ໂດຍ: ຄໍາໃໝ່ ສັງທອງເພັດ
ກອງພັນໃຫຍ່ 605 ແມ່ນກອງພັນປືນໃຫຍ່ເອກະລາດ, ເປັນກອງພັນເຄື່ອນທີ່ເອກະລາດຂອງກະຊວງປ້ອງກັນປະເທດ. ພາຍໃຕ້ການບັນຊາໂດຍກົງຂອງກົມໃຫຍ່ເສນາທິການກອງທັບ ແລະ ກົມປືນໃຫຍ່ໜ້າດິນທາງດ້ານວິຊາສະເພາະ, ໂດຍສືບທອດມູນເຊື້ອມາຈາກກອງພັນປືນໃຫຍ່ໜ້າດິນໝາຍເລກ 605ຊຶ່ງເປັນກົມກອງທໍາອິດຂອງເຫຼົ່າຮົບປືນໃຫຍ່ໜ້າດິນ ກອງທັບປົດປ່ອຍປະຊາຊົນລາວໃນເມື່ອກ່ອນໄດ້ຮັບການສ້າງຕັ້ງຂຶ້ນໃນວັນທີ 15 ທັນວາ 1954 ຢູ່ຖານທີ່ໝັ້ນຂອງການປະຕິວັດແຂວງຫົວພັນ, ຜູ້ບັນຊາການປະກອບມີສະຫາຍ ພົມມາ ດວງມາລາ ເປັນຫົວໜ້າການທະຫານ, ສະຫາຍ ສີພອນ ຜາລີຂັນ ເປັນຫົວໜ້າການເມືອງ, ການຈັດຕັ້ງໃນເບື້ອງຕົ້ນມີ 7 ກອງຮ້ອຍ, ໃນນັ້ນມີ 3 ກອງຮ້ອຍປະກອບອາວຸດປືນໃຫຍ່ແບກຫາບສ່ວນຫຼາຍຢຶດໄດ້ຈາກສັດຕູເຊັ່ນ: ປືນຄົກ 81 ມມ, ເດກາ 57 ມມ ແລະ 4 ກອງຮ້ອຍເຮັດໜ້າທີ່ເປັນກອງລໍາລຽງຂົນສົ່ງອາວຸດ-ກະສູນໃຫ້ສະໜາມຮົບແຕ່ລະທິດສາມາດເຮັດສໍາເລັດໜ້າທີ່ເປັນກໍາລັງໄຟຊ່ວຍໜູນຕົ້ນຕໍຂອງຫຼາຍບັ້ນຮົບ, ບັ້ນຕີສໍາຄັນທີ່ມີຄວາມໝາຍຕັດສິນທາງດ້ານຍຸດທະວິທີ, ຍຸດທະບັ້ນຮົບ ແລະ ຍຸດທະສາດຂອງຂະບວນການຕໍ່ສູ້ປະຕິວັດຊາດຢູ່ປະເທດເຮົາ.
ສະຫາຍພັນເອກ ປະເສີດ ທ່ຽງທໍາ ຫົວໜ້າການທະຫານກອງພັນໃຫຍ່ 605 ໃຫ້ຮູ້ວ່າ: ພາຍຫຼັງທີ່ໄດ້ຮັບການສ້າງຕັ້ງຂຶ້ນຄະນະພັກ-ຄະນະບັນຊາ, ພະນັກງານ-ນັກຮົບກອງພັນໃຫຍ່ 605 ໄດ້ຄຽງບ່າຄຽງໄຫຼ່ກັບບັນດາກົມກອງເພື່ອນ ແລະ ເຫຼົ່າຮົບອື່ນໆໃນທົ່ວກອງທັບ ດໍາເນີນພາລະກິດການປະຕິດວັດຕໍ່ສູ້ປົດປ່ອຍຊາດຢ່າງດຸເດືອດຂ້ຽວຂາດ, ລະອິດລະອ້ຽວ ແລະ ເຕັມໄປດ້ວຍນໍ້າໃຈຮັກຊາດອັນສູງສົ່ງ, ຍອມເສຍສະຫຼະຊີວິດເລືອດເນື້ອ ເພື່ອພາລະກິດຕໍ່ສູ້ປົດປ່ອຍຊາດໃນຕະຫຼອດໄລຍະເວລາ 20 ກວ່າປີ (1954–1975) ທີ່ກົມກອງໄດ້ເຮັດໜ້າທີ່ສູ້ຮົບ, ທັງເຮັດໜ້າທີ່ຮໍ່າຮຽນຢູ່ໃນສະໜາມຮົບຕົວຈິງ ພ້ອມທັງເຄື່ອນໄຫວປັບປຸງກໍ່ສ້າງກໍາລັງທາງດ້ານການຈັດຕັ້ງ, ການປະກອບພາຫະນະ-ອາວຸດຈາກອາວຸດປືນໃຫຍ່ແບກຫາບ ກ້າວໄປເຖິງການປະກອບປືນໃຫຍ່ລາກແກ່ທີ່ທັນສະໄໜເປັນກ້າວໆມາ ສາມາດເຮັດສໍາເລັດໜ້າທີ່ການເມືອງຂອງຕົນຍາດໄດ້ຜົນງານ, ໄຊຊະນະອັນໃຫຍ່ຫຼວງປະກອບສ່ວນເຂົ້າໃນໄຊຊະນະລວມຂອງປະເທດຊາດ ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກະຊວງປ້ອງກັນປະເທດໄດ້ຕົກລົງປະກາດສ້າງຕັ້ງກອງພັນໃຫຍ່ 605 ໃນວັນທີ 26 ສິງຫາ 1985 ຈົນເຖິງປັດຈຸບັນ ສັງລວມໄດ້ວ່າ: ຕະຫຼອດໄລຍະເວລາແຫ່ງການກໍາເນີດເຕີບໃຫຍ່ຂະຫຍາຍຕົວກວ່າເຄິ່ງສະຕະວັດທີ່ຜ່ານມາ ກົມກອງໄດ້ຜ່ານຜ່າອຸປະສັກ, ຄວາມຫຍຸ້ງຍາກນາໆປະການ, ສ້າງໄດ້ມູນເຊື້ອອັນສະຫງ່າງາມທີ່ຕິດພັນກັບມູນເຊື້ອຂອງກອງທັບປະຊາຊົນລາວ, ຈາກພຶດຕິກໍາຕົວຈິງກົມກອງສາມາດສ້າງໄດ້ບົດຮຽນອັນລໍ້າຄ່າໃຫ້ແກ່ພະນັກງານ-ນັກຮົບ, ເຫຼົ່າຮົບປືນໃຫຍ່ໜ້າດິນຮຸ່ນສືບທອດປ່ຽນແທນ. ເວົ້າລວມ-ເວົ້າສະເພາະແມ່ນພະນັກງານ-ນັກຮົບກອງພັນໃຫຍ່ 605 ໄດ້ສຶກສາຮຽນຮູ້ ແລະ ໝູນໃຊ້ເຂົ້າໃນໜ້າທີ່ວຽກງານຕົວຈິງຂອງຕົນຢ່າງປະດິດສ້າງ ເຮັດໃຫ້ກົມກອງມີການກໍາເນີດເຕີບໃຫຍ່ຂະຫຍາຍຕົວດ້ວຍບາດກ້າວທີ່ໜັກແໜ້ນຢ່າງບໍ່ຢຸດຢັ້ງ. ຈາກຜົນງານໄຊຊະນະໃນຕະຫຼອດໄລຍະ 69 ປີຜ່ານມາ, ພັກ-ລັດຖະບານ, ອົງການຈັດຕັ້ງຂັ້ນເທິງ ໄດ້ໃຫ້ການຍ້ອງຍໍຜົນງານປະເພດຕ່າງໆໃຫ້ກົມກອງລວມໝູ່ ແລະ ບຸກຄົນຢ່າງສົມກຽດເປັນຕົ້ນແມ່ນ ກົມກອງໄດ້ຮັບທຸງໄຊວິລະຊົນ 4 ກົມກອງ, ນາມມະຍົດກົມກອງວິລະຊົນ 2 ກົມກອງ, ຫຼຽນໄຊອິດສະຫຼະຊັ້ນ I, ຊັ້ນ II, ຊັ້ນ III ຈໍານວນໜຶ່ງ, ບຸກຄົນໄດ້ຮັບນາມມະຍົດວິລະຊົນແຫ່ງຊາດ 3 ສະຫາຍ, ນັກຮົບແຂ່ງຂັນ 18 ສະຫາຍ, ຫຼຽນໄຊ ແລະ ໃບຍ້ອງຍໍປະເພດຕ່າງໆເປັນຈໍານວນຫຼວງຫຼາຍ.
ສະຫາຍພັນເອກ ປະເສີດ ທ່ຽງທໍາ ໃຫ້ຮູ້ຕື່ມວ່າ: ໃນຕໍ່ໜ້າຄະນະພັກ-ຄະນະບັນຊາທຸກຂັ້ນ ຈົ່ງພ້ອມກັນສືບຕໍ່ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ ເຂົ້າໃນການສຶກສາອົບຮົບການເມືອງ-ນໍາພາແນວຄິດໃຫ້ພະນັກງານ-ນັກຮົບ ມີຄວາມຮັບຮູ້ເຊື່ອມຊຶມກໍາແໜ້ນຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກໍານົດກົດລະບຽບຂອງກອງທັບ ກໍຄືຂອງກົມກອງວາງອອກ, ເອົາໃຈໃສ່ອອກແຮງເຄື່ອນໄຫວພັດທະນາປັບປຸງກໍ່ສ້າງກົມກອງໃຫ້ມີລະບຽບແບບແຜນທີ່ທັນສະໄໝ, ສຸມໃສ່ຈັດຕັ້ງປະຕິບັດລະບອບຄຸ້ມຄອງ, ບົວລະບັດຜັດເຊັດ, ພາຫະນະເຕັກນິກ, ອາວຸດໃຫ້ເປັນປົກກະຕິ ເພື່ອຮັບປະກັນໃຫ້ວຽກງານອົບຮົມຫັດແອບ, ປັບປຸງກໍ່ສ້າງກໍາລັງ, ວຽກງານກຽມພ້ອມສູ້ຮົບ-ສູ້ຮົບມີໄຊຂອງກອງທັບໃນສະເພາະໜ້າ ແລະ ຍາວນານ, ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງຊາດ, ຂອງພັກ, ຂອງກອງທັບ, ຂອງເຫຼົ່າຮົບປືນໃຫຍ່ໜ້າດິນ ກໍຄືຂອງກົມກອງເຂົ້າໃນການເຄື່ອນໄຫວຈັດຕັ້ງປະຕິບັດວຽກງານຕາມພາລະບົດບາດ, ໜ້າທີ່ການເມືອງຂອງກົມກອງໃຫ້ເກີດດອກອອກຜົນ ເພື່ອກຽມພ້ອມເຮັດສໍາເລັດໜ້າທີ່ວຽກງານຕາມຄວາມໄວ້ເນື້ອເຊື່ອໃຈຂອງພັກ-ລັດຖະບານ, ຂອງກອງທັບ ແລະ ປະຊາຊົນລາວບັນດາເຜົ່າມອບໝາຍໃຫ້.
ກອງພັນໃຫຍ່ 605 ແມ່ນກອງພັນປືນໃຫຍ່ເອກະລາດ, ເປັນກອງພັນເຄື່ອນທີ່ເອກະລາດຂອງກະຊວງປ້ອງກັນປະເທດ. ພາຍໃຕ້ການບັນຊາໂດຍກົງຂອງກົມໃຫຍ່ເສນາທິການກອງທັບ ແລະ ກົມປືນໃຫຍ່ໜ້າດິນທາງດ້ານວິຊາສະເພາະ, ໂດຍສືບທອດມູນເຊື້ອມາຈາກກອງພັນປືນໃຫຍ່ໜ້າດິນໝາຍເລກ 605ຊຶ່ງເປັນກົມກອງທໍາອິດຂອງເຫຼົ່າຮົບປືນໃຫຍ່ໜ້າດິນ ກອງທັບປົດປ່ອຍປະຊາຊົນລາວໃນເມື່ອກ່ອນໄດ້ຮັບການສ້າງຕັ້ງຂຶ້ນໃນວັນທີ 15 ທັນວາ 1954 ຢູ່ຖານທີ່ໝັ້ນຂອງການປະຕິວັດແຂວງຫົວພັນ, ຜູ້ບັນຊາການປະກອບມີສະຫາຍ ພົມມາ ດວງມາລາ ເປັນຫົວໜ້າການທະຫານ, ສະຫາຍ ສີພອນ ຜາລີຂັນ ເປັນຫົວໜ້າການເມືອງ, ການຈັດຕັ້ງໃນເບື້ອງຕົ້ນມີ 7 ກອງຮ້ອຍ, ໃນນັ້ນມີ 3 ກອງຮ້ອຍປະກອບອາວຸດປືນໃຫຍ່ແບກຫາບສ່ວນຫຼາຍຢຶດໄດ້ຈາກສັດຕູເຊັ່ນ: ປືນຄົກ 81 ມມ, ເດກາ 57 ມມ ແລະ 4 ກອງຮ້ອຍເຮັດໜ້າທີ່ເປັນກອງລໍາລຽງຂົນສົ່ງອາວຸດ-ກະສູນໃຫ້ສະໜາມຮົບແຕ່ລະທິດສາມາດເຮັດສໍາເລັດໜ້າທີ່ເປັນກໍາລັງໄຟຊ່ວຍໜູນຕົ້ນຕໍຂອງຫຼາຍບັ້ນຮົບ, ບັ້ນຕີສໍາຄັນທີ່ມີຄວາມໝາຍຕັດສິນທາງດ້ານຍຸດທະວິທີ, ຍຸດທະບັ້ນຮົບ ແລະ ຍຸດທະສາດຂອງຂະບວນການຕໍ່ສູ້ປະຕິວັດຊາດຢູ່ປະເທດເຮົາ.
ສະຫາຍພັນເອກ ປະເສີດ ທ່ຽງທໍາ ຫົວໜ້າການທະຫານກອງພັນໃຫຍ່ 605 ໃຫ້ຮູ້ວ່າ: ພາຍຫຼັງທີ່ໄດ້ຮັບການສ້າງຕັ້ງຂຶ້ນຄະນະພັກ-ຄະນະບັນຊາ, ພະນັກງານ-ນັກຮົບກອງພັນໃຫຍ່ 605 ໄດ້ຄຽງບ່າຄຽງໄຫຼ່ກັບບັນດາກົມກອງເພື່ອນ ແລະ ເຫຼົ່າຮົບອື່ນໆໃນທົ່ວກອງທັບ ດໍາເນີນພາລະກິດການປະຕິດວັດຕໍ່ສູ້ປົດປ່ອຍຊາດຢ່າງດຸເດືອດຂ້ຽວຂາດ, ລະອິດລະອ້ຽວ ແລະ ເຕັມໄປດ້ວຍນໍ້າໃຈຮັກຊາດອັນສູງສົ່ງ, ຍອມເສຍສະຫຼະຊີວິດເລືອດເນື້ອ ເພື່ອພາລະກິດຕໍ່ສູ້ປົດປ່ອຍຊາດໃນຕະຫຼອດໄລຍະເວລາ 20 ກວ່າປີ (1954–1975) ທີ່ກົມກອງໄດ້ເຮັດໜ້າທີ່ສູ້ຮົບ, ທັງເຮັດໜ້າທີ່ຮໍ່າຮຽນຢູ່ໃນສະໜາມຮົບຕົວຈິງ ພ້ອມທັງເຄື່ອນໄຫວປັບປຸງກໍ່ສ້າງກໍາລັງທາງດ້ານການຈັດຕັ້ງ, ການປະກອບພາຫະນະ-ອາວຸດຈາກອາວຸດປືນໃຫຍ່ແບກຫາບ ກ້າວໄປເຖິງການປະກອບປືນໃຫຍ່ລາກແກ່ທີ່ທັນສະໄໜເປັນກ້າວໆມາ ສາມາດເຮັດສໍາເລັດໜ້າທີ່ການເມືອງຂອງຕົນຍາດໄດ້ຜົນງານ, ໄຊຊະນະອັນໃຫຍ່ຫຼວງປະກອບສ່ວນເຂົ້າໃນໄຊຊະນະລວມຂອງປະເທດຊາດ ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກະຊວງປ້ອງກັນປະເທດໄດ້ຕົກລົງປະກາດສ້າງຕັ້ງກອງພັນໃຫຍ່ 605 ໃນວັນທີ 26 ສິງຫາ 1985 ຈົນເຖິງປັດຈຸບັນ ສັງລວມໄດ້ວ່າ: ຕະຫຼອດໄລຍະເວລາແຫ່ງການກໍາເນີດເຕີບໃຫຍ່ຂະຫຍາຍຕົວກວ່າເຄິ່ງສະຕະວັດທີ່ຜ່ານມາ ກົມກອງໄດ້ຜ່ານຜ່າອຸປະສັກ, ຄວາມຫຍຸ້ງຍາກນາໆປະການ, ສ້າງໄດ້ມູນເຊື້ອອັນສະຫງ່າງາມທີ່ຕິດພັນກັບມູນເຊື້ອຂອງກອງທັບປະຊາຊົນລາວ, ຈາກພຶດຕິກໍາຕົວຈິງກົມກອງສາມາດສ້າງໄດ້ບົດຮຽນອັນລໍ້າຄ່າໃຫ້ແກ່ພະນັກງານ-ນັກຮົບ, ເຫຼົ່າຮົບປືນໃຫຍ່ໜ້າດິນຮຸ່ນສືບທອດປ່ຽນແທນ. ເວົ້າລວມ-ເວົ້າສະເພາະແມ່ນພະນັກງານ-ນັກຮົບກອງພັນໃຫຍ່ 605 ໄດ້ສຶກສາຮຽນຮູ້ ແລະ ໝູນໃຊ້ເຂົ້າໃນໜ້າທີ່ວຽກງານຕົວຈິງຂອງຕົນຢ່າງປະດິດສ້າງ ເຮັດໃຫ້ກົມກອງມີການກໍາເນີດເຕີບໃຫຍ່ຂະຫຍາຍຕົວດ້ວຍບາດກ້າວທີ່ໜັກແໜ້ນຢ່າງບໍ່ຢຸດຢັ້ງ. ຈາກຜົນງານໄຊຊະນະໃນຕະຫຼອດໄລຍະ 69 ປີຜ່ານມາ, ພັກ-ລັດຖະບານ, ອົງການຈັດຕັ້ງຂັ້ນເທິງ ໄດ້ໃຫ້ການຍ້ອງຍໍຜົນງານປະເພດຕ່າງໆໃຫ້ກົມກອງລວມໝູ່ ແລະ ບຸກຄົນຢ່າງສົມກຽດເປັນຕົ້ນແມ່ນ ກົມກອງໄດ້ຮັບທຸງໄຊວິລະຊົນ 4 ກົມກອງ, ນາມມະຍົດກົມກອງວິລະຊົນ 2 ກົມກອງ, ຫຼຽນໄຊອິດສະຫຼະຊັ້ນ I, ຊັ້ນ II, ຊັ້ນ III ຈໍານວນໜຶ່ງ, ບຸກຄົນໄດ້ຮັບນາມມະຍົດວິລະຊົນແຫ່ງຊາດ 3 ສະຫາຍ, ນັກຮົບແຂ່ງຂັນ 18 ສະຫາຍ, ຫຼຽນໄຊ ແລະ ໃບຍ້ອງຍໍປະເພດຕ່າງໆເປັນຈໍານວນຫຼວງຫຼາຍ.
ສະຫາຍພັນເອກ ປະເສີດ ທ່ຽງທໍາ ໃຫ້ຮູ້ຕື່ມວ່າ: ໃນຕໍ່ໜ້າຄະນະພັກ-ຄະນະບັນຊາທຸກຂັ້ນ ຈົ່ງພ້ອມກັນສືບຕໍ່ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ ເຂົ້າໃນການສຶກສາອົບຮົບການເມືອງ-ນໍາພາແນວຄິດໃຫ້ພະນັກງານ-ນັກຮົບ ມີຄວາມຮັບຮູ້ເຊື່ອມຊຶມກໍາແໜ້ນຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກໍານົດກົດລະບຽບຂອງກອງທັບ ກໍຄືຂອງກົມກອງວາງອອກ, ເອົາໃຈໃສ່ອອກແຮງເຄື່ອນໄຫວພັດທະນາປັບປຸງກໍ່ສ້າງກົມກອງໃຫ້ມີລະບຽບແບບແຜນທີ່ທັນສະໄໝ, ສຸມໃສ່ຈັດຕັ້ງປະຕິບັດລະບອບຄຸ້ມຄອງ, ບົວລະບັດຜັດເຊັດ, ພາຫະນະເຕັກນິກ, ອາວຸດໃຫ້ເປັນປົກກະຕິ ເພື່ອຮັບປະກັນໃຫ້ວຽກງານອົບຮົມຫັດແອບ, ປັບປຸງກໍ່ສ້າງກໍາລັງ, ວຽກງານກຽມພ້ອມສູ້ຮົບ-ສູ້ຮົບມີໄຊຂອງກອງທັບໃນສະເພາະໜ້າ ແລະ ຍາວນານ, ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງຊາດ, ຂອງພັກ, ຂອງກອງທັບ, ຂອງເຫຼົ່າຮົບປືນໃຫຍ່ໜ້າດິນ ກໍຄືຂອງກົມກອງເຂົ້າໃນການເຄື່ອນໄຫວຈັດຕັ້ງປະຕິບັດວຽກງານຕາມພາລະບົດບາດ, ໜ້າທີ່ການເມືອງຂອງກົມກອງໃຫ້ເກີດດອກອອກຜົນ ເພື່ອກຽມພ້ອມເຮັດສໍາເລັດໜ້າທີ່ວຽກງານຕາມຄວາມໄວ້ເນື້ອເຊື່ອໃຈຂອງພັກ-ລັດຖະບານ, ຂອງກອງທັບ ແລະ ປະຊາຊົນລາວບັນດາເຜົ່າມອບໝາຍໃຫ້.
