ທ່ານ ໄຊຊະນະ ໂຄດພູທອນ ກຳມະການສູນກາງພັກ ເລຂາພັກ ຫົວໜ້າອົງການໄອຍະການປະຊາຊົນສູງສຸດ ໄດ້ມີຄວາມຮູ້ສຶກຕໍ່ວັນຊາດ ທີ2 ທັນວາວ່າ: ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ແລະ ໄດ້ປະກາດ ເປັນປະເທດສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ອັນໄດ້ເປີດສັງກາດໃໝ່, ເປັນປະເທດທີ່ມີເອກະລາດ ແລະ ລາວບັນດາເຜົ່າ ໄດ້ມີອິດສະຫຼະພາບຢ່າງແທ້ຈິງ, ພັກເຮົາໄດ້ນໍາພາປະຊາຊົນລາວ ບັນດາເຜົ່າປະຕິບັດສອງໜ້າທີ່ຍຸດທະສາດ ຄື: ປົກປັກຮັກສາ ແລະ ສ້າງສາພັດທະນາປະເທດຊາດ ໂດຍສະເພາະແມ່ນການດໍາເນີນພາລະກິດປ່ຽນແປງໃໝ່ຢ່າງຮອບດ້ານ ແລະ ມີຫຼັກການຂອງພັກ, ຫັນການຄຸ້ມຄອງລັດ ຄຸ້ມຄອງເສດຖະກິດ-ສັງຄົມ ດ້ວຍລະບຽບກົດໝາຍໃນນັ້ນກໍໄດ້ຖືເອົາວຽກງານຕຸລາການເປັນວຽກງານໜຶ່ງທີ່ສຳຄັນ ເພື່ອປະກອບສ່ວນເຂົ້າໃນການຄຸ້ມຄອງລັດ-ຄຸ້ມຄອງສັງຄົມ, ປົກປັກຮັກສາຜົນປະ ໂຫຍດອັນຊອບທຳຂອງລັດ, ລວມໝູ່ ແລະ ຜົນປະໂຫຍດອັນຊອບທຳຂອງປະຊາຊົນບັນດາເຜົ່າ ຮັບປະກັນເຮັດໃຫ້ສັງຄົມມີຄວາມສະຫງົບ ແລະ ຍຸຕິທຳ.
ມາຮອດ ວັນທີ 9 ມັງກອນ 1990 ອົງການໄອຍະການປະຊາຊົນ ໄດ້ຮັບການສ້າງຕັ້ງຂຶ້ນຢ່າງເປັນທາງການ ໂດຍປະຕິບັດໜ້າທີ່ຕິດຕາມກວດກາການເຄົາລົບ ແລະ ປະຕິບັດກົດ
ໝາຍ ໃນຂອບເຂດທົ່ວປະເທດ ແລະ ສັ່ງຟ້ອງ ຜູ້ຖືກຫາຂຶ້ນສານຕາມກົດໝາຍ. ຜ່ານໄລຍະ 48 ປີ ໂດຍພາຍໃຕ້ການນຳພາຂອງພັກ, ອົງການໄອຍະການປະຊາຊົນໄດ້ຮັບການພັດທະນາ ແລະ ເຕີບໃຫຍ່ຂະຫຍາຍຕົວເປັນກ້າວໆມາ, ສາມາດເຮັດຫຼ້ອນໜ້າທີ່ການເມືອງທີ່ພັກ ແລະ ລັດມອບໝາຍໃຫ້ເປັນຢ່າງດີ, ປະກອບສ່ວນອັນສໍາຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໂດຍສະເພາະເຮັດໃຫ້ການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ ຂອງ ສປປ ລາວ ນັບມື້ມີຄວາມຄ່ອງຕົວ ແລະ ສັກສິດຕາມລັດຖະທໍາມະນູນ ແລະ ກົດໝາຍ, ສັງຄົມມີຄວາມສະຫງົບ ແລະ ຍຸຕິທໍາ, ສິດຜົນປະໂຫຍດຂອງລັດ, ລວມໝູ່ ແລະ ຜົນປະໂຫຍດອັນຊອບທໍາຂອງປະຊາຊົນບັນດາເຜົ່າໄດ້ຮັບການປົກປ້ອງ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈໄດ້ຮັບການພັດທະນາຢ່າງບໍ່ຢຸດຢັ້ງ.
ເນື່ອງໃນໂອກາດສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 48 ປີ (ວັນທີ 2 ທັນວາ 1975-02 ທັນວາ 2023 ຕາງໜ້າໃຫ້ຄະນະພັກ-ຄະນະນໍາ, ສະມາຊິກພັກ, ພະນັກງານ-ລັດຖະກອນ ໃນທົ່ວລະບົບອົງການໄອຍະການປະຊາຊົນ ແຫ່ງ ສປປ ລາວ ຂໍສະແດງຄວາມຮູ້ບຸນຄຸນມາຍັງການນຳພັກ-ລັດ ແລະ ບັນດາອະດີດການນໍາ ອົງການໄອຍະການປະຊາຊົນ ທຸກຮຸ່ນ, ທຸກສະໄໝ ທີ່ຍາມໃດກໍມີຄວາມເປັນຫ່ວງເປັນໃຍ, ໃຫ້ການຊີ້ນໍາ ຢ່າງໃກ້ຊິດແກ່ການເຄື່ອນໄຫວປະຕິບັດໜ້າທີ່ວຽກງານໄອຍະການດ້ວຍດີຕະຫຼອດມາ,ຂ້າພະເຈົ້າເຊື່ອໝັ້ນວ່າ ພາຍໃຕ້ການນໍາພາຂອງພັກ ແລະ ຄວາມບຸກບືນຫ້າວຫັນຂອງສະມາຊິກພັກ, ພະນັກງານ-ລັດຖະກອນ ໃນລະບົບອົງການໄອຍະການ ພວກເຮົາພ້ອມກັນເຊີດຊູຄວາມຮັບຜິດຊອບໜ້າທີ່ການເມືອງ ດ້ວຍການພັດທະນາບຸກຄະລາກອນ ແລະ ປັບປຸງລະບົບກົງຈັກການຈັດຕັ້ງ, ໃຫ້ເຂັ້ມແຂງ, ໜັກແໜ້ນ, ສາມາດປະຕິບັດພາລະບົດບາດ, ສິດ ແລະ ໜ້າທີ່ ສູ່ຄຸນນະພາບໃໝ່ຢ່າງມີປະສິດທິພາບ.
ຂ່າວ-ພາບ: ວົງເດືອນ
ມາຮອດ ວັນທີ 9 ມັງກອນ 1990 ອົງການໄອຍະການປະຊາຊົນ ໄດ້ຮັບການສ້າງຕັ້ງຂຶ້ນຢ່າງເປັນທາງການ ໂດຍປະຕິບັດໜ້າທີ່ຕິດຕາມກວດກາການເຄົາລົບ ແລະ ປະຕິບັດກົດ
ໝາຍ ໃນຂອບເຂດທົ່ວປະເທດ ແລະ ສັ່ງຟ້ອງ ຜູ້ຖືກຫາຂຶ້ນສານຕາມກົດໝາຍ. ຜ່ານໄລຍະ 48 ປີ ໂດຍພາຍໃຕ້ການນຳພາຂອງພັກ, ອົງການໄອຍະການປະຊາຊົນໄດ້ຮັບການພັດທະນາ ແລະ ເຕີບໃຫຍ່ຂະຫຍາຍຕົວເປັນກ້າວໆມາ, ສາມາດເຮັດຫຼ້ອນໜ້າທີ່ການເມືອງທີ່ພັກ ແລະ ລັດມອບໝາຍໃຫ້ເປັນຢ່າງດີ, ປະກອບສ່ວນອັນສໍາຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໂດຍສະເພາະເຮັດໃຫ້ການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ ຂອງ ສປປ ລາວ ນັບມື້ມີຄວາມຄ່ອງຕົວ ແລະ ສັກສິດຕາມລັດຖະທໍາມະນູນ ແລະ ກົດໝາຍ, ສັງຄົມມີຄວາມສະຫງົບ ແລະ ຍຸຕິທໍາ, ສິດຜົນປະໂຫຍດຂອງລັດ, ລວມໝູ່ ແລະ ຜົນປະໂຫຍດອັນຊອບທໍາຂອງປະຊາຊົນບັນດາເຜົ່າໄດ້ຮັບການປົກປ້ອງ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈໄດ້ຮັບການພັດທະນາຢ່າງບໍ່ຢຸດຢັ້ງ.
ເນື່ອງໃນໂອກາດສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 48 ປີ (ວັນທີ 2 ທັນວາ 1975-02 ທັນວາ 2023 ຕາງໜ້າໃຫ້ຄະນະພັກ-ຄະນະນໍາ, ສະມາຊິກພັກ, ພະນັກງານ-ລັດຖະກອນ ໃນທົ່ວລະບົບອົງການໄອຍະການປະຊາຊົນ ແຫ່ງ ສປປ ລາວ ຂໍສະແດງຄວາມຮູ້ບຸນຄຸນມາຍັງການນຳພັກ-ລັດ ແລະ ບັນດາອະດີດການນໍາ ອົງການໄອຍະການປະຊາຊົນ ທຸກຮຸ່ນ, ທຸກສະໄໝ ທີ່ຍາມໃດກໍມີຄວາມເປັນຫ່ວງເປັນໃຍ, ໃຫ້ການຊີ້ນໍາ ຢ່າງໃກ້ຊິດແກ່ການເຄື່ອນໄຫວປະຕິບັດໜ້າທີ່ວຽກງານໄອຍະການດ້ວຍດີຕະຫຼອດມາ,ຂ້າພະເຈົ້າເຊື່ອໝັ້ນວ່າ ພາຍໃຕ້ການນໍາພາຂອງພັກ ແລະ ຄວາມບຸກບືນຫ້າວຫັນຂອງສະມາຊິກພັກ, ພະນັກງານ-ລັດຖະກອນ ໃນລະບົບອົງການໄອຍະການ ພວກເຮົາພ້ອມກັນເຊີດຊູຄວາມຮັບຜິດຊອບໜ້າທີ່ການເມືອງ ດ້ວຍການພັດທະນາບຸກຄະລາກອນ ແລະ ປັບປຸງລະບົບກົງຈັກການຈັດຕັ້ງ, ໃຫ້ເຂັ້ມແຂງ, ໜັກແໜ້ນ, ສາມາດປະຕິບັດພາລະບົດບາດ, ສິດ ແລະ ໜ້າທີ່ ສູ່ຄຸນນະພາບໃໝ່ຢ່າງມີປະສິດທິພາບ.
ຂ່າວ-ພາບ: ວົງເດືອນ
