ທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ໄດ້ຕ້ອນຮັບການເຂົ້າພົບ ແລະ ຢ້ຽມຂໍ່ານັບຂອງ ທ່ານ ມາກອັງຕ໋ວນ ຣູບ ຜູ້ອຳນວຍການໃຫຍ່ບໍລິສັດໄຟຟ້ານ້ຳເທີນ 2 ໂດຍການຕ້ອນຮັບໄດ້ຈັດຂຶ້ນທີ່ຫ້ອງຮັບແຂກຂອງຫ້ອງວ່າການປົກຄອງແຂວງ ໃນວັນທີ 11 ທັນວາ ນີ້. 
ທ່ານ ມາກອັງຕ໋ວນ ຣູບ ໄດ້ກ່າວຈຸດປະສົງໃນການເຂົ້າຂ່ຳນັບຢ້ຽມຂໍ່ານັບທ່ານເຈົ້າແຂວງໃນຄັ້ງນີ້ ກໍເພື່ອລາຍງານຄວາມຄືບໜ້າຂອງໂຄງການ ແລະ ການຮ່ວມມືທີ່ດີຈາກພາກສ່ວນລັດຖະບານ ສປປ ລາວ ກໍ່ຄືຂັ້ນແຂວງ ຊຶ່ງໃນນັ້ນ ທ່ານ ມາກອັງຕ໋ວນ ຣູບ ກໍຍັງໄດ້ລາຍງານຄວາມຄືບໜ້າຂອງໂຄງການໃໝ່ທີ່ບໍລິສັດໄຟຟ້ານ້ຳເທີນ 2 ກຳລັງສືກສາຄວາມເປັນໄປໄດ້ນັ້ນກໍ່ຄື ໂຄງການຜະລິດໄຟຟ້າ ແບບສູບນ້ຳກັບຄືນ (Punp Storege) ແລະ ໂຄງການປູກປ່າສິຂຽວໃນເຂດອ້ອມຂ້າງໂຄງການ.
ໃນໂອກາດນີ້, ທ່ານ ບຸນໂຈມ ອຸບົນປະເສີດ ກໍໄດ້ສະແດງຄວາມຍິນດີຕໍ່ການເຂົ້າພົບຂອງທ່ານປະທານບໍລິສັດໄຟຟ້ານໍ້າເທີນ 2 ໃນຄັ້ງນີ້, ພ້ອມນັ້ນ ທ່ານກໍກ່າວວ່າຈະໃຫ້ການສະໜັບສະໜູນ ແລະ ໃຫ້ການຮ່ວມມືເປັນຢ່າງດີລະຫວ່າງພະແນກການທີ່ກ່ຽວຂ້ອງຂອງພາກລັດ ກັບບໍລິສັດໄຟຟ້ານໍ້າເທີນ 2 ບໍ່ວ່າຈະເປັນດ້ານການບຳລຸງສາຍສົ່ງທີ່ເນັ່ງຜ່ານໃນບາງເມືອງຂອງແຂວງສະຫວັນນະເຂດ ຊຶ່ງໃນນີ້ທ່ານເຈົ້າແຂວງແນະນຳໃຫ້ມີການແຕ່ງຕັ້ງຄະນະກຳມະການໃນການຄວບຄຸມ ແລະບຳລຸງຮັກສາສາຍສົ່ງໄຟຟ້າຂອງບໍລິສັດ ໂດຍການຮ່ວມມືຂອງປະຊາຊົນໃນເຂດທີ່ມີລະບົບສາຍສົ່ງຕັດຜ່ານ, ພ້ອມນັ້ນ ທ່ານເຈົ້າແຂວງຍັງໄດ້ໃຫ້ການສະໜັບສະໜູນ ແລະ ສົ່ງເສີມບໍລິສັດທີ່ຈະໄດ້ມີໂຄງການປູກໄມ້ສີຂຽວຕາມເຂດບໍລິເວນຂອງໂຄງການ ເພື່ອສ້າງສິ່ງແວດລ້ອມທີ່ດີ ແລະດ້ານອື່ນໆທ່ານເຈົ້າແຂວງກໍຍິນດີໃຫ້ການຊຸກຍູ້-ສົ່ງເສີມ ແລະຮ່ວມມືກັບບໍລິສັດ ເພື່ອເປັນການປະກອບສ່ວນສ້າງໃຫ້ເສດຖະກິດຂອງແຂວງໃຫ້ມີຄວາມເຂັ້ມແຂງ.
(ຂ່າວ-ພາບ: ແຂວງສະຫວັນນະເຂດ)