ເພື່ອຕ້ອນຮັບປີທ່ອງທ່ຽວລາວ 2024 ໃຫ້ມີບັນຍາກາດ ແລະ ເປັນຂະບວນການຟົດຟື້ນ, ທ່ານ ຈູ ປະທານບໍລິສັດທ່ອງທ່ຽວຮ່ວມສາຍນໍ້າຂອງໄດ້ໃຫ້ສໍາພາດຕໍ່ຜູ້ສື່ຂ່າວວ່າ: ທາງບໍລິສັດທ່ອງທ່ຽວຮ່ວມສາຍນໍ້າຂອງ ແຂວງຢູນນານ ສປ ຈີນ ທີ່ໄດ້ເຂົ້າມາລົງທຶນຢູ່ເຂດເສດຖະກິດພິເສດບໍ່ເຕ່ນແດນງາມ ແຂວງຫຼວງ ນໍ້າທາ ແມ່ນບໍລິສັດໜຶ່ງທີ່ເອົາໃຈໃສ່ໃຫ້ຄວາມສໍາຄັນແກ່ປີທ່ອງທ່ຽວລາວ 2024 ທີ່ຈະມາເຖິງ, ທາງບໍລິສັດໄດ້ເອົາໃຈໃສ່ສ້າງສິ່ງຮອງຮັບໃຫ້ແກ່ນັກທ່ອງທ່ຽວ ໂດຍມີການກະກຽມຄວາມພ້ອມສໍາລັບການທ່ອງທ່ຽວຂ້າມແດນ ໂດຍໃຊ້ບັດຜ່ານແດນສະເພາະນັກທ່ອງທ່ຽວ ທີ່ຈະເຂົ້າມາທ່ຽວໃນປະເທດລາວ ເປັນຕົ້ນແມ່ນແຂວງຫຼວງນໍ້າທາ ແລະ ແຂວງບໍ່ແກ້ວ. ນອກຈາກນີ້ຍັງມີເສັ້ນທາງລົດໄຟເຊື່ອມໂຍງສອງຊາດລາວ-ຈີນ ທີ່ສາມາດເດີນທາງເຖິງແຂວງຫຼວງພະບາງ, ເມືອງວັງວຽງ ແລະ ນະຄອນຫຼວງວຽງຈັນ ໂດຍສະເພາະບໍລິ ສັດທ່ອງທ່ຽວຮ່ວມສາຍນໍ້າຂອງ ທີ່ຕັ້ງຢູ່ເຂດເສດຖະກິດພິເສດບໍ່ເຕ່ນແດນງາມ, ພ້ອມນີ້ຍັງມີຮ້ານປະດັບເພັດພອຍ, ຮ້ານຢາງພາລາປອດພາສີ, ໂຮງສະແດງສິລະປະ ແລະ ໂຮງແຮມທີ່ກຽມພ້ອມຮັບນັກທ່ອງທ່ຽວຊາວຈີນທີ່ຈະເຂົ້າມາທ່ອງທ່ຽວໃນລາວ ຫຼືນັກທ່ອງທ່ຽວລາວ ແລະ ຊາວຕ່າງຊາດໄປທ່ອງທ່ຽວຢູ່ປະເທດຈີນ ສາມາດມາພັກ ແລະ ທ່ອງທ່ຽວຢູ່ເຂດເສດຖະກິດພິເສດບໍ່ເຕ່ນແດນງາມ.
 ຂ່າວ: ສົມພອນ