ແຂວງອຸດົມໄຊກຽມຈັດງານບຸນປະເພນີບັນດາເຜົ່າ ເພື່ອສົ່ງເສີມປີທ່ອງທ່ຽວລາວ 2024 ໂດຍຈະມີກິດຈະກຳຫຼາຍຢ່າງເປັນຕົ້ນແມ່ນວາງສະແດງ ແລະ ຈໍາໜ່າຍສິນຄ້າ; ຈັດການປະກວດຜະລິດຕະພັນກະສິກໍາ ເຊັ່ນ: ງົວງາມ ແລະ ພືດຜົນຜະລິດກະສິກໍາຕ່າງໆ;ຮັບຊົມກິດຈະກໍາຕ່າງໆ ຂອງ 4 ເຜົ່າຄື: ເຜົ່າກຶມມຸ, ເຜົ່າມົ້ງ, ເຜົ່າໄຕດໍາ ແລະ ເຜົ່າຫໍ້ ແລະກິດຈະກຳອື່ນໆອີກ.
ທ່ານບຸນຄົງຫຼ້າຈຽມພອນເຈົ້າແຂວງອຸດົມໄຊ ຖະແຫຼງກ່ຽວກັບການກະກຽມຈັດງານບຸນປະເພນີດັ່ງກ່າວວ່າ: ໃນລະຫວ່າງ ວັນທີ16–20ມັງກອນ ປີ 2024ອົງການປົກຄອງແຂວງອຸດົມໄຊ ຈະໄດ້ຈັດງານບຸນປະເພນີບັນດາເຜົ່າ ຂຶ້ນຢ່າງເປັນທາງການ ຢູ່ເດີນສະໜາມກິລາແຂວງ ເທດສະບານເມືອງໄຊແຂວງອຸດົມໄຊ.
ທ່ານເຈົ້າແຂວງອຸດົມໄຊກ່າວອີກວ່າ: ແຂວງອຸດົມໄຊ ເປັນແຂວງໜຶ່ງ ທີ່ຕັ້ງຢູ່ໃຈກາງບັນດາແຂວງ 5 ແຂວງພາກເໜືອ ຂອງ ສປປລາວ, ມີເສັ້ນທາງຄົມມະນາຄົມເຊື່ອມຕໍ່ກັບບັນດາແຂວງພາກເໜືອ ແລະ ເຊື່ອມຕໍ່ອອກໄປສູ່ຕ່າງປະເທດ ເຊັ່ນ: ສສ ຫວຽດນາມ, ຣາຊະອານາຈັກໄທ ແລະ ສປ ຈີນ. ພິເສດ ແມ່ນມີເສັ້ນທາງລົດໄຟລາວ-ຈີນຜ່ານ 3 ເມືອງ ແລະມີ 3 ສະຖານີ, ມີສາຍການບິນພາຍໃນປະເທດ ຊຶ່ງມີຄວາມສະດວກຂຶ້ນຫຼາຍ ໃນການເດີນທາງເຂົ້າມາແຂວງອຸດົມໄຊ.
ແຂວງອຸດົມໄຊ ເປັນແຂວງພູດອຍ, ປະກອບມີ12 ຊົນເຜົ່າ ດໍາລົງຊີວິດຢູ່ຮ່ວມກັນ ຊຶ່ງແຕ່ລະເຜົ່າລ້ວນແຕ່ມີວັດທະນະທໍາຮີດຄອງປະເພນີອັນດີງາມ, ພາສາປາກເວົ້າທີ່ເປັນເອກະລັກສະເພາະຂອງຕົນເອງ.ພ້ອມນີ້ ກໍມີແຫຼ່ງທ່ອງທ່ຽວທາງທໍາມະຊາດ, ປະຫວັດສາດ ແລະ ວັດທະນະທໍາ ທີ່ມີຊື່ສຽງເຊັ່ນ:ສະຖານທີ່ທ່ອງທ່ຽວທໍາມະຊາດ ນໍ້າກັດຢໍລະປ່າ, ຖໍ້າຈອມອອງ, ວັດພຣະເຈົ້າສິງຄໍາ ເມືອງຫຼາ ຊຶ່ງມີນັກທ່ອງທ່ຽວພາຍໃນ ແລະ ຕ່າງປະເທດ ເຂົ້າມາ ທ່ອງທ່ຽວ ນັບມື້ນັບຫຼາຍຂຶ້ນ ຕາມຄໍາຂວັນທີ່ວ່າ: “ທ່ຽວແຂວງອຸດົມໄຊ ໄປຊົມທໍາມະຊາດນໍ້າກັດຍໍລະປ່າ, ຊົມວັດທະນະທໍາບັນດາເຜົ່າ,ໄຫວ້ພຣະເຈົ້າສິງຄໍາ, ດື່ມນໍ້າຊາພັນປີ, ຂີ່ເຮືອຊົມທໍາມະຊາດແມ່ນໍ້າຂອງ”.
ງານບຸນປະເພນີບັນດາເຜົ່າຄັ້ງນີ້ປະກອບມີ: ເຜົ່າກຶມມຸ, ເຜົ່າມົ້ງ, ເຜົ່າຫໍ້ ແລະ ເຜົ່າໄຕດໍາ ຊຶ່ງຜ່ານມາເຄີຍຈັດໃນໄລຍະເວລາ ໃກ້ຄຽງກັນ ຈັດພໍໃຜພໍລາວ ມາຈັດຮ່ວມກັນເປັນງານໃຫຍ່ເອີ້ນວ່າ: ງານບຸນປະເພນີ ບັນດາເຜົ່າ.
ສຳລັບຈຸດປະສົງ ແລະ ເປົ້າໝາຍ ຂອງການຈັດງານໃນຄັ້ງນີ້ ເພື່ອເປັນການ ສົ່ງເສີມ, ດຶງດູດນັກທ່ອງທ່ຽວພາຍໃນ ແລະ ຕ່າງປະເທດ ເຂົ້າມາທ່ອງທ່ຽວລາວ, ທ່ອງທ່ຽວດ້ານວັດທະນະທໍາ, ທໍາມະຊາດ ຢູ່ແຂວງອຸດົມໄຊ ໃນປີ 2024 ໃຫ້ຫຼາຍຂຶ້ນ;ເພື່ອເປັນການສົ່ງເສີມ, ປົກປັກຮັກສາ, ອະນຸລັກຮັກສາ ວັດທະນະທໍາຮີດຄອງປະເພນີອັນດີງາມຂອງປະຊາຊົນບັນດາເຜົ່າ ພ້ອມທັງເປັນການເຕົ້າໂຮມຄວາມສາມັກຄີ ປອງດອງບັນດາເຜົ່າ ພາຍໃນແຂວງໃຫ້ມີຄວາມແໜ້ນແຟ້ນຍິ່ງຂຶ້ນ;ເພື່ອເປັນການສ້າງຂະບວນການຂໍ່ານັບຮັບຕ້ອນ, ສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75ປີ ແລະ ວັນວັນເກີດ ປະທານ ຄໍາໄຕ ສີພັນດອນ ຄົບຮອບ 100ປີ.
ພາຍໃນງານຈະມີກິດຈະກຳຫຼາຍຢ່າງເປັນຕົ້ນງານວາງສະແດງ ແລະ ຈໍາໜ່າຍສິນຄ້າ, ຕະຫຼາດນັດຈາກພາຍໃນ ແລະ ຕ່າງປະເທດ;ຈັດການປະກວດຜະລິດຕະພັນກະສິກໍາ ເຊັ່ນ: ງົວງາມ ແລະ ພືດຜົນຜະລິດກະສິກໍາຕ່າງໆ;ຊົມບັນດາກິດຈະກໍາຕ່າງໆ ຂອງ 4 ເຜົ່າຄື: ເຜົ່າກຶມມຸ, ເຜົ່າມົ້ງ, ເຜົ່າໄຕດໍາ ແລະ ເຜົ່າຫໍ້ ຊຶ່ງສະແດງເຖິງວັດທະນະທໍາ, ວິຖີດໍາລົງຊີວິດ, ຮີດຄອງປະເພນີ ອັນດີງາມຂອງບັນດາເຜົ່າ; ຊົມການສະແດງງານຄອນເສີດ ນັກຮ້ອງທີ່ມີຊື່ສຽງ ຈາກພາຍໃນ ແລະ ຕ່າງປະເທດ ຕິດພັນກັບການປະກວດ ນາງສາວປີທ່ອງທ່ຽວແຂວງອຸດົມໄຊ 2024.
ພິທີເປີດງານບຸນປະເພນີບັນດາເຜົ່າ ເພື່ອສົ່ງເສີມການທ່ອງທ່ຽວ ປີ 2024 ຢ່າງເປັນທາງການ ຈະໄດ້ຈັດຂຶ້ນໃນວັນທີ 18ມັງກອນ 2024.
ຂໍ້ມູນຈາກ: ແຂວງອຸດົມໄຊ
ທ່ານບຸນຄົງຫຼ້າຈຽມພອນເຈົ້າແຂວງອຸດົມໄຊ ຖະແຫຼງກ່ຽວກັບການກະກຽມຈັດງານບຸນປະເພນີດັ່ງກ່າວວ່າ: ໃນລະຫວ່າງ ວັນທີ16–20ມັງກອນ ປີ 2024ອົງການປົກຄອງແຂວງອຸດົມໄຊ ຈະໄດ້ຈັດງານບຸນປະເພນີບັນດາເຜົ່າ ຂຶ້ນຢ່າງເປັນທາງການ ຢູ່ເດີນສະໜາມກິລາແຂວງ ເທດສະບານເມືອງໄຊແຂວງອຸດົມໄຊ.
ທ່ານເຈົ້າແຂວງອຸດົມໄຊກ່າວອີກວ່າ: ແຂວງອຸດົມໄຊ ເປັນແຂວງໜຶ່ງ ທີ່ຕັ້ງຢູ່ໃຈກາງບັນດາແຂວງ 5 ແຂວງພາກເໜືອ ຂອງ ສປປລາວ, ມີເສັ້ນທາງຄົມມະນາຄົມເຊື່ອມຕໍ່ກັບບັນດາແຂວງພາກເໜືອ ແລະ ເຊື່ອມຕໍ່ອອກໄປສູ່ຕ່າງປະເທດ ເຊັ່ນ: ສສ ຫວຽດນາມ, ຣາຊະອານາຈັກໄທ ແລະ ສປ ຈີນ. ພິເສດ ແມ່ນມີເສັ້ນທາງລົດໄຟລາວ-ຈີນຜ່ານ 3 ເມືອງ ແລະມີ 3 ສະຖານີ, ມີສາຍການບິນພາຍໃນປະເທດ ຊຶ່ງມີຄວາມສະດວກຂຶ້ນຫຼາຍ ໃນການເດີນທາງເຂົ້າມາແຂວງອຸດົມໄຊ.
ແຂວງອຸດົມໄຊ ເປັນແຂວງພູດອຍ, ປະກອບມີ12 ຊົນເຜົ່າ ດໍາລົງຊີວິດຢູ່ຮ່ວມກັນ ຊຶ່ງແຕ່ລະເຜົ່າລ້ວນແຕ່ມີວັດທະນະທໍາຮີດຄອງປະເພນີອັນດີງາມ, ພາສາປາກເວົ້າທີ່ເປັນເອກະລັກສະເພາະຂອງຕົນເອງ.ພ້ອມນີ້ ກໍມີແຫຼ່ງທ່ອງທ່ຽວທາງທໍາມະຊາດ, ປະຫວັດສາດ ແລະ ວັດທະນະທໍາ ທີ່ມີຊື່ສຽງເຊັ່ນ:ສະຖານທີ່ທ່ອງທ່ຽວທໍາມະຊາດ ນໍ້າກັດຢໍລະປ່າ, ຖໍ້າຈອມອອງ, ວັດພຣະເຈົ້າສິງຄໍາ ເມືອງຫຼາ ຊຶ່ງມີນັກທ່ອງທ່ຽວພາຍໃນ ແລະ ຕ່າງປະເທດ ເຂົ້າມາ ທ່ອງທ່ຽວ ນັບມື້ນັບຫຼາຍຂຶ້ນ ຕາມຄໍາຂວັນທີ່ວ່າ: “ທ່ຽວແຂວງອຸດົມໄຊ ໄປຊົມທໍາມະຊາດນໍ້າກັດຍໍລະປ່າ, ຊົມວັດທະນະທໍາບັນດາເຜົ່າ,ໄຫວ້ພຣະເຈົ້າສິງຄໍາ, ດື່ມນໍ້າຊາພັນປີ, ຂີ່ເຮືອຊົມທໍາມະຊາດແມ່ນໍ້າຂອງ”.
ງານບຸນປະເພນີບັນດາເຜົ່າຄັ້ງນີ້ປະກອບມີ: ເຜົ່າກຶມມຸ, ເຜົ່າມົ້ງ, ເຜົ່າຫໍ້ ແລະ ເຜົ່າໄຕດໍາ ຊຶ່ງຜ່ານມາເຄີຍຈັດໃນໄລຍະເວລາ ໃກ້ຄຽງກັນ ຈັດພໍໃຜພໍລາວ ມາຈັດຮ່ວມກັນເປັນງານໃຫຍ່ເອີ້ນວ່າ: ງານບຸນປະເພນີ ບັນດາເຜົ່າ.
ສຳລັບຈຸດປະສົງ ແລະ ເປົ້າໝາຍ ຂອງການຈັດງານໃນຄັ້ງນີ້ ເພື່ອເປັນການ ສົ່ງເສີມ, ດຶງດູດນັກທ່ອງທ່ຽວພາຍໃນ ແລະ ຕ່າງປະເທດ ເຂົ້າມາທ່ອງທ່ຽວລາວ, ທ່ອງທ່ຽວດ້ານວັດທະນະທໍາ, ທໍາມະຊາດ ຢູ່ແຂວງອຸດົມໄຊ ໃນປີ 2024 ໃຫ້ຫຼາຍຂຶ້ນ;ເພື່ອເປັນການສົ່ງເສີມ, ປົກປັກຮັກສາ, ອະນຸລັກຮັກສາ ວັດທະນະທໍາຮີດຄອງປະເພນີອັນດີງາມຂອງປະຊາຊົນບັນດາເຜົ່າ ພ້ອມທັງເປັນການເຕົ້າໂຮມຄວາມສາມັກຄີ ປອງດອງບັນດາເຜົ່າ ພາຍໃນແຂວງໃຫ້ມີຄວາມແໜ້ນແຟ້ນຍິ່ງຂຶ້ນ;ເພື່ອເປັນການສ້າງຂະບວນການຂໍ່ານັບຮັບຕ້ອນ, ສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75ປີ ແລະ ວັນວັນເກີດ ປະທານ ຄໍາໄຕ ສີພັນດອນ ຄົບຮອບ 100ປີ.
ພາຍໃນງານຈະມີກິດຈະກຳຫຼາຍຢ່າງເປັນຕົ້ນງານວາງສະແດງ ແລະ ຈໍາໜ່າຍສິນຄ້າ, ຕະຫຼາດນັດຈາກພາຍໃນ ແລະ ຕ່າງປະເທດ;ຈັດການປະກວດຜະລິດຕະພັນກະສິກໍາ ເຊັ່ນ: ງົວງາມ ແລະ ພືດຜົນຜະລິດກະສິກໍາຕ່າງໆ;ຊົມບັນດາກິດຈະກໍາຕ່າງໆ ຂອງ 4 ເຜົ່າຄື: ເຜົ່າກຶມມຸ, ເຜົ່າມົ້ງ, ເຜົ່າໄຕດໍາ ແລະ ເຜົ່າຫໍ້ ຊຶ່ງສະແດງເຖິງວັດທະນະທໍາ, ວິຖີດໍາລົງຊີວິດ, ຮີດຄອງປະເພນີ ອັນດີງາມຂອງບັນດາເຜົ່າ; ຊົມການສະແດງງານຄອນເສີດ ນັກຮ້ອງທີ່ມີຊື່ສຽງ ຈາກພາຍໃນ ແລະ ຕ່າງປະເທດ ຕິດພັນກັບການປະກວດ ນາງສາວປີທ່ອງທ່ຽວແຂວງອຸດົມໄຊ 2024.
ພິທີເປີດງານບຸນປະເພນີບັນດາເຜົ່າ ເພື່ອສົ່ງເສີມການທ່ອງທ່ຽວ ປີ 2024 ຢ່າງເປັນທາງການ ຈະໄດ້ຈັດຂຶ້ນໃນວັນທີ 18ມັງກອນ 2024.
ຂໍ້ມູນຈາກ: ແຂວງອຸດົມໄຊ
