ອາຊີ-ໂປຕາສ ສາກົນ ໄດ້ສໍາເລັດການເກັບກ່ຽວຜົນຜະລິດຢ່າງໜ້າຊື່ນຊົມຂອງໂຄງການປູກເຂົ້າສາມລະດູໄລຍະທໍາອິດ ທີ່ ດອນຄອນ ເມືອງໂຂງ ແຂວງຈໍາປາສັກຊຶ່ງລະດູການທໍາອິດ ເຮັກຕາໜຶ່ງບັນລຸຜົນຜະລິດໄດ້7,7 ໂຕນ, ລື່ນຄາດໝາຍ 10%, ການປູກເຂົ້າທັງສາມລະດູໃນໜຶ່ງປີ ຈະບັນລຸຜົນຜະລິດເຖິງ 21 ໂຕນຂຶ້ນໄປ, ບາດກ້າວດັ່ງກ່າວເປັນການເລີ່ມຕົ້ນຂອງການພັດທະນາກະສິກໍາທັນສະໄໝຂອງ ສປປ ລາວ, ເພື່ອເປັນຂອງຂວັນຊົມເຊີຍວັນຊາດທີ 2 ທັນວາ ຄົບຮອບ 48 ປີ.
ໃນເດືອນມິຖຸນາ 2023, ອາຊີ-ໂປຕາສ ສາກົນ ໄດ້ດຶງດູດເອົາວິສາຫະກິດລົງເລິກການປຸງແຕ່ງສະບຽງອາຫານ ທີ່ມີທີມງານປູກຝັງ ແລະ ເຕັກໂນໂລຊີທັນສະໄໝສູງສຸດຂອງ ສປ ຈີນ ເພື່ອພ້ອມກັນລົງທຶນ ແລະ ຮ່ວມມື, ເພື່ອດໍາເນີນໂຄງການສາທິດ ປູກເຂົ້າສາມລະດູ ທີ່ມີແນວພັນປະສົມຕ່າງໆຄັ້ງທໍາອິດຢູ່ ດອນຄອນ ເມືອງໂຂງ ແຂວງຈໍາປາສັກ ສປປ ລາວ. ດອນຄອນເປັນທົ່ງພຽງທີ່ຮາບພຽງດີມີພື້ນທີ່ດິນປູກຝັງເກືອບເຖິງ 1.100 ເຮັກຕາ, ປະຊາຊົນໃນດອນຄອນ ນໍາໃຊ້ແຕ່ວິທີການປູກເຂົ້າລະດູດຽວແບບພື້ນເມືອງຊຶ່ງຜົນຜະລິດໝົດປີ ເຮັກຕາໜຶ່ງມີພຽງແຕ່ 2 ໂຕນເທົ່ານັ້ນ, ສະນັ້ນຈຶ່ງຍັງມີທ່າແຮງຫຼາຍໃນການພັັດທະນາປູກເຂົ້າສາມລະດູ. ພາຍໃຕ້ການສະໜັບສະໜູນຢ່າງໃຫຍ່ຫຼວງຂອງອໍານາດການປົກຄອງທ້ອງຖິ່ນ, ໃນເດືອນສິງຫາ ບໍລິສັດ ຊີໂນ-ໂປຕາສ ສາກົນ ຈຶ່ງໄດ້ເລີ່ມພັດທະນາໂຄງການສາທິດປູກເຂົ້າສາມລະດູ ໄລຍະທໍາອິດໃນເນື້ອທີ່ 110 ເຮັກຕາ, ໂຄງການດັ່ງກ່າວ ນໍາໃຊ້ຮູບແບບການປູກຝັງກະສິກໍາທັນສະໄໝໂດຍຫັນໄປສູ່ການໃຊ້ເຄື່ອງກົນຈັກ, ຂະໜາດໃຫຍ່ ແລະ ລວມສູນ, ດໍາເນີນການຫວ່ານເມັດ, ໃສ່ຝຸ່ນ (ປຸ໋ຍ), ການປະສົມເກສອນ ແລະ ການຈັດການຄຸ້ມຄອງອື່ນໆເທິງໄຮ່ນາ ໂດຍການໃຊ້ໂດຣນ, ພ້ອມທັງດໍາເນີນວຽກງານເກັບກ່ຽວໂດຍເຄື່ອງຈັກເກັບກ່ຽວເປັນລະບົບ, ນອກນັ້ນຍັງມີການປັບປຸງລະບົບຊົນລະປະທານ, ລະບາຍນໍ້າ, ເພື່ອຮັບປະກັນຜົນຜະລິດເຂົ້າ. ຈາກສະພາບການເກັບກ່ຽວຕົວຈິງເຫັນວ່າໄລຍະການເຕີບໂຕຂອງເຂົ້າສໍາລັບລະດູການທຳອິດນີ້ມີພຽງແຕ່ 110 ມື້ ຊຶ່ງສັ້ນກວ່າໄລຍະເຕີບໃຫຍ່ 120 ມື້ຢູ່ຈີນ ແລະ ຜົນຜະລິດເຂົ້າ ກໍລື່ນຄາດໝາຍ 7 ໂຕນຕໍ່ເຮັກຕາ, ສິ່ງດັ່ງກ່າວເປັນການວາງຮາກຖານໃຫ້ແກ່ການປູກເຂົ້າລະດູການທີ 2 ແລະ 3 ໃນຕໍ່ໜ້າ, ປະກອບເປັນເສົາຄໍ້າສໍາລັບຜົນຜະລິດໝົດປີທີ່ຈະບັນລຸເຮັກຕາໜຶ່ງ 21 ໂຕນຂຶ້ນໄປ.
ຄຽງຄູ່ກັບການຮັບປະກັນໃຫ້ບັນລຸຜົນຜະລິດຕາມເປົ້າໝາຍຂອງການປູກເຂົ້າສາມລະດູ, ອາຊີ-ໂປຕາສ ສາກົນ ຍັງໄດ້ປະຕິບັດບັນດາມາດຕະການກະສິກໍາທີ່ທັນສະໄໝຫຼາຍຢ່າງ ເພື່ອຫຼຸດຕົ້ນທຶນໃນການປູກຝັງ ແລະ ເພີ່ມມູນຄ່າຂອງດິນປູກຝັງຄື: ໜຶ່ງ ແມ່ນສ້າງແນວພັນເຂົ້າທີ່ສາມາດເກີດຄືນໃໝ່ໃນໄລຍະຫຼາຍປີ, ຄືການຫວ່ານເມັດພັນເທື່ອດຽວສາມາດເກັບກ່ຽວໄດ້ຕໍ່ເນື່ອງເຖິງ 6 ປີ, ໃນການຍົກສູງປະລິມານການຜະລິດ ກໍສາມາດຫຼຸດຕົ້ນທຶນແນວພັນໄດ້ຢ່າງຫຼວງຫຼາຍ, ສອງແມ່ນສ້າງລະບົບນິເວດໄຮ່ນາ ປູກເຂົ້າ ປະສົມກັບການລ້ຽງປາ, ປູກເຂົ້າ ປະສົມກັບການລ້ຽງກົບ, ພວກເຮົາໄດ້ຊື້ແນວພັນປາ, ພັນກົບຈາກປະຊາຊົນ ແລະ ບໍລິສັດພາຍໃນທ້ອງຖິ່ນຊຶ່ງບໍ່ພຽງແຕ່ເປັນການຂະຫຍາຍຊ່ອງທາງລາຍຮັບໃຫ້ຊາວກະສິກອນທ້ອງຖິ່ນເທົ່ານັ້ນ, ຍັງເປັນການສົ່ງເສີມການນໍາໃຊ້ເນື້ອທີ່ດິນແບບກວມລວມຢ່າງມີປະສິດທິພາບ, ໃນຕໍ່ໜ້າ ປານິນ ແລະ ກົບນາ ທີ່ເພາະລ້ຽງໃນນາເຂົ້າ ກໍຈະຖືກຈັດສົ່ງໃຫ້ແກ່ຮ້ານອາຫານ ແລະ ຕະຫຼາດກະສິກໍາຕ່າງໆ, ກາຍເປັນສ່ວນທີ່ສໍາຄັນໃຫ້ແກ່ໂຕະອາຫານຂອງປະຊາຊົນ.
ໂຄງການ ປູກເຂົ້າສາມລະດູ ທີ່ແມ່ນກະສິກໍາທັນສະໄໝຢູ່ເມືອງໂຂງ ຂອງ ອາຊີ-ໂປຕາສ ສາກົນ ມີແຜນການຂະຫຍາຍເນື້ອທີ່ປູກຝັງເປັນ 200 ເຮັກຕາໃນປີ 2024 ແລະພາຍໃນ 3 ປີຕໍ່ໜ້າ ຈະຂະຫຍາຍເນື້ອທີ່ອອກເປັນ 2.000 ເຮັກຕາ, ແຜນການໄລຍະຍາວແມ່ນຈະຂະຫຍາຍໄປທຸກແຂວງໃນທົ່ວປະເທດ,ເພື່ອກະຕຸ້ນຢ່າງເຕັມສ່ວນ ຄຸນຄ່າຊັບພະຍາກອນກະສິກໍາຂອງລາວ. ຄຽງຄູ່ກັບການເພີ່ມຂຶ້ນຂອງຜົນຜະລິດ ອາຊີ-ໂປຕາສ ສາກົນ ກໍາລັງກະກຽມສ້າງຕັ້ງໂຮງງານປຸງແຕ່ງເຂົ້າທີ່ປະກອບຕິດພັນຄົບຊຸດ, ເພື່ອຈະຂະຫຍາຍເປັນຕ່ອງໂສ້ອຸດສາຫະກໍາລົງເລິກການປຸງແຕ່ງເຂົ້າຕື່ມອີກກ້າວໜຶ່ງ, ສ້າງລະບົບຜະລິດຕະພັນທີ່ຫຼາກຫຼາຍ ເຊັ່ນ: ເສັ້ນໝີ່ ແລະແປ້ງເຂົ້າ ພ້ອມທັງປະກອບສ້າງລະບົບການພັດທະນາກະສິກໍາທີ່ມີການປູກຝັງແບບທັນສະໄໝ, ການປຸງແຕ່ງໃຫ້ເປັນເສດຖະກິດ ແລະ ການຄ້າແບບສາກົນ, ບັັນລຸການທົດແທນການນໍາເຂົ້າຜະລິດຕະພັນກະສິກໍາ ແລະ ສົ່ງອອກເພື່ອສ້າງລາຍຮັບເງິນຕາຊຶ່ງໂດຍພື້ນຖານແລ້ວຈະສາມາດແກ້ໄຂໄດ້ບັນຫາເງິນເຟີ້ ທີ່ເກີດຈາກຊ່ອງວ່າງລະຫວ່າງການສະໜອງ ແລະ ຄວາມຕ້ອງການດ້ານຜະລິດຕະພັນກະສິກໍາ, ທັງເປັນການປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ.
(ຂ່າວ:ຍຸພິນທອງ ຂໍ້ມູນຈາກ ອາຊີ-ໂປຕາສ ສາກົນ)
ໃນເດືອນມິຖຸນາ 2023, ອາຊີ-ໂປຕາສ ສາກົນ ໄດ້ດຶງດູດເອົາວິສາຫະກິດລົງເລິກການປຸງແຕ່ງສະບຽງອາຫານ ທີ່ມີທີມງານປູກຝັງ ແລະ ເຕັກໂນໂລຊີທັນສະໄໝສູງສຸດຂອງ ສປ ຈີນ ເພື່ອພ້ອມກັນລົງທຶນ ແລະ ຮ່ວມມື, ເພື່ອດໍາເນີນໂຄງການສາທິດ ປູກເຂົ້າສາມລະດູ ທີ່ມີແນວພັນປະສົມຕ່າງໆຄັ້ງທໍາອິດຢູ່ ດອນຄອນ ເມືອງໂຂງ ແຂວງຈໍາປາສັກ ສປປ ລາວ. ດອນຄອນເປັນທົ່ງພຽງທີ່ຮາບພຽງດີມີພື້ນທີ່ດິນປູກຝັງເກືອບເຖິງ 1.100 ເຮັກຕາ, ປະຊາຊົນໃນດອນຄອນ ນໍາໃຊ້ແຕ່ວິທີການປູກເຂົ້າລະດູດຽວແບບພື້ນເມືອງຊຶ່ງຜົນຜະລິດໝົດປີ ເຮັກຕາໜຶ່ງມີພຽງແຕ່ 2 ໂຕນເທົ່ານັ້ນ, ສະນັ້ນຈຶ່ງຍັງມີທ່າແຮງຫຼາຍໃນການພັັດທະນາປູກເຂົ້າສາມລະດູ. ພາຍໃຕ້ການສະໜັບສະໜູນຢ່າງໃຫຍ່ຫຼວງຂອງອໍານາດການປົກຄອງທ້ອງຖິ່ນ, ໃນເດືອນສິງຫາ ບໍລິສັດ ຊີໂນ-ໂປຕາສ ສາກົນ ຈຶ່ງໄດ້ເລີ່ມພັດທະນາໂຄງການສາທິດປູກເຂົ້າສາມລະດູ ໄລຍະທໍາອິດໃນເນື້ອທີ່ 110 ເຮັກຕາ, ໂຄງການດັ່ງກ່າວ ນໍາໃຊ້ຮູບແບບການປູກຝັງກະສິກໍາທັນສະໄໝໂດຍຫັນໄປສູ່ການໃຊ້ເຄື່ອງກົນຈັກ, ຂະໜາດໃຫຍ່ ແລະ ລວມສູນ, ດໍາເນີນການຫວ່ານເມັດ, ໃສ່ຝຸ່ນ (ປຸ໋ຍ), ການປະສົມເກສອນ ແລະ ການຈັດການຄຸ້ມຄອງອື່ນໆເທິງໄຮ່ນາ ໂດຍການໃຊ້ໂດຣນ, ພ້ອມທັງດໍາເນີນວຽກງານເກັບກ່ຽວໂດຍເຄື່ອງຈັກເກັບກ່ຽວເປັນລະບົບ, ນອກນັ້ນຍັງມີການປັບປຸງລະບົບຊົນລະປະທານ, ລະບາຍນໍ້າ, ເພື່ອຮັບປະກັນຜົນຜະລິດເຂົ້າ. ຈາກສະພາບການເກັບກ່ຽວຕົວຈິງເຫັນວ່າໄລຍະການເຕີບໂຕຂອງເຂົ້າສໍາລັບລະດູການທຳອິດນີ້ມີພຽງແຕ່ 110 ມື້ ຊຶ່ງສັ້ນກວ່າໄລຍະເຕີບໃຫຍ່ 120 ມື້ຢູ່ຈີນ ແລະ ຜົນຜະລິດເຂົ້າ ກໍລື່ນຄາດໝາຍ 7 ໂຕນຕໍ່ເຮັກຕາ, ສິ່ງດັ່ງກ່າວເປັນການວາງຮາກຖານໃຫ້ແກ່ການປູກເຂົ້າລະດູການທີ 2 ແລະ 3 ໃນຕໍ່ໜ້າ, ປະກອບເປັນເສົາຄໍ້າສໍາລັບຜົນຜະລິດໝົດປີທີ່ຈະບັນລຸເຮັກຕາໜຶ່ງ 21 ໂຕນຂຶ້ນໄປ.
ຄຽງຄູ່ກັບການຮັບປະກັນໃຫ້ບັນລຸຜົນຜະລິດຕາມເປົ້າໝາຍຂອງການປູກເຂົ້າສາມລະດູ, ອາຊີ-ໂປຕາສ ສາກົນ ຍັງໄດ້ປະຕິບັດບັນດາມາດຕະການກະສິກໍາທີ່ທັນສະໄໝຫຼາຍຢ່າງ ເພື່ອຫຼຸດຕົ້ນທຶນໃນການປູກຝັງ ແລະ ເພີ່ມມູນຄ່າຂອງດິນປູກຝັງຄື: ໜຶ່ງ ແມ່ນສ້າງແນວພັນເຂົ້າທີ່ສາມາດເກີດຄືນໃໝ່ໃນໄລຍະຫຼາຍປີ, ຄືການຫວ່ານເມັດພັນເທື່ອດຽວສາມາດເກັບກ່ຽວໄດ້ຕໍ່ເນື່ອງເຖິງ 6 ປີ, ໃນການຍົກສູງປະລິມານການຜະລິດ ກໍສາມາດຫຼຸດຕົ້ນທຶນແນວພັນໄດ້ຢ່າງຫຼວງຫຼາຍ, ສອງແມ່ນສ້າງລະບົບນິເວດໄຮ່ນາ ປູກເຂົ້າ ປະສົມກັບການລ້ຽງປາ, ປູກເຂົ້າ ປະສົມກັບການລ້ຽງກົບ, ພວກເຮົາໄດ້ຊື້ແນວພັນປາ, ພັນກົບຈາກປະຊາຊົນ ແລະ ບໍລິສັດພາຍໃນທ້ອງຖິ່ນຊຶ່ງບໍ່ພຽງແຕ່ເປັນການຂະຫຍາຍຊ່ອງທາງລາຍຮັບໃຫ້ຊາວກະສິກອນທ້ອງຖິ່ນເທົ່ານັ້ນ, ຍັງເປັນການສົ່ງເສີມການນໍາໃຊ້ເນື້ອທີ່ດິນແບບກວມລວມຢ່າງມີປະສິດທິພາບ, ໃນຕໍ່ໜ້າ ປານິນ ແລະ ກົບນາ ທີ່ເພາະລ້ຽງໃນນາເຂົ້າ ກໍຈະຖືກຈັດສົ່ງໃຫ້ແກ່ຮ້ານອາຫານ ແລະ ຕະຫຼາດກະສິກໍາຕ່າງໆ, ກາຍເປັນສ່ວນທີ່ສໍາຄັນໃຫ້ແກ່ໂຕະອາຫານຂອງປະຊາຊົນ.
ໂຄງການ ປູກເຂົ້າສາມລະດູ ທີ່ແມ່ນກະສິກໍາທັນສະໄໝຢູ່ເມືອງໂຂງ ຂອງ ອາຊີ-ໂປຕາສ ສາກົນ ມີແຜນການຂະຫຍາຍເນື້ອທີ່ປູກຝັງເປັນ 200 ເຮັກຕາໃນປີ 2024 ແລະພາຍໃນ 3 ປີຕໍ່ໜ້າ ຈະຂະຫຍາຍເນື້ອທີ່ອອກເປັນ 2.000 ເຮັກຕາ, ແຜນການໄລຍະຍາວແມ່ນຈະຂະຫຍາຍໄປທຸກແຂວງໃນທົ່ວປະເທດ,ເພື່ອກະຕຸ້ນຢ່າງເຕັມສ່ວນ ຄຸນຄ່າຊັບພະຍາກອນກະສິກໍາຂອງລາວ. ຄຽງຄູ່ກັບການເພີ່ມຂຶ້ນຂອງຜົນຜະລິດ ອາຊີ-ໂປຕາສ ສາກົນ ກໍາລັງກະກຽມສ້າງຕັ້ງໂຮງງານປຸງແຕ່ງເຂົ້າທີ່ປະກອບຕິດພັນຄົບຊຸດ, ເພື່ອຈະຂະຫຍາຍເປັນຕ່ອງໂສ້ອຸດສາຫະກໍາລົງເລິກການປຸງແຕ່ງເຂົ້າຕື່ມອີກກ້າວໜຶ່ງ, ສ້າງລະບົບຜະລິດຕະພັນທີ່ຫຼາກຫຼາຍ ເຊັ່ນ: ເສັ້ນໝີ່ ແລະແປ້ງເຂົ້າ ພ້ອມທັງປະກອບສ້າງລະບົບການພັດທະນາກະສິກໍາທີ່ມີການປູກຝັງແບບທັນສະໄໝ, ການປຸງແຕ່ງໃຫ້ເປັນເສດຖະກິດ ແລະ ການຄ້າແບບສາກົນ, ບັັນລຸການທົດແທນການນໍາເຂົ້າຜະລິດຕະພັນກະສິກໍາ ແລະ ສົ່ງອອກເພື່ອສ້າງລາຍຮັບເງິນຕາຊຶ່ງໂດຍພື້ນຖານແລ້ວຈະສາມາດແກ້ໄຂໄດ້ບັນຫາເງິນເຟີ້ ທີ່ເກີດຈາກຊ່ອງວ່າງລະຫວ່າງການສະໜອງ ແລະ ຄວາມຕ້ອງການດ້ານຜະລິດຕະພັນກະສິກໍາ, ທັງເປັນການປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ.
(ຂ່າວ:ຍຸພິນທອງ ຂໍ້ມູນຈາກ ອາຊີ-ໂປຕາສ ສາກົນ)
