ກະຊວງພາຍໃນ ໄດ້ຈັດກອງປະຊຸມເຜີຍແຜ່ເຊື່ອມຊຶມເອກະສານສໍາຄັນຂອງພັກ-ຂອງຊາດ ຄື: ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ7 ສະໄໝທີ XI, ຫວນຄືນມູນເຊື້ອ ວັນຊາດທີ 2 ທັນວາ ຄົບຮອບ 48ປີ,ວັນເກີດປະທານໄກສອນ ພົມວິຫານ ຄົບຮອບ 103ປີ, ການສະເຫຼີມສະຫຼອງວັນເກີດປະທານຄໍາໄຕ ສີພັນດອນ ຄົບຮອບ 100ປີ, ວັນສ້າງຕັ້ງກອງທັບປະຊາຊົນປະຕິວັດລາວ ຄົບຮອບ75ປີ ຂຶ້ນໃນວັນທີ 14ທັນວານີ້ ທີ່ຫ້ອງປະຊຸມຂອງກະຊວງດັ່ງກ່າວ ໂດຍມີທ່ານ ນິສິດ ແກ້ວປັນຍາ ຮອງເລຂາຄະນະພັກກະຊວງພາຍໃນ, ທ່ານ ນາງ ລີວົງ ລາວລີ ກໍາມະການສໍາຮອງສູນກາງພັກ ຄະນະປະຈໍາພັກກະຊວງ ຮອງລັດຖະມົນຕີກະຊວງພາຍໃນ, ພ້ອມດ້ວຍສະມາຊິກພັກ,ພະນັກງານ-ລັດຖະກອນເຂົ້າຮ່ວມ.
ທ່ານ ນາງລີວົງ ລາວລີ ໄດ້ໃຫ້ກຽດເຜີຍແຜ່ ມະຕິກອງປະຊຸມຄົບຄະນະ ບໍລິຫານງານສູນກາງພັກ ຄັ້ງທີ 7 ສະໄໝທີ XI ວ່າ: ກອງປະຊຸມດັ່ງກ່າວ ຈັດຂຶ້ນໃນລະຫວ່າງວັນທີ 23-26 ຕຸລາ 2023 ທີ່ຫ້ອງວ່າການສູນກາງພັກ ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວປະທານປະເທດ ແຫ່ງ ສປປ ລາວ, ກອງປະຊຸມ ດໍາເນີນບົນຈິດໃຈຍົກສູງຄວາມຮັບຜິດຊອບການເມືອງ,ໄດ້ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາປະຈຳປີ 2023 ແລະ ທິດທາງແຜນການ ປະຈຳປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂຢາເສບຕິດ, ໄດ້ເປັນເອກະພາບສູງຕີລາຄາວ່າ: ດ້ວຍຄວາມບຸກບືນສູ້ຊົນຂອງທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ການຈັດຕັ້ງປະຕິບັດບັນດາແຜນໄດ້ດໍາເນີນໄປຢ່າງຕໍ່ເນື່ອງ, ຄາດຄະເນໝົດປີ 2023 GDP ຈະຂະຫຍາຍຕົວໃນລະດັບ 4,2%, ອັດຕາເງິນເຟີ້ຍັງສູງ ແຕ່ກໍມີທ່າອ່ຽງຫຼຸດລົງ ຈາກ 41,26% ໃນເດືອນກຸມພາ ຫຼຸດລົງມາຢູ່ທີ່ 25,69% ໃນເດືອນກັນຍາ 2023, ການຊຳລະໜີ້ສິນຕ່າງປະເທດ ປະຕິບັດໄດ້ຕາມແຜນ, ກອງປະຊຸມໄດ້ຮັບຮອງເອົາໃນດ້ານຫຼັກການຕໍ່ທິດທາງ, ແຜນການປະຈຳປີ 2024 ໂດຍເນັ້ນໜັກບັນຫາຈໍານວນໜຶ່ງ ເພື່ອໃຫ້ລັດຖະບານເອົາໃຈໃສ່ປັບປຸງ ແລ້ວນໍາສະເໜີຜ່ານກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ຄື: ແຜນການປີ 2024 ຕ້ອງເປັນແຜນທີ່ບຸກບືນສູ້ຊົນສູງ ແລະ ທັງຕ້ອງມີລັກສະນະບຸກທະລຸຢ່າງແຂງແຮງ ແລະ ມີຈຸດສຸມແນໃສ່ສ້າງພື້ນຖານ ແລະ ທ່ວງທ່າໜັກແໜ້ນ ໃຫ້ແກ່ປີມ້ວນທ້າຍແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ດ້ວຍຜົນສໍາເລັດຕາມເປົ້າໝາຍ ແລະ ອື່ນໆອີກ.
ກອງປະຊຸມ ໄດ້ວາງຈຸດສຸມນໍາພາຊີ້ນຳ ຂອງຄະນະບໍລິຫານງານສູນກາງພັກ ແຕ່ນີ້ຮອດກອງປະຊຸມຄົບຄະນະ ຄັ້ງທີ 8 ສະໄໝທີ XI ຄື: ຊີ້ນຳການຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງ, ຄວາມໝັ້ນຄົງ ຂອງປະເທດຊາດ ໃຫ້ໜັກແໜ້ນ, ສັງຄົມໃຫ້ມີຄວາມສະຫງົບປອດໄພ, ສືບຕໍ່ຊີ້ນໍາຄະນະສະເພາະກິດ 19/ກມສພ ສຸມໃສ່ການແກ້ໄຂບັນຫາເຄັ່ງຮ້ອນ ແລະ ຄວາມຫຍຸ້ງຍາກດ້ານເສດຖະກິດ-ການເງິນ ໃຫ້ມີທ່ວງທ່າ ແລະ ການຫັນປ່ຽນໃໝ່, ຊີ້ນໍາການ ຈັດຕັ້ງ ແລະ ການເຄື່ອນໄຫວ ຂອງຄະນະປະຕິຮູບລັດວິສາຫະກິດ ໃຫ້ເປັນລະບົບ ແລະ ເພື່ອແກ້ໄຂບັນຫາແລະ ວຽກງານອື່ນໆ.
ນອກຈາກນັ້ນ, ບັນດາຜູ້ເຂົ້າຮ່ວມປະຊຸມ ຍັງໄດ້ຮັບຟັງ ຫວນຄືນມູນເຊື້ອ ວັນຊາດທີ 2 ທັນວາ ຄົບຮອບ 48ປີ,ວັນເກີດປະທານໄກສອນ ພົມວິຫານ ຄົບຮອບ 103ປີ, ສະເຫຼີມສະຫຼອງວັນເກີດປະທານຄໍາໄຕ ສີພັນດອນ ຄົບຮອບ 100ປີ, ວັນສ້າງຕັ້ງກອງທັບປະຊາຊົນປະຕິວັດລາວ ຄົບຮອບ75ປີ.
(ຂ່າວ-ພາບ: ແສງຈັນ)
ທ່ານ ນາງລີວົງ ລາວລີ ໄດ້ໃຫ້ກຽດເຜີຍແຜ່ ມະຕິກອງປະຊຸມຄົບຄະນະ ບໍລິຫານງານສູນກາງພັກ ຄັ້ງທີ 7 ສະໄໝທີ XI ວ່າ: ກອງປະຊຸມດັ່ງກ່າວ ຈັດຂຶ້ນໃນລະຫວ່າງວັນທີ 23-26 ຕຸລາ 2023 ທີ່ຫ້ອງວ່າການສູນກາງພັກ ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວປະທານປະເທດ ແຫ່ງ ສປປ ລາວ, ກອງປະຊຸມ ດໍາເນີນບົນຈິດໃຈຍົກສູງຄວາມຮັບຜິດຊອບການເມືອງ,ໄດ້ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາປະຈຳປີ 2023 ແລະ ທິດທາງແຜນການ ປະຈຳປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂຢາເສບຕິດ, ໄດ້ເປັນເອກະພາບສູງຕີລາຄາວ່າ: ດ້ວຍຄວາມບຸກບືນສູ້ຊົນຂອງທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ການຈັດຕັ້ງປະຕິບັດບັນດາແຜນໄດ້ດໍາເນີນໄປຢ່າງຕໍ່ເນື່ອງ, ຄາດຄະເນໝົດປີ 2023 GDP ຈະຂະຫຍາຍຕົວໃນລະດັບ 4,2%, ອັດຕາເງິນເຟີ້ຍັງສູງ ແຕ່ກໍມີທ່າອ່ຽງຫຼຸດລົງ ຈາກ 41,26% ໃນເດືອນກຸມພາ ຫຼຸດລົງມາຢູ່ທີ່ 25,69% ໃນເດືອນກັນຍາ 2023, ການຊຳລະໜີ້ສິນຕ່າງປະເທດ ປະຕິບັດໄດ້ຕາມແຜນ, ກອງປະຊຸມໄດ້ຮັບຮອງເອົາໃນດ້ານຫຼັກການຕໍ່ທິດທາງ, ແຜນການປະຈຳປີ 2024 ໂດຍເນັ້ນໜັກບັນຫາຈໍານວນໜຶ່ງ ເພື່ອໃຫ້ລັດຖະບານເອົາໃຈໃສ່ປັບປຸງ ແລ້ວນໍາສະເໜີຜ່ານກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ຄື: ແຜນການປີ 2024 ຕ້ອງເປັນແຜນທີ່ບຸກບືນສູ້ຊົນສູງ ແລະ ທັງຕ້ອງມີລັກສະນະບຸກທະລຸຢ່າງແຂງແຮງ ແລະ ມີຈຸດສຸມແນໃສ່ສ້າງພື້ນຖານ ແລະ ທ່ວງທ່າໜັກແໜ້ນ ໃຫ້ແກ່ປີມ້ວນທ້າຍແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ດ້ວຍຜົນສໍາເລັດຕາມເປົ້າໝາຍ ແລະ ອື່ນໆອີກ.
ກອງປະຊຸມ ໄດ້ວາງຈຸດສຸມນໍາພາຊີ້ນຳ ຂອງຄະນະບໍລິຫານງານສູນກາງພັກ ແຕ່ນີ້ຮອດກອງປະຊຸມຄົບຄະນະ ຄັ້ງທີ 8 ສະໄໝທີ XI ຄື: ຊີ້ນຳການຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງ, ຄວາມໝັ້ນຄົງ ຂອງປະເທດຊາດ ໃຫ້ໜັກແໜ້ນ, ສັງຄົມໃຫ້ມີຄວາມສະຫງົບປອດໄພ, ສືບຕໍ່ຊີ້ນໍາຄະນະສະເພາະກິດ 19/ກມສພ ສຸມໃສ່ການແກ້ໄຂບັນຫາເຄັ່ງຮ້ອນ ແລະ ຄວາມຫຍຸ້ງຍາກດ້ານເສດຖະກິດ-ການເງິນ ໃຫ້ມີທ່ວງທ່າ ແລະ ການຫັນປ່ຽນໃໝ່, ຊີ້ນໍາການ ຈັດຕັ້ງ ແລະ ການເຄື່ອນໄຫວ ຂອງຄະນະປະຕິຮູບລັດວິສາຫະກິດ ໃຫ້ເປັນລະບົບ ແລະ ເພື່ອແກ້ໄຂບັນຫາແລະ ວຽກງານອື່ນໆ.
ນອກຈາກນັ້ນ, ບັນດາຜູ້ເຂົ້າຮ່ວມປະຊຸມ ຍັງໄດ້ຮັບຟັງ ຫວນຄືນມູນເຊື້ອ ວັນຊາດທີ 2 ທັນວາ ຄົບຮອບ 48ປີ,ວັນເກີດປະທານໄກສອນ ພົມວິຫານ ຄົບຮອບ 103ປີ, ສະເຫຼີມສະຫຼອງວັນເກີດປະທານຄໍາໄຕ ສີພັນດອນ ຄົບຮອບ 100ປີ, ວັນສ້າງຕັ້ງກອງທັບປະຊາຊົນປະຕິວັດລາວ ຄົບຮອບ75ປີ.
(ຂ່າວ-ພາບ: ແສງຈັນ)
