ໂດຍ: ບຸນຕອມ
ທ່ານນາງອິນລາວັນແກ້ວບຸນພັນຮອງປະທານສູນກາງແນວສ້າງຊາດໄດ້ສະເໜີກ່ຽວກັບແນວຄິດຊີ້ນຳຂອງປະທານ ຄຳໄຕ ສີພັນດອນ ກ່ຽວກັບວຽກງານແນວໂຮມ ແລະວຽກງານມະຫາຊົນຕໍ່ກອງປະຊຸມສຳມະນາວິທະຍາສາດລະດັບຊາດໃນໂອກາດລະນຶກວັນເກີດປະທານຄຳໄຕ ສີພັນດອນຄົບຮອບ 100 ປີ(ວັນທີ 8 ກຸມພາ 1924 ຫາວັນທີ 8 ທັນວາ 2024)ທີ່ແຂວງຫົວພັນ.
ທ່ານນາງອິນລາວັນແກ້ວບຸນພັນກ່າວວ່າ: ປະທານຄຳໄຕ ສີພັນດອນ ເປັນໜຶ່ງໃນບັນດາທ່ານຜູ້ນຳຮຸ່ນທຳອິດຂອງພັກເຮົາທີ່ໄດ້ປະກອບສ່ວນອັນສຳຄັນໃຫຍ່ຫຼວງເຂົ້າໃນການຈັດຕັ້ງນຳພາໆລະກິດຂອງພັກ, ຂອງການປະຕິວັດລາວໃນການນໍາພາປະຊາຊົນບັນດາເຜົ່າດຳເນີນການຕໍ່ສູ້ອັນຍືດເຍື້ອຍາວນານຕ້ານພວກລ່າເມືອງຂຶ້ນແບບເກົ່າ ແລະ ແບບໃໝ່, ຈົນສໍາເລັດພາລະກິດໃນການປົດປ່ອຍຊາດ.ຈາກນັ້ນໄດ້ສືບຕໍ່ຮ່ວມກັບຜູ້ນຳພັກ-ລັດນຳພາປວງຊົນລາວທັງຊາດປະຕິບັດແນວທາງປ່ຽນໃໝ່ຮອບດ້ານຢ່າງມີຫຼັກການຂອງພັກ, ການຈັດຕັ້ງປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ ໄດ້ຮັບຜົນສຳເລັດເປັນກ້າວໆມາ, ບົດບາດອັນໂດດເດັ່ນຂອງປະທານ ຄຳໄຕ ສີພັນດອນ, ກ່ອນອື່ນໝົດແມ່ນຕິດພັນກັບການນຳພາຊີ້ນຳກຳລັງປະກອບອາວຸດ ແລະ ຕິດພັນກັບການກໍ່ສ້າງ ແລະ ຂະຫຍາຍຂະບວນການປະຕິວັດຂອງມະຫາຊົນ, ຖືປະຊາຊົນເປັນບໍ່ເກີດຂອງຂະບວນການທັງເປັນກຳລັງແຮງທີ່ຊະນະເລີດ ແລະ ບໍ່ເຫືອດແຫ້ງຂອງການປະຕິວັດ. ຕໍ່ກັບວຽກງານມະຫາຊົນໃນໄລຍະທີ່ປະທານ ຄຳໄຕ ສີພັນດອນ ເປັນປະທານພັກ ປະຊາຊົນປະຕິວັດລາວ ໄດ້ຕາງໜ້າກົມການເມືອງສູນກາງພັກລົງລາຍເຊັນມະຕິກົມການເມືອງສູນກາງພັກ ປະຊາຊົນປະຕິວັດລາວເລກທີ 05/ກມສພ, ລົງວັນທີ 19 ກຸມພາ 1993 ກ່ຽວກັບວຽກງານມະຫາຊົນຂອງພັກໃນໄລຍະໃໝ່; ມະຕິດັ່ງກ່າວມີເນື້ອໃນສຳຄັນໄດ້ກາຍເປັນບ່ອນອີງ ພ້ອມທັງເປັນທິດທາງການປ່ຽນແປງໃໝ່ໃຫ້ແກ່ການປັບປຸງດ້ານການຈັດຕັ້ງ ແລະ ການເຄື່ອນໄຫວຂອງແນວລາວສ້າງຊາດ ແລະ ບັນດາອົງການຈັດຕັ້ງມະຫາຊົນໃນໄລຍະໃໝ່, ນັບທັງການເພີ່ມທະວີການນຳພາຂອງພັກຕໍ່ອົງການຈັດຕັ້ງມະຫາຊົນວ່າ: ຄວນຈັດຕັ້ງສາຍການນຳຂອງພັກໃນແນວລາວສ້າງຊາດ ແລະ ອົງການຈັດຕັ້ງມະຫາຊົນຕ່າງໆຢູ່ຂັ້ນສູນກາງ ມອບໃຫ້ກໍາມະການກົມການເມືອງສະຫາຍໜຶ່ງຮັບຜິດຊອບຊີ້ນຳວຽກງານມະຫາຊົນຂອງພັກ, ຢູ່ຂັ້ນທ້ອງຖິ່ນ (ແຂວງ, ເມືອງ, ຮາກຖານ) ແມ່ນໃຫ້ກຳມະການຄະນະພັກຜູ້ໜຶ່ງຮັບຜິດຊອບວຽກງານມະຫາຊົນ ແລະ ຄວນມີລະບອບການຊີ້ນຳໆພາຂອງຄະນະພັກຕໍ່ບັນດາອົງການຈັດຕັ້ງມະຫາຊົນໃນຂັ້ນຂອງຕົນ.
ປະທານຄຳໄຕ ສີພັນດອນ ມີແບບແຜນວິທີເຮັດວຽກທີ່ຕິດແທດມະຫາຊົນເພິ່ນໝັ່ນລົງຮາກຖານຢ້ຽມຢາມຂັ້ນລຸ່ມ ແລະ ພົບປະປະຊາຊົນເປັນປົກກະຕິ ເພື່ອຊອກຮູ້ຄວາມມຸ້ງມາດປາຖະໜາ ແລະ ຄວາມຂັດຂ້ອງໝອງໃຈຂອງເຂົາເຈົ້າທັງຊອກຮູ້ຜົນກະທົບດ້ານດີ ແລະ ດ້ານອ່ອນຂອງການປະຕິບັດນະໂຍບາຍດ້ານຕ່າງໆ ແນໃສ່ຜັນຂະຫຍາຍດ້ານດີ ແລະ ຈຳກັດດ້ານຂາດຕົກບົກຜ່ອງໃຫ້ທັນເວລາ,ຍາມໃດເພິ່ນກໍໃຫ້ຄວາມສຳຄັນຕໍ່ຄວາມຄິດຄວາມເຫັນຂອງມະຫາຊົນ ເພື່ອເປັນບ່ອນອີງໃຫ້ແກ່ການສະຫຼຸບຕີລາຄາ ແລະ ວາງທິດທາງແກ້ໄຂບັນຫາຕ່າງໆເພີ່ນຖືວ່າການປະຕິວັດແມ່ນພາລະກິດຂອງມະຫາຊົນ, ມະຫາຊົນແມ່ນກຳລັງແຮງມະຫາສານແລະເປັນກຳລັງແຮງທີ່ຊະນະເລີດ, ຖ້າຂະບວນການມະຫາຊົນໄດ້ຮັບການສຶກສາອົບຮົມ,ຈັດຕັ້ງ ແລະ ນຳພາເປັນຢ່າງດີແລ້ວ ມະຫາຊົນກໍຈະສາມາດສ້າງປະຫວັດສາດອັນມະຫັດສະຈັນ.
ທ່ານກ່າວໃຫ້ຮູ້ອີກວ່າ: ແນວຄິດຊີ້ນຳຂອງປະທານ ຄຳໄຕ ສີພັນດອນ ກ່ຽວກັບວຽກງານແນວໂຮມພັກ ແລະ ລັດຖະບານແຫ່ງ ສປປ ລາວ ບໍ່ວ່າໃນຍາມປະເທດຊາດຢູ່ໃນພາວະສົງຄາມທາງດ້ານອາວຸດສົງຄາມທາງດ້ານເສດຖະກິດ ຫຼືຍາມປະເທດຊາດຢູ່ໃນເງື່ອນໄຂສະຫງົບສຸກກໍບໍ່ເຄີຍລະເລີຍວຽກງານປຸກລະດົມຂົນຂວາຍ, ວຽກງານເຕົ້າໂຮມຄວາມສາມັກຄີປອງດອງປະຊາຊົນບັນດາເຜົ່າ, ຍົກສູງຄວາມສະເໝີພາບ, ສິດ ແລະພັນທະຂອງພົນລະເມືອງລາວ, ຊຸກຍູ້ ແລະ ເສີມຂະຫຍາຍມູນເຊື້ອຄວາມສາມັກຄີປອງດອງເຂົ້າໃນທຸກຂົງເຂດວຽກງານໂດຍສະເພາະແມ່ນອົງການແນວລາວສ້າງຊາດຜູ້ທີ່ມີພາລະບົດບາດຕົ້ນຕໍໃນການປຸກລະດົມເຕົ້າໂຮມຄວາມສາມັກຄີປອງດອງປະຊາຊົນບັນດາເຜົ່າ, ຊັ້ນຄົນ, ສາສະໜາ, ເພດ-ໄວ ລວມທັງຄົນເຊື້ອຊາດລາວທີ່ດຳລົງຊີວິດຢູ່ຕ່າງປະເທດ ທີ່ຍັງມີຄວາມຮັກຊາດແພງເຊື້ອໃຫ້ພ້ອມກັນເອົາໃຈໃສ່ເສີມຂະຫຍາຍ ແລະ ຮັກສາມູນເຊື້ອດຸໝັ່ນ, ອົງອາດກ້າແກ່ນ ແລະ ມູນເຊື້ອສາມັກຄີປອງດອງເປັນສຳຄັນ. ດັ່ງປະທານ ຄຳໄຕ ສີພັນດອນ ໄດ້ເວົ້າວ່າ:ມະຫາສາມັກຄີທົ່ວປວງຊົນທັງຊາດແມ່ນມູນເຊື້ອອັນສັກກາລະບູຊາໃນຕະຫຼອດໄລຍະປະຫວັດສາດ ອັນຍືດເຍື້ອຍາວນານແຫ່ງການກໍ່ຕັ້ງ, ຄົງຕົວ ແລະ ຂະຫຍາຍຕົວຂອງຊາດລາວເຮົາ ນັ້ນແມ່ນມູນມໍລະດົກອັນລໍ້າຄ່າຫາຍາກ ແລະ ຍັງເປັນທັງບົດຮຽນອັນປະເສີດຂອງຊາດລາວເຮົາ ຊຶ່ງໄດ້ຮັບການສືບທອດ ແລະ ເສີມຂະຫຍາຍໃຫ້ສູງເດັ່ນຍິ່ງຂຶ້ນ ກາຍເປັນກຳລັງແຮງອັນມະຫາສານພາຍໃຕ້ການນຳພາຂອງພັກ, ເຮັດໃຫ້ພວກເຮົາສາມາດຕີເອົາຊະນະຜູ້ຮຸກຮານທີ່ຮັ່ງມີ ແລະ ເຂັ້ມແຂງລື່ນຕົນຕັ້ງຫຼາຍໆເທົ່າ, ຍາດໄດ້ຄວາມເປັນເອກະລາດແຫ່ງຊາດມາສູ່ປິຕຸພູມຂອງພວກເຮົາໃນການປະຕິວັດຊາດ-ປະຊາທິປະໄຕໃນເມື່ອກ່ອນ ກໍຄືຍາດໄດ້ໄຊຊະນະອັນໃຫຍ່ຫຼວງຫຼາຍດ້ານໃນການປະຕິບັດສອງໜ້າທີ່ຍຸດທະສາດ ແລະ ພາລະກິດການປ່ຽນແປງໃໝ່ຮອບດ້ານໃນປັດຈຸບັນ.
ທ່ານນາງອິນລາວັນແກ້ວບຸນພັນຮອງປະທານສູນກາງແນວສ້າງຊາດໄດ້ສະເໜີກ່ຽວກັບແນວຄິດຊີ້ນຳຂອງປະທານ ຄຳໄຕ ສີພັນດອນ ກ່ຽວກັບວຽກງານແນວໂຮມ ແລະວຽກງານມະຫາຊົນຕໍ່ກອງປະຊຸມສຳມະນາວິທະຍາສາດລະດັບຊາດໃນໂອກາດລະນຶກວັນເກີດປະທານຄຳໄຕ ສີພັນດອນຄົບຮອບ 100 ປີ(ວັນທີ 8 ກຸມພາ 1924 ຫາວັນທີ 8 ທັນວາ 2024)ທີ່ແຂວງຫົວພັນ.
ທ່ານນາງອິນລາວັນແກ້ວບຸນພັນກ່າວວ່າ: ປະທານຄຳໄຕ ສີພັນດອນ ເປັນໜຶ່ງໃນບັນດາທ່ານຜູ້ນຳຮຸ່ນທຳອິດຂອງພັກເຮົາທີ່ໄດ້ປະກອບສ່ວນອັນສຳຄັນໃຫຍ່ຫຼວງເຂົ້າໃນການຈັດຕັ້ງນຳພາໆລະກິດຂອງພັກ, ຂອງການປະຕິວັດລາວໃນການນໍາພາປະຊາຊົນບັນດາເຜົ່າດຳເນີນການຕໍ່ສູ້ອັນຍືດເຍື້ອຍາວນານຕ້ານພວກລ່າເມືອງຂຶ້ນແບບເກົ່າ ແລະ ແບບໃໝ່, ຈົນສໍາເລັດພາລະກິດໃນການປົດປ່ອຍຊາດ.ຈາກນັ້ນໄດ້ສືບຕໍ່ຮ່ວມກັບຜູ້ນຳພັກ-ລັດນຳພາປວງຊົນລາວທັງຊາດປະຕິບັດແນວທາງປ່ຽນໃໝ່ຮອບດ້ານຢ່າງມີຫຼັກການຂອງພັກ, ການຈັດຕັ້ງປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ ໄດ້ຮັບຜົນສຳເລັດເປັນກ້າວໆມາ, ບົດບາດອັນໂດດເດັ່ນຂອງປະທານ ຄຳໄຕ ສີພັນດອນ, ກ່ອນອື່ນໝົດແມ່ນຕິດພັນກັບການນຳພາຊີ້ນຳກຳລັງປະກອບອາວຸດ ແລະ ຕິດພັນກັບການກໍ່ສ້າງ ແລະ ຂະຫຍາຍຂະບວນການປະຕິວັດຂອງມະຫາຊົນ, ຖືປະຊາຊົນເປັນບໍ່ເກີດຂອງຂະບວນການທັງເປັນກຳລັງແຮງທີ່ຊະນະເລີດ ແລະ ບໍ່ເຫືອດແຫ້ງຂອງການປະຕິວັດ. ຕໍ່ກັບວຽກງານມະຫາຊົນໃນໄລຍະທີ່ປະທານ ຄຳໄຕ ສີພັນດອນ ເປັນປະທານພັກ ປະຊາຊົນປະຕິວັດລາວ ໄດ້ຕາງໜ້າກົມການເມືອງສູນກາງພັກລົງລາຍເຊັນມະຕິກົມການເມືອງສູນກາງພັກ ປະຊາຊົນປະຕິວັດລາວເລກທີ 05/ກມສພ, ລົງວັນທີ 19 ກຸມພາ 1993 ກ່ຽວກັບວຽກງານມະຫາຊົນຂອງພັກໃນໄລຍະໃໝ່; ມະຕິດັ່ງກ່າວມີເນື້ອໃນສຳຄັນໄດ້ກາຍເປັນບ່ອນອີງ ພ້ອມທັງເປັນທິດທາງການປ່ຽນແປງໃໝ່ໃຫ້ແກ່ການປັບປຸງດ້ານການຈັດຕັ້ງ ແລະ ການເຄື່ອນໄຫວຂອງແນວລາວສ້າງຊາດ ແລະ ບັນດາອົງການຈັດຕັ້ງມະຫາຊົນໃນໄລຍະໃໝ່, ນັບທັງການເພີ່ມທະວີການນຳພາຂອງພັກຕໍ່ອົງການຈັດຕັ້ງມະຫາຊົນວ່າ: ຄວນຈັດຕັ້ງສາຍການນຳຂອງພັກໃນແນວລາວສ້າງຊາດ ແລະ ອົງການຈັດຕັ້ງມະຫາຊົນຕ່າງໆຢູ່ຂັ້ນສູນກາງ ມອບໃຫ້ກໍາມະການກົມການເມືອງສະຫາຍໜຶ່ງຮັບຜິດຊອບຊີ້ນຳວຽກງານມະຫາຊົນຂອງພັກ, ຢູ່ຂັ້ນທ້ອງຖິ່ນ (ແຂວງ, ເມືອງ, ຮາກຖານ) ແມ່ນໃຫ້ກຳມະການຄະນະພັກຜູ້ໜຶ່ງຮັບຜິດຊອບວຽກງານມະຫາຊົນ ແລະ ຄວນມີລະບອບການຊີ້ນຳໆພາຂອງຄະນະພັກຕໍ່ບັນດາອົງການຈັດຕັ້ງມະຫາຊົນໃນຂັ້ນຂອງຕົນ.
ປະທານຄຳໄຕ ສີພັນດອນ ມີແບບແຜນວິທີເຮັດວຽກທີ່ຕິດແທດມະຫາຊົນເພິ່ນໝັ່ນລົງຮາກຖານຢ້ຽມຢາມຂັ້ນລຸ່ມ ແລະ ພົບປະປະຊາຊົນເປັນປົກກະຕິ ເພື່ອຊອກຮູ້ຄວາມມຸ້ງມາດປາຖະໜາ ແລະ ຄວາມຂັດຂ້ອງໝອງໃຈຂອງເຂົາເຈົ້າທັງຊອກຮູ້ຜົນກະທົບດ້ານດີ ແລະ ດ້ານອ່ອນຂອງການປະຕິບັດນະໂຍບາຍດ້ານຕ່າງໆ ແນໃສ່ຜັນຂະຫຍາຍດ້ານດີ ແລະ ຈຳກັດດ້ານຂາດຕົກບົກຜ່ອງໃຫ້ທັນເວລາ,ຍາມໃດເພິ່ນກໍໃຫ້ຄວາມສຳຄັນຕໍ່ຄວາມຄິດຄວາມເຫັນຂອງມະຫາຊົນ ເພື່ອເປັນບ່ອນອີງໃຫ້ແກ່ການສະຫຼຸບຕີລາຄາ ແລະ ວາງທິດທາງແກ້ໄຂບັນຫາຕ່າງໆເພີ່ນຖືວ່າການປະຕິວັດແມ່ນພາລະກິດຂອງມະຫາຊົນ, ມະຫາຊົນແມ່ນກຳລັງແຮງມະຫາສານແລະເປັນກຳລັງແຮງທີ່ຊະນະເລີດ, ຖ້າຂະບວນການມະຫາຊົນໄດ້ຮັບການສຶກສາອົບຮົມ,ຈັດຕັ້ງ ແລະ ນຳພາເປັນຢ່າງດີແລ້ວ ມະຫາຊົນກໍຈະສາມາດສ້າງປະຫວັດສາດອັນມະຫັດສະຈັນ.
ທ່ານກ່າວໃຫ້ຮູ້ອີກວ່າ: ແນວຄິດຊີ້ນຳຂອງປະທານ ຄຳໄຕ ສີພັນດອນ ກ່ຽວກັບວຽກງານແນວໂຮມພັກ ແລະ ລັດຖະບານແຫ່ງ ສປປ ລາວ ບໍ່ວ່າໃນຍາມປະເທດຊາດຢູ່ໃນພາວະສົງຄາມທາງດ້ານອາວຸດສົງຄາມທາງດ້ານເສດຖະກິດ ຫຼືຍາມປະເທດຊາດຢູ່ໃນເງື່ອນໄຂສະຫງົບສຸກກໍບໍ່ເຄີຍລະເລີຍວຽກງານປຸກລະດົມຂົນຂວາຍ, ວຽກງານເຕົ້າໂຮມຄວາມສາມັກຄີປອງດອງປະຊາຊົນບັນດາເຜົ່າ, ຍົກສູງຄວາມສະເໝີພາບ, ສິດ ແລະພັນທະຂອງພົນລະເມືອງລາວ, ຊຸກຍູ້ ແລະ ເສີມຂະຫຍາຍມູນເຊື້ອຄວາມສາມັກຄີປອງດອງເຂົ້າໃນທຸກຂົງເຂດວຽກງານໂດຍສະເພາະແມ່ນອົງການແນວລາວສ້າງຊາດຜູ້ທີ່ມີພາລະບົດບາດຕົ້ນຕໍໃນການປຸກລະດົມເຕົ້າໂຮມຄວາມສາມັກຄີປອງດອງປະຊາຊົນບັນດາເຜົ່າ, ຊັ້ນຄົນ, ສາສະໜາ, ເພດ-ໄວ ລວມທັງຄົນເຊື້ອຊາດລາວທີ່ດຳລົງຊີວິດຢູ່ຕ່າງປະເທດ ທີ່ຍັງມີຄວາມຮັກຊາດແພງເຊື້ອໃຫ້ພ້ອມກັນເອົາໃຈໃສ່ເສີມຂະຫຍາຍ ແລະ ຮັກສາມູນເຊື້ອດຸໝັ່ນ, ອົງອາດກ້າແກ່ນ ແລະ ມູນເຊື້ອສາມັກຄີປອງດອງເປັນສຳຄັນ. ດັ່ງປະທານ ຄຳໄຕ ສີພັນດອນ ໄດ້ເວົ້າວ່າ:ມະຫາສາມັກຄີທົ່ວປວງຊົນທັງຊາດແມ່ນມູນເຊື້ອອັນສັກກາລະບູຊາໃນຕະຫຼອດໄລຍະປະຫວັດສາດ ອັນຍືດເຍື້ອຍາວນານແຫ່ງການກໍ່ຕັ້ງ, ຄົງຕົວ ແລະ ຂະຫຍາຍຕົວຂອງຊາດລາວເຮົາ ນັ້ນແມ່ນມູນມໍລະດົກອັນລໍ້າຄ່າຫາຍາກ ແລະ ຍັງເປັນທັງບົດຮຽນອັນປະເສີດຂອງຊາດລາວເຮົາ ຊຶ່ງໄດ້ຮັບການສືບທອດ ແລະ ເສີມຂະຫຍາຍໃຫ້ສູງເດັ່ນຍິ່ງຂຶ້ນ ກາຍເປັນກຳລັງແຮງອັນມະຫາສານພາຍໃຕ້ການນຳພາຂອງພັກ, ເຮັດໃຫ້ພວກເຮົາສາມາດຕີເອົາຊະນະຜູ້ຮຸກຮານທີ່ຮັ່ງມີ ແລະ ເຂັ້ມແຂງລື່ນຕົນຕັ້ງຫຼາຍໆເທົ່າ, ຍາດໄດ້ຄວາມເປັນເອກະລາດແຫ່ງຊາດມາສູ່ປິຕຸພູມຂອງພວກເຮົາໃນການປະຕິວັດຊາດ-ປະຊາທິປະໄຕໃນເມື່ອກ່ອນ ກໍຄືຍາດໄດ້ໄຊຊະນະອັນໃຫຍ່ຫຼວງຫຼາຍດ້ານໃນການປະຕິບັດສອງໜ້າທີ່ຍຸດທະສາດ ແລະ ພາລະກິດການປ່ຽນແປງໃໝ່ຮອບດ້ານໃນປັດຈຸບັນ.
