ຄວາມພະຍາຍາມໃນການຫັນເປັນດິຈິຕອນດ້ານການໄຟຟ້າ ຢ່າງຄົບຊຸດ ໄປເຖິງບັນດາຫົວໜ່ວຍສະມາຊິກ ທີ່ຂຶ້ນກັບ Unitel (ເຄື່ອງໝາຍການຄ້າ Viettel ປະຈຳລາວ) ກັບລາງວັນ2 ປະເພດຄື“ນະວັດຕະກໍາໃນການບໍລິການບໍລິຫານສາທາລະນະ” ແລະ “ນະວັດຕະກໍາຜະລິດຕະພັນ ແລະ ການບໍລິການຜູ້ບໍລິໂພກ” International Stevie Awards Asia-Pacific ເຮັດໃຫ້ Unitelໄດ້ຍົກສູງຄວາມສາມາດ ປະກອບສ່ວນພັດທະນາບັນດາວຽກງານຂອງການໄຟຟ້າ ສົ່ງເສີມການນໍາໃຊ້ເຕັກໂນໂລຊີຂໍ້ມູນຂ່າວສານ ໃນອຸດສາຫະກຳໄຟຟ້າ ເພື່ອຫັນເປັນດິຈີຕອນໃນດ້ານນີ້ ສ້າງທຸລະກິດດິຈິຕອນ ປະກອບສ່ວນໃຫ້ແກ່ການເຕີບໂຕເສດຖະກິດດິຈີຕອນຂອງລາວ ຊຶ່ງ Unitel ກໍໄດ້ເລີ່ມຕົ້ນວຽກນີ້ ມາແຕ່ເດືອນມັງກອນ ປີ 2022 ນັບແຕ່ໄດ້ເຊັນບົດບັນທຶກຄວາມເຂົ້າໃຈ (MOU) ກັບ ລັດວິາຫະກິດ ໄຟຟ້າລາວ.
Unitel ໄດ້ຍົກສູງຄວາມເຂົ້າໃຈກ່ຽວກັບວຽກງານດັ່ງກ່າວ ແກ່ບັນດາຫົວໜ່ວຍສະມາຊິກ ເພື່ອຍູ້ແຮງການປະກອບສ່ວນສົ່ງເສີມການນໍາໃຊ້ເຕັກໂນໂລຊີຂໍ້ມູນຂ່າວສານໃນອຸດສາຫະກຳໄຟຟ້າຢູ່ລາວ ຄືດັ່ງລຸ່ມນີ້:
1. ການຫັນເປັນດີຈີຕອນແມ່ນຫຍັງ?
ການຫັນເປັນດິຈິຕອນແມ່ນຂະບວນການລວມຂອງບັນດາເຕັກໂນໂລຊີດິຈິຕອນເຂົ້າໃນແງ່ຂອງການດຳເນີນທຸລະກິດ. “ການຫັນເປັນດິຈິຕອນ” ຖືກເຂົ້າໃຈເປັນຂະບວນການຂອງການປ່ຽນແປງຈາກຮູບແບບວິສາຫະກິດແບບດັ້ງເດີມ ມາເປັນວິສາຫະກິດດິຈິຕອນດ້ວຍການນໍາໃຊ້ເຕັກໂນໂລຊີໃໝ່ ເຊັ່ນ: ຖານຂໍ້ມູນຂະໜາດໃຫຍ່ (Big Data), ອິນເຕີເນັດຂອງທຸກສິ່ງ Internet of Things (loT), ການນໍາໃຊ້ການປະມວນຜົນຄຣາວ (Cloud computing) … ວິທີການປະຕິບັດງານ, ພາວະຜູ້ນໍາ, ຂະບວນການເຮັດວຽກ ແລະ ວັດທະນະທຳອົງກອນ.
2. ບົດບາດຂອງການຫັນເປັນດິຈິຕອນ ໃນການຫັນເປັນດິຈິຕອນດ້ານການໄຟຟ້າ
ສິ່ງທຳອິດ: “ການຫັນເປັນດິຈິຕອນ” ເປັນປັດໄຈທີ່ມີອິດທິພົນຕໍ່ການປ່ຽນແປງຄວາມຕ້ອງການຂອງລູກຄ້າ.
“ ສິ່ງທີສອງ:“ການຫັນເປັນດິຈິຕອນ” “ແມ່ນເຄື່ອງມືທີ່ຈະຊ່ວຍໃຫ້ບໍລິສັດຕ່າງໆມີຄວາມທັນສະໄໝຂຶ້ນ, ໂດຍສະເພາະໃນໄລຍະທີ່ພົບຄວາມຫຍຸ້ງຍາກ ທີ່ໄດ້ຮັບອິດທິພົນຈາກປັດໄຈພາຍນອກທີ່ເປັນຮູບປະທຳ, ລວມທັງປັດໄຈດ້ານລົບເຊັ່ນ Covid-19. ການຫັນເປັນດິຈິຕອນຊ່ວຍໃຫ້ຜູ້ດຳເນີນທຸລະກິດຫຼຸດຜ່ອນຄ່າໃຊ້ຈ່າຍໃນການດໍາເນີນງານ ແລະ ເຂົ້າເຖິງລູກຄ້າໄດ້ຫຼາຍຂຶ້ນ; ເຈົ້າຂອງທຸລະກິດຕັດສິນໃຈໄດ້ໄວຂຶ້ນ ແລະ ຖືກຕ້ອງຫຼາຍຂຶ້ນ; ເພີ່ມປະສິດທິພາບໃນການຜະລິດ.
ເປົ້າໝາຍສູງສຸດຂອງການຫັນເປັນດິຈິຕອນແມ່ນ: ເພີ່ມຄວາມສະດວກ ແລະ ວ່າງໄວໃນການດຳເນີນການໃນຕະຫຼາດ; ເພີ່ມຕໍາແໜ່ງຕ່າງໆໃຫ້ຫຼາຍຂຶ້ນຢູ່ໃນທ້ອງຕະຫຼາດ; ສົ່ງເສີມໃຫ້ລາຍຮັບເພີ່ມຂຶ້ນ; ເພີ່ມປະສິດທິພາບການເຮັດວຽກຂອງພະນັກງານ.
ຕາມທີ່ບັນດາຊ່ຽວຊານໄດ້ກ່າວໄວ້ວ່າ: ໝາກຜົນທີ່ບັນລຸໄດ້ຂອງການຫັນເປັນດີຈີຕອນນີ້ ບໍ່ພຽງແຕ່ແມ່ນຜົນປະໂຫຍດຕໍ່ທາງດ້ານເສດຖະກິດເທົ່ານັ້ນ, ແຕ່ຈະຍິ່ງໃຫຍ່ກວ່ານີ້ອີກໃນອະນາຄົດ.
3. ຂໍ້ຫຍຸ້ງຍາກເມື່ອຫັນປ່ຽນດີຈີຕອນດ້ານການໄຟຟ້າ
* ເບືື້ອງວິສາຫະກິດ
ເພື່ອດຳເນີນການຫັນເປັນດິຈິຕອນ, ຍັງມີໜຶ່ງປັດໄຈທີ່ເປັນສິ່ງກີດຂວາງ ນັ້ນຄື: ຍາມໃດກໍມີຄວາມຂັດແຍ້ງລະຫວ່າງ ຮຸ່ນຄົນ ຢູ່ສະເໝີ, ໂດຍສະເພາະໃນການນໍາໃຊ້ກຳມະວິທີໃໝ່ ຫຼືເຕັກໂນໂລຊີໃໝ່ໆ. ສຳລັບບໍລິສັດໄຟຟ້າ, ພະນັກງານທີ່ມີຄວາມຊຳນານ, ມີອາຍຸການສູງສ່ວນຫຼາຍລ້ວນແຕ່ຄຸ້ນເຄີຍກັບກໍາມະວິທີເຮັດວຽກແບບດັ້ງເດີມ, ແຕ່ໃນວຽກໝູນໃຊ້ລະບົບຊອບແວຍັງຊັກຊ້າແລະບັນລຸຜົນສຳເລັດຍັງບໍ່ທັນສູງ, ຢ້ານວ່າຈະມີການປ່ຽນແປງ, ຮັກສາເດີມ, ຄວາມຮັບຮູ້ຍັງບໍ່ພຽງພໍ ແລະ ຍັງບ່າຍບ່ຽງ. ນອກຈາກນັ້ນ, ງົບປະມານຍັງຈໍາກັດ ຊຶ່ງຕ້ອງຈັດສັນໃຫ້ມີຄວາມສົມດູນ ໃຫ້ບັນດາເປົ້າໝາຍອື່ນ ທີ່ຕ່າງກັນ.ດັ່ງນັ້ນ, ການຊື້ອຸປະກອນເຕັກໂນໂລຊີ ຍັງຕ້ອງໃຊ້ເວລາຫຼາຍແລະ ບໍ່ທັນມີປະສິດທິຜົນ.
- ເບື້ອງລູກຄ້າ
ບົນພື້ນຖານສັງຄົມ, ຈໍານວນປະຊາກອນ, ປະເພນີວັດທະນະທໍາ,ລະດັບການສຶກສາມີຜົນກະທົບໂດຍກົງຕໍ່ປະສິດທິພາບຂອງການເຮັດທຸລະກິດດ້ານພະລັງງານໄຟຟ້າ, ເຊັ່ນດຽວກັນກັບການຫັນເປັນດິຈິຕອນ. ບັນດາສິ່ງທີ່ກີດຂວາງລູກຄ້າກໍເປັນໜຶ່ງໃນເຫດຜົນທີ່ເຮັດໃຫ້ຂະບວນການຫັນເປັນດິຈິຕອນຊ້າລົງ. ກ່ອນອື່ນໝົດ, ແມ່ນເກີດຈາກຄວາມຮັບຮູ້, ຍ້ອນຍັງບໍ່ເຫັນໄດ້ເຖິງຄວາມຈຳເປັນ, ເມື່ອຫັນໄປສູ່ສິ່ງໃໝ່, ປ່ຽນຄວາມລຶ້ງເຄີຍການໃຊ້ຈ່າຍ ເຮັດທຸລະກຳເປັນເງິນສົດ, ການເຮັດທຸລະກໍາສ່ວນໃຫຍ່ແມ່ນໂດຍກົງ ຍ້ອນຂາດພື້ນຖານວັດຖຸເຕັກນິກ ຊຶ່ງແມ່ນບັນດາອຸປະກອນ ໃຊ້ງານສະເພາະ.
4. ການຫັນເປັນດິຈິຕອນດ້ານການໄຟຟ້າໃນການຍົກສູງປະສິດທິພາບຂອງການດຳເນີນທຸລະກິດ
ການຫັນດິຈິຕອນຊ່ວຍຍົກສູງປະສິດທິພາບ,ຫຼຸດຜ່ອນຄ່າໃຊ້ຈ່າຍໃນຂະບວນການເຕັກໂນໂລຊີ ທີ່ໃຫ້ບໍລິການລູກຄ້າ:
- ລົບລ້າງຊ່ອງຫວ່າງລະຫວ່າງພະແນກການ
ການຫັນເປັນດິຈິຕອນຊ່ວຍໃຫ້ບໍລິສັດພະລັງງານສ້າງພື້ນຖານການເຊື່ອມຕໍ່ໄດ້ການທັງໝົດ ທັງບັນດາໜ່ວຍງານ, ພະແນການພາຍໃນ. ຜ່ານການເຊື່ອມຕໍ່ເຫຼົ່ານີ້, ບັນຫາຈະໄດ້ຮັບການລະບຸ, ປ້ອງກັນກ່ອນທີ່ຈະເກີດຂຶ້ນແລະການປະສານງານເພື່ອຈັດການຢ່າງວ່ອງໄວ.
- ເພີ່ມທະວີຄວາມໂປ່ງໃສ, ປະສິດທິພາບ ແລະຄວາມຄິດສ້າງສັນໃນລະບົບການຈັດຕັ້ງບໍລິຫານຂອງບໍລິສັດ
ການຫັນເປັນດິຈິຕອນຊ່ວຍຫຼຸດຜ່ອນການເຮັດວຽກເອກະສານ, ປະຫຍັດເວລາ, ເພີ່ມປະສິດທິພາບການເຮັດວຽກ, ເພີ່ມຄວາມຖືກຕ້ອງແລະຄວາມໂປ່ງໃສ.
- ຫັນເປັນສິ່ງທີ່ດີທີ່ສຸດ ດ້ານປະສິດທິພາບຂອງພະນັກງານ
ໜຶ່ງ, ຫຼຸດຜ່ອນວຽກທີ່ມີມູນຄ່າເພີ່ມຂຶ້ນຕໍ່າ, ກັບໄປກັບມາ.ບັນດາລະບົບຊອບແວທີ່ປະສົມປະສານ, ບໍລິການການດູແລລູກຄ້າອອນໄລນ໌, chatbots(ລະບົບສົ່ງຂໍ້ຄວາມ), ... ຊ່ວຍແກ້ໄຂໂດຍສຸມໃສ່ເອກະສານ, ເພີ່ມປະສິດທິພາບ,ປະສິດທິຜົນ. ປະກອບສ່ວນຫຼຸດຜ່ອນແຮງງານ, ຍົກສູງສະມັດຕະພາບແຮງງານ, ຫຼຸດຜ່ອນລາຍຈ່າຍ, ຍົກສູງຄຸນນະພາບການບໍລິການທີ່ສະໜອງໃຫ້.
ສອງ, ຕັດເວລາຕໍ່ວຽກທີ່ມີມູນຄ່າຕ່ຳ, ດັ່ງນັ້ນພະນັກງານມີເວລາເພີ່ມເຕີມຍົກສູງດ້ານວິຊາຊີບ, ວິຊາສະເພາະແລະ ປະຕິບັດວຽກງານທີ່ມີມູນຄ່າສູງໃນການກວດສອບ ແລະ ກວດກາລະບົບ, ຮັບປະກັນສະໜອງການເຮັດທຸລະກິດການບໍລິການໄຟຟ້າຢ່າງມີປະສິດທິຜົນ.
- ຍົກສູງຄວາມສາມາດໃນການແຂ່ງຂັນ
ບັນດາບໍລິສັດໄຟຟ້າຈັດຕັ້ງຜັນຂະຫຍາຍ, ຍູ້ແຮງການນໍາໃຊ້ພື້ນຖານການບໍລິການອອນໄລນ໌. ສະນັ້ນ, ການພົວພັນກັບລູກຄ້າກາຍເປັນສະດວກ, ວ່ອງໄວ, ແກ້ໄຂບັນຫາໄຟຟ້າໄດ້ຢ່າງທັນການ, ຈໍານວນຄໍາຂັດຂ້ອງ ໄດ້ຮັບການອະທິບາຍ ເພີ່ມຂຶ້ນ ແລະ ມີປະສິດທິພາບຂຶ້ນ.... ຍົກສູງການບໍລິການເບິ່ງແຍງລູກຄ້າ ຄືດັ່ງເຮັດທຸລະກິດ ເອົາທັງປະລິມານ ແລະ ຄຸນນະພາບ.
4. ວິທີການແກ້ໄຂຂອງ Unitel (UnitelSolution) ນໍາໃຊ້ເຕັກໂນໂລຊີຂໍ້ມູນຂ່າວສານໃນອຸດສາຫະກໍາໄຟຟ້າໃນລາວ
Unitelໄດ້ລົງນາມໃນບົດບັນທຶກຄວາມເຂົ້າໃຈ (MOU)ກັບລັດວິາຫະກິດໄຟຟ້າລາວ (EDL) ວ່າດ້ວຍການສືກສາຄວາມເປັນໄປໄດ້ໃນການຮ່ວມທຸລະກິດດ້ານໂທລະຄົມມະນາຄົມ ແລະ ເຕັກໂນໂລຊີ ຂໍ້ມູນຂ່າວສານ.
ອີງຕາມMOU, ພາກສ່ວນຕ່າງໆໄດ້ຄົ້ນຄວ້າ ແລະ ນຳໃຊ້ເຄືອຂ່າຍໃຍແກ້ວນໍາແສງ OPGW ຂອງ EDL ເພື່ອໃຫ້ບໍລິການແກ່ລູກຄ້າທັງພາຍໃນ ແລະ ຕ່າງປະເທດ, ຄ່ຽງຄູ່ກັນກໍຄົ້ນຄວ້າຜະລິດຕະພັນໄອຊີທີ, ສະໜອງການບໍລິການ ການອ່ານມິເຕີຂັ້ນສູງ (AMR)/ການວັດແທກມິເຕີຂັ້ນສູງ (AMI)ແລະ ອິນເຕີເນັດໃຫ້ EDL.
MOUດັ່ງກ່າວ, ຍັງລວມມີການສຶກສາຄວາມເປັນໄປໄດ້ໃນການນຳໃຊ້ໂຄງລ່າງພື້ນຖານຂອງ EDL ເພື່ອສະໜັບສະໜູນການປັບປຸງ ແລະ ຂະຫຍາຍເຄືອຂ່າຍສັນຍານຂອງ Unitelໃນເຂດຕົວເມືອງ.
ສອງຝ່າຍຍັງໄດ້ເຫັນດີນຳໃຊ້ການຊຳລະຄ່າໄຟຟ້າໂດຍຜ່ານການບໍລິການ U-Money, e-wallet, ເປັນແນວຄວາມຄິດທີ່ອຳນວຍຄວາມສະດວກໃຫ້ຜູ້ຊົມໃຊ້ໄຟຟ້າຢູ່ຊົນນະບົດ ແລະ ເຂດຫ່າງໄກສອກຫຼີກ.
ສອງຝ່າຍເຫັນດີເປັນເອກະສັນກັນຄົ້ນຄວ້າການແລກປ່ຽນຊັບພະຍາກອນມະນຸດດ້ານວິຊາການຂອງສອງຝ່າຍໃນການຮັກສາ ແລະ ສ້ອມແປງລະບົບໄຟຟ້າ ແລະ ໂທລະຄົມ; ຮ່ວມມືຄົ້ນຄວ້າ ໝູນໃຊ້ເຕັກໂນໂລຊີ ໃນການສະໜອງບໍລິການຫັນເປັນດິຈີຕອນດ້ານຊອບແວໂລບອສ ທີ່ຮຽນແບບພຶດຕິກຳມະນຸດ (RPA)ແລະ ການປະມວນຜົນແບບຄລາວ (cloud computing digital services cloud), ການທົດສອບເຈາະ (penetration testing), ການຕິດຕາມດັດຊະນີຕົວຊີ້ວັດຄວາມສຳເລັດ(KPI monitoring). ຜ່ານການເຄື່ອນໄຫວໃນກອບMOU, ບັນດາຜູ້ນຳວິສາຫະກິດໃຫ້ຮູ້ວ່າ:ການຮ່ວມມືຂອງສອງປະເທດແມ່ນແນໃສ່ຊຸກຍູ້ການນຳໃຊ້ລະບົບດີຈີຕອນ ແລະ ເຕັກໂນໂລຢີເພື່ອຍົກສູງການຄຸ້ມຄອງ ແລະ ສະໜອງການບໍລິການລູກຄ້າ.
