດກາ ແລະ ລາຍງານຂັ້ນເທິງເປັນປົກກະຕິ ໄປພ້ອມກັບການຍາດແຍ່ງຂໍຄໍາຄິດ-ຄໍາເຫັນຈາກຂັ້ນເທິງ.
ສໍາລັບວຽກງານກໍ່ສ້າງພະນັກງານ ປັດຈຸບັນທົ່ວແຂວງ ມີພະນັກງານ-ລັດຖະກອນ ທັງໝົດ 9.185 ຄົນຍິງ 4.747 ຄົນ, ໃນນັ້ນຂັ້ນແຂວງ 2.258 ຄົນຍິງ 1.128 ຄົນ, ຂັ້ນເມືອງ 6.900 ຄົນຍິງ 3.646 ຄົນ. ຄະນະພັກແຕ່ລະຂັ້ນ ໄດ້ເອົາໃຈໃສ່ໃນການບໍາລຸງ-ກໍ່ສ້າງພະນັກງານ ໄປຕາມແຜນກຳນົດພະນັກງານນໍາພາ-ຄຸ້ມຄອງ ຍົກລະດັບຄວາມຮູ້-ຄວາມສາມາດ, ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງ ແລະ ເປັນການກໍ່ສ້າງພະນັກງານໃຫ້ຕິດພັນກັບແຜນກຳນົດພະນັກງານນຳພາ-ຄຸ້ມຄອງ, ຮັບປະກັນການສ້າງພະນັກງານ ໃຫ້ໄດ້ຕາມຕຳແໜ່ງງານ, ນອກນັ້ນຍັງໄດ້ເອົາໃຈໃສ່ບຳລຸງກໍ່ສ້າງພະນັກງານເຊັ່ນ: ສ້າງພະນັກງານກັບທີ່ ດ້ວຍການມອບໜ້າທີ່ຄວາມຮັບຜິດຊອບໃຫ້ ພະນັກງານ, ຫັນເອົາພະນັກງານລົງກໍ່ສ້າງຮາກຖານການເມືອງ ຕິດພັນກັບ ການພັດທະນາຊົນນະບົດຮອບດ້ານ, ສົ່ງໄປຮຽນຢູ່ສະຖາບັນຕ່າງໆໄປພ້ອມ ກັບການສ້າງເງື່ອນໄຂ, ອໍານວຍຄວາມສະດວກໃຫ້ແກ່ພະນັກງານ-ລັດຖະກອນ ໄປຍົກລະດັບເພື່ອພັດທະນາຕົນເອງ ຢູ່ພາຍໃນ ແລະ ຕ່າງປະເທດ. ມາຮອດປັດຈຸບັນ ທົ່ວແຂວງ ມີພະນັກງານ ຊັ້ນປະລິນຍາເອກ 7 ຄົນ, ປະລິນຍາໂທ 238 ຄົນ, ເໜືອປະລິນຍາຕີ 52 ຄົນ, ປະລິນຍາຕີ 3.010 ຄົນ, ຊັ້ນສູງ 3.732 ຄົນ, ຊັ້ນກາງ 1.893 ຄົນ, ຊັ້ນຕົ້ນ 220 ຄົນ ແລະ ບໍ່ມີຊັ້ນວິຊາສະເພາະ 6 ຄົນ. ທຽບໃສ່ປີ 2020ປະລິນຍາເອກເພີ່ມຂຶ້ນ 1 ຄົນ, ປະລິນຍາໂທ ເພີ່ມຂຶ້ນ 57 ຄົນ, ເໜືອປະລິນຍາຕີ ເພີ່ມຂຶ້ນ 17 ຄົນ, ປະລິນຍາຕີເພີ່ມຂຶ້ນ 80 ຄົນ.
ສໍາລັບທິດທາງປີ 2024 ສະເພາະວຽກງານກໍ່ສ້າງພັກ-ພະນັກງານຈະໄດ້ເອົາໃຈໃສ່:
1. ຄະນະພັກແຕ່ລະຂັ້ນ ຕ້ອງສືບຕໍ່ນໍາພາ-ຊີ້ນໍາ ການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ກໍຄືມະຕິກອງປະຊຸມໃຫຍ່ຂັ້ນຂອງຕົນ ເຂົ້າສູ່ຊີວິດຕົວຈິງ, ໂດຍສະເພາະການຈັດຕັ້ງຜັນຂະຫຍາຍຜົນກອງປະຊຸມຄົບຄະນະກາງ ສະໄຫມ ຂອງຄະນະບໍລິຫານງານພັກແຂວງ ສະໄໝທີ X ໃຫ້ມີຜົນສຳເລັດ ຕາມຄາດາຍໝາຍ.
2. ເພີ່ມທະວີການສຶກສາອົບຮົມການເມືອງ-ແນວຄິດໃຫ້ແກ່ພະນັກງານ, ສະມາຊິກພັກ ແລະ ປະຊາຊົນບັນດາເຜົ່າ ເຊີດຊູນໍ້າໃຈຮັກຊາດ, ເອກະລາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ ເພື່ອສ້າງປະເທດຊາດ ກໍຄືແຂວງຄໍາມ່ວນ ໃຫ້ມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມ ສາມັກຄີປອງດອງ, ຍຸຕິທຳ ແລະສິວິໄລ.
3. ຄະນະພັກແຕ່ລະຂັ້ນ ຕ້ອງໄດ້ເພີ່ມທະວີຄວາມເອົາໃຈໃສ່ ຕໍ່ການໂຄສະນາ. ປຸກລະດົມໃຫ້ທົ່ວສັງຄົມ ຍົກສູງສະຕິລະວັງຕົວຕໍ່ກົນອຸບາຍຂອງພວກຄົນບໍ່ດີ ທີ່ສວຍໃຊ້ຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ບັນຫາຢາເສບຕິດ ເພື່ອມ້າງເພຄວາມສາມັກຄີພາຍໃນປະເທດເຮົາ ຮັບປະກັນການປົກປັກຮັກສາ ແລະ ເພີ່ມທະວີຄວາມສາມັກຄີເປັນປຶກແຜ່ນພາຍໃນສັງຄົມໃຫ້ ໜັກແໜ້ນຍິ່ງໆຂຶ້ນ.
4. ສືບຕໍ່ຈັດຕັ້ງປະຕິບັດຢ່າງແຂງແຮງ ຕໍ່ບັນດາຄາດໝາຍສູ້ຊົນ ໃນທ້າຍສະໄໝທີ່ກອງປະຊຸມໃຫຍ່ ອົງຄະນະພັກແຕ່ລະຂັ້ນວາງອອກ ໂດຍຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດໃຫ້ສໍາເລັດຜົນ.
ທ່ານ ສົມໃຈ ພານີຈັນ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງຄໍາມ່ວນໄດ້ກ່າວຕໍ່ສື່ມວນຊົນຂອງແຂວງເນື່ອງໃນໂອກາດວັນຊາດທີ 2 ທັນວາ 2023 ຄົບຮອບ 48 ປີວ່າ: ພາຍໃຕ້ລະບອບໃໝ່ ແລະ ພາຍໃຕ້ການນຳພາຂອງພັກປະຊາຊົນ ປະຕິວັດລາວ ເຖິງແມ່ນວ່າມີບາງໄລຍະ ເວົ້າສະເພາະໃນປັດຈຸບັນ ພົບກັບຄວາມຫຍຸ້ງຍາກ, ແຕ່ຖ້າທຽບໃສ່ກ່ອນມີລະບອບໃໝ່ນັ້ນ ເຫັນວ່າມີຫຼາຍອັນແຕກຕ່າງກັນຫຼາຍ ໃນການສ້າງສາພັດທະນາເສດຖະກິດ-ສັງຄົມ, ອັນນີ້ ຢາກໃຫ້ເບິ່ງສົມທຽບ ກ່ອນປະເທດຊາດໄດ້ຮັບການປົດປ່ອຍ ກັບ ພາຍຫຼັງປະເທດຊາດໄດ້ຮັບເອກະລາດ ຈຶ່ງຈະເຫັນໄດ້ໃນແຕ່ລະດ້ານມີຄວາມແຕກຕ່າງກັນ ເວົ້າລວມ-ເວົ້າສະເພາະກໍແມ່ນວຽກງານກໍ່ສ້າງ ພັກ-ກໍ່ສ້າງພະນັກງານ.
ພາຍຫຼັງປະເທດຊາດໄດ້ຮັບການປົດປ່ອຍ, ໄດ້ຮັບຄວາມເປັນເອກະລາດແລ້ວ ພາລະກິດປະຕິວັດຂອງພັກ ເວົ້າລວມ, ແຂວງຄໍາມ່ວນ ໂດຍພາຍໃຕ້ ການນໍາພາຂອງອົງຄະນະພັກແຂວງ ແຕ່ລະຄັ້ງ, ແຕ່ລະສະໄໝ. ໃນໄລຍະ 1 ປີຜ່ານມານີ້ ວຽກງານກໍ່ສ້າງພັກ-ກໍ່ສ້າງພະນັກງານ ໄດ້ສະແດງອອກມີຜົນສໍາເລັດແຕ່ລະດ້ານຄື:
ກ່ຽວກັບວຽກງານກໍ່ສ້າງພັກ ກ່ອນອື່ນໝົດຄະນະພັກແຕ່ລະຂັ້ນ ແມ່ນໄດ້ເອົາໃຈໃສ່ໃນການກໍ່ສ້າງພັກທາງດ້ານການເມືອງແນວ-ແນວຄິດ ດ້ວຍການຈັດຕັ້ງເຊື່ອມຊຶມ ເຜີຍແຜ່ບັນດາມະຕິ, ຄໍາສັ່ງ, ຄໍາແນະນໍາທີ່ຄະນະພັກຂັ້ນເທິງວາງອອກ ເຮັດໃຫ້ສະມາຊິກພັກ-ພະນັກງານມີຄວາມຮັບຮູ້, ເຂົ້າໃຈ ແລະ ມີຄວາມເປັນເອກະພາບສູງຕໍ່ແນວທາງນະໂຍບາຍ ແລະ ການນໍາພາຂອງພັກ, ຢຶດໝັ້ນ ອຸດົມການສັງຄົມນິຍົມ, ບໍ່ຫວັ່ນໄຫວຄອນແຄນຕໍ່ສະພາບການຜັນແປຕ່າງໆ ທີ່ເກີດຂຶ້ນ, ເປັນເຈົ້າການປົກປ້ອງແນວທາງ, ອຸດົມການຂອງພັກ ແລະ ມີຄວາມສາມັກຄີເອກະພາບໃນການຈັດຕັ້ງພັກຢ່າງໜັກແໜ້ນ.
ຕໍ່ກັບວຽກງານກໍ່ສ້າງພັກທາງດ້ານການຈັດຕັ້ງ ສະແດງອອກ ປີ 2023 ທົ່ວແຂວງ ມີ 10 ອົງຄະນະພັກເມືອງ, ມີ 2 ຄະນະພັກກອງບັນຊາການທະຫານແຂວງ ແລະ ຄະນະພັກກອງບັນຊາການປ້ອງກັນຄວາມສະຫງົບ ແຂວງ, ມີ 103 ຄະນະພັກຮາກຖານ ແລະ ມີ 1.187 ໜ່ວຍພັກ, ມີສະມາຊິກ ພັກທັງໝົດ 22.507 ສະຫາຍ, ຍິງ 6.197 ສະຫາຍ, ສະມາຊິກພັກສົມບູນ 20.734 ສະຫາຍຍິງ 5.655 ສະຫາຍ; ສະມາຊິກພັກສຳຮອງ 1.773 ສະຫາຍຍິງ 542 ສະຫາຍ, ທຽບໃສ່ປີ 2020 ສະເພາະສະມາຊິກພັກເພີ່ມຂຶ້ນ 2.251 ສະຫາຍຍິງ 960 ສະຫາຍ.
ກ່ຽວກັບການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ກໍໄດ້ຮັບການເອົາໃຈໃສ່ ແລະ ປະຕິບັດຕາມຄໍາສັ່ງ ເລກທີ 01/ກມສພ, 291/ຄຈສພ, 07/ຄປຈຂ, ຄໍາແນະນໍາ ຊຶ່ງ ໃນປີ 2022 ສາມາດປະກາດຮັບຮອງເອົາການສ້າງເປັນໜ່ວຍພັກ ປອດໃສ, ເຂັ້ມແຂງ ໜັກແໜ້ນ ໄດ້ທັງໝົດ 741 ໜ່ວຍ ເທົ່າ ກັບ 62,37% ຂອງຈຳນວນໜ່ວຍພັກໃນທົ່ວແຂວງ ແລະ ເມື່ອທຽບໃສ່ປີ 2020 ການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໄດ້ເພີ່ມຂຶ້ນ ຈຳນວນ 271 ໜ່ວຍພັກ.
ການກໍ່ສ້າງພັກທາງດ້ານແບບແຜນວິທີນຳພາ ແລະ ວິທີເຮັດວຽກ ຍາມໃດຄະນະພັກແຕ່ລະຂັ້ນ ກໍໄດ້ເປັນເຈົ້າການ, ມີຄວາມຮັບຜິດຊອບ, ມີແບບແຜນວິທີເຮັດວຽກທີ່ຍຶດໝັ້ນໃນຫຼັກການນໍາພາຂອງພັກຄື ການເຮັດວຽກເປັນໝູ່ຄະນະ, ເຂັ້ມງວດໃນການປະຕິບັດຫຼັກການລວມສູນປະຊາທິປະໄຕ, ມີການແບ່ງງານ-ແບ່ງໜ້າທີ່ຄວາມຮັບຜິດຊອບໃຫ້ຄະນະພັກ, ສະມາຊິກພັກ ແຕ່ລະສະຫາຍ ຈະແຈ້ງ ແລະ ພ້ອມດຽວກັນນັ້ນ ໃນການເຮັດວຽກແມ່ນມີແຜນງານ-ໂຄງການ, ມີການປຶກສາຫາລື, ມີການຕິດຕາມ, ກວດກາ ແລະ ລາຍງານຂັ້ນເທິງເປັນປົກກະຕິ ໄປພ້ອມກັບການຍາດແຍ່ງຂໍຄໍາຄິດ-ຄໍາເຫັນຈາກຂັ້ນເທິງ.
ສໍາລັບວຽກງານກໍ່ສ້າງພະນັກງານ ປັດຈຸບັນທົ່ວແຂວງ ມີພະນັກງານ-ລັດຖະກອນ ທັງໝົດ 9.185 ຄົນຍິງ 4.747 ຄົນ, ໃນນັ້ນຂັ້ນແຂວງ 2.258 ຄົນຍິງ 1.128 ຄົນ, ຂັ້ນເມືອງ 6.900 ຄົນຍິງ 3.646 ຄົນ. ຄະນະພັກແຕ່ລະຂັ້ນ ໄດ້ເອົາໃຈໃສ່ໃນການບໍາລຸງ-ກໍ່ສ້າງພະນັກງານ ໄປຕາມແຜນກຳນົດພະນັກງານນໍາພາ-ຄຸ້ມຄອງ ຍົກລະດັບຄວາມຮູ້-ຄວາມສາມາດ, ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງ ແລະ ເປັນການກໍ່ສ້າງພະນັກງານໃຫ້ຕິດພັນກັບແຜນກຳນົດພະນັກງານນຳພາ-ຄຸ້ມຄອງ, ຮັບປະກັນການສ້າງພະນັກງານ ໃຫ້ໄດ້ຕາມຕຳແໜ່ງງານ, ນອກນັ້ນຍັງໄດ້ເອົາໃຈໃສ່ບຳລຸງກໍ່ສ້າງພະນັກງານເຊັ່ນ: ສ້າງພະນັກງານກັບທີ່ ດ້ວຍການມອບໜ້າທີ່ຄວາມຮັບຜິດຊອບໃຫ້ ພະນັກງານ, ຫັນເອົາພະນັກງານລົງກໍ່ສ້າງຮາກຖານການເມືອງ ຕິດພັນກັບ ການພັດທະນາຊົນນະບົດຮອບດ້ານ, ສົ່ງໄປຮຽນຢູ່ສະຖາບັນຕ່າງໆໄປພ້ອມ ກັບການສ້າງເງື່ອນໄຂ, ອໍານວຍຄວາມສະດວກໃຫ້ແກ່ພະນັກງານ-ລັດຖະກອນ ໄປຍົກລະດັບເພື່ອພັດທະນາຕົນເອງ ຢູ່ພາຍໃນ ແລະ ຕ່າງປະເທດ. ມາຮອດປັດຈຸບັນ ທົ່ວແຂວງ ມີພະນັກງານ ຊັ້ນປະລິນຍາເອກ 7 ຄົນ, ປະລິນຍາໂທ 238 ຄົນ, ເໜືອປະລິນຍາຕີ 52 ຄົນ, ປະລິນຍາຕີ 3.010 ຄົນ, ຊັ້ນສູງ 3.732 ຄົນ, ຊັ້ນກາງ 1.893 ຄົນ, ຊັ້ນຕົ້ນ 220 ຄົນ ແລະ ບໍ່ມີຊັ້ນວິຊາສະເພາະ 6 ຄົນ. ທຽບໃສ່ປີ 2020ປະລິນຍາເອກເພີ່ມຂຶ້ນ 1 ຄົນ, ປະລິນຍາໂທ ເພີ່ມຂຶ້ນ 57 ຄົນ, ເໜືອປະລິນຍາຕີ ເພີ່ມຂຶ້ນ 17 ຄົນ, ປະລິນຍາຕີເພີ່ມຂຶ້ນ 80 ຄົນ.
ສໍາລັບທິດທາງປີ 2024 ສະເພາະວຽກງານກໍ່ສ້າງພັກ-ພະນັກງານຈະໄດ້ເອົາໃຈໃສ່:
1. ຄະນະພັກແຕ່ລະຂັ້ນ ຕ້ອງສືບຕໍ່ນໍາພາ-ຊີ້ນໍາ ການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ກໍຄືມະຕິກອງປະຊຸມໃຫຍ່ຂັ້ນຂອງຕົນ ເຂົ້າສູ່ຊີວິດຕົວຈິງ, ໂດຍສະເພາະການຈັດຕັ້ງຜັນຂະຫຍາຍຜົນກອງປະຊຸມຄົບຄະນະກາງ ສະໄຫມ ຂອງຄະນະບໍລິຫານງານພັກແຂວງ ສະໄໝທີ X ໃຫ້ມີຜົນສຳເລັດ ຕາມຄາດາຍໝາຍ.
2. ເພີ່ມທະວີການສຶກສາອົບຮົມການເມືອງ-ແນວຄິດໃຫ້ແກ່ພະນັກງານ, ສະມາຊິກພັກ ແລະ ປະຊາຊົນບັນດາເຜົ່າ ເຊີດຊູນໍ້າໃຈຮັກຊາດ, ເອກະລາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ ເພື່ອສ້າງປະເທດຊາດ ກໍຄືແຂວງຄໍາມ່ວນ ໃຫ້ມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມ ສາມັກຄີປອງດອງ, ຍຸຕິທຳ ແລະສິວິໄລ.
3. ຄະນະພັກແຕ່ລະຂັ້ນ ຕ້ອງໄດ້ເພີ່ມທະວີຄວາມເອົາໃຈໃສ່ ຕໍ່ການໂຄສະນາ. ປຸກລະດົມໃຫ້ທົ່ວສັງຄົມ ຍົກສູງສະຕິລະວັງຕົວຕໍ່ກົນອຸບາຍຂອງພວກຄົນບໍ່ດີ ທີ່ສວຍໃຊ້ຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ບັນຫາຢາເສບຕິດ ເພື່ອມ້າງເພຄວາມສາມັກຄີພາຍໃນປະເທດເຮົາ ຮັບປະກັນການປົກປັກຮັກສາ ແລະ ເພີ່ມທະວີຄວາມສາມັກຄີເປັນປຶກແຜ່ນພາຍໃນສັງຄົມໃຫ້ ໜັກແໜ້ນຍິ່ງໆຂຶ້ນ.
4. ສືບຕໍ່ຈັດຕັ້ງປະຕິບັດຢ່າງແຂງແຮງ ຕໍ່ບັນດາຄາດໝາຍສູ້ຊົນ ໃນທ້າຍສະໄໝທີ່ກອງປະຊຸມໃຫຍ່ ອົງຄະນະພັກແຕ່ລະຂັ້ນວາງອອກ ໂດຍຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດໃຫ້ສໍາເລັດຜົນ.
