ຫວ່າງບໍ່ດົນມານີ້, ເມືອງລອງ ແຂວງຫຼວງນໍ້າທາ ໄດ້ເປີດຂະບວນການສໍາຫຼວດແຫຼ່ງທ່ອງທ່ຽວ ລ່ອງເຮືອສາຍນໍ້າມະ-ນໍ້າລອງ ຮອດນໍ້າຂອງ ບ້ານຊຽງກົກໃໝ່ ຮ່ວມກັບບໍລິສັດອຸດົມຊັບວິສະວະກໍາກໍ່ສ້າງ ແລະ ກະສິກໍາຈໍາກັດ, ໂດຍ ມີທ່ານ ເພັດສະຫວັນ ຈິດດາລາ ຮອງເລຂາພັກເມືອງ ຜູ້ຊີ້ນໍາວຽກງານການເມືອງແນວຄິດພັກ-ພະນັກງານ, ທ່ານ ນາງ ຈັນຄໍາ ທໍຄໍາເໝົາ ກໍາມະການປະຈໍາພັກເມືອງ ຮອງເຈົ້າເມືອງ ຜູ້ຊີ້ນໍາຂົງເຂດວັດທະນະທໍາ-ສັງຄົມ, ມີ ຫົວໜ້າຫ້ອງການ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ, ຜູ້ອໍານວຍການບໍລິສັດ ອຸດົມຊັບ ວິສະວະກໍາ ກໍ່ສ້າງ ແລະ ກະສິກໍາ ຈໍາກັດ ແລະ ພາກສ່ວນທີ່ກ່ຽວເຂົ້າຮ່ວມ.
ທ່ານ ເພັດສະຫວັນ ຈິດດາລາ ຮອງເລຂາພັກເມືອງ ຜູ້ຊີ້ນໍາວຽກງານການເມືອງແນວຄິດພັກ-ພະນັກງານ ໄດ້ຍົກໃຫ້ເຫັນເຖິງຄວາມໝາຍ, ຄວາມສໍາຄັນໃນການສໍາຫຼວດແຫຼ່ງທ່ອງທ່ຽວ ເພື່ອເປັນບ່ອນອີງໃຫ້ແກ່ການພັດທະນາໃຫ້ກາຍເປັນສະຖານທີ່ທ່ອງທ່ຽວເພື່ອຮອງຮັບແຂກພາຍໃນ ແລະ ຕ່າງປະເທດ ທີ່ຈະເຂົ້າມາທ່ອງທ່ຽວເມືອງລອງນັບມື້ນັບເພີ່ມຂຶ້ນ ທັງເປັນການສ້າງລາຍຮັບທາງກົງ ແລະ ທາງອ້ອມໃຫ້ແກ່ປະຊາຊົນຜູ້ທີ່ເຂົ້າຮ່ວມກິດຈະກໍາ ແລະ ໄດ້ເນັ້ນໜັກໃຫ້ຄະນະລົງສໍາຫຼວດແຫຼ່ງທ່ອງທ່ຽວຈົ່ງເອົາໃຈໃສ່ປະຕິບັດໜ້າທີ່ໃນການລ່ອງເຮືອສໍາຫຼວດຕາມຫຼັກວິຊາການ ເພື່ອເປັນຂໍ້ມູນນໍາມາວິໄຈ ແລະ ພັດທະນາໃຫ້ກາຍເປັນສະຖານທີ່ທ່ອງທ່ຽວໃນອະນາຄົດ ພ້ອມທັງ ອວຍພອນໃຫ້ນັກສໍາຫຼວດຈົ່ງເດີນທາງດ້ວຍຄວາມສະຫວັດດີພາບ ແລະ ມີຄວາມປອດໄພທຸກປະການ ການລົງສໍາຫຼວດໃນຄັ້ງນີ ແມ່ນຮ່ວມກັບ ບໍລິສັດ ອຸດົມຊັບ ວິສະວະກໍາ ກໍ່ສ້າງ ແລະ ກະສິກໍາ ຈໍາກັດ ເລີ່ມຕັ້ງແຕ່ວັນທີ 5-10 ທັນວາ 2023 ໂດຍໄດ້ລົງສໍາຫຼວດແຫຼ່ງທ່ອງທ່ຽວ ລ່ອງເຮືອກາຍັກ ຕາມສອງສາຍນໍ້າຄື: ນໍ້າລອງ ແລະ ນໍ້າມະ ຈໍານວນ 3 ຈຸດ, ຈາກບ້ານທາດ ຫາ ທ່າວັດບ້ານຫຼວງຜາຄໍາ, ຈາກທ່າວັດບ້ານຫຼວງຜາຄໍາ ຫາ ປາກນໍ້າມະ ປ່ອງໃສ່ນໍ້າຂອງ (ບ້ານຊຽງກົກໃໝ່) ແລະ ລ່ອງເຮືອກາຍັກຈາກເຂື່ອນໄຟຟ້ານໍ້າລອງ 2 ຫາ ປາກນໍ້າລອງ ເພື່ອເປັນການສໍາຫຼວດຕາມແຜນຍຸດທະສາດ, ພັດທະນາ ແລະ ສົ່ງເສີມການທ່ອງທ່ຽວເມືອງລອງ 5 ປີ ແຕ່ປີ 2020-2025 ແລະ ຕາມແຜນກິດຈະກໍາ ໃນການຈັດປີທ່ອງທ່ຽວລາວ 2024 ຢູ່ ເມືອງລອງ ທັງເປັນການພັດທະນາການທ່ອງທ່ຽວເມືອງລອງໃຫ້ມີຫຼາກຫຼາຍ, ສ້າງກິດຈະກໍາທີ່ໜ້າສົນໃຈ ແລະ ເປັນໃບໜ້າໃໝ່ໃຫ້ແກ່ເມືອງລອງ ພ້ອມທັງເປັນການປົກປັກຮັກສາແຫຼ່ງທ່ອງທ່ຽວທາງດ້ານທໍາມະຊາດ ແລະ ວັດທະນະທໍາຕິດພັນກັບການປົກປັກຮັກສາປ່າໄມ້ ແລະ ສິ່ງແວດລ້ອມທາງນໍ້າ,ເປັນການປູກຈິດສໍານຶກໃຫ້ປະຊາຊົນເຂົ້າໃຈຕໍ່ວຽກງານການທ່ອງທ່ຽວ ແລະ ດຶງດູດນັກທ່ອງທ່ຽວໃຫ້ເຂົ້າມາທ່ອງທ່ຽວເມືອງລອງ ໃຫ້ນັບມື້ນັບຫຼາຍຂຶ້ນ.
ຂ່າວ-ພາບ: ສົມພອນ
ທ່ານ ເພັດສະຫວັນ ຈິດດາລາ ຮອງເລຂາພັກເມືອງ ຜູ້ຊີ້ນໍາວຽກງານການເມືອງແນວຄິດພັກ-ພະນັກງານ ໄດ້ຍົກໃຫ້ເຫັນເຖິງຄວາມໝາຍ, ຄວາມສໍາຄັນໃນການສໍາຫຼວດແຫຼ່ງທ່ອງທ່ຽວ ເພື່ອເປັນບ່ອນອີງໃຫ້ແກ່ການພັດທະນາໃຫ້ກາຍເປັນສະຖານທີ່ທ່ອງທ່ຽວເພື່ອຮອງຮັບແຂກພາຍໃນ ແລະ ຕ່າງປະເທດ ທີ່ຈະເຂົ້າມາທ່ອງທ່ຽວເມືອງລອງນັບມື້ນັບເພີ່ມຂຶ້ນ ທັງເປັນການສ້າງລາຍຮັບທາງກົງ ແລະ ທາງອ້ອມໃຫ້ແກ່ປະຊາຊົນຜູ້ທີ່ເຂົ້າຮ່ວມກິດຈະກໍາ ແລະ ໄດ້ເນັ້ນໜັກໃຫ້ຄະນະລົງສໍາຫຼວດແຫຼ່ງທ່ອງທ່ຽວຈົ່ງເອົາໃຈໃສ່ປະຕິບັດໜ້າທີ່ໃນການລ່ອງເຮືອສໍາຫຼວດຕາມຫຼັກວິຊາການ ເພື່ອເປັນຂໍ້ມູນນໍາມາວິໄຈ ແລະ ພັດທະນາໃຫ້ກາຍເປັນສະຖານທີ່ທ່ອງທ່ຽວໃນອະນາຄົດ ພ້ອມທັງ ອວຍພອນໃຫ້ນັກສໍາຫຼວດຈົ່ງເດີນທາງດ້ວຍຄວາມສະຫວັດດີພາບ ແລະ ມີຄວາມປອດໄພທຸກປະການ ການລົງສໍາຫຼວດໃນຄັ້ງນີ ແມ່ນຮ່ວມກັບ ບໍລິສັດ ອຸດົມຊັບ ວິສະວະກໍາ ກໍ່ສ້າງ ແລະ ກະສິກໍາ ຈໍາກັດ ເລີ່ມຕັ້ງແຕ່ວັນທີ 5-10 ທັນວາ 2023 ໂດຍໄດ້ລົງສໍາຫຼວດແຫຼ່ງທ່ອງທ່ຽວ ລ່ອງເຮືອກາຍັກ ຕາມສອງສາຍນໍ້າຄື: ນໍ້າລອງ ແລະ ນໍ້າມະ ຈໍານວນ 3 ຈຸດ, ຈາກບ້ານທາດ ຫາ ທ່າວັດບ້ານຫຼວງຜາຄໍາ, ຈາກທ່າວັດບ້ານຫຼວງຜາຄໍາ ຫາ ປາກນໍ້າມະ ປ່ອງໃສ່ນໍ້າຂອງ (ບ້ານຊຽງກົກໃໝ່) ແລະ ລ່ອງເຮືອກາຍັກຈາກເຂື່ອນໄຟຟ້ານໍ້າລອງ 2 ຫາ ປາກນໍ້າລອງ ເພື່ອເປັນການສໍາຫຼວດຕາມແຜນຍຸດທະສາດ, ພັດທະນາ ແລະ ສົ່ງເສີມການທ່ອງທ່ຽວເມືອງລອງ 5 ປີ ແຕ່ປີ 2020-2025 ແລະ ຕາມແຜນກິດຈະກໍາ ໃນການຈັດປີທ່ອງທ່ຽວລາວ 2024 ຢູ່ ເມືອງລອງ ທັງເປັນການພັດທະນາການທ່ອງທ່ຽວເມືອງລອງໃຫ້ມີຫຼາກຫຼາຍ, ສ້າງກິດຈະກໍາທີ່ໜ້າສົນໃຈ ແລະ ເປັນໃບໜ້າໃໝ່ໃຫ້ແກ່ເມືອງລອງ ພ້ອມທັງເປັນການປົກປັກຮັກສາແຫຼ່ງທ່ອງທ່ຽວທາງດ້ານທໍາມະຊາດ ແລະ ວັດທະນະທໍາຕິດພັນກັບການປົກປັກຮັກສາປ່າໄມ້ ແລະ ສິ່ງແວດລ້ອມທາງນໍ້າ,ເປັນການປູກຈິດສໍານຶກໃຫ້ປະຊາຊົນເຂົ້າໃຈຕໍ່ວຽກງານການທ່ອງທ່ຽວ ແລະ ດຶງດູດນັກທ່ອງທ່ຽວໃຫ້ເຂົ້າມາທ່ອງທ່ຽວເມືອງລອງ ໃຫ້ນັບມື້ນັບຫຼາຍຂຶ້ນ.
ຂ່າວ-ພາບ: ສົມພອນ
