ເນື່ອງໃນໂອກາດວັນຊາດທີ2ທັນວາຄົບຮອບ48ປີ, ທາງຄະນະພັກ-ຄະນະນຳຂັ້ນສູງຂອງແຂວງສະຫວັນນະເຂດນຳໂດຍທ່ານບຸນໂຈມອຸບົນປະເສີດກຳມະການສູນກາງພັກເລຂາພັກແຂວງເຈົ້າແຂວງສະຫວັນນະເຂດ, ທ່ານພູວັງເກດແກ້ວພົມພອນຮອງເລຂາພັກແຂວງຜູ້ຊີ້ນຳວຽກງານການເມືອງ-ແນວຄິດ, ວຽກພັກ-ພະນັກງານຂັ້ນແຂວງພ້ອມຄະນະນຳຈາກພະແນກການ, ກົມກອງອ້ອມຂ້າງແຂວງ, ກອງບັນຊາປກຊ-ປກສແຂວງໄດ້ລົງເຄື່ອນໄຫວພົບປະຢ້ຽມຢາມພ້ອມທັງມອບເຄື່ອງຊ່ວຍເຫຼືອພະນັກງານບຳນານສູນເສຍອົງຄະເຊ17(C17) ແລະນັກຮົບແຂ່ງຂັນເມືອງພີນໃນວັນທີ2ທັນວາຜ່ານມາ, ໂດຍການຕ້ອນຮັບຂອງທ່ານສຸດໃຈໄຊຍະວົງວ່າການເຈົ້າເມືອງໆພີນພ້ອມຫົວໜ້າສູນເຊ17ແລະພາກສ່ວນຕ່າງໆຂອງເມືອງໃຫ້ການຕ້ອນຮັບ.
ໃນວາລະດັ່ງກ່າວ, ທ່ານພອນປະສິດຈັນທະວີໄຊຫົວໜ້າການເມືອງກອງຮ້ອຍສູນເສຍອົງຄະເຊ17ໄດ້ລາຍງານໃຫ້ຮູ້ວ່າ: ສູນເສຍອົງຄະC17ໄດ້ກໍ່ຕັ້ງຂຶ້ນໃນວັນທີ2ກຸມພາ1971ຢູ່ບ້ານຖໍ້າຜາພິລາງເມືອງວິລະບູລີ, ມີຈຳນວນພົນທັງໝົດ33ທ່ານ, ປີ1984ໄດ້ຍ້າຍມາຕັ້ງຢູ່ບ້ານໂນນໄຊເມືອງພີນຈົນຮອດປັດຈຸບັນແລະໃນລະຫວ່າງປີ2020-2021ໄດ້ມີການມອບ-ໂອນການຄຸ້ມຄອງນາຍແລະພົນທະຫານທີ່ໄດ້ຮັບອຸດໜູນບຳນານເສຍອົງຄະຍ້ອນການສູ້ຮົບແລະຮັບໃຊ້ການສູ້ຮົບແລ້ວ, ອີງຕາມການນຳສະເໜີຂອງບັນດາທ່ານຫົວໜ້າສູນແລະຍ້ອນອາຍຸການເຮັດໜ້າທີ່ອັນຍາວນານຂອງພວກທ່ານຈຶ່ງໄດ້ນຳສະເໜີຂໍພັກຜ່ອນຈາກໜ້າທີ່ສະນັ້ນ, ມາໃນວັນທີ6ກໍລະກົດ2023ທາງຄະນະພັກ-ຄະນະບັນຊາກອງບັນຊາກການທະຫານແຂວງຈຶ່ງໄດ້ມາປະກາດການຈັດຕັ້ງຮັກສາການຫົວໜ້າແລະຮອງຫົວໜ້າກອງຮ້ອຍສູນC17ຂຶ້ນເພື່ອປະຕິບັດໜ້າທີ່ປະຈຳການຕໍ່.
ໂອກາດນີ້, ທ່ານບຸນໂຈມອຸບົນປະເສີດກໍໄດ້ຕາງໜ້າຄະນະພັກ-ຄະນະນຳຂອງແຂວງສະຫວັນນະເຂດກ່າວຢື້ຢາມຖາມຂ່າວພະນັກງານບຳນານສູນເສຍອົງຄະເຊ17ຊຶ່ງຍາມໃດພັກ-ລັດພວກເຮົາກໍມີຄວາມເປັນຫ່ວງເປັນໃຍຕໍ່ຊີວິດການເປັນຢູ່ຂອງພວກທ່ານຊຶ່ງພໍດີກົງກັບວັນຊາດທີ2ທັນວາຄົບຮອບ48ປີ, ທາງການນຳຂອງແຂວງພວກເຮົາກໍໄດ້ຖືໂອກາດດັ່ງກ່າວນີ້ລົງມາຢ້ຽມຢາມແລະນຳເຄື່ອງຊ່ວຍເຫຼືອພ້ອມທັງທຶນຮອນຈຳນວນໜຶ່ງມາມອບໃຫ້ພະນັກງານບຳນານພາຍໃນສູນແຫ່ງນີ້ເພື່ອຕອບແທນບຸນຄຸນແລະຄຸນງາມຄວາມດີຂອງບັນດາທ່ານພ້ອມນີ້, ທ່ານເຈົ້າແຂວງຍັງໄດ້ສອບຖາມເຖິງຂໍ້ຫຍຸ້ງຍາກແລະຮັບຟັງຄຳສະເໜີຂອງບັນດາທ່ານພະນັກງານບຳນານພາຍໃນສູນຊຶ່ງຫຼາຍທ່ານໄດ້ຮຽກຮ້ອງໃຫ້ພາກລັດຊ່ວຍເພີ່ມເງິນນະໂຍບາຍຂຶ້ນອີກ, ໂດຍທ່ານເຈົ້າແຂວງກໍຮັບປາກຈະຊ່ວຍແກ້ໄຂແລະຈະໃຫ້ການຊ່ວຍເຫຼືອໃນການປະກອບຂາທຽມໃຫ້ຜູ້ທີ່ເສຍອົງຄະ(ຂາ)ຈຳນວນ10ກວ່າທ່ານຂອງສູນເຊ17ໂດຍເນັ້ນໃຫ້ພາກສ່ວນຮັບຜິດຊອບເລັ່ງປະສານສົມທົບຫາແຂວງໂດຍໄວເພື່ອໃຫ້ການຊ່ວຍເຫຼືອບັນດາທານພະນັກງານບຳນານຜູ້ເສຍອົງຄະ(ຂາ) ຊຶ່ງລ້ວນແລ້ວແຕ່ເປັນຜູ້ທີ່ມີຜົນງານແລະຄຸນງາມຄວາມດີຕໍ່ກັບປະເທດຊາດພວກເຮົາສະນັ້ນ, ຕ້ອງໄດ້ເອົາໃຈໃສ່ເບິ່ງແຍງເພິ່ນໃຫ້ມີຊີວິດການເປັນຢູ່ທີ່ດີຂຶ້ນກວ່າແຕ່ກ່ອນ.
ໃນການລົງເຄື່ອນໄຫວຄັ້ງນີ້, ທ່ານບຸນໂຈມອຸບົນປະເສີດພ້ອມຄະນະກໍໄດ້ນຳເອົາເຄື່ອງອຸປະໂພກ-ບໍລິໂພກ, ຢາປົວພະຍາດ, ເຂົ້າສານ, ເສື້ອກັນໜາວແລະອື່ນໆພ້ອມທັງທຶນຮອນຈຳນວນໜຶ່ງມອບໃຫ້ແກ່ສູນເສຍອົງຄະເຊ17ແລະມອບໃຫ້ນັກຮົບແຂ່ງຂັນແຫ່ງຊາດ3ທ່ານຄື: ທ່ານພັອຄຳເມິງ, ທ່ານພັຕທອງຄຳ (ເມືອງອຸທຸມພອນ) ແລະປ້າສີຍອນ(ເມືອງພີນ). ຈາກນັ້ນ, ຄະນະການນຳຂັ້ນແຂວງແລະເມືອງກໍໄດ້ລົງຢ້ຽມຢາມເບິ່ງພື້ນທີ່ປູກຢາງພາລາຂອງບໍລິສັດກວາຊາເຊຣູໂກນຳອີກ. ນອກຈາກນີ້, ໃນວັນທີ1 ທັນວາ2023, ທ່ານເຈົ້າແຂວງຍັງໄດ້ເຄື່ອນໄຫວຢ້ຽມຢາມແລະມອບເຄື່ອງຊ່ວຍເຫຼືອສູນພິການຕາແລະໂຮງຮຽນເດັກSOSຕື່ມອີກ.
(ຂ່າວ-ພາບ: ສະຫວັນນະເຂດ)
ໃນວາລະດັ່ງກ່າວ, ທ່ານພອນປະສິດຈັນທະວີໄຊຫົວໜ້າການເມືອງກອງຮ້ອຍສູນເສຍອົງຄະເຊ17ໄດ້ລາຍງານໃຫ້ຮູ້ວ່າ: ສູນເສຍອົງຄະC17ໄດ້ກໍ່ຕັ້ງຂຶ້ນໃນວັນທີ2ກຸມພາ1971ຢູ່ບ້ານຖໍ້າຜາພິລາງເມືອງວິລະບູລີ, ມີຈຳນວນພົນທັງໝົດ33ທ່ານ, ປີ1984ໄດ້ຍ້າຍມາຕັ້ງຢູ່ບ້ານໂນນໄຊເມືອງພີນຈົນຮອດປັດຈຸບັນແລະໃນລະຫວ່າງປີ2020-2021ໄດ້ມີການມອບ-ໂອນການຄຸ້ມຄອງນາຍແລະພົນທະຫານທີ່ໄດ້ຮັບອຸດໜູນບຳນານເສຍອົງຄະຍ້ອນການສູ້ຮົບແລະຮັບໃຊ້ການສູ້ຮົບແລ້ວ, ອີງຕາມການນຳສະເໜີຂອງບັນດາທ່ານຫົວໜ້າສູນແລະຍ້ອນອາຍຸການເຮັດໜ້າທີ່ອັນຍາວນານຂອງພວກທ່ານຈຶ່ງໄດ້ນຳສະເໜີຂໍພັກຜ່ອນຈາກໜ້າທີ່ສະນັ້ນ, ມາໃນວັນທີ6ກໍລະກົດ2023ທາງຄະນະພັກ-ຄະນະບັນຊາກອງບັນຊາກການທະຫານແຂວງຈຶ່ງໄດ້ມາປະກາດການຈັດຕັ້ງຮັກສາການຫົວໜ້າແລະຮອງຫົວໜ້າກອງຮ້ອຍສູນC17ຂຶ້ນເພື່ອປະຕິບັດໜ້າທີ່ປະຈຳການຕໍ່.
ໂອກາດນີ້, ທ່ານບຸນໂຈມອຸບົນປະເສີດກໍໄດ້ຕາງໜ້າຄະນະພັກ-ຄະນະນຳຂອງແຂວງສະຫວັນນະເຂດກ່າວຢື້ຢາມຖາມຂ່າວພະນັກງານບຳນານສູນເສຍອົງຄະເຊ17ຊຶ່ງຍາມໃດພັກ-ລັດພວກເຮົາກໍມີຄວາມເປັນຫ່ວງເປັນໃຍຕໍ່ຊີວິດການເປັນຢູ່ຂອງພວກທ່ານຊຶ່ງພໍດີກົງກັບວັນຊາດທີ2ທັນວາຄົບຮອບ48ປີ, ທາງການນຳຂອງແຂວງພວກເຮົາກໍໄດ້ຖືໂອກາດດັ່ງກ່າວນີ້ລົງມາຢ້ຽມຢາມແລະນຳເຄື່ອງຊ່ວຍເຫຼືອພ້ອມທັງທຶນຮອນຈຳນວນໜຶ່ງມາມອບໃຫ້ພະນັກງານບຳນານພາຍໃນສູນແຫ່ງນີ້ເພື່ອຕອບແທນບຸນຄຸນແລະຄຸນງາມຄວາມດີຂອງບັນດາທ່ານພ້ອມນີ້, ທ່ານເຈົ້າແຂວງຍັງໄດ້ສອບຖາມເຖິງຂໍ້ຫຍຸ້ງຍາກແລະຮັບຟັງຄຳສະເໜີຂອງບັນດາທ່ານພະນັກງານບຳນານພາຍໃນສູນຊຶ່ງຫຼາຍທ່ານໄດ້ຮຽກຮ້ອງໃຫ້ພາກລັດຊ່ວຍເພີ່ມເງິນນະໂຍບາຍຂຶ້ນອີກ, ໂດຍທ່ານເຈົ້າແຂວງກໍຮັບປາກຈະຊ່ວຍແກ້ໄຂແລະຈະໃຫ້ການຊ່ວຍເຫຼືອໃນການປະກອບຂາທຽມໃຫ້ຜູ້ທີ່ເສຍອົງຄະ(ຂາ)ຈຳນວນ10ກວ່າທ່ານຂອງສູນເຊ17ໂດຍເນັ້ນໃຫ້ພາກສ່ວນຮັບຜິດຊອບເລັ່ງປະສານສົມທົບຫາແຂວງໂດຍໄວເພື່ອໃຫ້ການຊ່ວຍເຫຼືອບັນດາທານພະນັກງານບຳນານຜູ້ເສຍອົງຄະ(ຂາ) ຊຶ່ງລ້ວນແລ້ວແຕ່ເປັນຜູ້ທີ່ມີຜົນງານແລະຄຸນງາມຄວາມດີຕໍ່ກັບປະເທດຊາດພວກເຮົາສະນັ້ນ, ຕ້ອງໄດ້ເອົາໃຈໃສ່ເບິ່ງແຍງເພິ່ນໃຫ້ມີຊີວິດການເປັນຢູ່ທີ່ດີຂຶ້ນກວ່າແຕ່ກ່ອນ.
ໃນການລົງເຄື່ອນໄຫວຄັ້ງນີ້, ທ່ານບຸນໂຈມອຸບົນປະເສີດພ້ອມຄະນະກໍໄດ້ນຳເອົາເຄື່ອງອຸປະໂພກ-ບໍລິໂພກ, ຢາປົວພະຍາດ, ເຂົ້າສານ, ເສື້ອກັນໜາວແລະອື່ນໆພ້ອມທັງທຶນຮອນຈຳນວນໜຶ່ງມອບໃຫ້ແກ່ສູນເສຍອົງຄະເຊ17ແລະມອບໃຫ້ນັກຮົບແຂ່ງຂັນແຫ່ງຊາດ3ທ່ານຄື: ທ່ານພັອຄຳເມິງ, ທ່ານພັຕທອງຄຳ (ເມືອງອຸທຸມພອນ) ແລະປ້າສີຍອນ(ເມືອງພີນ). ຈາກນັ້ນ, ຄະນະການນຳຂັ້ນແຂວງແລະເມືອງກໍໄດ້ລົງຢ້ຽມຢາມເບິ່ງພື້ນທີ່ປູກຢາງພາລາຂອງບໍລິສັດກວາຊາເຊຣູໂກນຳອີກ. ນອກຈາກນີ້, ໃນວັນທີ1 ທັນວາ2023, ທ່ານເຈົ້າແຂວງຍັງໄດ້ເຄື່ອນໄຫວຢ້ຽມຢາມແລະມອບເຄື່ອງຊ່ວຍເຫຼືອສູນພິການຕາແລະໂຮງຮຽນເດັກSOSຕື່ມອີກ.
(ຂ່າວ-ພາບ: ສະຫວັນນະເຂດ)
