ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງໄຊສົມບູນ ເຊັນສັນຍາຮ່ວມມືກັບທະນະຄານພັດທະນາລາວ (ທພລ) ສາຂາແຂວງໄຊສົມບູນ ກ່ຽວກັບການໃຫ້ບໍລິການໂອນເງິນເດືອນຜ່ານລະບົບ ທພລຫວ່າງບໍ່ດົນມານີ້ ທີ່ແຂວງໄຊສົມບູນ ຕາງໜ້າເຊັນໂດຍທ່ານ ອຸເດືອນ ໄຊຍະວົງ ຫົວໜ້າທະນາຄານພັດທະນາລາວ ສາຂາ ແຂວງໄຊສົມບູນ ແລະ ທ່ານ ທົງສະວັນ ໂພສະລາດ ຫົວໜ້າພະແນກ ຖວທ ແຂວງໄຊສົມບູນ ພ້ອມດ້ວຍພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ຈຸດປະສົງ ເພື່ອເປັນການສະໜອງ ການບໍລິການເບີກຈ່າຍໂອນເງິນເດືອນ ແລະ ເງິນຊ່ວຍເຫຼືອອື່ນໆ ຜ່ານລະບົບທພລ ສາຂາ ແຂວງໄຊສົມບູນ ໃຫ້ພະນັກງານທີ່ຂຶ້ນກັບພະແນກ ຖວທ ແຂວງໄຊສົມບູນ ທັງເປັນຊ່ອງທາງໃນການອໍານວຍຄວາມສະດວກໃຫ້ພະນັກງານ ເຂົ້າເຖິງບັນດາຜະລິດຕະພັນການບໍລິການຂອງທະນະຄານ ເປັນຕົ້ນບັດ ATM, LDB Trust, SMS Alert ແລະ ຜະລິດຕະພັນເອເລັກໂຕຣນິກອື່ນໆ ຂອງທະນາຄານເພື່ອໃຊ້ຖອນເງິນສົດ ແລະ ດໍາເນີນທຸລະກິດທາງດ້ານການເງິນຕ່າງໆ. ສໍາລັບການກໍານົດເວລາຂອງສັນຍາແມ່ນໃນໄລຍະ 5 ປີ.

ຂ່າວ-ພາບ: ຕູດ ຄໍາພໍໃຈ